Sunday, June 10, 2007




أكو ناس اسم الله عليهم باردين وااايد

لدرجه تبط الجبد

ودك تصرخ بويووهم

هالناس إللي

ما يخلصون شغلقك بسرعه

هالأناس

ما يصلح إتعامل وياهم وخصوصا بدوام


عندنا جم أحد بدون ذكر النوع

تستغرب شلون فاتحين بيوت؟؟؟

شلون متحملين شقا الدنيا


مافي مسئوليه

تقوله / تقولها

وين هالشغله

بكل برود

ممكن بعد ما أتريق أطلعها لج؟

تلاقون الساعة عشر ها؟؟

ترا العمر يخلص والشغل مايخلص

وللييييييين


مرة ثانيه إتفكر ألف مرة قبل لا تطلب الشغله

تكون إنت بحموتك وقلبك على الشغل و هذيل برود

والأدهي والأمر إنهم صغار

يعني تو الناس على الكسل!!!؛


تو الناااس علي لربادة


وتلاقيهم بعد يطقلك بوز و مو عاجبه

إيييي

ليش طالب منه الشغله مبجر

هااااا

شهالحاله

عيل دافعينلك معاش ليييش بالله

إقعد في بيتكم

نام

تريق

رد نام مرة ثانيه


خل مكانك حق أحد ثاني


شغله ثانيه

إللي عايشين الدور إنهم مدرة

وتلاقيه حاله حالك

عندنا بدوامنا

مقتنعين إقتناع تام

أن نشتغل بكل شي

ساعات طباع

ساعات مراسل

ساعات مدخل بيانات

ساعات محلل مالي

كلشي

ومافيها شي

بس الشغل يخلص

وترا هالشي بيزيدك و مو منقص منك

إشفيها ليه تحركت وقمت صورت الكتاب؟؟؟

بيختفيلك صبع يعني؟؟

والله بالعكس يمكن إن يكون شغلك أضبط


بس ما أقول إلا الله يصبرنا عليهم




46 comments:

Mishari said...

خوش موضوع وصج
انا ما يعل قلبى الا اللى يقول ابى اتريق
ما تستريح؟؟؟؟؟؟
يعنى مجاعة بتحوشك اذا ما تريقت ؟
والله يا ريما لو يشتغلون بالقطاع الخاص ويعرفون ان الدقيقة محسوبة عليهم بس ما احترامى لموظفين الحكومة
هذى الربادة اللى علمتهم ايااها

ثاااااانكيو على الموضوع :)

charisma said...

صبااحوووو

ريمه الحاله صعبه ترى
يحسرتى علييج

لا لا باسرع وقت لازم تسافرين

الديره بالصيف ما تنفع لج


ههههههههههههه


وهالنماين الى تكلمتى عنهم اعرفهم زين
وترى مو موجودين الا بالقطاع الحكومى
قطاع الرباده سلمج الله
دلع

:*

shakshaka said...

ريييما انا هالموضوع يعل قلبي!!! وترى والله ماله شغل العمر هذا طبع الله لا يبلينا انا حريجه وبدقيقه اتنرفز بس بيني وبين عمري عشان جذي تنبط جبدي لاني ماتكلم


بعد جبد جبدي اللي متحمله هالبرود لوول

kila ma6goog said...

انتي ليش ما تحترمين شعور الآخرين؟؟















اتغشمر:)

ZoZOta said...

والله يا ريما الحمدالله احنا بالشركة اللي اشتغل فيها مانعاني من هالبطالة
بس عندنا الكرف مو طبيعي
يعني تاكلين وتشتغلين وتردين على التليفون بوقت واحد
البريك الوحيد اللي نقدر ناخذه حق صلاة الظهر
وماكو اتكالية
يعني تشتغل يبين
ما تشتغل
دور لك على مكان ثاني
واللي يشتغل يحصل
اما على النوعيات اللي تكلمتي عنها
الله يعينج
ناس لو تزرعين على جتوفهم جان خضروا من الكسل
:)

Я said...

yebe6oon chabdi hal awadem, ana dayman nejra weyahum.

shlonech? ;)

Purgatory said...

