Friday, June 16, 2006

ثقة زايدة إشوي بلعروس


البارحة كنت رايحه عرس ويا الوالدة ، طبعا كالعادة فيني تحلطم علي بعض العادات و الأعراف علي عروس الكويت.

أول شي العرس هالأيام صاير ما يونس و مادري الصراحة شنو الحل بهالموضوع، نفس الناس ، نفس الأغاني إللي من سنين الطواعين و أقصد السامري و السبب إن الحريم لكبار يحبون القصار و أغاني القصار . مع إن صوته مافي من الفن ، الجسمي وايد أحلا .

المهم ما علينا ، ليييش قاعدة أكتب البوست؟

الصراحة من سنتين مارحت حفلات بسبب الحمل و الولادة و الرجيم و ساعات عسارة إن ماكو بدلة حلوة و رخيصه و أقصد رخيصة أقل من 500 دينار و طبعا غير المكياج و التسريحة و إكسسوارات البدلة.

مو بخل ، بس إذا زاد المبلغ أزيدهم إشوي و أشتري ساعة

أممي تتحلطم علييي هاهاهاهاها

أنا مدمنة ساعات
:) < ==( بقلد المرشح الشرهان )؛ المهم شطيت

المناظر إللي قاعدة أشوفها بالعرس بصراحة إمضيقة خلقي وايد .

ويوووه حلوة من هالبنات لصغار بس الله لا يوريكم لجسام و لا اللبس !

بتقولوون ولييييييييين ردينا علي اللبس !

إنزين مو مدحا فيني بس أنا أحب إن ما يطلع فيني عيييب بالبدلة ، يعني هالأيام زايدة جم كيلو ، ليييييش أشتري بدلة إتطلع الخواصر !

يا جماعة في مشكلة في هالبلد، الثقة الزايدة !

إشذنب الناس يشوفون هالمناظر و يتكلمون و أدري و أعطيكم إياها إن بالعرس ذنوب من راسك ليييه ريلك.

و سوووري بكمل إهني أقصد بالبلوق ، عشااااااااان إصحا يا نايم .

عيل وحدة وزنها والله و بدون مبالغة فوق ال150 كيلو و ترقص شرقي! لييييييييش يعني! شالثقة! لا المصيبة أكو تصوير ! كل هذا مزاج يعني و الله الصدر واصل ليييه الفخذ ! و مزلط و الحالة حالة!

هالبنات لصغار إللي أمهاتهم إقتلوا البراءه فيهم ، إتلاقيها 16 سنة و السدر طالع كل بالشارع و لا راقصة بشارع محمد علي.

وإلا إللي لما ترقص تكون إهيا بوادي و الطقة بوادي آخر .

وحدة أمس صغيرة بدلتها حمرة و الظهر عاري و مبين اللونجري مالها علي هيللو كيتي !

وحدة ظهرها متروس شحم و حاطتلي قلب يتدندل ، بكون إتقلد دعاية شانيل 5

هاهاهاها تعالوا فكرة حق حملة نبيها خمسة ، بس عاد نبي ظهر نيكول كدمن مو هذي!

العرس متناقض يا ضعيفة يا متينة و الوسط صج صج ينعدون عالأصابع .

دخلت العروس ويا زفة رياييل و مادري شنو هالمديل اليديد إللي راجعين فيييه مرة ثانية، إنزييين يالحريم لبسوا إحجاباتكم.

في بنات لازم يكونون داخلين ويا العروس ، إتلاقيهم إلبسوا الشالات ( مو متحجبة )

فجئة ويا الطق الحامي مال الرياييل إتقوم ترقص جدامهم بالشال !

يعني الشال يا أمي أهوا الحاجب ! و الفتحات والضيج إللي بالبدلة إختفوا!

إكتشفت شغلة يديدة ؟ ليييش المتحجبة بالعرس تلاقي بدلتها أكثر شي متفصخة ؟

ممكن سؤال ، ليييش لي قالوا عرس معناها كل شي يجوز؟

صراحة كلمة حق أمي ، العرس صار آثام من الحش أكثر من إنها وناسة من كثر التهول إللي قاعدين يهولونا بنفسهم على أبو إن عرس !

