Spain Wins European Championship After 44-Year Wait

كاااااااااافوااا والله عيال الأندلس

رائد وفاطمة

ممكن تنصدمون ويااي شوي؟؟؟

اليوم زوارة أهلي و كلنا قاعدين شحليلنا و ماكو الا العافيه

فجأة الوالده قامت تقلب بالتلفزيون و إلا قناة الوطن

برنامج: بنات وبس

وإلا المذيعه حاطه نجمه على خدودها

قاعت ساااااااااااااااااااااعه أقولب السالفه عبالي إنعكاس ليت

المهم منو مقابلين؟؟

الثنائي رائد وفاطمة

أوكي – ما أدري هذيل منو قعدت أسمه السوالف إللي مالها سالفه و إلا فجأه المذيع المحترم رائد يقول حق زوجته:

فطووووووووم و فطوووووووووم

و ترد عليه فطوووم تقول :

رؤؤوووووود و رؤؤؤؤؤؤؤؤؤؤؤد

الوالد قاعد و ردت فعله خلتني أمووووووت من الضحك

منبهر

خل أقولكم عن أبوي شوي عشان تستوعبون طبيعه التربيه في بيتها

الوالد عسى الله يحفظه ويخليه لنا

ممنووووووووووووووون منعا باتا تصغير الأسم

ممنوع حمود

ممنوع خلوود

فما بالكم يسمع بالتلفزيون ؟؟؟

المهم القصه و ليش مقابلينهم

عشان نعرف إن مسويلها لعبه مثل باربي و مسميها فطووم

فطووم لابسه لبس سهرة

فطوم لابسه لبس السوق

فطوم لابسه لبس البحر

و حطو لنا الباربيات كلهم و الكرتون مكتوب عليه فطوم

المهم كيفهم عليهم بالعافيه

الصور إللي يااات تالي

( فطوم و رؤؤد يسوون خشيم الفار )

( فطووم و رؤؤد يلمون بعض )

( فطووم و رؤؤد منسدحين و مصورين )

دشيت النت

كتبت فاطمة ورائد و إلا أششششششششوووووووووووووووووووه!!!

مقابلينهم بالجريده

فقلت أوريكم إياهم لأن حدث مهم لازم تشوفونه

المقابله بجريدة النهار

Carzy prices !!!

short time ago it was these the prices

مو صج اللي صار أمس و اللي سمعتا

بدون الدخول بتفاصيل منو و شلون يبت المعلومة لأنها ما تفيد أي أحد

وحده من الأهل تتحلطم على الكويتيه

تذاكر السفر:

الكويتيه حق أسبانيا دايركت - economy : 770 دينار X 2 = 1540 تذاكر الخدام

4 يهال-500 دينار سعر التذاكر لليهال = 2000 دينار

الأم و الأبو : business-class 1150 للشخص= 2300 دينار

الجد والجده : 1700 لكل واحد درجه أولي

المبلغ : 9240

الله يخليلها أبوها أهوا اللي متكفل بالمصاريف هذي بيونس أحفاده وبنيته

يعل عمره طويل

المهم

هذا ما طلعوا من الديرة

راح يقعدون 40 يوم

أوكي عندهم سكن

بس تهقون جم المصرف اليومي؟

يبيلهم سيارة كبيرة

يبيلهم أكل

يبيلهم مصاريف وناسه و تشري

قبل ارتفاع سعر البنزين: المعلومات مني

econemy: 420 دينار

Economy kids : 330 دينار

درجة رجال الأعمال : 940 دينار للشخص

درجة أولى : 1500 دينار للشخص

المبلغ : لنفس العايله مسافرة العام 7040 دينار

مو صج صح؟؟؟

اللي يحر مو جذي؟؟؟

اللي يحر إن الطيارة دااااااااااااايخه ولا تلفزيون يشتغل عدل

بس لازم يروحون عليها عشان عندهم يهال و كلهم دقدق صغار و الجد والجدة متعوديم من الثمانينات بأسبانيا و ما تبي بهذله النطرة بالمطارات و خصوصا إن أحسن رحلة لأسبانيا و ما تنطر وايد هو مطار لندن و لندن هالسنه مسخرة حدها

ودي أسأل؟؟

هل الإعلانات اللي بالجرايد يقصون علينا؟؟

سفرات لندن-روما-باريس 21 يوم ب 700 دينار!