ريحي بالج و ريلاكس، الشغل راج يمشى، حتى لو تأخر، خلاص تعودنا على السيستم.

نون النساء said...

وييييييه
بدوامي ماكو مجال
لهالنوعيه من الناس
كارفينا كرف اليهد

ومرات قعده للساعه
4
5
ومرات نادرة ان شاء الله لا تنعاد
للساعه 6 المغرب

:"""""(

mtfa2el said...

بردتي جبدي !!
هذيل ساعات ودي ادوس ببطونهم ولا اللي يقول ممكن اتريق اول ولا بس اخلص هالإستكانة !!
يااااااااو
ولا المدير الي عباله صار مدير الكرة الأرضية !!

ام الحفيز said...

ريمااااا

وااااي ذكرتيني برحلتي حق مستشفى الرازي.........الي ييحب الطماشه يروح هناك اهي عبي اشكال وارناق اهي اوادم من كوكب اخر اهووو كوموكياج اهي شحاطيط تصندر الراس ولا الفاظ السوقيه ابرك وكله بصوب وريحه الخموووووووووررررره وقمة الراس المقطنه والعبي الي مرة عليج الوحده منهم تقولين حميسةبصل بالحلبه في جدر امرقت زلابيه....خلووووه ويرشون كلونيات تجيب المرض صيف ويحطون طيب امحزر والقذل المدهنه وعوووووووووووو وناهيتج عن العلوج والتمشي بالممرات على غير معنى ويقولون طبقه عامله الا طبقه خامله قطييييييييييييييعه

aThooB said...

والا كله كوم و لما تحنين عليهم على الشغل
يقولون لج و بكل برود

انتي شفيج مستعيلة
صبري !
لووووووول


الله يعين هالقلب الحار على الشغل :D

أم النمل said...

والله انا ما اشتغلت رسمي بعد .. بس ما اتوقع انى اكون من هالنوع اللي يفشل .. مرتين اشتغلت بارت تايم بره الكويت بس كنت شقرديه أعجبج ..
:P bs al7een kebaaart alh yastr ly eshtghalt in q8, hnaak ast7ii mn lajanb wakrf. bs in q8 galooly ethaa est7yt ebyakloni bgshoori 9ij !!!

الأستاذ بلاليط said...

مرحبا

اشكرج الصراحة على موضوعج

قلت في خاطري الفئة هذي في كل مكان في عالم برووود فيهم وبطئ غير طبيعي

ودي اعرف كيف يتعاملون مع بعض؟؟

Chai-7aleeb said...

الناس الباردين هم اللى يعيشون أطول

TReSTeN said...

لووووول

بالدوام انا تعلمت شغلة اني اخلص شغلي من الالف الى الياي

بروحي

حتى اذا ابي شغلة من الاقسام الثانية تعلمت شغلهم وقمت اسويها حق روحي

لان النوعيان الكسولة متوفرة بكل مكان وتسبب لي الضغط

لوووول

SolaimaN said...

ريما,,,,عندنا وعندج خيـــــــر :( اذا قلتيله فلان لو سمحت ممكن هالشغله ؟؟ جنج طالبه واحد من عياله !!! من كثر شغلك عاد !!؟؟
بس اللوم مو عليه هذا كله واسبب غياب ثلاث شغلات اساسيه

(1) غياب الحس بالمسئولية
(1) غياب مبدأ الثواب والعقاب
(2) غياب المدير وانشغاله بالبورصه

فعلا ماجربوا القطاع الخاص او الشركات شلون ايطلعون دهن الموظف من الكرف,,ماكو قشمره ,,اما انك تنتج في العمل او تخلي المكان حق غيرك .

عثماني said...

مساج الله بالخير اخيتي ريما

البرووود زين و انا اخوج....يعني اخذيني انا ..خوووش مثال

الصرقعة اللي انا عايش فيها خلت الضغط و السكر يقطر مني...كلة و السبب هالصرقعة اللي انا فيها...ابي شغلي حار بحار...و هالباردين ما شاء الله عليهم...شاترين .. و جنهم البخت

و شووفي تعليقي على بوستج مال كلونية الصيف و كلونية الشتا

حسام بن ضرار said...

