Monday, June 26, 2006

driver!

في موضوع حبيت إنكم إتشاركوني فيه، ريايلنا بالكويت بخير و نعمة الحمدالله، بس لما يسافرون برة سواء حق الدراسة أو حق السياحة ما يتفونعون وايد،إتلاقيهم شقردية و يشيلون يحطون.

شإللي خلاني أكتب هالبوست

ولد الفقر سايقنا إللي بلبنان ، شايب عمره 60 سنه ، كل ما أقوله سو هذا يخترع! جني طالبة منه شي حرام!

بوفارس زهبت لزبالة و إنتوا بكرامة، ممكن إتصعدها فوق عند الحاوية بالسيارة لأني ما أقدر أوديها

بوفارس: أنا بدك إياني أشيل لزبالة !

أنا إيي ليييش يبا ما إتشيلها ، كان أحد يشيل إزبالة بيتك من قبل

بوفارس: إييي ولا عمري شلت زبالة

أنا: ألحين بتشيلها معاي ، جرب شي يديد بحياتك، و بعدين تبي الدبيين ( الذبان) يترس المكان؟

ترا بعدين النظافة من الإيمان ، و إنتوا معروفين بالنظافة.

بوفارس: إييه والله كلامك صح

مرينا علي واحد بالشارع قاعد يمسح أرضيت بيتهم

قعد بوفارس يضحك عليه

أنا: لييه بوفارس عم تتضحك علييه؟

بوفارس: شووو رجال عم يكنس الأرض !

أنا: إييي لييش ما يكنس الأرض، يمكن عايش وحيد و ما عندة أحد يكنس الأرض، يعيش بالغبرة يعني؟ و بعدين الحركة بركة

بوفارس : لا ه يا عم ، هيدي شغلت نسوان مش شغل لرجال

أنا ( أدري قاعدة أحن علي راسة) : و شو شغل لرجال؟

بوفارس : لرجال بيجيبو مصاري

أنا : الحريم بلبنان بيجيبو مصاري أكثر من لرجال ( طبعا ما فهم قصدي شنو قاعدة ألمح عليه)

بوفارس:لاه يا عم الشغل إتخلق للرجال .

مرة إخترع يوم دخل البيت و لقاني صاعدة أركب لمبات بيتنا المحروقين ، فضحني عند ريلي، مرتك و مرتك .

يعني منصدم ليش أعرف أسوي أشياء وايد ، ألحين بسبب ظروف معينة ، ما عندما خادمة، فوضع طبيعي إن نشتغل إبييدنا ، إنعرف الوقت إللي إندلل نفسنا في و الوقت إللي المفروض تشتغل فيه، الحمد الله عمرنا ما حسينه بنقص و إحنا كويتيين و خدامنا أكثر منا، أصلا نستمتع لما نشتغل بيدنا لأن هالشي فاقدينا بديرتنا .

الحمدالله علي الخير و النعمة و الله لا يحوجنا حق أحد

عرفتوا ليش لبنان ليما ألحين متخلفة ، من تخلف شعبها

إللي عندة سؤال أسأله حق بوفارس قولولي ، لأن الريال حدة نكته و ماكو منطق بالحياة

23 comments:

الحجيه said...

الاسلام عليكم جميعا
سبحان الله الكويتين غير في كل مكان يمشون روحهم مافي مشكل من رجل او أمراءه بس المشكل للمتعصب لنوعه وحدود عمله يتعب نفسه ويتعب غيره يمه الريم سئليه مين بيعملك فنجان القهوة عبكره (أي في الصباح الباكر) الريم شلون الجو عندكم ؟ انشأ الله زين

mishari said...

ترا بعدين النظافة من الإيمان ، و إنتوا معروفين بالنظافة.

بوفارس: إييه والله كلامك صح
نصبتى على الريال :))

قوليله منو احسن انتوا والا سوريا :P
علشان ما تردين :)))

وتكفين لحقينى بجيس هوى وكعك على الحطب حدى ولهان عليه :)

Diver said...