عندي فكرة مشروع من بعد هالحديث الطويل، و أهوا تبني البنات قبل الدخول للعرس

يعني بالإنجليزي

Personnel shopper

شكر خاص لأختي و صاحبتي لوير لتبنيها فكرة دخولي العرس بتميز ممثلات الأوسكار

لوير محد مثلي و كل من شافني قاللي ستايل يديد أوروببي

و الشعر و الماك أب طلع مثل مذيعات روتانا

و طبعا ما جعل هذا كل ينجح القوام المتناسق عشتوااااااا هاهاهاهاه

إييي بمدح نفسي

القالب غالب

والله إذا الجسم حلو ، أي شي ينلبس حلو ، بس إذا الجسم مو متعوب علييي والله لو بدلة بوتيغا ما تزها عليييه .

ودي أسوي مسابقة بقلد عتتووووج
شنو البدلة إللي فوق بالصورة؟

ممنوعة يا لوووير من الإجابة!؛



دعاء فض المجلس

سبحانك اللهم و بحمدك اشهد ان لا اله الا انت استغفرك و اتوب اليك

43 comments:

Unknown said...

أهم شى عقب الحش هذا كله دعاء المجلس :)))

بس تبين الصج وايد هالامور كلها ليش تصير عندنا بالكويت
؟
وان دل دل على سوء التربية
تصدقين اعرف وحدة عندها بنت تينن عمرها 16 سنة البنت توها صغيرة وتستحىىىىىى حدها امها تعصب عليها اذا ما لبست بدى وجينز وكعب يعنى تسويها مرة وتبين مفاتنها والبنت تستحى ما تحب والام الا تطلعها جذى يعنى على ابو انها سنعة اقول انا مالت على السنع اللى جذى
يارب تخلينى اربى عيالى الا بما تحب وترضى تقبل دعوتى بهاليوم الفضيل

lawyer said...

هاهاهاهاهاهاهاهاهاهاهاهاه
وااااااااااااااااااي موتيني من الضحك

صج صج صج قاعده اتخيل شكلج و انتي تتحلطمين
يموت ضحك
والله شي هالبنات الثقه في العروس
لوعو جبدنا

اقولج شي ما تصدقينا
عليهم ثقه اتفشل
انا دايما سأل نفسي هذي اشلون تتفصخ حق ريلها
ولد الناس اشذمبه يششووف هالشحووم

لا لا لا لا
شي هووووووووووووله في العرس

العرس على قوله امي كله منااكر

من منكر لي منكر
اسبوع الي فات لما رحت عرس امي طلعت مع دخله العروس لان الردهان و فرقه دشوو
امي ما يعجبها جذي
طلعت و راحت البيت من الساعه 11

و ظليت انا اطق و ارقص لي الصبح

ما علينا

السؤال الي يطرح نفسه
هل البنات عندهم المرايه الخادعه
الي قبل في المدينه الترفيهيه
الي تخلي المتيييييينه ظعيفه و طويله

مدري

احم احم
لا شكرا على واجب
والله اذا بتقطين فلووس
قطيييييييي على ماركه لا تقطين على شغل لبنان و شك

احلى شي البسااااااااااااطه
تكونين راقيه

بس اقول بدلتج هذي مو مال عرس كويتي
ما لقيتي حفله لبنانين مني منااك
سهرتي و استانستي يقلولون اليسا هالاسبوع بيتيت الكويت
شكييييييييييييت
انج انتي عازمتها

layal said...

اقول لج اخر مره رحت عرس
الا وحده قاعده بنظاره شمسيه هااااا
شسالفه حركات

وحده تقعد بأخر الصاله وتقول اش فيه المعرس يطالعني ؟؟؟
المعرس خلصوا البنات بصاله قاعد يطلعها -اش دعوه زرقاء اليمامه

mishal said...