الصراحه الناس اللي من هالنوعيات سواء حريم او رجال اللي يطلعون ستين ألف علثه عشان ما يشتغلون ... يقعدون ببيوتهم احسن بدال لا ياخذون مكان غيرهم وهم ما يأدون شي


ذكرتيني بموظفه بالقطاع الخاص يسولفون عنها

كل سنه تييب ياهل
و كل ياهل تاخذ وراه اجازة وضع
و عقب اجازة الوضع تكشت بالدوام عشان ترضع الياهل -- مستثنينها الحجيه
و عقبها الدورية
و اذا زوجها راح يقدم امتحاناته باحدى الدول العربية هم تاخذ اجازه معاه
و حتى لو الياهل يكح تاخذ اجازه
فوق هذا
ترقياتها بالملي توصلها و معاشها فوق المعدل
و آخر شي تطالب بتقصير دوام النساء بتلك المؤسسة بمعدل خمس ساعات -- من ثمان ساعات

لين راحوا اللي كانوا يغطون عليها و يو ناس عرفوا تسيبها و علموها شغل الله و قضبوها الباب

تبون مساواة مع الرجل؟

خلوها مساواة حقوق و واجبات
مو مساوة حقوق فقط


خوش موضوع و اشكرج عليه

nadeyah said...

عندنا وعندج خير

معاى بنات بالدوام مهمتهم ( الريوق) نخلص ريوق ونفكر شنو نتريق باجر اتخيلين الوضع !! واذا طلبت شغله منها تلوى البوز وشمعيلج وترى اكره شى ادور اقط حجى ترى المعاش لازم نحلله عشان الله يبارك لج فى عيالج مافىى اى رد فعل تقول اللى يشتغل واللى ما يشتغل نفس الشى وهالايام بعد موديل يديد
عندنا طايحين له لعب بالكمبيوتر واكل وشرب اما انتاجيه لا يوجد نهائيا

DiLLi O MiLLi said...

حبيبتي ريما ... هذا كسل موو بروود !! في فرق بين الأثنين ... البرود طبع ... والكسل تسيب وأهمال ... شوفيه أذا حطيتية في شي يحبة ؟ خلينا نقول طلعة حداق .. تلقين الريال "هايبر" شقردي .. ينسى الكسل وجنه العيد !! ونفس الشي للمره

وييييييه يااااا ريماااا .. الشق جبيييير !!! القطااااع الحكومي مأساااة !! بس أنا أهني ماااا أعمم .. فيه ناس ماشاء الله عليهم .. يشتغلون بضمير

يااا ريتهم بس يقتدون بالقطاع الخاص ... ناس يشتغلون مثل الساعة

Яeema said...

mishari

إييي والله
وتلاقيه متريق ببيتهم بعد
هذا الريوق الثاني

ما إتشوفه بطاريته خانسه

يوو ويلكوم

Яeema said...

charisma

صباااحو حلووو حبيبتي إنتي

شسوي شسوي
ترتفع حنتي بالصيف

النهار طويل و نبي نشتغل

يالله مابقي شي
حديدن سهل إنشاء الله

Яeema said...

shakshaka

إسم الله علي قليبج من الحرة
لا تبلعين وأنا أمج
طلعيه فيهم بذرابه
خليهم يستحون وينتخون

Яeema said...

kila ma6goog

أي شعوووور يا عمي
هذيله كسل الله يبعدك عنه

لا إتغشمر وياي بالصيف وايد
ما أمسك عمري ترا بالنجرة
هاهاهاها

Яeema said...

zozota

والله العظيم العمل متعه إذا تأدي بضمير

وناسه إذا جنيتي تالي تعبج
فرحته حلوة لذيذه

أما مثلج
عجيييييييييييييب

يازلي
BIG TIME
hehehehehehhe

Яeema said...

r !

weeenik eshlonik shakhbarik mekhtefy!

