Saturday, August 26, 2006

الخيانة


فلم عن العشق والهوا: سنة الصنع 2006

لما إعترف البطل حق زوجته الأولي إن متزوج من سنتين شنو كان ردت فعلها؟

( إنت ما بديت " إتعاملني " زين إلا يوم بديت إتعرف بنت ثانية )

فلم الزوجة آخر من يعلم : سنة الصنع بالسبعينات

نور الشريف بدا يخون زوجته و من بدا يخونها قام " يعامل " مرته غير .

فلم autumn in new York

البطل ما بدا يحب البطلة حب عنيف و شديد إلا يوم درا إنها بتموت بسبب مرض بالقلب

فلم love story :

البطل ما سخر نفسه لها و ما أخلص للبطلة إلا يوم عرف إن فيها سرطان و بتموت

أفكاري ألحين:

الريال معناتها يقدر يتغير، والكلام إللي نسمعه إن ماكو زوجه تقدر إتغير ريلها صارت كذبة و بدينا إنصدقها.

ليشششش الريال ضميره أهوا إللي يخليه يعامل المرا زين ؟ الضمير لما يصحي أقصد

تكلمت مع كذا شخص عن هالموضوع عشان آخذ فكرة عن الجانب الرجالي . فتحليلاتي هذي مبنيه علي عينه عشوائية من النت و من الحياة .

الرجل واضح تماما إن يقدر يحب أكثر من وحدة ، و هي من ضمن الأسباب إللي ربنا حلل الزواج من أربع حريم .

المرأه ( يقولون ) ما تقدر إتحب أكثر من واحد .

في مجتمعنا ، إللي ما ندري عنه ، وايد بنات و شباب و أقصد العزابيه أول شي بتكلم عنهم ، و من الجنسين ، مو مكتفين بواحد .

إتلاقي البنت من صجها إتحبه و إتموت عليه و من سنين وياه ، بس ما يسولف و لا مهتم فيها ، فلا شعوريا تميل إن يكون لها أصدقاء و ليس حبيب ، بس تضل مخلصة لحبها ، للحب و ليس تأنيب الضمير .

الرجل العزابي ، ما يبي يرتبط في وحدة بسس إن تعلم علي التغيير و ما يحب يتم ويا وحدة ، بس يروح و يرجع حق هالوحدة ، يلعب و يقولها أنا لعبت و ضميري يأنبني و أحبج و ما بي غيرج ، بس طبعا همن يروح و يتعرف و عادي. وتلاقيه صج يحبها !

الحب ما يمنع الرجل من إن يخربط

الأزواج إللي فاضين العصر ، مغريات الدنيا جدامهم و للأسف حريمهم مو ملتفتين لهم و هياته بالزوارات. فجئة إتلاقيه منجرف يدور الإهتمام .شفت وايد من إللي يقزون فجئة و إلا ويا حريمهم ! وااااي توا مغازل وحدة جدامي !

سبب تغيير الرجل من وجهة نظر زوجي العزيز لأني سألته هالسؤال .

تنحصر في نقطتين

1- التأنيب الشديد للضمير .

2- لأن لقى بالبنت الثانية إللي كان يدور عليه ، فماقام يدقق علي عيوب مرته . و صار ريال وايد زيييين و ما يحن . ( صد عنها بالكويتي )

هل الرجل يحتاج دايما إمرأة ثانية ليتغير؟

48 comments:

lawyer said...

بوستج عجيب

صج موضوع ممتاز
و ما يحتاج بوست
يحتااج اكثر من بوست

اذا فعلا ودنا نعرف المشكله

ياربت انلاقي حل مو الكلام لمجرد الكلام

الظاهره الي تكلمتي عنها فعلا منتشره في الكويت
و العالم كله



ليش البنت او الرجل
ما يكتفي في الي عنده
؟؟
ليش الريال دايم البحث عن ضالته
حتى لو كان متزوج؟؟

و البنت نفس الشي تحب شخص و تكلم ثاني
؟؟

و ليش الريال لازم يحس بتأنيث الضمير عشان يعدل
او يحسن العشره

مو فيمثل انجليزي يقوول اذا ريلج اعزمج على العشا في نص الاسبوع معناه يعاشر غيرج!!

Fuzzy said...

اللي ايي من الله حياه الله .. هذا قضاء وقدر شفيكم انتوا
الشرع حلل للرجل 9 حريم

مثني+ وثلاث+ و رباع = 9

lawyer said...

