Friday, August 11, 2006

blog addict

عرفناه دلع وصارلنا ولع !

البلوق ، شي غريب و دي أكتب عنه و أبيكم إتشاركوني !

لييش البلوق ينتهي بشيين ، ناس ما يحبونه و ناس يدمنون عليه؟

شنو السر إللي فيه ، من عمر الدنيا و الناس عندهم صفحات و مدونات ليش هالمرة غير

لييش صار لنا إكتفاء ذاتي عن أي شي بالنت و أقصد الناس إللي أدمنته و إتجابله ، أهلنا إللي حوالينا قاموا يتضايقون منا ، مع إني عرفت النت من أيام العصر الذهبي كان مو شي يديد عليي .

ما ودي أاثر علي كلامكم إللي بتقولونه ، بس عن نفسي الإهتمام بكتاباتي و مواضيعي يعطيني الشعور بالرضا لأن التعليقات إتيي من ناس ما أعرفها ، فماكو مجاملات و هذا يعطي مصداقية

حتي الإنتقاد يفرحني لأنه مسكين قرا و تعب و علق

كان محد يدري عن إللي أسويه بالنت ، بس لما الإدمان وصل حده إعترفت للكل ، عشان مو كل مرة يسإلوني إشقاعدة إتسويين بالنت .

شنو الشي إللي يونسكم بهالعالم؟

هل هي المواضيع؟

هل هي كمية التعليقات علي الموضوع؟

الفضول لمعرفة الشخص و أموره و تصوراته و أهدافة؟

التعرف علي ناس و من ثم إضافتهم للمحادثة؟ ( أتكلم عن الناس إللي حاطين إيميل المسنجر مالهم)

هل إن ما تملكون الجرأة لنقل الكتابات للعالم الخارجي و بأسمائكم الأصلية؟

هل الجو برة وايد حر و قاعدين تقتلون الفراغ بالنت ؟

إتشوفون إنكم تبدعون بالكتابة أكثر من المحادثة من الناس؟

هل إنتوا إنطوائيين و هذا متنفس لكم؟

يالله قاعدة أسهل لكم الموضوع لأن من صجي أبي أعرف كل واحد و شنو لقى بالبلوق و خلاه يصير جذيه

ترا علي فكرة مو وايد مستانسة علي حالي و قمت أسهر و قمت أأجل مواعيد بسبته

بس أدري متى أخف عنه ، لما يتحسن الجو برة .

آسفه عالهذرة :/

30 comments:

Anonymous said...

hii reema ..I like to read ur blogs ...but what mostly attracts me is the subject of the blog..plus i agree the net is simply addictive and "ya3zil il wa7d 3an il nas " Also, you enjoy to be alone and express your self freely:)

Chai-7aleeb said...

صاجه والله

صار فينا ادمان من البلوغ أكثر من اللى يدخنون المارلبورو

والسر هو التواصل بين الناس و الفضول اللى فينا اللى يخلينا نبى نعرف شنو غيرنا يفكر فيه

أنا من الناس أقيس من البلوغ ردة فعل الناس و دراسة ميولهم فى كل المجالات

أنا أشوف لو عندى شركة دراسات تسويقيه،راح أعتمد على البلوغ تماما



وأحسن شى بالبلوغ أنه عرفنا عليج

mishal said...

الصراحه المدونه شي رائع ولو اني عرفته من قريب

واللي خلاني اكتب في المدونه واتصفحها هو لردائه مايكتب في المنتديات وكثرة التكرار والسرقه في المنتديات

ايضاً حريّه الكتابه في المدونات بعكس المنتديات والمجلات الالكترونيه

مميزات المدونه كثيره وهي الافضل حتى الان

Яeema said...

anonymouse-1 :
thanks for the complement :)

it doen't isolate the person with a life

in my case i become more busy, less sleepy , i use to sleep 11 pm , now after every one sleepes i open the net and surf and read .

going to work tierd, sleeping afternoon more .

busy busy all the time .
i dont know how is the singles do with this blog world.

i love hanging out , but i need a nice weather .