وانتي لازم تعطينا النقزات مالت الكويتيين يعني(الحريم بلبنان بيجيبو مصاري أكثر من لرجال) الله يعين لبنان عليج

Charisma said...

اهم شى بوفارس عايش الدور !!! اخاف بس بوفارس ولا عمره كانس ولا شايل زباله ولا منظف اشدعوه اشهالعبوووووووووووو

lawyer said...

اهلا اهلا رفيجتي

تبين الصج انا لو منه ما اسمع كلامج

انتي قلتيها من البدايه اهو سايق
مو زبال؟؟
وبعدين معاه حق هذي مو من ضمن اختصاصاته اذا تبين الصج

و لازم تحترم رغبته في انه ما يبي يشيل الزباله

وبعدين شوفي اي احد ثاني غيره يشيلها
ككون الريال و الشايب سايق و في هالسن يبي الناس تحترمه
انتي قللتي من احترامه لما اتيي بنت من سن بناته
و تامره تقوله تعال شيل الزباله

شي محرج جدا جدا
انا لما كنت في مصر و عندنا بواب و عندي سواق و مع هذا كنت اشيل الزباله في الاوقات الي مافيها شغاله او طالعه

بس عمري ما تعديت على اختصاصات غيري او قللت من شأنه
لانه هذا الشي يزعجه و يحرجني انا

mishal said...

والله امركن عجيب يالنسوان بالاول طلعتوا مظاهرات بالشوارع تقولون رجاجيل الكويت مايقدرون الا علينا
والحين تقولين ارانب
****
إللي عندة سؤال أسأله حق بوفارس قولولي ، لأن الريال حدة نكته و ماكو
منطق بالحياة
***
منين يجي المنطق

لو صادف في طريقه مرشح يشتري اصوات ويوزع جناط
هل بوفارس يختار الجنطه والا الفلوس؟؟

اعذريني لازم انقل لج الهم اللي عندنا لان مايصير كل شوي تطلين علينا من البلوق وتقولين فرق درجة الحراره 26 درجه عن الكويت

kila ma6goog said...

ارحم من في الأرض يرحمك من في السماء

deleted said...

غلطااااااانه هههههه
حدج ماخذه راحتج .. رايحه على سيـّاق الكويت

ترى بس الهندي اللي متحملنا..الهندي اييي الكويت سايق لكنه اييب خبز واليهال ويغسل السيايير ومندوب .. لا ويلقح نـخـل بعد
:d
بس اللبناني غيررر ..لان شغلة الشوفير عندهم شغلة محترمه.. الله يسامحج انتي طيحتي حظه لوول

تبين اتطفرين بوفارس ؟؟ سأليه عن الوليد بن طلال .. صج ناوي ينزل الانتخابات عشان يصير رئيس وزرائهم ؟؟

Яeema said...

الحجية:
الجواب
أم فارس و لا ما يطلع من البيت إلا قاريتله الفنجان

هاهاها

الجو عجبة

أنا أول مرة أروح هالحزة
بيني و بينج ما ينطلع الصبح
لأن إحنا مو ساكنين بالجبل

بس المشكلة بالليل و ياهل وياي صعبة إشوي ، أشونه الشقة ونيسة

لو تقعدين بالبلكونة كافي
و اليوم طاح المعدس
ما إنعبر علي المشاوي
نبي شي يدفي إبطونه

Яeema said...

mishari:
إييي نوعة إتعشمه ، و كل ريال له مفتاح
هذا مو نصب ، هذي حقيقة مرة

يبتلة طاري سوريا قاللي ما أحب أتكلم بالسياسة
هاهاهاهاها
جان أقولة السوريين راحوا شتخاف منه

يرد الله لا يعود أيامهم !؛


الكعك حلاته إهناك ، مو حلو قاعد بهالحر و تاكل هالأكلة
( أدري شبتقول )؛

Яeema said...