مساء الخير

ههههههههههه
وصفج كأني موجود في الحفله

صج ليش العرس كل شي فيه حلال عند الحريم

انا اسمّي العرس سوق بنات

يمكن لعل وعسى احد يجي يخطب البنت

لكن المتزوجات ليش يسوون كل هذا

========
انا عندي اخوي الصغير
اذا اهلي بيطلعون لحفله والا عرس

يسوي لهم سالفه
وبالاخير يقولهم يالله عندكم ساعه بس تدخلون الصاله وبعد اقل من ساعه تطلعون والا ترا والله ياويلكم
مايغشمر

مطلّع ارواحهم
هههههههههه

Яeema said...

mishari :
من موقع الحدث أتحد إليك أنا في بيت لوير ألأحين و علي جهازها و إذا طلع طشار مني مناك أنا مالي شغل

والله لازم نسأل عن هالشي ، أنا حضرت عرسين خارج الكويت
واحد في الأسكندرية و ناس محترمة و حدهم كشخة و ما شفت إللي شفته بالكويت

المكان الثاني أهو لبنان و طبعا أكيد مالك أمل إتشوف هالشي
مادري يعني لييش إن مختلط؟
بس في مصر عادي المتحجبة ترقص

أنا بأذي بنتي مثل ما أمي و أبوي يننوني بالحفلات
ما حطيت كحل إلا و أنا داخلة الجامعة
هاهاهاها
كريم الأساس و أنا بالدوام عليموني عليي

Яeema said...

ما أعرف أعلق عليج و إنتي يمي

هههههههه
قلته لج لايف

Яeema said...

hamoor :
ekhith ra7tik , and it's my pleasure to be your comments the first one here .

next year same time i will do a birthday for you at my blog .

you know it's a very sad thing to hear or see such thing about our little girls .

i think this is the reason of why lots of girls still not marriade.

if every mother , tet3ab eshwaya 3ala enha taghris geeyam 7elwa bel bint , walla maraa7 enshof elly ga3deen enshofa .

about the 500 , hatha only the dress hahahahah
add shoes and makup and hair :s


o mo9akhat el7areem enan ma taby talbis el badla more than 1 or 2 times .


afa 3alik dont worry , 99.9 % min lebloger was an irc user , ella elsheyyab :p


7ayyak eb kel wagt

Яeema said...

layal :
حتى إنتوا حركات!!؛

بس مو يمكن إمسوا عملية ليزر؟؟

هاهاهاها

Mohammad Al-Yousifi said...

اتفق معاك في معظم اللي قلتيه

أنا مو ضد المتان , لأني انا متين , بس انا ضد المتينه اللي تلبس هدوم تطلع العيوب

ما له داعي كلش

Яeema said...

mishal:
مساك الله بالنور

أقوللل أشونه أخوك لصغير مو أخوي
جان زنطته
هاهاهاها

Яeema said...

kila ma6goog :
i am with you too ,
their is someladyes cant go on diet , in some health issues .

harmones and something like that

but we need something to be fit on them .

why i am writting in english , coz i have to do it fast , i want to go buy ice-cream , since i am in lawyer house , so , akhaaf etsawy feeny shay if i am late
hahahahhahahah

bye

lawyer said...

لي الحين محد جاوب على السؤال ؟؟؟

esTeKaNa said...

عساج تفرحين بعيالج قولي امين
:)
تدرين العروس ليش صارت ما تونس؟
من زود التكلف والمطالع
حتى العروس ما تشوفين بعيونها فرحة ولا المعرس تحسينه مستانس
والاهل جنه مليون مرة يتزوجون عيالهم
!!
يا حلو العرس البسيط اللي الذوق عو عنوانه والناس فيه فرحانين واهل المعرس والعروس مندمجين مع بعض


اما سالفه المخابيل بالعروس فانا لي راي:
الحيا زينه
والبنت ببساطتها بحياها شيخة الزين كله،الحيا حق البنت نفسها مو يعني ماكو ريايل نستخف
ما يصير ولا يجوز نشوف هالظيم كله بالعروس
!!
ويزاج الله خير على كفاره المجلس
ذكرتيني بفطومه التمار
:Pp~

wakee7 said...