Яeema said...

chai-7aleeb :
و شنو ردة فعل الناس علي قصة معينه و خصوصا إذا إحتوت عاي خطوط حمرة و بنا إن الشخص مجهول فما يحاتي إن أحد ياخذ عنده نظرة مو زينه

لأن البلوق مجرد فكر لا أكثر و لا أقل و ما فيه خطر بنظري

لا إنت راح تقنعني بهالسهولة
و لا أنا فكري راح ينتقلك بهالسرعة

أحسنت بالوصف
هي ردود أفعال الناس


و الله يا أخوي يزيدني شرف إني عرفتك و لا يحرمنا من بوستاتك الحلوة

Яeema said...

mishal:
أهوا بدا من 2004 أعتقد
بس ما عرفناله و لا إنتشر مثل هاليومين


صاج كلامك
و أعتقد النوعيات الموجودة جدا محترمة بالبلوقات و تحترم القارئ حتي في النغزات

إحنا الكويتيين ما ندخل مكان إلا و إنحلييه


أعتقد إن البلوق سهل إستخدامة و ما فيه تعقيدات
1 log in and you use it for everyone

المنتديات كل مكان كلمة دخول و لويه!؛

Яeema said...

kitty:
بس والله بدون مجاملة مو لقينا شي إنتكلم عنه و صدينه عن كلام المجتمع و القيل و القال

إلا هالبلوغير قال جذيه
و هذاك موضوعة عن هالشي
و هذي حاطة قصيدة حلوة
و هذا مسجل موقف يضحك

و خفينا من الشات
و تعلمنا إشلون إنعبر عن فكرنا بالكتابة و بدون إحراج

و طلعنا الكبت و المواهب المدفونة

و سبحان الله يمكن تتكلمين و إتعلقين عند ناس وايد و لمدة طويلة و ما إتعرفين هذيلي منهم


شعور غريب و حلو بنفس الوقت

me said...
This comment has been removed by a blog administrator.
The Simper said...

i started in this e-world by reading few blogs and reading what might the comments of people who try to voice out their replies, ideas, and believes.

then, came the next step of writing few and short comments here and there on some of those blogs...

now and after sometime, i got my self a blog but i am still not writing much.. i don't consider my self as a GOOD and COMPETENT writer.

well, i think i was talking about the chronological order of someone who is new to the blogosphere :)

and i really envy you in a good way ;) ("أغبطج") for your posts that come out of ur mind and thoughts all the time, along with other fellow blogers :)

Nescafé said...

يمكن بالنسبة لي ماوصلت لي درجة الادمان الشديد..

بس احس براحة بالبلوق غير عن المنتديات
مااكون بنفس الرسمية اللي اكون فيها بالمنتديات

اكتب اختار مواضيع .. بدون قيود معينه
بس تظل القيود والمراقبه الذاتيه موجوده

اتابع بلوقات الناس .. يمكن ماارد بشكل دايم ..

بس احس اني ارتاح لهالبلوق واحس بألفه واخش واطلع على راحتي

يعني نفس بلوقج :>

طبعاً في بلوقات ما تنبقى .. بس البلوقات الباجي شزينها

الشي اللي يونسني بهالعالم المواضيع اللي تنطرح .. في منها اللي يفتح النفس .. وفي منها اللي يونس .. واللي يبرد القلب .. واللي.. واللي..

يعني باختصار لو ضايق خلقي افتح البلوقز اللي ازورها بشكل مستمر
واشوف يديدهم ...

sologa-bologa said...