فى أحد حجز حق أوروبا والحين تفاجأ بالوضع؟؟

و إذا 20 يوم 700 دينار تذكرة و سكن وين يسكنون!!!

يوم بديت أسأل حتي تذاكر الخليج و مصر و لبنان؟؟؟

قعدت أسأل اللي حواليي

و تأتيكم الصاعقه

أمريكا : عن طريق الإماراتيه من 350 الي 480

مصر على المصريه: من 145 لي 230

سوريا على السوريه: من 90 الي 200

البحرين على الجزيرة : من 45 الي 95

ودي أسافر سفرة و أكون لاعبتها صح

فندق حلو و نظيف و رخيص

تذاكر رخيصة و طيران مرتب

أكل و شغل عدل و بريدات

ووناسه مو ديره تسكر ليتاتها الساعه 6 المغرب حتي قبل لا تغيب الشمس

في أي إقتراحات؟؟؟

annoying comments

بوست حق الويك إند

من خلال تجربتي بعالم التدوين و كما تعرفون مروا علي أشكال و الوان كومنتات

كومنتات تضحك

كومنتات عبيطه

كومنتات حقد

كومنتات ينوووون

كومنتات مالها علاقه بالموضوع ( تلاقونها بالمقالات السياسيه)

بدون الدخول بإحراجات راح أوريكم مقاطع من بعض الكومنتات إللي أقصدها

كومنت رقم واحد:

إنتي وين و الحب وين جابلي عيالج بدال ما تكتبين عن الحب

( ساعات ودي أرد عليه و أقوله: عيالي ما يروحون المدارس؟ عيالي مجابلتهم 24 ساعه هاده حياتي و شغلي و أهلي و أجابل عيالي بس شلون؟؟؟)

الكومنت الثاني:

بدال ما تتحلطمين دوريلج شي تسوينه بدال لفرارة بالسوق و مجابل لبلوقات

( اللي قال هالكلام تحسونه من صجه و إلا أهوا عبيط يعني؟ اللي يضحك بالموضوع إن مو عارف البوست صج و إلا تاليف

الكومنت الثالث:

ليش مواضيعج تافهه و ما تتكلمين جد شوي؟

( إن تشكو هاهاهاها – هذا بلوقي و إلا بلوقك! )

الكومنت الرابع:

(ريما وبوست دينى ؟؟؟
الله الهادى الدليل)

(اشتبيييييييييييييييييي بالظبط؟؟)

الزبده

شنو تحس لما إيلك كومنت مثل إللي فوق؟؟

إذا لقيت كومنت مثل هذيل أرد رد جماعي للكل و أنزل بوست عقبه بسرعه

الميزانيه والصيف

المكان : السيارة

الوقت: 8 بالليل

المحطة : ما أدري – بس كانوا قاعدين يذيعون جلسة مجلس الأمة ( أدري ما عندي سالفة قاعدة أسمع الجلسة )

الموضوع : مناقشه ميزانيه الدوله حيث أن المبلغ 19 مليار ( ما أدري شنو هالمبلغ ما ركزت) و يحق لكل عضو إن يتكلم لمدة خمس دقايق.

س من الأعضاء :

سعادة الريس ، ما ينفع نناقش الميزانية بخمس دقايق ، ذىيي أموال دوله سعادة الريس و إحنا مسئولين عنها

أطالب إن بترحيل إجازة الصيف لمدة شهرين للمجلس عشان نناقش الميزانية.

تهقون بيسمعون كلامه؟

تهقون إذا صار و رحلوا إجازة الصيف ( الأعضاء راح يقعدون بالحر بالكويت عشان مناقشه بنود الميزانية؟

تهقون لو مصادف وقت مناقشه الميزانية موسم البر و جواخير جبد هالعضو راح يطلب ترحيل المناقشة؟

و إلا عشان صيف و ما عنده مكان يروح له يبي يجابل الميزانيه شهرين

ووزارة المالية بكبرها تتعطل و يوقف شغلها و تعلق تسكر لحسابات للسنة المالية عشان الأخ الكريم يبيله شهرين يدرس بند بند و بعدين يدخل عليه رمضان و يعتكف بالمسجد و يقول خلوا مناقشه الميزانية بعد العيد تدرون صيام و صلاة و ما عندنا وقت حق فلوس الدولة .