اكو احلى من السامري ؟؟
ما اظن

3ateeja said...

احلى شي دعاء كفارة المجلس هذا اكثر شي ظحكني ممكن اظحك
هههههههههههههههههههههه
سؤال يطرح نفسه
المتان مالهم رب يعني ؟؟؟؟؟
خل يتفصخوون بالعرس احسن من يتفصخوون بمكان ثاني

تصدقين بالله
ما احب شي اسمه عرس
معروفه بهالنقطه بين اهلي ....وحتى بأختيار نوعيه اللبس معروفه بعد
يعني اذا ناس ابعاد انسييييييي اروح
اما اذا قراب فملزومه اروح
احس جو العرس كلا حش
وحسد
وطبعي ما احب يومي كلا يتجند علشان حفله ..اذا عرس اكشت اما اذا حفله وقريبه حيل ما عندي موديلج مال ال500 شسوي بنت فقاره..وتبين الصج استحرم امجع 500 دينار من قلبي
وبدلاتي 80%منهم ما اشتريهم الصراحه من لكويت احس غالي وعالطل
وما احب الصالونات مثل ما انتي عارفه فمكياجي وشعري غالبا ما اسويه بالبيت الا اذا امي بتيي معاي ورايحه الصالون اروح معاها
تصدقين عرس اختي حاطه مكياجي بالبيت
:)
وعلى فكره ريما ترى ذاك اليوم كنت بملجة ولد خالي ..لاعت جبدي من الغناوي اليديده ما قمت على ولا غنايه
يوم حطوا غاااااااااااب بدري انا يا من يجيييييييييييبه
يااااااااااااااااااابت راس عتيجه
وهقوتي البدله اللي حاطتها تبع
KENZOOO

3ateeja said...

لا مو كنزووو ارماني

Unknown said...

صبحج الله بالخير
اول شي الله يعطيج الف عافية

والبوست حلو ماشاء الله :)

بعلق على سالفة المتينة ليش ترقص شرقي . بالصالة ,.

شوفي يا طويلة العمر ,.

الدكاترة دايما ينصحون ,. ذوات الشحوم ! والخواصر والتضاريس ,.

بالرقص . لان الرقص يحرك اكثر اجزء الجسم ,.

فحجيتنا المتينة,. مالها خلق ترقص بالبيت , بس اتعرف تاكل وتنام ,.

فتقول والله انها فرصة اروح العرس منها استانس ومنها ,. ارقص واسوي رياضة .

طبعا لازم توقف جدام الكاميرا

علشان العرس الي وراه

تقارن بين الاثنين

وتشوف نزل الوزن ولا لا !!

:P

تحياتي لج والتوفيق للجميع انشا الله

Anonymous said...

akeed dasha 3ers oo mo circus? akhaf re7taw "7awalli Park" ely sob dowar iljawazat?

oo 3adi mafeeha shay wa7da wazenha fog il-150 kg tabi targes oo testanas..MAKE WAVES BABY!

ma legaiteeli mara? shfaydat il3roos etha matdawreen 3ala mara 7agna e7na il3ezabeeya? ;p

yallah wala yehemech inshallah etha sawait 3ers bakhaleech my "wedding planner" ;)

الحاجب المنصور said...

يقولون .. المعاريس اثنين والمهبل ألفين

نون النساء said...

هههههههه
اي والله صاجة يوم حطيتي كفارة المجلس


مرات اشكثر احن.. ودي اروح عرس ويوم أروح اتندم ليش رحت..


اتخيلي ريما اشوف بنات توهم صغار ويلبسون من غير اهدوم
@@ وياليته على قولتج حلو
فيه اميه قصه واللي مرتفع واللي نازل واللي مشقق واللي مادري شلون
هذا غير المكياج اللي يغير الملامح مرة وحده

أقعد أتحسّر عليّ اللي ماعرفت لعروس والمكياج غير لما خلصت ثنوية والحين اشوف حتى بنات الإبتدائي لابسه نفنوف ومطلعه ضهرها

:/

R7eeq said...