صباح الخير
حبيت اكتب تعليقي قبل لا اقرا اللي كتبوه بقية المدونين
اولا انا من الناس اللي هبوا بالمدونة قريب حيل وبديت اكتب
بس كنت اتابع ما يكتبه المدونون من زمان
اللي خلاني اصير واحد من المدونين
اولا احب اكتب واعبر عن اللي بخاطري خصوصا الكتابات الادبية
بحرية وبنفس الوقت اسمع انتقادات الاخرين
خصوصا اني ما اعرف الشخص اللي ينتقدني وهذا يعطيه حرية النقد
بحرية
ثانيا تكوين اصدقاء ما اعرفهم
ثالثا كثير من المدونات فيها فايدة ومعلومات وايد
سواء معلومات فكرية او معلومات قانونية وغيره
فهي فيها نوع من الفائدة
رابعا في نوع من الترفيه والابتسام
مثلا شاي حليب من اكثر المدونات اللي اتابعها
لانها خفيفة دم وموضوعات غير متوقعة نهائيا

وبس ما ودي اطول اكثر

tweety said...

أنا شخصيا أحب الكتابة أحس
انها مجال واسع للتعبير
بالاضافة الى اني احس اني دقيقة الملاحظة على أمور وايد أشوفها او أتأثر فيها
جربت القصة القصيرة بس يبيلها مجاجة ومتعبة
حبيت كتابة المقال بس الكتابة بالجرايد والمجلات تختلف
في البلوق تكتبين بأي وقت عن اي شي في بالج بدون حدود ولا قيود ولا احد يراجعلج او يوافق لج او يقيمج
وبما ان الشخصيات الحقيقية غير معروفة فتقل نسبة المجاملات في التعليقات والردود بالتالي ممكن تتوصلين لآراء الآخرين بشكل أصدق
أنا سمعت وقريت وايد إطراء على أسلوبي وهذا شي فرحني واللي فرحني أكثر أني تعرفت على ناس عسل مثلج وشرواج
نتبادل أفكار , نضحك مع بعض
نستفيد من بعض
اتصدقين ساعات أوله عليكم جني أعرفكم من زمان
وبالنسبة للإدمان إذا كان على شي ما يضر فأنا اعتبره ادمان مفيد لا بد منه
كان هذا الموجز وسنوافيكم بالتفاصيل في نشرة الساعة العاشرة
هنا الكويت
:p

3ateeja said...

1- شنو الشي إللي يونسكم بهالعالم؟

التواصل ..ومعرفة وجهات نظر الناس بعدة مواضيع مختلفه ..والاستافده من التجارب..الاحساس المشترك بالحب ..يعني مثلا لوواحد من البلوقرات لا قدر الله يموت اكيد ببجي عليه ..عدل

2-هل هي المواضيع؟

مع احترامي للكل الموضيع ما تشدني كثر الاشخاص

3- هل هي كمية التعليقات علي الموضوع؟
ابدا ..ما تهمني كميه التعليقات تهمني جودة المعلقين ..يعني ساعات اييج بلوق تعليقاته واايد ..لكن كلها طنازه وسب شالفايده ؟؟!؟

4-الفضول لمعرفة الشخص و أموره و تصوراته و أهدافة؟

ايضا ليس الفضول ..لأني وبكل اسف مو فضوليه ..ولكن معرفة الشخص لذاته شي كافي

5- التعرف علي ناس و من ثم إضافتهم للمحادثة؟ ( أتكلم عن الناس إللي حاطين إيميل المسنجر مالهم)
لأ لأني مو حاطه ايميلي ..ولا افضل اضافة الاشخاص

6- هل إن ما تملكون الجرأة لنقل الكتابات للعالم الخارجي و بأسمائكم الأصلية؟
بلعكس هالنقطه وايد حبيتها ..يمكن لأن طبيعة عملي كتابه .ولكن بأتجاه معين فيربت اني اكتب باتجاه آخر مثل القصص والشعر ..والنكت والمواقف اللي تظحك الى درجة ان زميل لي مره شافلي كتابه خاطره وقالي آسف عتيجه كنت اعتقد ان ماعندج مشاعر ..؟؟ ظحكت ..ولكن اساسالكتابه من ناحيه اخرى ..من عمر لما اوصف الموقف اهلي يفطسون ظحك ..ولكن ما عمري يربت اني اكتب والناس تفطس ظحك ..لكن هنيه يربت ..ومت ظحك معاكم وخاصه بلوق حساويه يخليني اظحك واايد