لوووووووووووووووووووووووووووول

فزي ياوييييييييييييييييييييلك من الله
حسبي الله علييييييييييييييييييييييك



اعوووووووووووووذ بالله منك

قولي منو انت عشان ما اخلي ريلي يقعد وياك في الدوانيه

nice said...

الرجل يتجه للثانية بسبب الملل والتجديد ومحاولة اكتشاف ان كان له قدرة على ايقاع نساء في حبائله
وبعدين شنو سنة الصنع سيارة اهي
قولي انتاج سنة الف وتسعمية وحطبة :) ادق
اما عن ضمير الرجل فموجود فقط اذا احد ذكره بعلاقته القديمة يعني لو الي معاه تقاوم ابتعاده يؤنبه ضميره لو تستسلم طاف جنه العيد
بيقول واله خوش بنت ريحتني ماكو حنه :)

سالفة قلب said...

بروح اسأل ريلي

اتصدقين سامعه واحد مصري يقول انا بحب انوع في الستات مرة جمبري ومرة عايز آكل باميه ومرة ملوخيه

تخليتي!!!!! صرنا ملوخيه وجمبري وباميه!!!!

ابيه لااااااااااااااااااااااا

Fuzzy said...

يبه ماراح تفهمون الرجل طول ما انتوا تحاولون تغيرونه ... الرجل انسان بسيط غير معقد .. يجوع يبي ياكل .. يدوخ يبي ينام .. يشوف وحده حلوه يشرّع حلجه .. ماكو عقد هاهاها

lawyer said...

وليييييييييييييييين فزي
ولي يرحم والدك فهمني شنو الريال

لاني كرسسسسسست عمري و بكرس الاجي من عمري
كل ما اطبق نظريه
ترد علي عكسسسسسسسسس




و الا طلعنا ملوخيه و باميه

ياعله يطفح انشاء الله

Fuzzy said...

lawyer

لكل انسان لحظة ضعف وفي وايد حريم ما شاء الله ما يرحمون الرياييل اللى لابسه قصير واللي لابسه حفر واللي لابسه تي شيرت من مذر كير ومطلعه بطنها وحاطه تاتو على ظهرها من ورا ! وتقولون ليش شسمه

Яeema said...

lawyer :
بالنسبة حق الرياييل

لو يخاف ربه ما صار كل هذا
مو توه مصلي العشاء و يرفع السماعة و سوووري علي الكلمة بس يسويها ويا الصاحبة

Яeema said...

fuzzy
heheheheheheh

madry shagolik

Яeema said...

nice :

عليييه بالعافية أنا اليوم مستمعة فقط لا غير

نون النساء said...

ها
والله مادري يا ريم

ماعندي خبره

ما أعرف ليش



لكن من خبرتي ومراقبتي للمتزوجات والمتزوجين
أكو بعضهم ما ينلامون يا ريم

إذا خان مرته ولا تزوج عليها
أقصد البعضضضضضض يا يوبه

* عشان لاحد ينقلب علي*


من معاشرتي لعينات النسا
والله ما ينطاقون
وملاقة

يعني لو أنا ريال جان تزوجت عليها ثلاث
مو وحده بعد


* باطه جبدي وحده ام قذله * لوووول

واكو نوعية لما اتسولف
اتوصوص جنه يايها النوم
وييييييييييييع
اشلون يتحمل اتسولف وياه هذا


ولا اللي ماينعرف منو الريال فيهم
اهي ولا ريلها
هاهاهاهاهاها


أكو حريم اهيه اللي اتخلي ريلها يخون
من طبايعها الشينه
فيدور على وحده ثانيه

واكو رياييل ئلالات الأدب ما يملى عينهم المره السنعه ويخربطون مع غيرها
لمجرد الوناسه
يعني بس جذي من غير سبب لأن طبعهم جذي


واكو اللي يبي يتشبب
على بو انه شوفوووني انا للحيني شباب
هاهاها


يعني هاذي كلها توقعات مو دراسات

:P

Яeema said...

سالفة قلب
ودي أعرف مصطلحات الكويتيين إذا قدرتي إتييبيلنه إشوي

هاهاهاهاهاهاها

سالفة قلب said...

خبرج انا مواليد مصر فكل واحد اييب المصطلحات من مقر ولادته لوسمحتي

لكن لاباس احاول ابحث لج في الموضوع

بس اعتقد ماراح انتعدى الهريس والقبوط والميد المشوي ويمكن نتطور حق لقيمات

Fuzzy said...