امبيه بدعتي ,,

دعاء حش صار مو دعاء مجلس ..

حدج مشتطه ,,,, @@ دام كل هذا ليش تروحين عروسه تحترين وتردين ..


لوول اكثر شي يلوع الجبد اذا بطه وترقص شرقي امبيه لوعت جبد ..


بس ساله الحجاب هذي يديده ,,, ان شاء الله ماشوفها ,..


ولاتحترين ترى محد يستاهل ..

Яeema said...

kitty
حبيبتي عندنا منظرة و إنشوف
بس هذي الزبدة

Яeema said...

HaaMoor

YOUR ANSWER IS RIGHT !

ARMANI

Яeema said...

Estekana
آمييييييييين يا رب العالمين

كلها 20 سنة و راح أعزمكم علي العرس
تجوووود العرس يطلع شي ثاني يديد ما
يندره

أنا أموت علي حفلات البيت

أحس بسيطة وحلوة

3afoor

صاااااااااااااااااح
بس هامور عرفها قبلج ، فالجائزة حقه

تعالي تعالي دزيتلج إيميل أسأل عنج
مادري ويينج مختفية و فقدتج

بس أشوة إستانست يوم شفت نكج اليوم منور

neelaah said...
This comment has been removed by a blog administrator.
neelaah said...

ارماني

مو علشان انا افهم بالهدوم
بسعلشان انتي حافظتها بإسم
Armani Dress

لما تكبرين الصورة و تروحين بروبرتيز تشوفين انتي شنو مسميه الصوره

شفتي شلون طحت عليج؟؟

الحجيه said...