7- هل الجو برة وايد حر و قاعدين تقتلون الفراغ بالنت ؟

ابدا والله ..لأنيبصراحه موفاضيه والحر بالنسبه لي ما يفرق عادي متأقلمه معاه اطلع الساعه 12 الظهر وانا اضحك ماكو مشاكل ..ولو تلاحظين كلا كتاباتي ليليه لأني فعلا مو فاضيه

8- إتشوفون إنكم تبدعون بالكتابة أكثر من المحادثة من الناس؟
بهذي اي ..ومثل ما قلت لج لأني من الاساس انا اكتب

9-هل إنتوا إنطوائيين و هذا متنفس لكم؟
انا لست انطوائيه ..ولكن صداقاتي محدوده ..يعني شلون يعني يومي تقريبا كلا خارج البيت ..مع اختي ام نبيل ..ونخالط ناس ونشتغل ..وكل شي نسوي ..
ومع كل ذلك البلوق متنفس لي..لو تلاحظين بلوقي ما فيه مواضيع سياسيه ..ولا فيه مواضيع اللبس والاختشام والماعرف اييش او ظواهر المجتمع الحاليه لأني مليييييييت
ماله من هالحجي ..وماله من السياسه وماله من الجد حياتي كلها جد ..من جذي تلاقين غالبا ما اظحك ..بلبلوق ..حياتي كلها اكشن ..فمليت الاكشن..وحتى لبلوقات السياسيه ما اوطوط عند بابها مو لنها مو مهمه ..لأني ماله

وي ما بغيت اخلص الاجوبه :)

NewMe said...

احييج على هذا الموضوع
فعلا
التدوين عالم جميل بس ليش الادمان؟

بتكلم عن نفسي
اتمنى ان يفيد
في شرح الاسباب

الكتابة بالنسبة لي
كانت ولا تزال متنفسي الوحيد عندما اختنق
طبيعتي صعبة وانا لا ابكي ودموعي نادرة
وبالتالي الفضفضة عندي اخذت منحى مختلف
طوال حياتي اكتب لارتاح
والتدوين الكتابي في دفاتر ايامي
صار جزء من حياتي

في بداية هذا العام
مريت بأزمة مع نفسي
ظروف متنوعة خلتني
ابتعد تماما عن الناس
نقدر انقول خيبات أمل
كانت السبب
وراء دخولي التدوين الفضائي
لما يتميز فيه من خصوصية
وشفافية في الوقت نفسه

انا كنت مدمنة مقالات
واحب القراءة اونلاين
اكتشافي التدوين كان بمحض الصدفة
كنت اكتب اللي يخطر ببالي من باب التغيير
عن المعتاد وعلى اعتبار اني واللاب توب توأم سيامي

كل شي اختلف
يوم بدت توصلني التعليقات
لما حسيت اني مو بروحي في هالعالم
وكثيرين غيري مرو بتجارب مماثلة
اصعب
اتعب
عرفت اني مره مكبره الموضوع
وبديت ارجع لحياتي الطبيعية السابقة
مع اضافة جديدة جميلة ممتعة
التدوين

التعرف على الاخرين
الفضول الانساني الجميل لمعرفة كيف يفكر الآخر
التواصل الفكري الذي اصبح من النوادر في حياتنا اليومية
لاننا نمضي ساعات من الوناسة البحته واللهو البريء
مع الاصدقاء
اصبح الفكر مادة دسمه ومحد له مزاج اصلا ولا وقته
بالاضافة الى النقاشات البيزنطية اللي ما تودي ولا تيب
لامتناع الغالبية عن قول الحقيقة في "الويه"
شوي شوي
صرت انام واصحى
اقرى كتابات الاخرين
او اكتب لي فضفضة
واتونس بردود الافعال
والاهم ان اختلاف الراي لا يفسد من الود قضية

تعلمت الكثير من مناقشة العقول
سواء تلك الحقيقية
ام المزيفة
لان الفكر يفضح الطرف الاخر
مهما حاول التخفي بشخصيات عدة
ولا زلت اتعلم
الكثير
تواصل "ممتع"
احببته
ادمنته

ولااريد الشفاء منه

دومي بكل خير ومودة
اطيب تحياتي

bo9ali7 said...