نون النساء

مشكورة لانج وضحتي ان في نساء ملاقة ويستاهلون اللي يصيرلهم هاهاها

tweety said...

أنا اعتقد مقولة الرجل يستطيع انه يحب أكثر من وحدة مو دقيقة والدليل انه في القرآن ذكر ( ولن تعدلوا ولو حرصتم ) الريال الطبيعي يكتفي بوحدة بس اللي قلبه عمارة وعينه زايغة يقدر يحب الف وعادة يكون هالشخص اهو نفسه مو عارف اشيبي من البنت , او منو بالضبط تايبه واللي تفهم عليه فيتم يدوّر , الحمدالله والشكر من الشفاحة اللي فيهم اللهم لا تبلينا
fuzzy
ناقصك مشاري وتكملون :p
اتسوون جمعية لتشريع التعددية في الحب والزواج

الاء سعود المجيبل said...

محد يقدر يمسك الريال وما يخليه يخون الا المرأة...:)

الا عاد اذا كان الريال نفسه طبعه خوااااان يحب اللعب هذا شيء غير...:)

عموما الزوجه بايدها كل شيء عشان تخلي زوجها يرتاح ....المشكله ان في وايد من الحريم يستحون من رياييلهم حتى لو صارلهم اكثر من سنه !!!!


يبه ريحي ريلج وسويله اللي يبيه اهم شيء ان يعجبه وحتى انتي اذا تبين شيء طلبيه لا تستحين هذا حق من حقوقج مثل ما اهو له حقوق عليج...:)


يعطيج العافيه ريما...^__^

Unknown said...

سالفة ان الريال يحب اكثر من وحدة والمرة تحب واحد هذا شئ مثبت علميا

لكن اللى بس ابى اوضحه ليش المرة اللى صارت عينها زايغة ؟ لان فقدت انوثتها

بالمقابل الريال ما يبى شئ اكثر من ان يلقى بيته نفس ماكان قبل الزواج وامه شلون تعامله ملابسه جهازه وكل شى مرتب
والاكل نظيف
امور اساسية بالحياة بمقابلها الامور الخاصة اللى وايد من حريم الكويت يفتقرونها واللى تدعى انها تعرفها بالكويت قلة قليلة

لى صديق كان له صديقة انجليزية وهى شخص تجاوز الاربعين سنة وهى نفس الشئ
يقولى مشارى كانت كل يوم تخلينى اعيش حياتى بشكل يديد ما تمللنى

ومسألة الزواج من ثانية وثالثة هذى كانت موجودة من زمان وانا بنظرى احسن من ان الريال يكون حيوان من ديرة لى ديرة واخر شى حياته متدمرة

fuzzy :البشت جاهز ما عليك الا تحلق وانا اخطبلك وبعدين نبدل اعطيك البشت وعطنى الجوتى لان راح اكون لابس نعال
وانت تخطبلى

3ateeja said...

شوفي يا وخيتي يا ريما
ليش يقولون فلالالالالان يخاف الله بالمره
وليش الرسول علية الصلاة والسلام قال استوصوا بالنساء خيرا؟؟
اذا احبها اكرمها واذا ما حبها ما اهانها وعاشرها بالمعروف
تأنيب الضمير من وين ايي؟؟؟
من الحب؟؟ ما اعتقد؟؟
من العشره ؟؟هم ما اعتقد؟؟
ايي من خوف الله بشكل عام..وخوف الله بالمرا
تقولين الرجل يتجه للثانيه...في رياييل يحبون حريمهم ..وحريمهم مو مقصرين معاهم ويتجهون للثانيه والثالثه والرابعه والاميه ..ليش؟؟؟
لاخوف الله ولا يترس عينهم الا لتراب
ليش نشوف الرجال المتدينين (اللي متدينين صج مو الخرابيط)اهم بالذات اللي ياخذون على حريمهم زوجه ؟؟
لأن ما يبي الحرام ..بس الاخ اللي ما يخاف الله يقول هذي زوجتي بنت حموله وعيالي كلهم منها ..والباجي للتغيير والتجديد والمتعه..وللأسف بعض الزوجات يدرون ..ويقولون كيفه يخربط يخربط بس يحط على راسي مره اقوم عليه الدنيا ولا اقعدها
وفي كلمه ما احبها دايم نقولها احنا معشر الحريم (لقى بالبنت اللي يدور عليه)اقص ايدي اذا اهوه يعرف شاللي يدور عليه
لو يعرف شاللي يدور عليه جان قال حق مرته صيري جذي ..بس اهوه ما يدري شيدور عليه؟؟؟
ويقولون المره ما تقدر تحب اكثر من واحد...لاتقدر ونص بعد تحب عشره ..