السلام عليكم جميعا
الحقيقة يا يما الريم أن خوش موضوع لأنه غاثني من زمان والعالم ما عاد يعرفون شيء اسمه الحيا بس ودهم يتفصخون كأنه أصبح فخر ؛ كلامج صحيح أن اغلب المتحجبات كله مفاصيخ ما ادري شلون مع أن الكاميرات موجودة والتلفونات بالكاميرات موجودة من عمر الدنيا المتسترة أو المتحجبة لازم تكون أكثر حرص على الستر ولكن العكس هو الموجود
كنت بعرس بناتي ما أشيل الحجاب أخاف احد من معارف الريل يشوف الفلم ولا التلفونات ألي تصور ما تدرين عندها ذمه ولا لا ؛ تنشر الصورة ولا لا حتى البنات الصغار لبسهم معاد مثل أول تحسين مكوبرين(يعني اكبر من سنهم) وحتى الماكياج تقولين عروس ؛ أنا بعرف لي عرست شلون بتطلع أزهوتها أذا أهم أربعه وعشرين ساعة بالماكياج ما ادري ما صرنا نشوف براءة البنات مثل أول ترى الحياء نعمه وزينه للبنت في أحاديث وآيات تحث على الحياء ويقول عليه الصلاة والسلام : (( اتقوا الدنيا ، واتقوا النساء ، فإن أول فتنة بني إسرائيل كانت في النساء )) [ رواه مسلم ] وقال تعالى : قال تعالى : {وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلَّا لِبُعُولَتِهِنَّ} [النور : 31] واعلمي أن رسول الله -صلى الله عليه وسلم- يقول : (( صنفان من أهل النار لم أرهما بعد – وذكر – نساء كاسيات عاريات مائلات مميلات رؤوسهن كأسنام البخت المائلة لا يدخلن الجنة ولا يجدن ريحها ، وإن ريحها ليوجد من مسيرة كذا وكذا )) [ رواه مسلم ] . والتفسير للافاده لي ولكم وصفهن عليه السلام بأنهن ( كاسيات ) أي : عليهن كسوة فهي كاسية من النعمة ( عاريات ) من الحياء لأن هذه لا تستر إما لخفتها أو لضيقها أو قصرها .
فمن هنا تعلمي أن التبرج حرام في كتاب الله وسنة رسوله عليه السلام وإجماع المسلمين
عليك بدعاء الخروج من المنـزل : ( بسم الله ، توكّلت على الله ، ولا حول ولا قوة إلا بالله ) [ رواه أبو داود ] . يقال لمن قالها : كُفيت ووقُيت ، وتنحى عنه الشيطان
قال رسول الله- صلى الله عليه وسلم- : ماكان الفحش في شيء إلا شانه ، وما كان الحياء في شيء إلا زانه .
فلو تجسم الحياء لكان رمز الصلاح والإصلاح .
عن عبد الله بن مسعود رضي الله عنه، عن النبي صلى الله عليه وسلم أنه قال: [[استحيوا من الله حق الحياء]].
قلنا: يا رسول الله إنا نستحي والحمد لله.
قال: ليس ذلك، ولكن الاستحياء من الله حق الحياء: أن تحفظ الرأس وما وعى والبطن وما حوى، وتذكر الموت والبلى ومن أراد الآخرة ترك زينة الحياة الدنيا وآثر الآخرة على الأولى فمن فعل ذلك فقد استحيا من الله حق الحياء' [صحيح سنن الترمذي].
'استحيوا' الألف والسين والتاء في اللغة للطلب أي اسعوا وابذلوا الجهد في طلب تحصيل منزلة حق الحياء، والمراد هنا هو الحياء المكتسب الذي أمرنا بتحصيله وبذل الجهد لتحصيل أعلى مراتبه.
وينبهنا هنا الرسول صلى الله عليه وسلم أن الحياء وهو خلق قلبي لا بد وأن يبدو أثره على الجوارح.
الرأس وما وعى: أي الأنف والأذن واللسان والعين ويشمل أيضًا الفكر.
فعليك أيتها الفتاة أن تحفظي هذه الجوارح عن المعصية {إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْؤُولاً}، واتخذي هذه الجوارح وسيلة لإرضاء الله، لا وسيلة للجرأة على محارم الله وسببًا لغضب الله عليكِ.
البطن وما حوى: أي الحياء في طيب المطعم وطهارة اليد.
ذكر الموت والبلى: وهو الشعور بأن الآخرة حاضرة عيان ليست غيبًا بعيدًا.
ومن وسائل تحقيق الحياء تذكرك بملاقاة الله والملائكة، وإذا تذكرت أن الله سيقبضك على خاتمتك التي كنت تعملين وما كنت تفكرين فيه في الدنيا فيزيد الشعور بالحياء في قلبك.
ومن أراد الآخرة ترك زينة الحياة الدنيا وآثر الآخرة على الأولى: فالحيية تشعر بالقيمة الحقيقية للدنيا وتؤثر الآخرة عليها، وتحاسب على أفعالها وتستحي من الله أن تُرى في غير ما يحب الله، ومن الملائكة التي تسجل أعمالها.

كيف نغرس الحياء في نفس الفتاة؟
عن أبي هريرة رضي الله عنه، عن النبي صلى الله عليه وسلم قال: [[الإيمان بضع وسبعون شعبة والحياء شعبة من الإيمان]].
وعن عبد الله بن عمر رضي الله عنه، قال: مر النبي صلى الله عليه وسلم على رجل وهو يعاتب أخاه في الحياء يقول: إنك لتستحي حتى كأنه يقول قد أضر بك [أي الحياء]، فقال رسول الله صلى الله عليه وسلم: [[دعه فإن الحياء من الإيمان]].
انظري إلى تفسير الإمام أبي عبيد الهروي لهذا الحديث بقوله:
معناه أن المستحي ينقطع بحيائه عن المعاصي، ومن يستحي يتعفف عن فعل كل قبيح، ونجد هنا الارتباط الوثيق بين الحياء والإيمان. ويؤكد هذا المعنى ما رواه الحاكم في مستدركه [[الحياء والإيمان قرناء جميعًا فإذا رفع أحدهما رفع الآخر]].
ما ورد في صحيح البخاري في كتاب الأدب عن بشير بن كعب في قوله: 'مكتوب في الحكمة: إن من الحياء وقارًا وإن من الحياء سكينة'.
قال القرطبي: معنى كلام بشير: أن من الحياء ما يحمل صاحبه على الوقار بأن يوقر غيره ويتوقر هو في نفسه، ومنه ما يحمله على أن يسكن عن كثير مما يتحرك الناس فيه من الأمور التي لا تليق بذي المروءة'.
فأي جهل وحمق وظلم للنفس إذا تخليت عن حيائك وطاعتك لربك.
فلا والله ما في العيش خير ولا الدنيا إذا ذهب الحياء
يعيش المرء ما استحيا بخير ويبقى العود ما بقي اللحاء

