Tuesday, June 20, 2006

خرابيط



في وايد أشياء كانوا أهالينا يقولون لا إتسوون هالشي ، بس ما ندري لييش، و إنم إنسويها لأن تعودنا عليها.

مثال :

إذا صار الليل ما يصير إنطق الكرة بالطوفة.

إذا لقينا لنعال و إنتوا بكرامة مقلوبة لازم نركض إنعدلها ، ماني قادرة أتخلص من إن لنعال إتكم علي الله ! شاااكوااا

ما يصير ناكل سمك و نشرب لبن مع بعض، ترا يصير فيكم بهق!

المقص ما يصير نفتحه و إنسكرة إييب النحس !


شنو أشياء إتحسون إنها خرابيط برابيط بس لما ألحين إتسوونها ؟

28 comments:

HaaMooR said...

oo ekheeth oo khaal. lethroos laa 6aa7oo .. en7aatheef-hom 3aaly oo engoool yaa shaams a36eech therss madree shnoo oo 3a6eeinaa therss ghazaal ... shaghlaa chethy.

oo salfaat el hathay eleey tee6laa3 eltheher belgaayla.. nesaait eseemhaa..

nice said...

حلو موضوعج
الكرة بالطوفة اول مرة اسمع فيها
المقص ايه امي كلا تقول جيه بس ما اعتقد نحس لكن مفتوح المقص خطر
النعال كرم الله السامع
انا اعدلها مو علشان كم على الله تحسون انها سالفة حريمية بس تروالي شكلها مو حلو واهي مقلوبة وبعدين فيه نعل مستخدمة من رجال معدلة ولا مقلوبة نفس الشي خاصة بو شيبووو
ايه امي تقول لا ندور حواليها وتطلب منه نرد من نفس الطريج ليش مدري
هامور ينقالها حمارة القايلة :)

Charisma said...

الاخ هامو: اسمها حمارة القايله هههههه
تبين ريمه اقولج خرابيطهم اهلنا مالت اول وماندرى ليش بس من صجنه انسويها لوووول
لا تقصين اضافرج بالليل مو زين
العروس ما تروح عزا فال شين
لا تسمون البيبى على واحد حى بعدين يموت
لا تقعدون عند اعتبه الحمام مو زين
النفسه الى توها والده ما تحط مكياج مو زين يصكونها عين لوول لازم تتميوات هههه
لا تطلعون المغرب اتييكم الينانوه ههه متى نطلع ههههههه
عيز حمار ابوى هههههه اتحرررر
اول حريم قبل اذا بيعرفون الولد بلغ ولا لا يعطونه مشخال يقولونله اترسه ماى اذا راح يعنى ما بلغ واذا قال هذا ما اقدر اترسه يعنى بلغ ويبيبون عليه لوووووووووووووووول
القطوه السوده فال شين
البوبشيره اذا يت يمج ولا اوقفت عليج بتييج ابشاره لوول
هذا الى اذكره واذا ذكرت شى برد اقوله باى

deleted said...
This comment has been removed by a blog administrator.
deleted said...

اذبحتني سالفة المشخال .. لوول
شالذكاااااااا ؟؟؟
من الفراغه والله

انزين سالفة الينانوه ترا صج.. والطنطل اذا ما خاب ظني اهو نفسه الجن.. من سوالفهم ان وحده شافت
بقره على سطح بيتهم عاد اتقول طنطل.. بالله
هذا اشيطلع غير جن ؟؟

shaikhoona said...

*latel3uboon be thaw ( fire) tara u'll wet urselves belail
*mozain etsafroon belail teyeekum el 6eweela ( 'n till this day madry shino ehya el 6oweela )

:)

3ateeja said...

اممممممم طبعا اسم البوست بينه وبينه ارتباط ذاتي ..خرابيط
المهم
خلينا افصل لج اكثر
الاولى ..علشان ما نزعج اهل الارض ...
الثانيه ..لي الحين اسويها..وعلى وبنت اختي مو مقتنعه تقولي الله موجود بكل مكان ؟؟!!وجهو نظر
الثالثه:نصها صح ونصها غلط ..بتقولين لي شلون ..اقولج ..ان الرسول عليه الصلاة والسلام كان ما يجمع بين السمك واللبن ..وعلميا ان الجسم اذا جمع بين هالشغلتين ..ما يستفيد من اللبن ولا يستفيد من السمج ..عرفتي ..لها اساس لاتحاتين :)
المقصد ..نسميه ولد بليس ..والسجين بنت بليس ...عاد وين مرته ؟؟؟
.............................
استغفر الله يا ربياسوي اشياء ودايم اقول دعاء التطير ..انسى اشوف غراب ..مادري من وين يطلعلي ..ساعات وانا في بيتنا والله واستغرب ..واتعوذ من بليس
اذا واحد ولا وحده يالهم ضنى اتضايق اذا سمووه على الام او الابو واهم عايشين احس فال اقشر
ربط الاسم بالشخصيه
عفووا عفوا
كل ابراهيم خبل
كل خالد لوتي
وهلم جرا
ملاحظه:دعاء التطير )(اللهم لا طير الا طيرك ولا خير الا خيرك ولا إله غيرك)
:)

3ateeja said...