Anonymous said...
This comment has been removed by a blog administrator.
Chai-7aleeb said...

عيل ليش الله سبحانه و تعالى حلل أربع للريال و خلاه يقدر يتزوج أكثر من زوجه واحده؟؟

هل هذا تقصير من الزوجه أو اعطاء الريال الحريه؟

أظن جواب هالسؤال ضرورى لمعرفة الجواب حق سؤالج

أنا من مؤيدين الزوجه الواحده فقط و أظن انه الموضوع كله ينصب فى نقطة واحده و هى التفاهم و طريقة التعامل بين الزوجين هو الأساس

ودمتم و الله يخليج لريلج و يخلى ريلج حقج

cozy said...

As always reema KHOOSH mawtho3 :) I don't think the man needs another love or girl or even to cheat at the first place ,what we all need is """""ALGANA3H""""" and thank god for what we have and adapt !

Яeema said...

kitty:
الموضوع يعتمد إعتماد كلي علي عقلية كل شخص و إحتياجاته البحته

كل ما صار تقصير بأي جانب إنبنت نقضة ضعف و صار سهل إختراق هالإنسان أو الإنسانه


الإنسان ضعيف بطبعة

Яeema said...

نون النساء
أهم شي البعض ترا ألحين يهدون بوستي و يجابلونج
هاهاهاهاهاهاهاه


والله أنا وياج ضد ثقالة الطينه بس وعليه مالها رب يعني؟

بس توقعاتج حقيقيه
و الأردي لييه خذا وحده أرده من إللي قبلها ، معناته ربي غاضب عليه

هاهاهاهاهاها

كلامج منطقي و لا خلاف
ناهيييج عن الحنانه
ويييييييييي
ويييييييييييييييييع
تلبح و ما تتعب
هم وحدة باطه جبدي لو أنا ريلها جان خذيت 10

Яeema said...

سالفة قلب
أنا أبي أكون كريم كراميل

ههههههه

Яeema said...

fuzzy !
مال راسك هالحتجيي أشوفه يازلك

Яeema said...

tweety :
العدل إللي القرآن الكريم يتكلم عنه ماله علاقة بالقلب
الشرح و التفسيير يقولون أعدلوا بالأشياء المادية و العدل بالزيارة و الواجبات الزوجيه ، هذا بالنسبة لمفهوم العدل


ثانيا : الرجل حبه مو كلامي
بمعني الرجل يحب إذا شاف شي من البنت
تهتم فييه و تسمعله و إتسويله يا دهينه لا تنكتين و بحكم إن المرا تكون مشغوله ساعات بأمور ثانيه فهنييي إتيي كسرة الريال و يبدي يدور إللي تعود علييه

Яeema said...

q8ya
عدل و لكن نسبه و تناسب
لأن مثل ما قالوا الجماعه في ناس ما تدري شنو تبي فشلون بيعرف الشخص الآخر

الله يعافيج حياتي

Яeema said...

mishari :
ماكو إثباتات علميه بالأمور المتعلقة بالقلب و الحب

it's a matter of feeling

ليييش المرا عينها زايغه من زمان عينها زايغه بس ما كنا ندري لأن ماكو شي يبين هالشي و من عمر الدنيا البنت تنجذب اللرجل و إللي يقول عكس جذيه غلطان

مو كل رجال يبي الأشياء إللي ذكرتها

في رياييل يبون صديقة
في يبون أم
في يبون نديمه و عشيقة

وفي يبي جميع ما سبق
ههههههههه

أنا أتكلم بموضوع إن يتغير من يعرف وحدة
ما أقول إن يروح يلعب برة
بس لا يغش أم عياله
و يعطيها الفرصه إنها تختار بين إنها إتعيش وياه و إلا تنفصل

إللي أبي أوصله إن إتلاقي يعاملها غييير
إنزيين وينك من زمان؟

mishai & Fuzzy :
البشت عليي ترا
من سوق الغربللي
هاهاهاهاها
ما شافوكم حريمك إتكلموون جذيييه

Fuzzy said...

خلاص قررت بنطر ال 200 مالت الحكومة وادفعها مهر حق وحده يديده تكون مستورده من الخارج هاهاها وشرط تكون عميا وصمخا وطرمه عشان لا أتحسف على قراري ومابي بشت هالمره بلبس بدلة توكسيدو واحط ببيونه هاهاها أكشخ

Яeema said...