diver :
الحريم بكل مكان مسوين شغل
هاهاهاهاها

Яeema said...

kitty :
إييي مسكين عايش الدور و طاح بلساني
شبسوي الريال
جاااي يتفركز عليي

Яeema said...

mishal :
طلع الريال وطني
قاللي شووووووووو هالحكي !!؛
مصاري أعوزو بالله

خلاص ماراح أييب طاري البرد

إدخل علي ياهو واذير و جيك إنت جم بجونيا

هاهاهاهاها

Яeema said...

kila ma6goog :
والله قاعدة أسوي كل شي !؛
حتي الليتات إمغيرتهم

ريايلنا إمخلينا إحنا يالحريم شقردية

Яeema said...

lawyer : sorry kha6art eldoor

يا حبيبتي
الحاوية تبعد وايد بعيد عن بيتنا
يبيلها سيارة توصل هالشي إهناك

بس ألحين دفعت حق الحارس مصاري و إتفقت وياه الساعه 7 كل يوم يوديها

مصر طبيعتها غير و لبنان غير

لو إتشوفين نزلة البيت
حتي سيكل ما ينزل
جنة قطار الموت
هاهاهاهاها
يمكن كلامج في جانب من الصح عن الإحترام في سنه الكبير
ما إنتبهت لها
كانت إتهمني نظافة المكان أول

Яeema said...

kuwaiti*4*ever :
والله كان عندنا سايق مصري عشر سنين ما يرضي أقولة سابق
يبيني أقوله مدبر منزل
مادري ليييييييييش

هاهاهاهاهاها

إييييييييه والله ما هقيت

أسإلة باجر و أقولك
إنشاء الله

عاد اليوم يم طريق المطار رازين الصورة مالات الوليد

الحجيه said...

السلام عليكم جميعا

اتونسكم العافيه انشالله ويحفظكم ربي

Lord Bin Sleet said...

تعجبيني يالشقردية
بجيب المدام عندك كورس إدارة منازل
:P

HaaMooR said...

laawyer ... wallaah kalaameech 3adel... you are 100% right... Reemaa ashoofhaa wayed etedalaa3 .. yabeelhaa khayzaraana emnagee3aa eb maay o mel7.. khalaas 32 mako dala3 .. :P

at least atabreehom exersize Reema..

Anyhow.. show us more pics for the FOOD ehnaaak ..

Reemaa... Selfridges emsaawee SALE 3aaajeeeeeeeeeeeb ,,, lay6ooofeech :P


ana laal7ein matarayagt.. ye3t..

madre shakel ..

Mini Я. said...

etbadleen lambat?

ilrayal mo emtkha9e9 fe ilzabala, la shehada wala khebra..laish kel hal 7anna?

inzain ay no3 lambat 3endikum? Sylvania? wela Philips?

cham watt?

MARSHAL Q8 said...

عاد صدق .. بكلمه قالها عن الرياييل اللبنانيين بس لازم يخص فيها الكل ..

اللبنانيين .. يموتووووووووون عالمصاري

ديري بالج :)

Яeema said...

الحجية:
الله يسلمج يا رب

lord bin sleet:
إذا خذت الكورس وياها
كادووووه ( هدية)؛
كيف تتسوق في فيلا مودا

هاهاهاها

haamoor:

awal shay ana za3lana 3alik , o many radda 3alik

thaniyan
kint fe selfrige on april , ma aby ashoof the things i buy on sale !
a7taaar !

miniR :
ma taby etyelena etrakib el lammbat?
:p
tarra el jaw wayid 7elow

marshal Q8:
حدهوم رياييل و حريم
من هيييك ما حلو تضل هووون أكتر من 5 أيام ، وإلا بياكلوك أكل

~ se3loah ~ said...

مو هذا السبب اللي خلى اللبنانيين متخلفين
:P