مجرد تعبير عن رأي..

cozy said...

I like your Blog Reema because its weird(sometimes)funny and sometimes you open so important issues like this one for instance .Am i curious to know who is the Blog owner or the writer ? yes sometimes but at the same time i don't care coz that whats makes it cool and fun . Addicted well no i don't call myself addicted to Bloggers but its a tool to express yourself in a healthy way . I don't hide here i mean what I want to say here i'm saying it in the real life sometime weird suff too heheh go read mine again and you will undestand :) . Do I use it to hook up gurls ? Hell no hehhehehe how sick is that hehhehe .the main reason for me to be here is to improve my English coz its so damn poor !!!!!
Finaly Its one of the best tools for our bored people(young) to stay out of the street:P I wish you all Happy,Fun and the more important healthy Blogging :)

Mohammad Al-Yousifi said...

شخصيا اكتب حتى ادون و احفظ افكاري للأجيال القادمة

اللي يونس بالبلوج و يفرق عن برامج المحادثات ان البلوج يخليك تتعرف على الشخص و افكاره و نوعية المواضيع اللي تهمه بدون لا تضطر انك تسولف وياه و تسأل و يجاوب و من هالكلام

يعني الحين كل اللي يقرون بلوجي يعرفوني كأنهم مجابليني سنة كاملة بدون لا يتعنون و يتمررون مع ملاقتي

و اللي مو عاجبه كلك و يحول على سايت ثاني

Яeema said...

هالمرة ما ودي أوقف عند كل معلق و أعلق علي كلامه لأن بالنهاية وجهت نظرة و أنا بالبوست كتبت وجهة نظري


ودي أوقف عند نقاط مهمة إنذكرت


أغلب الناس صار عندهم فضول من وراء شخصياتنا و حبيت أوضح إن لو إنكشفت الشخصية معناتها فقدنا المتعة لقراءة المدون



المشاكل المطروحه
نعم إنحس إن مو بس إحنا إللي عندنا هالمشكلةو في ناس أصعب مشاكلهم


الفضفضة بدون إسم
إهني تطلع الشخصية الشفافه للمدون بدون مساحيق تجميل مجتمعنا


الإختلاط
ما يهمنا إن إللي يعلق بنت و إلا ريال

أهم شيء فكره
و عقليتهو إعتقاداته
و ينكشف ساعات إن ما وده يكون بهالمكان أقصد بيئة


القراءة

يوجد عامل مشترك بينا كلنا
الكتابات الجيدة و إللي تحتوي علي مواضيع جديدة بالدرجة الأولي
غريبة و لم تطرح
مضحكة و لاكن لها رسالة خفية من وراها


الهروب
يحتاج الإنسان إن يهرب من واقعة و لو لساعة و الكلمة مافيها شيء لأن الهروب دايما يكون لشيء أفضل
لو كان الهروب للضحك
الهروب لقراءة مواضيع دسمة سياسية
أو هروب للبكاء و لاحظت هالشيء عندنا البنات و هو مو البوست
نبي بس دقت سلف عشان نفحط
هاهاهاهاها


حرية الفكر
لا قيود و لا كتبي واحد ثاني الموضوع مو حلو ينفتح

و خصوصا المواضيع إللي كلنا شغوفين لمعرفة الأفكار فيها عندما نصل للجنسين




الأصدقاء
بدون إختيار تجد نفسك وسط بيئة نظيفة من أصدقاء النت و تعرفت علي فكرهم بدون خوف و لاشعوريا تتذكرهم برة من تسمع عن موضوع معين


