Thursday, March 02, 2006

خرابيطي

يا قلب لا تلتفت للي يبي سيرتك تنتشر بين الناس

خلة والا اتكدر من أقوالة وانت عارف ان ماله أساس

اتركه يقول كل اللي بخاطرة،وابقي انت عالي فوق الراس

ومايبقي اللا الصحيح من كلامة،وبظل كذبة لرجلك مداس

هذا جزا كل من يكون محبوب بين كل الأجناس

ريمــا

14 comments:

mishari said...

انا اقول ياريما
الناس تنتشى لطاروا عالى الراس
والصغاير من اهل الذموم كثيرة
خلج على دربج ما دام فى دنياج
عيالك ورجلك والناس محتوينك
ولى بغيتى العون لقيتنى بين كل هالناس
امد لك ايدينى يا خيتى
يوم يقفى العالم ويغدى الاحساس ما هو احساس
وسلامتج

احساس مرهف said...

الناس صاروا مو ناس والدنيا تغيرت والكل فقد الاحساس ،كلمن يبي وناسته حتى لو على حساب اعز الناس

NaDiA AnZa7a said...

مـهما يقولون مهما صار مهما تم
أنـت البدايات وأخر ساحل ومينا


فـي هـرجة الناس بالعذال لاتهتم
لـو هم يحسون فينا ماحكوا فينا


حنااجتمعنا وشمل العاشقين التم
خـضنا حروب الهوى فزنا وردينا


اهـواك مـاهي مواويل بها اترنم
تـرى الـمواويل هي اللي تغنينا


مـناالـوفا يـاوفي الروح يتعلم
وكـل التعابير تبحر من شواطينا


حبيب عمري حياة القلب خل الهم
تـقسي الـليالى ولـكن ماتقسينا


وان كـان جـدت جدايد حبنا اقدم
ولاعـاش راسٍ على الدنيا يبكينا

اشكرج يا ريما على هذا الإهداء وارجو ان يعجبج الرد ويكون ردي امكفي واموفي وعسى الله لايغير علينا

lawyer said...

يطول الليل يا حمد
...............

يطول الليل بغيابك .. ويعمي بالجفا شوفي
اشوفك وجه وان مرت بعيني وجيه مختلفه

وانا اللي ياحمد مالي سوى نبرات بحروفي
وشعر ٍ قلت بنسج به شعوري وان صعب وصفه

يخون الصدق في نفسي بقايا لهفتي وخوفي
واخون انسان بأعماقي حلف مايقتل العفّه

دخلت ودنيتي حرب ٍ تكسّر عندها سيوفي
سليت النصف من همّي وباقي بالحشا نصفه

واشيل من الجروح اللي تهد وتتعب كتوفي
دواي ارجوك بايدينك .. دواي من العطا رشفه

اخاف الدرب امشي به والاقي عنده حتوفي
ياويل القلب لو يلقى بعد ذاك التعب حتفه

مدامي مبصر وتايه اجل وش فادني شوفي!!!
ابلقى بالحياه اعمى يجيني واستند كتفه

تمر البسمه بعيني واقول لبسمتي طوفي
اكيد انت ِ كما العاده تجيني بالفرح صدفه

كتبني الشوق ميثاق ٍ واوراق الوله جوفي
يعاهد بالغلا غالي يصون العشق ويعفّه

فداك من القصيد اللي يجي حدّك ولا يوفي
وبيت ٍ لا لفى اوراقي لفى وحروفك تحفّه

Яeema said...

mishari :
صح السانك يالغالي

Яeema said...

احساس مرهف
كلامك عدل
الناس صار همها الناس
و ما ينظرون لنفسهم

مشكلة إذا ابتسمع كل كلمة و بتأثر

دايما أقول الشخص الناجح محارب

Яeema said...

nadia:
مدام نادية
أشكرك لك هذه الكلمات

وانشاء الله القصيدة اعجبتج و تعلمتي شي من هذا الدرس

كفا ووفي حبيبة قلبي انتي

Яeema said...

lawyer:
دايما تتحفيني بقصيدة رائعة
أشكر لك جهودج

ترا كتبج عندي

الحين فيه مشكلة؟

من وين أشرب قهوة ستاربكس بعد ما سكروا المحلات

lawyer said...

اي ريما حبي الكتب عندج و اغراضج عندي
اي سكتي عاد انا متعوده على ستار بكس العديليه
بس يالله اشوه انه ويك اند يعني شوكلت بار يوفي


ريما ياريت في البروفايل مالج تعرفين الناس بادمانج على القهوه
و علاقتج الحميمه معها
يا ناااااااااااااااس لحقوني ريما اذا جابتا القهوه تسرح و تنساااني
اتتنح فيها تعيشششششش وياها جوو!!!
الو ريما شوفيني حاجيني
الاقيها تقطقط الكاكاو في القهوه
عليج بستين عافيه
بس عطيني ويه
اي تعاااااااااااااااااااالي ليكون اليوم بتطلعين ؟؟؟؟
قعدي في البيت لو سمحتي انا قبل لما اطلع ويا رفيجاتي لي معجبين !!!!!!!!!
لي جمهوري الغفير
بسسسسسسس من قمت اطلع وياج جنج حرقتي كرتي !!!!
LOOOOoooOOOLL

Lord Bin Sleet said...

صدقتي انها خرابيطك
:P
وهذا المقطع
وبظل كذبة لرجلك مداس
قمة الخرابيط
بصراحة جلست ساعة ابي افهمه وموب قادر

:PPP

تحياتي
لورد بن سليت

nOOna said...

تذكر يوم صرت أنا حديث الناس
ومن منه منك يا أعز الناس واليوم
اقدملك عذر وان كان لي عندك قدر
محبتـــي اقطع من رجاها الياس
روح بطريج وأنا بطريج

اصعب شي في الحب انه الانسان ايلي حبيته بكل صدق واحساس يطلع انسان
خاين يلعب بالمشاعر واهو نفسه ايلي
يقول عنج حجي مو صحيح مع انه اهو الوحيد
ايلي يعرفج زين او في اعتقادج انه الوحيد ايلي يعرف شخصيتج بس للأسف
مادرى عن هوا دارج والعكس صحيح
تلقين واحد يصون الوحده ويخاف عليها من الهوا الطاير بس اهي الله يهداها
معطيته بولباس ( موكل البنات ولا كل الريايل نفس الشي
ماأبي اطول عليكم اخر شي بقوله
ايلي نبيه عيه البخت لا يجيبه وايلي يبينا عيت النفس تبغيه
وســـلامتكم

nOOna said...

I miss u her
صج مكانج خالي وضيقة خلق
ولهانـه عليج
أمــواااااااه

Яeema said...

lord bin sleet:
هذا الحجي حدّا خرابيط
بس اللي كاتبته حقها افهمته و هذا أهم شي عندي

أما المقطه اللي ما فهمتة فأقصد

المداس معناها كل ما تطأ قدمك عليه
يعني أكاذيبهم و افتراءات بتصي أشياء اتدوس عليها و إنت اللي ماشي

يعني بالبناني

هذوا ناس بلا أخلاء

Яeema said...

noona:
بعد عمري والله أي وقت دقي علي
أحتاج راحة اشوي أجابل البيت
تدرين دخل الصيف
يبيلة مجابل اشوي

انشيل الشتوي و انحط الصيفي
هاهاهاهاها
مها يمي اتحن ما تبي تحل الواجب تبي تروح شوكولات بار

كبرنا و قمنا انعرف انجز