حمارة القايله خرافه ما زلنا نستخدمها علشان يحموون اليهال من ضربة الشمس فيخرعونهم عن لمهايل بلشمووس وفي موقف صارلي مع حمارة القايله امي ما تنساه ..الله يستر علي
الطنطل يقولون ريال طويل يصيد اليهال بالليل ويقرصهم مادري شيسوي فيهم وعليه سلاسل ...يخافون ايضا عليهم من الطلعه بالليل ...
ام السعف والليف ..هذي لنخله ..يرمزون لها بام السعف والليف هم حق تخروعة بالليل
...
كيتي
الرسول عليه الصلاة والسلام كان يمسك الاطفال عن الخروج بعد صلاة المغرب ..بس اذا اذن العشا عادي..لأن حزة المغرب حزة شياطين ..يعني مو خرافه سنه :)
والقطو الاسود غالبا ما يسكنه الجان ..وهم هذا ورد بالسنه :)
اما الباجي اشوه ..صج اني عتيجه بس كنا نسمع فيه عند الناس ..لكن مو داير عندنا ..
فضل من الله ان اهلي من زمان كان عندهم ثقافه دينيه بهالامور :)

mishal said...

صباح الخير


سالفة النعال (الل يكرمكم)إلى الان ماسكه معاي

والسمك مع اللبن هم بعد من كنت صغير وانا اسمع فيها
وإلى اليوم ماجربت هالخلطه

يمكن فيه اشياء غلط ماسكه معاي كثيره بس الحين ما اتذكر شي

bo9ali7 said...

ههههههههههه
عجيييبه يا ريما
والله كلامج صح المشكله اني مو مقتنع بسالفة النعال, بس اذا شفت انعال مقلوبة لاااااازم اعدلها..هم سالفة اللبن..اشربه مع السمج بس يراودني هوجاس خفيف..في شي ثاني..ما يصير نحفر بالليل والتصفير اييب الفقر واذا احد خطر واحد منسدح لازم يرد و يخطره مرة ثانيه
لوووول

نون النساء said...

لووووووووول

ريما احيانا اكو شغلات نعتقد انها خرافة
لكنها يطلع لها أساس إما علمي أو ديني


لكننا توراثنا جيل عن جيل ونسينا اهيه حق شنو... مثل سالفة لما ما يخلونا نطلع حزة المغرب امي كانت تقولي اذا طلعتي بيخطفج أبو طبيلة

منو هذا عاد؟ مادري




واكو شغله ثانيه

لا اتعدين النجوم ترا يطلع بدالهم نفر بويهج ههههههههههههه
انا عديتهم وطلع نمش بخدودي صرت جني فلونة بنت روبنسون
:@

بس ليش ما نعد النجوم ؟؟؟؟

nOOna said...

لووووول
الصراحة التعليقات عجيبة وكل ما قريت وحدة اقول ايه صح واقعد اضحك
اما سالفة اذا احد خطر واحد منسدح لازم يرد و يخطره مرة ثانيه
وااااي مت من الضحك ندري انه ماله اساس بس ليش انسوي جذي ماادري

تذكرت شغلة بعد انه النعمة ليه طاحت من ايدنا نقعد انبوسها ونستغفر ربنا
واذا كنت ماده ريولي على بطل ماي او غلاس شاي يقولون حرام نعمة الله
مع انه الماي له استخدامات ثانية غير الشرب ليش علهذا الشي حرام

واذا كنت ببخر البيت لازم قبل اذان المغرب ليش ما ادري

والبقية تأتي اذا تذكرت شي ثاني بعد بعلق

طائر بلا وطن said...

