Monday, August 28, 2006

عسارة أكل


فيني طبع بايخ بقولكم عليه ، وايد أتعسر بالأكل إذا كنت يوعانه ، أفضل آنام بدون أكل و لا إني آكل توست و جبن .

هالأيام ما آكل إلا وجبه وحدة الساعة 7:30 و أغلب الوقت آلاقي أحد يساعدي إني آكل أو أصبر ساعة و آكل مرة وحدة غدي و عشا بلقمة وحدة.

اليوم كان عطلة و كل من لاهي بعايلته ، يعني محد حوووليي ، ريلي ما يواطن يتعشي بالسبع، و الريال ماكل غذا مطبق سمك و شبعان وقايلي ما أبي أتعشي لأن مثقل بالغذا.

ألحين شسوي ! يوعاناااااا و ما أحب آكل بروحي ! أكسر التيليفون علي ربعي ، كل واحد لاهي و إلا معزووم !

شالحالة حبكت الكل معزوووم!

زوجي قاعد يبني مزرعة و لاهي بالبنيان و الترتيبات فيها عشان إتخلص حق رمضان ، و إمجابل البنه هناك.

أنا: ألوووووووووو يوعانه شسوي ؟ أبي أحد ياكل وياي ما أعرف آكل بروحي !

زوجي: أنا يبيلي ساعة إذا تنطريني ميخالف آكل بس جنه تو الناس إكلي أي شي لييه الساعة تسع!

أنا : واااااااي ماااابي آكل أي شي ما أعرف ، يا أموووت من اليوع يا آكل الحين أكله حلوة !!!

زوجي : ليييش هالعسارة إشحادج! و بعدين أنا مالي خلق أبدل مرة ثانية و أطلع مطعم كشخه ، حدي مالي خلق .

أنا : وااااي و أنا مابي شورما و إلا هالفاست فوووود ، ما إييب راسيييي أقولك ميته من اليووووع !

زوجي : بس ترا كبرتي علي الحركات ، هالحركات يسوونها عيالج مو إنتي

أنا : خلاص خلاص ، يالله باااي أنا أدبر أحد

عصبت و إنقهرت و بجيييييييت بجييييييييييييييييي

و فحطهههههههه

بعد دقيقتين بالضبط

زوجي داق تليفون

زوجي : إنتيييييييييييييي شنووووو هذا ااااااااااااااا

أنا : شنو إشسوييييييت بس بجييييت ما بطلت حلجي !!!

زوجي : تدرين إشصاااار !

أنا: شصاااااااااااار !!!!

زوجي : الصبي إقرصه عقرب و صاحبي رااااح وداه المستشفي و أنا راجع البيييييت !!!

أنا : كاااااااااااااااااااااااااااااااااااااااااااااااااااااااااااااااكككككككك

ألله ما يرضييي سبحانه يدري بقلبي و أنا ما أحن إلا إذا ماعندي أحد و صج صج محتاجتك يعني إشدعوههههههه!!!!!!!!!!!!

زوجي : يبا بقي يروح فيها الريال ما سوت علينا قلنالج إكلي بروحج !!!! بقي يروح ملح !

كل هذا عشاااان عشااااااااا!!!! أنا يااااي ألحييييين البيت !

أنا : و أنا طالعة أيييبلي عشا و مو تقووول يييبيليييييي !!!

زوجي: و الله بتيبيلي و المنه عليييج بعد ، بقى يروح فيها والسبة بطنج !

و إللي يسمعج علي حنتج إبتاكلييين الصحن كله ! لقمتيييين و قمتي !! ما يسوي تبدلنا و طلعتنا بس !

أنا : و الله المهم عندي آكل و أشبع مو مهم الكميه ، وااااااااي أشوه توه فج التعسر يوم قتلي بتيييي ، عشششان ما آكل بروحيييي

هاهاهاهاهاهاهاههاهاه

و دقيت السيارة سلف إشزييني و طلبت من المطعم الإيطالي إللي أحبه أحلا ريزوتو و أحلا رووكا سالد و أحلا بيتزا و أحلا باستا !

