Saturday, June 24, 2006

إتصال أثلج صدري


يالي إتصال من الكويت الساعة 11 بالليل و كان موضوعة مؤثر جدا

ماراح أدخل بتفاصيل المكالمة ، بس هالإنسانة حبت إتوصل رسالة حقي ، إشكثر أنا غالية عندها رغم إللي صار و إللي راح يصير .

أول شي إنصدمت من وقت المكالمة

ثانيا قلت ليش إنطرت الين ما سافرت و قالت هالكلمة

معني أشوفها وايد و تقريبا كل يوم

بس الأحلا من هذا كل

التعبير عن الحب إللي خلاني صج صج صج أقول الدنيا لما ألحين بخير

طول عمري متمردة علي الحياة

طول عمري ما أواطن إفرازات مجتمعنا من حش و قرض بالعالم ، و غصبن عليك إتحش و إتجاري لأن صار الموضوع عادي هالسالفة.

علي الرغم من الوظيفة الجديدة لحريمنا و هي الوصاية علي تصرفات الآخرين ، قمت أسمع من هني و يطلع من إهناك.

تتصل علي وحدة عشان تقوللي أحب إنج إتعرفين إن علي رغم الكلام إللي سامعتة و يمكن راح تسمعينه ، فأنا ماراح أتخلي عنج و صداقتج الواحد يفتخر فيها .قلبج عمره ما عرف الحقد .

أحس إن ما عندي سالفة اليوم ، بس حبيت أقول كلمة بحق هالإنسانة إللي لا تقرا بلوق و لا تدخل النت

أحبج وايد و يا رب الله يباركاج بعيالج و يسخر ريلج حقج

إدعولها بالخير ، تراها تستاهل



ترا بيني و بينكم

درجة الحرارة 24

هاهاهاهاها

وااااااااي وناااااااااااااسة !!

8 comments:

Diver said...

اولا الطيور على اشكالها تقع
ثانيا الله يرحم والديج دشي على مدونتي و شوفي البوست الي حاطة عن الحرارة

3ateeja said...

الله يونسج بالعافيه ..:)وترى ماكو فرق
24
و 54
كلا اربعات :D

layal said...

الله يعطيج علي قد نيتج
قولي امين

اقول لا تنسين الصوغه
:-)

Яeema said...

diver :
داخل إمحكر حمام؟

إييييييييييييييييييييه وييييييييييييييييع 55
شفتا
هاهاهاهاهاهاه

Яeema said...

3ateeja:

emballaaaa 7adda makoo farg

أشوفج مو داخلة علمي

Яeema said...

layal:
enshallaaaaaaaaaaaaaaaaaaaah


بعد ما تبين شي ثاني يم الصوغة؟

Яeema said...

ليالي الكويت

مشكورة حياتي

teagirl said...

awww man she sounds like an amazing person..