تجربة مريت فيها
زوجي و حبيبي ما يعرف في هالعالم و إشلون ماشي و كنت أستحي أقول النكات جدامة لما أكون أتكلم عن موضوع هالشخص و حامل إسمه عند تداول أي موضوع

قعدت يمه و قريتله هذا منو و ليش صرنا قراب و ليش موضوعه حلو إشقايل

قمت ما أخاف ليه قلت مثلا
Cozy
said this , in english :p

عرف إن كلهم مجرد شخصيات وراء النت
و الثقة طبعا
فقام يطلق إسم زملائي بالنت

و عجبني فكره صراحة

نبي إنصفي النيه بين البلوغيرز




esghayroona
smart girl


the simper

envy = red devile eyes!
لا إله إلا الله قل أعوذ برب الفلق

هاهاهاهاها
thank you sweety
the more you give, the more you get


nescafe
أهوا الإدمان لما يكون في مخج أفكار متزاحمة و تبين الإجابات الشافية لها

يشرفني إنج تكونين وحدة من أصدقاءنا البلوغيرز
راح تكون زيارتي متكررة لج إنشاء الله


sologa-bologa

شغف للمعلومة
شي حلو

فعلا شاي حليب له رسالة من ورا هالمواضيع و لو بتلاحظ ينقز بطريقه حلوة و راقيه إشوي

ساعات يبي يعرف منو الجريء
منو اللي فكرة مفتوح إشوي
منو و منو

كيفه أنا حللت البلوق و مواضيعة


tweety
إنتي من المشهورين عندي بالبيت تويتي و تويتي و دمها عسل و أضحك من قلبي من تعليقاتج بكل مكان
و حشيت فيج مرة قاعدة أقول إسلوبها مميز بس مادري كتابنج غير عن طريقة تعليقج

فسامحيني إني إنتقدت البلوق إشويه

الوله
قمت ما أسافر إلا والاب توب وياي!؛
مشكلة لأني صج أوله عليه

نبي التفاصيل إب بوست يديد الله يعافيج فقدناج


3ateeja
متألقه دايما بالرد و الكتابة و مادري ليش أحس فيه روح صاحبته
و مواضيعج ولا آخر واحد يهم الكل بنظري


بعد عمري والله ما قصدت إنج إتجاوبينهم كلهم ، بقيت أبين للناس الأمور إلألي لقيتها مشتركة

أحبج وايد
لا خلا ولا عدم و تسلم هالإيديات إللي إطبعت تالي الليل
مجهود تشكرين عليه

newme
كلامج مافيه خلاف عليه
المدونات إتحسيين ويا الناس بس مو وياهم بنفس الوقت و هذا الشعور يحسسنا بالرضي


مناقشة العقول شيء فقدناه من زمان
في الحياة العادية
يصير دمنا ثقيل و معقدين بنظرهم

بس إللي يقرا لازم يناقش
لازم يسمع
ولازم يتعلم من التجارب
و إلا شنو الفرق بينا و بين الجهلة
إللي ماشين عالفطرة

الدنيا تغيرت

أشكر حضورج و تعليقج إلألي جدا جدا مفيد

حبيبتي والله و حياج الله و بأفكارج وياج مو تنسينهم برة!؛


bo9ali7
لاحظت من أسلوبك بالرد علينا عندك

the last post i cant answer your Q's
so i didnt comment :/

cozy
i love the way of expressing your way of life , articles and how to feel it b4 you write it.
it's not a complement it's a fact!

( so say thank you :p )

curiousety
in every one got this , but by time this will go
specially with the users with a weird ideas and WOW articles !

about you hanging out !
we need both , we need to comunicate with our outside world, then we will be neird!
if they need anything they have to send us e-mail not calling us :p


it's writting 100%
it's like a trip to the gym for my brain

kila ma6goog
إنت لو الله يبعدك عن السياسة جان إحنا بخير و كل ما إنقول خلصنا يطلع لنا شي ثاني ، فقدناك والله
بقص كيبل الستلايت عشان ما إتابع شي
هاهاهاهاهاها

و بعدين إحنا إنحب بلوقك و محنا إمغيرين القناة
و إنت خل عنك إسلوب حزب الله بالرد علينا
صاير ناشف الله يهداك
خابرينك رومانسي وين راح كل هذا؟

:p

tweety said...