3ateeja:
خل أختصر النقاط
تأنيب الضمير صحيح إييي من مخافة الله بس الضحك الضمير حدة ساعة و يكسر بعدين

- ما أدري عن الديين بس أعتقد الريال ريال دين و إلا
لأ بعضهم يحبون العشرة ما يبي كل يوم ويا وحدة

- تقدر و تقدر و تقدر
خل يعرفون هالشي عدل و المشكله ما يحكمها سن بعد و إلا ما لقينا كل هالقصيص إللي نسمعها عن وحدة تتزوج أصغر منها بعشر سنين !!؛

ديييروا بالكم خافوا علي حريمكم

Яeema said...

joan of arc

thank for this information :)

Яeema said...

chai-7aleeb:
يا جماهة أنا مو ضد تعدد الزوجات
بس لازم ما يخش عليها!؛

لييش بعد ما يموت الريال تكتشف إن عنده عيال
لييش تكتشف إن سجل 1\3 ثروته حق وحده
ليييش هالغش!؛

ليش بدا يتغير يوم خانها

حتي إحنا البنات إنشك لييه عودنا علي حجوة و إتلاقيه بعد 20 سنه كسر و قام يقول كلمات حب و غرام

أكييييييييييييد من أمه حب وحدة

الله يحمبنا جميعا من الغش
ربي يخليك إنشاء الله مشكور علي هالدعوة

Яeema said...

cozy :
القناعة كنز لا يفنى

Яeema said...

fuzzy !
كل البلوغيييرز معزومييين نبيي ميكس بارتي لو سمحت
هاهاهاهاهاها

ibiza island !
loooooooooooooooooool

DJ 3aleeey

nice said...

يا ريم وادي ثقيف قولي حق الي فوق
JOAN OF ARC
لا يكتب هالكثر شدعواه كاتب حق اليوم
وباجر والي عقبه وسنة جدام وين نلحق نقرا :)

Unknown said...

انا عن نفسى مرتى تدري فينى انى اتكلم جذى وبالعلن :P

بس الباجى على حجى fuzzy

ريما المشكلة تنصب باللى قالته عتوج لانه حطت النقاط على الحروف
وكلامها واضح جدا

بالاخير الريال اللى يخاف الله صج اهو اللى يفكر يتزوج ثانية

Яeema said...

nice
أنا مالي شغل
أنا علي أنزل بوست و أعلق عليكم
هذي مساحتكم

بسك لا تتحرش بالعالم

هذا يزاه \يزاها

جعام بالحياة و بالكومنت
:p

Яeema said...

mishari :
والله عليكم بالعافية
بس لو عليي؟ أنا ينقاللي أول
ما أنصدم بالخبر أو أسمع من برة


و إنت إتعرف راييي من زمان يوم إنت كتبت عن الزوجة الثانية

هم ما جاوبت علي

الحل بالزوجة الثانيه؟

The Simper said...

it is a never ending question..

simply, CAN'T BE SOLVED :)

it is the interactions of the opposites!! it should be a movie..

men and women.. they are different in all aspects, they are plain opposites!

so, no one can guarantee that acts by the single men would STOP after marriage/love, what ever..

and no one can guarantee what's in the women's head, to be matched/applied by her man.

so.. life is life :) any one can just do what they CAN to change what possibly can be changed.. and they will not be able to change anything out of the "limits of change".

all the best, to all people in relationships ;)

barrak said...

نعم يحتاج
حتى ولو بمخيلته

enter-q8 said...

الخيانة فعلا موضوع قذر
و خصوصا اذا كان يتطرق الى المتزوجين
احس فعلا بقذارة و دنائه
يا سبحان الله
يعني حتى الله سبحانه وتعالي
خلى عقوبة الزاني المتزوج غير
يعني امر ما ودي اتكلم يقولون الاخ عايش الدور او يبالغ
لكن فعلا انا انظر له بهالقياس بدون مبالغة
انا انسان ولي احاسيسي
و ما راح اتكلم بتحفظ
لكن فعلا الرجل يغريه ابسط سبب
ومرات سوالف تافهه
عندي صديق يقول لي خالد
الحمدلله ان رمضان دخل علينا وهالسالفه كانت قبل رمضان بيوم
يقول تصدق كنت مواعد وحده
وخلاص و اعلنوا ان اليوم رمضان
يقول بينه وبين نفسه لقيته كلبه
نعم يحلف و يتكفر انها اظهرت له بصورة كلبه قبل ما يروح الشقة اللي مواعدها فيها
ويقول كنت ميت عليها وابيها اليوم قبل باكر
عاد طالعته بنص عين
هل رمضان اهو اللي امنعك
قالي الصراحه
رمضان كان له دور
اشلون
قال
دقت علي مرتي وقالت لي انا بطلع بروح جمعية ثانية لأن ما في لبن المراعي اللي
انت تحبه
وحده تالي الليل
رايحه منطقة ثانية
علشان همها على بطن زوجها اللي قاعد يفكر بوحده غيرها

