Friday, June 08, 2007

home re-new




لما تكون المرا شماعه الأخطاء بالبيت

ترا شي جدا يحر

كل الحريم يايين من بيت أهاليهم مدللين

و مو مولودين يعرفون كل شي بالدنيا

بنفس الوقت لما الوحدة إتييب اليهدة

و فجئه

تنصدم برد

يدقرها

مثلا

إشعرفج

إشفهمج

يكون طالعه فيها يايبه اليهدة

في جلسه تفريغ بينا يالبنات

قاعدين نتناقش علي مفردات ما تصلح تنقال حق المرا حتي لو علي سبيل القشمرة

مفعول هالكلمات يعور القلب أزيد من إن يصلح

و يأدي إلا ردة فعل عكسيه نهائيا

يشيل الثقه بالقرار المتخذ

درينا إن الرياييل يعرفون بكل شي بحكم إنهم اختلطوا مع ناس و سألوا و إهتمامات

بس هم ما نبي ننكر دور المرا بالبيت و خارج البيت

يعني المسؤول بالدوام معطيها كامل الصلاحيات لإتخاذ القرارات

و الرجل في بيتها لأ

قاعدة أتكلم عن الرجل بالعموم

أب

أخو

زوج

عطونا الفرصه إن نتخذ قرار

و الحق في الخطأ عشان إنتعلم

مو قالوا كل صطار بتعلوم؟

خل يقص علينا البياع ب 20 دينار مو نهايه العالم

إشدراني إن الموزع يبيع أقل من الوكيل؟؟

خل يستغلني صباغ شوي و الشغل بو يوم قام يسويه بيومين عشان ياخذ يوميه زيادة

يبا دفعة و مانعه عن روح عيالي و محلل

يا تعطونا الشغل من الألف إلا الياء يا مسكوا إنتوا الشغل ما عندي مانع كلش كلش

أصلا أحب الربادة

أحب إييلي الشغل ليه عندي حتي لو بنصف الجودة

صيف و حر و مناجر

علي تلفزيون و مكتبه و صبغ

يوم أثرت الموضوع استوقفني شي بين البنات

إن إللي وياي أغلب رياييلهم يا يبون المرا إتحط إيدها بشي في ريحه شغل الريال

و بنفس الوقت ما يبي يقوم بهالشي

عاد أم البلاسه و الشطانه ريمـــا و نصايحها العجيبه إشقلت لهم؟؟

الريال دايما ما يحب هالمواضيع و خصوصا التغييرات بالبيت فأحسن شي العلاج بالصدمات

و الأمر الواقع

كلمن عنده معاش

و مو شين المرا تحط من فلوسها

و الخيارات بالديرة وااايدو

مو لازم أشتري من كوتمك عشان يصير بيتي حلو

أهم شي النزاكه

و البيت بيتي مو بيت الناس

قولي بروح أتعشي مع ربعي

قولي بروح قهوة

و إبدي بالشغل

الريال مو قاعدلج بالبيت 24 ساعه

و بس سوو شغلكم كله

ليه ياو العمال ماراح يطردهم

بالنهايه راح يقتنع

و إذا سافر زييين علي زيين بعد

و كل عام و إنتوا بخير

و تجديدات ممتعه بدون لبحه

إقضوا حوائجكم بالكتمان

حتى عن رياييلكم

و حتى لو سمعتيلج كلمتين تالي

عااادي

المهم إنج سويتي إللي بخاطرج

هاهاهاهاهاها



19 comments:

Sharbil said...

Good morning :)
You must be dreaming last night about re-newing ur home.

Well, for me, i really HATE IT! but wallah i wouldn't mind if my wife does it when i travel for example, even is she pays $1000 more, but at least she will stop repeating the same thing every day! :)

She will feel relaxed and happy when she deos it, and i also feel so couse she will not talk to me about the samething over and over again :)

And if she paied a $1000 more at the first time we reniew out house, she will pay $750 more in the next time couse she will learn from the first one ;)

الصريح said...

هل انتي مع الجرأه بالبلوقات

شاركينا بتعليقك

charisma said...

صباحج عسل يا عسل

من جذى امى يا بعد عمرى ما اتعدل بالبيت ولا تشتغل الا اذا ابوى سافر

لان بوجووده كلا يدقر فيها وكلا مو عاجبه ومتنرفز

وكلا يقولها انت شعرفج وقصاو علييج

وهذا غااالى

وليش عمال بالبيت وليش وليش
ما تسوا عليها الفقيره

لكن من يسافر اتسوى شغلها بسكااااات
ولى رجع وشاف حتى اهو يستانس

ما ادرى شمشكلتهم هالرياييل

لا يرحمون ولا يخلون رحمة الله تنزل علينا

:/

Яeema said...

sharbil

no sweet friend ;)

you know me i never dream

i already did it

he told me to wait after summer holiday.

but you know me

i re-new the living room and the kids room in 1 week

;)

Яeema said...

dont play boy

i already did

Яeema said...

صباحج إشطه يا اشطه

يا كاريزماااااا

ودي ودي ودي أعرف السبب

يعني ساعات التجديد يونس
يوسع الصدر
شراحيه

تشتهين إتغيريييين


تراج معزومة عندي
باقي القنفه بس
و يخلص شغلي
هاهاها

أبي فوشيا ماني محصله

جلد

ReLaaaX said...