إيييييييييي علييي بالعافية و بختمه بآيس كريم باسكن روبنز شوكليت شييب كوكيييز

و بالعافية أم يوسف

هههههههههههههههههههههههههههههههههههههه

22 comments:

Mohammad Al-Yousifi said...

كل السالفة بصوب و انج ما تقولين اسم الايطالي بصوب؟؟


شسم المطعم يوعتيني , متعشي شابورة و جبن صلايص

lawyer said...

هههههههههههههههههههههههههه

انا عقب هالبووووووووووووست
مالج امل اقوووووووولج ما اقدر
او اي عذر ثاني
اخااااااااااف يصي فيني انا شي
ههههههههههههههههه


حياتي انتي والله


ترا سووووووري والله لما دقيتي علي
ماكان عندي التلفون و لما دقيت عليج
كنتي متعشيه
و تتشمتييييييييييين في بو يوسف

زييييييين ماكفاخنا
انتكعكع عليييييييه اشكره
هههههههههههههههههه

lawyer said...

اسسسسسسسسسسسسسمه لابياتزااا

MiSs-ToFa7a said...

اول شي بالعافيه عليج اختي ريما العشااا وانا اقرى عشاج واااااي ما قدرت صراحه اكمل لاني توني ماكله وطاااااااافحه


بس اللي ضحكني انج بجيتي ولو انه اليوع يبجي احيانا لووووووول بس الظاهر شكلك حدج يوعان

واللي كسر خاطري بالموضوع اللي اقرصه العقرب وعليه عليه زين ماراح فيها وعليه عليه

عموما ارد اقول لج بالعافيه هالعشوه :)

Nescafé said...

حرااام مسكين الريّال

احنا عندنا بالبيت الوضع عااادي لما تتغدين تتعشين تتريقين بروحج جنج فاره
حدده عادي

عليييج بالعافيه .. بس والله ضحكتيني صج عسارة أكل

ReLaaaX said...

عليج بمليون تعش الف عافيه



يالله الحمدلله كليتي عني ..




الله ياخذ الرجيم من الدنيا قولي آمين :))))




لا والله احس بالذنب إذا كليت بضمير ..فمن جذيه احب انقنق ولا اكل شي حلو الا بالمناسبات ;p

Anonymous said...

LOL!!!!

tara lail7een ma 3eraft etha kalaitay kel hal akel wela laa :P

"waaaaay yo3anaaaaa BAMOOT BAMOOT!"

LOL!

yallah elmohem bel3afya..bas adri 1/2 il-akel inga6 :P

The Simper said...

mashala.. next time i will be carefull when i say something in REEMA's blog about my food habits :)

Diver said...

شالسالفة هلاايام محد ينتحاجة
انتي طلعتي سيدة و عتيجة نفس الشي
الظاهر لازم تجمعون قواكم و تسوون فريق

Chai-7aleeb said...

الله يهداج

دودهتى الريال

المهم،يا علًه إن شاء الله مداخيل العافيه و شوى شوى على الريال

ما يستاهل هاللبحه منج

3ateeja said...

ألله ما يرضييي سبحانه يدري بقلبي و أنا ما أحن إلا إذا ماعندي أحد و صج صج محتاجتك يعني إشدعوههههههه!!!!!!!!!!!!

ريما
شنو الله ما يرضى بكيفج اهوه
قضاء وقدر
وانتي لابحه على ريلج مو على الصبي
هههههههه
يعني لو سيده جان ريلج اللي صار فيه
صج انا اذا يعت استنزل
الى درجه ما اتصورينها ..
بس ما ابجي ..

دايفر ..انا من نوع ثاني لول

Unknown said...

صحتين

قل اعوذ برب الفلق

الله يستر لا تشورين فينا بروحه حر ومالنا خلق

Яeema said...