في الختام الدعاء :اللهم ارحم موتانا وموتا المسلمين واشفي مرضانا ومرضا المسليمين
اللهم اغفر للمسلمين والمسلمات والمؤمنين والمؤمنات الاحياء منهم والاموات
اللهم ارزقني قبل الموت توبة وعند الموت شهادة وبعد الموت جنة
اللهم ارزقني حسن الخاتمة
اللهم ارزقني الموت وانا ساجد لك يا ارحم الراحمين
اللهم ثبتني عند سؤال الملكين
اللهم اجعل قبري روضة من رياض الجنة ولا تجعله حفرة من حفر النار
اللهم أني أعوذ بك من فتن الدنيا
اللهم أني أعوذ بك من فتن الدنيا
اللهم قوي أيماننا ووحد كلمتنا وانصرنا على أعدائك أعداء الدين
اللهم ارحم أبائنا وأمهاتنا واغفر لهما وتجاوز عن سيئاتهما وأدخلهم فسيح جناتك وألحقنا بهما يا رب العالمين
وبارك اللهم على سيدنا محمد صلى الله عليه وسلم

Яeema said...

wakee7:
إييي أكو
سلسااااااااااااااا

ما ودكم عرس في هل الحركات من باب التغيير؟؟

Яeema said...

3ateeja :
ممكن سؤال؟
ليييش تضحكين؟
ما أبي آخذ آثام أحد و أنا كنت أتحلطم بخصوصيات أحد

ههههههه
بس والله عشان ما تؤثمون

يزاي يا عتوووج؟؟

هاهاهاها

المتان لييش تبينهم يتفصخون ، إشفيها دارهم؟؟
إنشاء الله تقعد بلا إهدوم بس ما إتلوع جبد خلق الله


arami :p
bas galoha gablich

Яeema said...

عادل القلاف:
هلا والله برسامنا ، نور البلوق

علي سالفة نصيحة الدكتور ما سوا خير فينّا الله يهداه

ههههههه

واااااااااااي إيييي إشدراك إنها مجابلة الكاميرة!؛

ثقة والله

Яeema said...

mini-r :
hahahahahahahah
it's much more fun 7awally park :)
eshdarrak enna akoo 7awally park o enta ma 3indik kids?

allaaaaaaaaaaah
wedding planner !
but
i want an open budget , magdar ashteghel eb badguet

lol
adry betgooly 7ag kharab lebyoot gabel la yenfite7 elbeet
lol

Яeema said...

al-fala7 :
صدقت

حياك الله عندي أول مرة أشوف تعليقك اليوم :)

Яeema said...

نون النساء :

إييي أقولج شي شي

صج الواحد لازم يوقف عن هالشي

والله الرك علي الأم
قاموا يخافون من لسان بناتهم

Яeema said...

r7eeq:
مو الدعاء ينقال بعد الحش إشفييج إنتي
هاهاهاهاهاه

إشحقة رازته و لازم يحطونة ورا ظهر كل كرسي بالعرس

أنا رحت العرس لأن أمي قالت راح أزعل عليج إذا ما رحتي

و بما إني وحيدة أمي و مالها غييري فالواحد لازم يدوس علي نفسه إشو ، خصوصا إذا أمي ما عندها أحد إتعرفه إتروح وياه العرس ، فهو واجب إتجاه أمي

لا إتخافين ما أحتر ولا شي بس تدرين لزوم الكتابة لازم أشتط عشان تتفاعلون وياي
هاهاهاهاها

Яeema said...

neelaah :
ما يطوف عليش شي إشمالله عليج
إعجبتني فطانتج

أنا أقول إعرفوها إبسرعة!؛

هههههههه

Яeema said...