سؤال حتى ما يبي يطرح نفسه

إنتوا طرحوا

انتخابات المجلس البلدي

بانتظار النتائج...

must have for tanning

Must have this year for Kuwaiti's ;P

Why????

To fix the parts that sun doesn’t reach it ( full tan color ) ….face and body

I try it my self for my face as a test ,,,,

shay 3ajeeeeeeeeeeeeeeeeeeeeeeeeeeeeeeeeeeeeb

You add it for 3 hours and wait ,,,,

WALAAAAAAAAAAAAAA

Here you go a lovely natural tanned face ,,,,,

Wondering what????

Self tan wipes




p.s ( if you find another brand and it's good pleas e-mail me
or add a comment it will show in my e-mail
thank you girls ;)

If there is hope , there is life

taken by me :)

ما أحب لما يبين علي الزعل

و خصوصا بالدوام

لأن زعلتي جايده

ما أرضي بيوم

ما أنسي أبد

الحب يقلب تبلد قوييييييييييي

و هذا طبعي

ما أطالع ورا كلش ويوقف الزمن من هالنقطه

عمري ما سألت أحد شفيك و إلا شفيج

ما أحب أتدخل

أخاف شي خاص ما تبي تقوله

أخاف أبط البرما و دموعها تصبصب جدام الناس

أخاف أسمع شي يضايقني بعدين و ما بيدي حل إني أصلحه

طبيعتي إذا زعلت

أكون بعالم ثاني

أعبر بزعلي بالكتابه

أنام وايد

أجابل النت وايد

ما أضايق أحد

أتقوقع بمملكتي و هو عقلي

ما أخلي أحد يشيل همي

واعيه تماما إن بهالزمن محد له خلق يسمع حتي أٌقرب المقربين

لهالسبب ما أتكلم

أكتب مو عشان أحد يواسيني

ماعاد يهمني

أكتب عشان أرتاح

اليوم زعلت من موقف

فكتبت إللي كتبته

إحساس ألم بداخلي

بغربة من بلدي

الوجوه نفس الوجوه

أقنعة تمشي بلا خجل

تبتسم بوهم

ليتها تدرك أنني أراها

من خلف أقنعة مائية

السِنةٌ تجرح روحي

جاهلة عيائي

كبرياء نفسي

تمنعني من ذرف دموعي

وتبقي حبيسة قلبي

و يبقى حالي كما هو عليه

روح بلا أمل

Viva España!!!!!!!!

كسروا حاجز النحس

و أخييييييييييييييييييرااااااااااااااااااا

بعد 88 سنة

فازت أسبانيا على ايطاليا

heyyaaaaaaaaaaaaaaaaaaaaaaa

It's SUN IT`s Summer It's Tan Time !!!

pictures taken by : Reema

الجو الحلو والشمس تلعب بنفسيتي جدا!

هالسنه نحرمنا من الوناسه والبحر

بسبت لغبار

قعدت أدعي ربي واااااااااااااااايد نبي جو حلو

يا ربي يا حبيبي إنت مجيب دعوة الداعي إذا دعي

الكويت مافيها شي إلا البحر والشاليهات بعد ننحرم منها

نبي نسبح نبي نطابش

أبي أصور

والله ربي حبيبي ما خيب رجاي

عطانا كلنا هديه حلوة

شمس حلوة

ويا هوا شوي يا سلاااااااااااااااااااااااااااام

مايه بااااااااااااااااااااارده ما تخيلون لما تطبون فيها ترجفون وخصوصا في أم المرادم

أمبييييييييييييييييييييييه شي عجيييييييييييييييييييييييييييييييب هالويييك إند!

تااااااااااااااااااان و شغل عدل و جت سكي

اليهاال كيفواااا

إييييي جذي الواحد يتحمل الحر

الله يتمم علينا هالجو

الحر له علاج

بس لغبار ماله علاج ولا حل!