أول شي بقول شغله للكل
والله إني مو عوبة و لا دلع ولا شي

بس أنا أحب نفسي و ينكسر خاطري عليها ليه أحد صدها

فا أبجي بيني و بين نفسي

بس ربي حبيبي ما يقصر
ليييش قلبي طيب ياخذ بثاري
هاهاهاها

Яeema said...

kil M6goog :
لا بياستا

هاهاهاها
إذا رجيم أحس شي جبن أبيض مو أصفر


lawyer

إييييه ديري بالج
هاهاهاهاها

إنتي سبب من المشكلة ما أدري وين حاذفة مبايلج 3 ساعات !!؛

loooooooooooooooooooooooool
زوجي روحه رياضيه
هاهاهاها

ما إتشوفينا يوم ييتي من السفر ما قام يقوللي لأ ، بس يا معوده طلعي مجابلتلي هالبلوغات




kitty

إيييييييييييييييييه
سلاطة والله

هاهاهاهاها
الظاهر كان الجو فيه شي كلنا متعسرييييين

يالله ييييب لبريدات

أبي درجة الحرارة إتكون 25 و أشوف إلذا يعت
هاهاها

Яeema said...

miss-tofa7a
يعافيييج و يخلييج يا رب
إيييه أعرف هالشعووور شبعة و إتشوفين طاري أكل

أهوا مو اليوع كثر كسرة الخاطر

و إلا علي قولت أبوي اليوعان ياكل أي شي ، المشكله إحنا ما ناكل أي شي


princess
أبي هالألماسه الوردية إللي حاطو صورتها
10
قراط مو أزيد

يعافيج و يبجيييج




nescafe

لا إحنا مو عادي و كل نتيمع عالغدا و إذا ما تيمعنا عالغذا لازم العشا

عشان جذيه مو متعوده !؛
و إذا سافروا إللي بالبيت ما آكل أطيحله ريد بوول و لاتيييه ليين ألاقيلي أحد ياكل وياي
و إذا ما لقيت فتحت المسنجر و جابلت ربعي و كليت
هاهاهاهاهاهاها

Яeema said...

relaaax
الله يعافيييييييييييييج
يا قلبي

كلمتي المعهودة
لا تقوليين ريجييم
قولي بغير طريقة أكلي للأحسن

يا أختج كل ما إنقول رجيم العزايم إتهل من كل صوووب

أي ضمير أنا آكل بعيووني
معدتي صايره جنها لما إييلنا إرمضان

مايته من اليوع و من تشربين شوربه شبعتي


مشهور
مشكور ما قصرت
;)

mini-r
NO i didnt
i eat all the salad , 2 spone of risotto , 5 spone pasta , i slice pizza vegy

and 1 cup ice-cream

" yal fotheeeeeeeee7aaaaaaaaaa entaaaaaaaaaaaaaaaaaaaaaa "

la ma engel shay !
el7emdillah 3indena afaat bel beet yaklon even the tabels !

Яeema said...

the simper
yes yes you should !
heheheheheh

i will eat the screen !



diver

أفا علييييييك الطاقة الإيجابيه طافحه فينا هههههههه



chai-7aleeb
أنا مو جذييييه مواعيدني من شهر علي تراس جرل و ما شفت هالعزيمه

يعني مو عشان إني يوعانه
بس تراكمات عزايم بلوشي

أنا أحسنلي يقول ما أروح و لا يمنييني و يشوقني و بعدين ماكو شي

ينكسر خاطري
:(

Яeema said...

3ateeja

ونعمه بالله ما قصر حبيبي ربي والله

هاهاهاهاها

القصة قصة قلوب مليانه

هاهاها


mishari

عا- ألبك

واااااااااااااي واللي يسلمك لا إتييبلي طاري الحر
أستعسر بروحي

Alather said...

يحلييلج ضحكتيني .. :)

الله يهنيج بريلج ..

وبالعااافيه..

هونيها ترى عادي لا تاكلين بس مو تبجين :)

سالفة قلب said...

اي اي اعرفه شعور البجي بسبة اليوع

حاسه فيج والله

Яeema said...

alather :
حبيبتي بعد عمري إنشاء الله ولا يهمج ، راح أذكرج و ما أبجي
هاهاها





سالفة قلب

بعد قلبي والله ياالغالية

albandry said...

elma63am shakla nino
3alich bel3afia am 3asra 3asra
wow u even cried
maybe its hormons grl
bel3afia