3afoor !

سمعي قبل لا إتروحين خل كل البلوقيرز يسوولي حطة
و بعدين بفتحلج فيزا بلاتين
و بطرشلج لسته فيها
spring summer must have

o etha safritich leeh september .

i want fall- winter must have

then send them to the house directly bel cargo

hahahahaha

send me your mobile number , copy of your ID <== basawelich visa )

your e-mail ,
hmmmm what els??

i will think and i will let you know later .



واللي يبي شي من عافور يحط إفلوسة أول - ما نبي إنكلف علي البنت ، كافي قالت إشتبون من إهناك

والله بعد عمري والله عمرج ، لا خلا ولا عدم يا رب

Яeema said...

الحجية :
لا إله إلا الله عليج
كلامج صج صج يبرد الجبد
و أهم شي إن مدعم بأحاديث و آيات كريمة

والله إن الواحد يستفيد وايد من هالأشياء

أشكر جهودج ويانا
إتصدقين أحس صرتي ملح التعليقات

Яeema said...

بونسوار مسيو دافنشي

والله إسمحلي بس ريلي ما يخليني أروح دواوين
:p

Reema from kuwait

sOulvOice said...

صباح الخير ريما


صرت اكره روحة العروس والسبة التلوث البصري اللي نشوفه هناك

اشكال عجيبة غريبة ربي لاتبلانا وهالميك اب ظيممممممممممممممم

الوحدة تكشخ وتلبس وتتمتع بجمالها بس هم لازم تراعي الذوق العام ومشاعر اللي حوالينها

والمتان بليز رئفو بحالنا لوول



مشكورة عالموضوع الحيوي عبالي اني معقدة بس اشوة في ناس اتفكر مثلي

gmr14 said...

ههههههههههه

بالفعل كثير من الاشياء هالايام تخرج عن معانيها

طابت لياليك ودامت الافراح ان شاء الله

3ateeja said...

اتحرش
:P
لا افا عليج بلعكس انتي ما تحجيتي عن احد بعينه وهذا ما يتسمى حش اصلا هذا يسمى نقد اجتماعي يا اختي
الحش انج تقولين شفتي حصوووه بنت ام جراح من تخرجت من الجامعه وهي فاصخه الحيا موليه واترزز من عرس لي عرس يعني خطبوني وجان زينها حلوه او على الاقل مقبوله اشمتنها واترقص شرقي وامطلعه الظهر اللي تقولين عماره فيها بلكونات
و و و و و انتي عارفه الباجي
هذا الحش
اما لما اتحجين بعموم البشر هذا مافيه شي عااااادي :)

Яeema said...

soulvoice-misso :
مساء الورد سوول
إيييييييه
أنا ما تكلمت عن الميك أب أشونج يبتي الطاري - الكحلة واصلة لي بيت ليران


لا منتي معقدة إسم الله عليج ، بس أول مافي بلوقات إنتحلطم فيها
هاهاهاها


gmr14
mer- SOOOOOOOOOOOOOOOOO

3ateeja
شكرا للتوضيح بين الحش والنقد
يعني ما خذيت إذنوب أحد !؛

3afoor !
ألحين منو داق الصدر يقول تبون شي !؛

إنتي لو رايحة البحرين أطلعلج شي غير الحلوة
ترا أنا إبسرعة أمون
هاهاهاهاهاهاهاها

Яeema said...

HaaMooR

جان تبي صور إعيالي حاضرين و عيد ميلاد ولدي و حفلة تخرج بنتي هم حاضرين

بس السعدوووووووووون !!!؛

آسفة
أنا أصلا عليي حظر أروح أي تجمع سياسي

بس يمكن الشباب أدري مني إب هالموضوع



هديتك تبي مادية و إلا معنوية