لووووووووووووول


بس الكرة بالطوفة يديدة هذي
مادري يمكن لأنه من عمر محذفين بالبراحات
:p

بس على فكرة أنا اذكر اني سألت مدرس
الأحياء ايام الثانوية و هو انسان مطلع
بغض النظر عن شهادته اكد لي ان السمك
و اللبن الخلط بينهم طبيعي جدا و لا يوجد
اي اساس من الصحة لكل ما يقال و العلم عند الله مو احد ياكل و يقطها
براسي


اذكر ولد جيرانا عقدني كان دايما يقول
اللي يعد النجوم يستدني زواله
:s

و السر الخطير و هو مرتبط بأبوي فقط دونا
عن الغير .. كان مصر ان الحمام يجيب النحس

لأن كان عنده اخو طاح بالجليب و توفى
لما كان بيجيب للحمام ماي و من يومها
و هو متعقد

الغريب ان كل عياله الخمسه كانو مطيرجية
لووووووووووووووووول

و شخصيا اعشق الحمام بس بطلنا تطيير

كبرنا عاد
:p

teagirl said...

laialy_q8 believes in that laban thing I think its silly.

Al-fala7 said...

فيه شغله معقدتني للحين ... اذا طاح الواحد.. يعني تعرجب ليش يكتون ملح مكان الطيحه ؟

تحياتي

NewMe said...
This comment has been removed by a blog administrator.
NewMe said...

فعلاً كثيرة الاشياء اللي نسويها ومالها معنى

بس انا عن نفسي اخترعت لي اشياء بروحي مني لنفسي مو شرط معينه بس جذي افسرها على كيفي
ممكن اتفائل او اتشائم من اشياء اهي تحدد نفسها
مثلا امس وانا راجعة من الدوام شفت حمامة بيضاء تتمخطر على الشارع خففت لها ونطرتها ليما طارت بس حسيت ان في شي جميل راح يصير لي اليوم
وصاااااااااااااااااااااااااااااار

بس لا انا عندي سالفة ولا خرابيط اهالينا

أطيب تحياتي

lawyer said...

هامور
اسمها حماااااااااره القايله

و انشاء الله طوووول ما انت مستمر في هالبوست بطرشها لك
هههههههههههههههه


ريما

الكره بالطووفه
اتأذيي اهل البيت الي ساكنين معانا
يعني يطلعلنا ينانوه

النعال بعد

انا لي الحين اعدلها
ما اقدر اخليها
مدري ليش



المقص يزيد النحس
لان اشووف ماري منيب دايما
تسوي هالحركه في الافلام
هههههههههههههههه


احلى شي كلمه خرابيط برابيط

ممكن سؤال ريما
هذا البوست انتي كاتبته و الا بنتج؟؟؟؟


من الشغلات العجيبه
ان الريل ما يصير يشوفج في بدله العرس الا يوم العرس

Яeema said...

looooooooooooooooooool

لا تعليق

سالفة إللي يخطر الواحد إييي كنت أسويها بس هم مادري ليش

و أذكر لا إتعدون النجوم و إتحطونها علي ويهنا
تطلع مكانها فالولة

هاهاهاهاهاهاها

Яeema said...


HaaMooR

NiCe

KiTTy

KUwaity*4*ever

SHaikhooNa

3aTeeja

MishaL

Bo9ali7

نون النساء

NooNa

طائر بلا وطن

PhoToFloW

al-Fala7

NewMe

LawYer


I read your comments o tha7akt
thanks alot for your cpmments :)

الموضوع يضحك و مادري شرد عليكم بس صج لييش إنسويها ليما ألحين؟

HaaMooR said...
This comment has been removed by a blog administrator.
HaaMooR said...

laaish.. coz this is the one negder enkharee3 elyahaal laa ye6le3oon elthehr belgaayla..

elmooshkella mo chethy.. elmoshkelaa eyech wa7ed men elyahal egoolech .. walaah sheft 7mart elgaayla .. wallah .. oo emsaadeeg eshloon maadre :P

Lawyer

eee.. akeed.. 3ashaan etseer 7eelwa.. amaan ashoof-ha gabel el3ers .. maalha 6a3aam.

ana laal7ein a3aadel elne3eel, oo maa aghaany bel7aamaam oo ana asbaa7 egoolon moo zaain.


it is our tradition and culture Reema. the way kuwait built. US as kuwaities ...

The Kuwaiti Myth..
and I am proud of it :@

mishari said...

ما ادرى شنو اكو شى جذى لان ماكو شى ما قالوه بس يقولج فى ماليزيا يكرهون الرقم 9 فيوم
9/9/199
فى ناس انتحرت لاعتقادهم بان يوم القيامة

نقش حنه said...

من الاشياء يا ريما اللي احس مالها داعي انهم يكتون ورى المسافر ماي


هي مجرد اشياء توارثناها واعتقد انها بتزول مع على يد عيال هالجيل

Q8ya said...

سالفة النعال المقلوبه ليلحين معقدتني لوووول والمشكله ما ا قدر لما اشوف نعال مقلوبه لازم اقلبها عدل خلاص تعودت ههههه

Smile said...