والله صاااااااااجه بكل كلمة قلتيها يا ريمــا



ووالله احنا مقاريد أدري


عموماً السلطة هذي بصورة مخففه تيينا من ابوي يعني على سبيل المثال :


1. خطوط الاتصالات مسموحه ايزي او فواتير ، بس الوطنية ممنوووووع !؟ليش الله اعلم

2. بالنسبة للالكترونيات .. الحين صارمسموح بغير النوكيا :))

البرنترات : الاج بي فقط لاغير .. وأيسر ممنوع !؟





كلمة ممنوع مو بمعنى المنع كثر ما إنج راح اتحسفين ليش شريتيها !!!!!؟


لوووول والله ياحلوه ابوي

What Will Be , Will Be .. said...

كلامج عدل 100%
مادري ليش مايحبون التغيير


بس نصيحه اذا عدلتي وغيرتي وماعجبه

قلبي السالفه عليه
تبجبجي واحتري و و و و
لما ينكسر خاطره
انج بتونسينه
واهوا اللي نكد عليج وناستج لي استانس


او

خلي اهوا يمسك الخيط والمخيط
لما يمل
لان مايتحملون يجابلون شي
يوم وبالكثير يومين
ويقول ترا اليوم بيون العمال انا عندي شغل بالمكان الفلاني
جابليهم

الاغلب جذي
تعودنا عليهم
:)

امبراطـــورة اشعاري said...

مساج الله بالخير..

انتي المفروض يسمونج نصيرة المرأه ههههههههههه :)

شوفي ريما احترام الطرف الآخر واجب مهما كان..

انتي تقولين لوسمعتي كلمتين عادي المهم انج سويتي اللي تبينه..

زين بالله لو كان هالواحد معند وشاف شي مايعجبه وما اكتفى بكلمتين وسوى بلاوي.. حزتها شنو تستفيد منه هذه اللي عدلت بالشي؟؟

انا معاج انه صح الكل مو عاطينا حقنا بالقرارات والشغل.. بس فيه اشياء هم بعد المره ماتقدر عليها..

انتي تقولين عادي ينصبون علي بعشرين ولا شغل اليوم يخليه يومين..بس الرجل يشوف انه مو عادي هذا نابع من اهتمامه فيج مايبي الكل يضحك عليج..

وبعدين انتي شتبين بالشغل خليه اهو اللي يكرف وينفخ واحنا قاعدين :)

شمعة الدار said...

مساء الخير ريما

مدونتج حلوه وجريئه

وحبيت اقولج صراحه انا من المعجبين واااايد بكتاباتج

تحياتي لج

Anonymous said...

صباح الخير
جوود مورنينج أفضل
وماجاء في هذه الخاطرة
تحصل أحداثه في أحسن العائلات

Flirty said...

ريما
الله يرظالي عييج اشهالسالفه

لا اتقعدين اتشيشين الحريم علينا ... السالفه مو ناقصه

بعدين تعالي

الحين مو كل اطراق ابتعلوم مثل ما تفظلتي؟!
انتو ما ترظون تاكلون الطراق والتعلوم ما ايي بدونه

بعدين الكلام سهل بس الواقع غير

لان الوحده فيكم متى ما انقص عليها ابعشرين دينا الا و يت للريل اتحن ... تصرف تهاوش .. السالفه مو فلوس بس انا ما احب احد يقص علي .... الخ الخ الخ

اشتبوووووووووووووووون
:)

Яeema said...

relaaax
hehehehhehe
أبوج عنده
brand loyalty

أعرف هالشعور
و تكرهين الشي كل ما مريتي علي الرف و شفتيه
هاهاهاها

Яeema said...

what will be will be

حبيبتي و عمري إنتي
البجي في أول أيام الزواج ينفع

بعدين لأ
هاهاهاها

مخسره فلوس و تبجين


أما إتضيعين السالفه أنا معاج
وييييه هذا و هذا فعلته و تركته

راح يستانس لأنج قاعده إتعذربين شغلج



علي آخر شي
قمت أقول أنا أسوي كل شي و حزت الدفع يا يوصلون الفواتير المكتب
يا آخذ كرت البنك
هاهاها

Яeema said...

إمبراطوريه أشعاري

ذكرتيني بشي
هالتمرد بعد ما إنتي عارفه ريلج عدل مدل

بعد واحد مصرقع مالي شغل في
النماين إللي عندنا الحمد الله هاديييين

كلمتين و نظرة و بوز بس
هاهاهاها

الكلمتين تأنيب مو توبيخ




و نصيحه للزمن
إذا بتنطرين الريل يسوي شغلج
لا بالله ما خلص شغلج


أنا ما أتكلم عن أشياء يديدة
أتكلم عن الصيانه
التجديد
هالأشياء

إللي يكون مافي شي إذا ضلت كما هي
بس أحلا إذا تغيرت

ماراح أهد إطوف و سووور البيت علي أبو تجديد
هاهاها

كلها أمور سهله علي المرا تسويها

Яeema said...

شمعة الدار
نورتينا والله بتعليقج
يسعدني و يشرفني إن بلوقي عاجبج



دمتي بحب و صحه وعافيه يا رب

Яeema said...

david santos

mucha grasias senior
:)

Яeema said...

عتيج الصوف

ما قلتي إنت كرجل
تفرض ساديتك علي الحريم؟؟

Яeema said...

flirty

الله يا الدنيا
تبون الشارة حق الكق إنتوا عاااد

أنا قلت طراق الدنيا
ما قلت راشدني من إيدك؟؟!؛

:p

وبعدين من كل الحريم يحنوووون
أصلا من الفشله إن مقصوص علينا ما إنييب الطاري


و ليه قال ليش غالي؟؟
أقوله دافعه علي الكفاله
بدال سنه
أخذت سنتين

هاهاهاهاها