ألف حمد و شكر

إعتذار للعم أحمد السعدون

بوكيه ورد للعم أحمد السعدون
تقوم بالسلامة إنشاء الله

لأول مرة بحياتي أحس إن عالم التدوين عالم حقيقي
و إنك تعني الكثير لأشخاص معيين


عندما قرأت تعليق الأخ
kuwait

فى بوستي السابق

أدركت حجم الغلطه عندما يأتيك خبر من داخل مقاعد الجلسه وعدم التأكيد على صحة المعلومات


عندما جاءني خبر سقوط العم أحمد السعدون
و كان السبب هو تحريك الكرسي الخلفي عندما كان يتكلم و هو واقف من قبل نائب
و لم يدرك إن الكرسي قد تحرك من مكانه


كانت هذه هي الروايه
و تعليقي كان فى غير محله



فأعتذر و بشده للعم أحمد السعدون و الله يشافيك و يقومك بالسلامة
و يشفي كل مريض إنشاء الله

للأخ: kuwait

تعليقك غير حسبات وايد براسي
أشكرك من كل قلبي
لأنك نبهتي

مو عيب الواحد يغلط
بس عيب جدا إن ما يعتذر أو يتم على غلطه ويكابر

مارح أنسالك هالموقف
لأنك بكل بساطه
علمتني درس اليوم
شكرا

لا حول ولا قوة الا بالله

السلام عليكم جميعا

بوستي هذا شوي يعور القبل من جميع النواحي

لأن الموضوع يخص عمي

ثانيا لأن الموضوع يخص ديرتي وما آلت إليه من مستوي بالعنايه

أرجو منكم الصبر والدعاء

القصة :

حادث سيارة

نقل على مستشفى مبارك

3 أيام مسدوح ما عرفوا له علاج و لا شنو يسوون فيه

1- قرر دكتور يسوي عمليه لعينه لأن عين وحده راحت و يبون ينقذون الثانية

بعد العمليه ماكو قطرة للعين بالمستشفي

راحوا يابوها من بره

2- بعد أسبوع تخدير ( لأن مو عارفين يسووله شي و بعد تحركات الواسطات مشكورين

نبي ننقله لمستشفى الرازي قسم العنايه المركزة لأن 5 دكاترة مسوين إجتماع لتقرير حالته

صارت الساعه 7 المغرب و ما راح الرازي لأن الرازي مافي غرفه فاضيه للعنايه المركزة راح عليه الموعد إللي شغلنا واسطات عشان نيم عال 5 دكاترة مع بعض.

3- بعد 3 أيام و بعد الواسطات تم نقله للعنايه المركزة بالرازي و تم تقرير عمليه اليوم الثاني لإصلاح ال 30 كسر إللي فيه.

4- العمليه من الساعه 7:30 الصبح لي 6:30 المغرب ( أحب أشكر كل الدكاترة إللي ما كلوا وواقفين داخل غرفه العمليات عشان ينقذونه خلال ال11 ساعة عمليه )

5- العنايه ما بعد العمليه : يحتاج 10 أيام عشان يقوم من البنج على كلامهم

6- يحتاج عنايه من نوع آخر للكسور المتعددة

7- تحركوا رجالات العائله و لهم مكانه خاصه بالمجتمع الكويتي و بالحكومة ما أقدر أصرح عنه الحين إحتراما لوظائفهم و أسمائهم.

تم تقرير علاج له بالخارج لأن حالته مو عارفين شنو يسوون فيها بالكويت

صارت لجنه و رفضوا الموضوع مرتين

تمت تحركات على مستويات أعلى و هالكلام اليوم صاير بس بعد سماعنا برفض لجنة الصحه لتسفيره للخارج لأن الديرة مالها علاج لمثل حالته

المصيبة وين؟؟؟؟

اليوم درجه حرارته 40

حاشه فايرس و أدي إلى ارتفاع درجة حرارته

الأسباب : من سوء العنايه بمستشفى الرازي و داخل غرفه العنايه المركزة

ماني قادرة أفكر

ماني قادرة أسوي شي

إلا إني أكتب هالبوست

نشوف الريال يروح من بين إيدنا و إحنا الحريم ما نقدر نسوي شي؟؟؟؟

لا حول ولا قوة إلا بالله

اللهم لا اعتراض

مالنا إلا الدعاء

رب الناس،أذهب البأس، اشف وأنت الشافي، لا شفاء إلا شفاؤك، شفاء لا يغادر سقما
عسى اللة يشافي ضرار ولد أحمد ويقومة بالسلامة أمين يارب العالمين

لاتنسونه بالدعاء
دعواتكم