لما تاكلين بيض ولبن ... يصير فيج برص
ما يصير تقولين انج حامل قبل ثلاث تشهر يصير فيه شي الياهل
كله عجفي شعرج علشان يصير طويييل

Hashemy said...

egolooon etha leqaitaw tekremon en3al 3ala en3al ya3ny betsafer madre mn ekteshaf hal nathareya ethaher enathareya erab3a 7ag nioten :P

الحجيه said...

السلام عليكم جميعا
حيا الله بنتي الريم اليوم خوش موضوع ونعيشه كلنا ولكن بدرجات حسب البيت ؛ تدرين الاولين كانوا من الفراغ والجهل كل شيئ يحطوله قصه مثل حمارة القايله (الظهر) حتى يخوفونا ما نطلع وننام الظهر واهم ينامون . .وفي أشياء وايد أي اذا شفتي شيء وانبهرتي فيه يقولون مسكي الخشب ؟ يعني الخشب بحميهم استغفر الله خل يقولون ماشاء الله ما ادري من وين يطلعون هل سوالف المهم

تدرين يا يمه شنو يعتبر هذا ؟

الشرك الأصغر : أتصدقون

التطير = الشتاؤم

قال ابن الأثير: "الطيَرة بكسر الطاء وفتح الياء وقد تسكن: هي التشاؤم بالشيء. وهي مصدر تطيّر، وأصله فيما يقال: التطير بالسوانح والبوارح من الطير والظباء وغيرهما، وكان ذلك يصدهم عن مقاصدهم، فنفاه الشرع وأبطله ونهى عنه، وأخبر أنه ليس له تأثير في جلب نفع أو دفع ضر النهاية في غريب الحديث (3/152)

عن عبد الله بن مسعود رضي الله عنه قال: قال رسول الله صلى الله عليه وسلم: ((الطيرة شرك، وما منا إلا ولكن الله يذهبه بالتوكل)) أخرجه أحمد في المسند (1/389)، وأبو داود في الطب، باب: في الطيرة (3910)، والترمذي في السير، باب: ما جاء في الطيرة (1614)

قال ابن تيمية: "وأما الطيرة بأن يكون قد فعل أمراً متوكّلاً على الله أو يعزم عليه، فيسمع كلمة مكروهة: مثل ما يتم، أو ما يفلح، ونحو ذلك فيتطيّر ويترك الأمر، فهذا منهي عنه" مجموع الفتاوى (23/67 )

وقال سليمان آل الشيخ: "قوله: ((الطيرة شرك)) صريح في تحريم الطيرة، وأنها من الشرك لما فيها من تعلّق القلب على غير الله" تيسير العزيز الحميد (438)

قال سليمان آل الشيخ: "قوله: ((من ردته الطيرة عن حاجته فقد أشرك)) وذلك أن التطير هو التشاؤم بالشيء المرئي أو المسموع، فإذا استعملها الإنسان فرجع بها عن سفره وامتنع بها عمّا عزم عليه، فقد قرع باب الشرك بل ولجه وبرئ من التوكل على الله، وفتح على نفسه باب الخوف والتعلق بغير الله، وذلك قاطع له عن مقام {إِيَّاكَ نَعْبُدُ وَإِيَّاكَ نَسْتَعِينُ} فيصير قلبه متعلقاً بغير الله، وذلك شرك، فيفسد عليه إيمانه، ويبقى هدفًا لسهام الطيرة، ويقيّض له الشيطان من ذلك ما يفسد عليه دينه ودنياه، وكم ممن هلك بذلك وخسر الدنيا والآخرة" تيسير العزيز الحميد (439)


َعنْ عُرْوَةَ بْنِ عامِرِ رضي اللَّه عَنْهُ قَالَ : ذُكِرتِ الطَّيَرَةُ عِنْد رَسُولِ اللَّه صَلّى اللهُ عَلَيْهِ وسَلَّم فقَالَ : أحْسَنُهَا الْفَألُ ، وَلا تَرُدُّ مُسْلِماً ، فَإذا رأى أحَدُكُمْ ما يَكْرَه ، فَلْيقُلْ : اللَّهُمَّ لا يَأتى بالحَسَناتِ إلاَّ أنتَ ، وَلا يَدْفَعُ السَّيِّئاتِ إلاَّ أنْتَ ، وَلا حوْلَ وَلا قُوَّةَ إلاَّ بك » حديثٌ صَحيحٌ رَوَاهُ أبو داودُ بإسنادٍ صَحيحٍ .

أرجو الإفادة لي ولكم جميعا