صج كنت شاب وكانت لنا سوالف لكن بعد الزواج الواحد خلالالالاص والله لايغيير علينا

ويمكن بعض الاخوان الشباب المتزوجين راح يوافقوني باللي اقوله
ان الشاب فينا لما يتزوج اعوذ بالله ماكو بنت ماطالعه وتتحرش بعد
كأنه بعد الزواج يحلو
اللهم اكفني بحلالك عن حرامك
اللهم اغنيني بحلالك عن حرامك

ونأتي الان للحلال الزوجه الثانية
غبي غبي غبي غبي
اللحين ما توب من الاوله تروح تاخذ الثانية

{ 13 } said...

قريت في مدونة محامية الخلع ..انك هاكر وتضربين مواقع تبيدينها من على وجه الخليقة ..اذا ممكن يعني ماعليك امر..مدونتي القديمة انا لغيتها بس للحين موجوده..والمشكله نسيت كلمة السر لاني غيرتها اكثر من مرة ..توهقت ..اعدمي مدونتي القديمة ....

Square7.blogspo6.coma<======Kill it..


عنوانها ( دكانة كلام ) ..يمكن على ايدك البركة ..تشاااوووو

Hope said...

i was thinking about it long time ago and it was really confusing me and i asked alot of men and 99% of them said they can love more than one ! and the husband can love all his wives but one more than the other ! interesting ha

LonDonY said...

كوني له امة.. يكن لك عبدا !!

والله العظيم هالحكمة ما انقالت عبط
ولا تناقلتها الاجيال الا لانها حكمة
اثبتتها .. التجاررب
اشتبي المرأة اكثر من هالنصيحة؟؟؟
ماراح تلقى احلى من هالمفتاح .. مفتاح ذهبي
يخليها اتدرررعم على اجسى قلب في الدنيا

الحكمة تترك معنى في نفس كل واحد فينا
وعن نفسي، احسها تقول : يا مرأة حاولي اتغضيّن
النظر عن سلبيات الرجل "مؤقتا" وطولي بالج عليه وعامليه
مثل الجارية "مؤقتا" وحسسيه بطولة بالج وكلميه باحترام
وتفهم حتى ولو كانت له اخطاء واضحة، لان العبرة طول عمرها
تكون في النهاية .. بإختصار، لمن اتحسين بانه ينظر لك
بعيونه.. الثنتين !!


ومقولة ان الريال ما يتغير .. هذي اكبرررررررر كذبة
وقصتج قبل اسبوعين عن اللي تحمّلت عيووووب ريلها وداست على نفسها وعلى كرامتها لانها بس.. تـحــددّت نفسها في ريلها، وصج هالقصة كانت اكبر دليل على ان المرأة قادررررة على تغييررر شي اسمه .. رجـــل
وهذي والله العظيم كانت من احلى السوالف اللي سمعتها ..

LonDonY said...

Enter-Q8


على بساطة قصة خالد مع مرته .. الا انها رووووعه بكل ما تحمل الكلمة من معنى

فيها صورة لمشاعر الطرفين.. مثل المــوج.. يقابل بعضه البعض ولكن موجة مشاعر الزوجة -على برائتها- الا انها كانت مثل الطوفان اللي احتوووت خالد بكل ما يملك

رووعه .. تسلم

Mohammad Al-Yousifi said...

بوست ممتاز و خاصة انه جاي من مدام

عندي كلام كثير حول هذا الموضوع لكن الزبدة ان لكل شيء حكمة و انا اشبه الريال بالسيارة الصالون

يقدر يشيل من واحد الى اربع ركاب لكن كل ما قبل العدد كان أريح

المرأة مثل السيكل حدها تشيل واحد

و لله في خلقه شؤون

Яeema said...

أشكر كل من علق الصراحة آراء جميلة و فادتنا وايد وايد