يا عمري والله يا ريما
حشي وأخذي راحتج تمونين
أنا بالبلوق أحب اني أصير تكانة اشوي لما أكتب عن موضوع معين فتلقين لازم في شي من الجدية في الطرح خاصة في المواضيع العامة اللي تهمني أو تأثر فيني عشان أوصل الفكرة صح بدون استخفاف فيها
بس في التعليقات الواحد يكون حر أكثر فتطلع شخصيتي المتألقة :p
انتي شوفي جاي حليب اللي يقيس ردة فعل الناس ويدرس ميولهم من البلوق !
بشوف انا شنو الحين ناجحة ؟ دور ثاني ؟
:p

The Simper said...

tof mashala.. dear, tara ana ma anthil.. i keep saying mashala :P

and i said "غبطة" which is NOT "حسد" a3otho bilaah min el 7asad.. that's why i wrote it in arabic ;)

so lat7ateen ;)

the tooth.fairy said...

واااي زحمة زحمة دام جذي باختصر الحديث لأن وجهات النظر التي ستقال بعد هالأجوبة راح تكون مستهلكة

شخصياً أحب قراءة البلوغز اللي تعكس شخصية الواحد. أن يكون في تميّز بالطرح وانتقاء المواضيع ماحب الأفكار المكررّة

و أحس إني بديت أدمن، الله يستر بس أرجع حق الدراسة اشراح يصير

:P

وآخر نقطة اللي اهيا الدزاينات مالوت البلوغز بعضها تشدني، يور بلوغ إز ون اوف ذا ديزاينز اي لايك

واي يا ملقي وانا اتحجى انجليزي جذي بس مالي خلق اغيره

ريمة سؤال.. شلون اتصممون الديزاينات مالوت مواقعكم؟

:P

موقعي هيلقي وكاسر خاطري


تحيّاتي،

فراشة

Unknown said...

والله ريوماا قلت وايد اشياء بس انا اعتقد اول شى انا احب اقعد بالبيت ثانى شى احب اقرى البلوقات وايد لسبب واحد يمكن احب اشوف الناس شلون تفكر وشنو فى افكار يديدة عند الناس
يعنى من باب المعرفة
:)
خوش موضوع
ممكن التى شيرت ؟

Unknown said...

باختصار التواصل مع الجيد والمتجدد والعزوف عن المليق والجامد

Balqees said...

ee wallah 9a7 lesank .
loool i don't know why i wrote but it seem right :D
anyhoo nice post and nice blog

Яeema said...

tweety:
كانت وجهة نظر بس عشان إتحلليني و صاجة الواحد بالكتابة لازم يحترم القاري من جميع العقليات

ناجحة بواسطة مني أفا عليج

Яeema said...

the simper

ga3da a6afrik :p
hehehehehe

Яeema said...

butterfly

i send you an e-mail about all this

:)

Яeema said...

mishari
من القعدة بيبلك تي-شيرت
xxxxxxxxxl

:p

القراءة مفيدة و دايما أقول من هو مدمن البلوق هو قارئ كتب قبل لا يعرف هالعالم
لأنه صدقني يبيلة مقاقة و مجابل و إختيار الموضوع الصح و الرد و إحترام وجهات نظر الناس و تقبلها

مو مداحر إّذحونا
هاهاهاها

عاد إللي يسمعهم مالي شخصية و بسمع الكلام بسرعة و بتأثر

Яeema said...

عاجل:
صح إلسانك

Яeema said...

bal8ees:

merciooooooooooooooooooooooo

hop to see you come back and have fun with us