عاد قلنا صرت مدير
بس عاد لا يكبر راسك علينا

Яeema said...

purgatory


راح يمشي بس عاد عقب ما يفوت الفوت

ماني مخليتهم يغلبوني

الله رازقني الصحه والعافيه
راح أشتغل شغلي وشغلهم


خل ربادتهم تنفعهم

Яeema said...

نون النساء

لا عاااد 6 صعبه
ماكو حياة كلش

الله يعطيج الصحه والعافيه والوناسه وياهم

;)

Яeema said...

metfa2el

إييي والله صدقت يا أخوي

يبيلهم دوووس و عيااان

لين ما تبرد جبدك

وااااي الله لا يرزقني مدير دعله

Яeema said...

أم الحفييييييييييييييز


هههههههههههههههههههههه
ههههههههههههههههههههههههههه

لا لا لا غلطاااااااااااانه

هاهاهاهاهاهاهاها

بموووووت من وصفج

الله لا يقلنا بذاك المكان من شر يا رب


بس سالفه حميسه بصل بحلبه
أمبيييييييييييييييه

شميتها من أول ما قلتبها
هاهاهاهاهاها


يختج إنتي زووووووغه

Яeema said...

athoob

إييييي وااااي تحر حدها
ما أٌول إلا الله يهداهم و يصبر قلوبنا عليهم

يا حل من الأثنين
يا نصير رباديه
يا نموت قهر

لأنهم ماراح يتغيرون
هاهاها

Яeema said...

أم النمل
هاهاهاها
يعتمد وين بتشتغلين

في ناس ما ينطرون حتي يقشرونج
بلقمة وحدة الله وكيلج


لا تصيرين لينة
و
لا توقفين بالبلعوم


الله يوفقج إنشاء الله بالمكان الزين

ولا يرزقج مديرة نحيسه

Яeema said...

الإستاذ بلاليط

تلاقيه كسلان بس بالشغل
بمكان ثاني تلاقيه إذا حق شغله شرارة
لا ويتحلطم بعد

Яeema said...

chai-7aleeb

ولا يطلع لهم شيب أو تجاعيد
هاهاها

يا حسرة قلبي

Яeema said...

tresten

تعجبني والله
عفيه علي ولد ديرتي الشقردي
الله يحميك و يحفظك و يستنسخون منك وااااااااااااااايد

Яeema said...

عثماني

مبين مبين
يا معود يا حلو السكر إللي يقطر منك

خف طييينه حدك
شفت إن الصرقعه فيها ميزة؟؟
هاهاهاها

الله يخليلك صحتك يا معود الدنيا ما تسوا



تعليقك
ذبحني
دقيت علي كاريزما
ما عبرت
هاهاهاهاهاها

بانزيييييييييييييييين

يا كافي



ترا التعليق داير بالبوستين الحين
هاهاهاها

charisma said...

عثمانى

تم قبول النداء
رد على بوست الكالونيه
:)))

Яeema said...

حسام بن ضرار

دوام الحال من المحال و أنا أختك

الظلم الله ما يرضي في


صدقت عن
الحقوق والواجبات


مع إن أعترف إن إحنا يالحريم ماخذين حقوقنه كامله أزيد من الريايييل

Яeema said...

nadeyah

يا سلااااااااام
عرفت اللعبه

zuma

يعني همن ما تشغل المخ

متنحين وقاعدين


واااااي ترا والله الله باليهم من صجي


معطين هالمخ إجازة

Яeema said...

dilli o milli

تو ما نور البوست بتعليقج
فاقدتج


عجبني النيوو لوووك مال مدونتج


والله يا قلبي إنتي هذيله مزج بين هالنوعيتين
الله يا يطيحج في ناس مثلهم


بس هم صج
القطاع الحكومي قطاع مخدر
ودج بدال البونس توزعين عليهم مخاد وكنابل
هذا إللي ناقصهم

عثماني said...

صبحكم الله بالخير... ريما و كاريزما

ريما انتي اخيتي الطيبة... حنونة و دايما تجبرين في خاطري....مو مثل اخيتي النحيسة كاريزما...كلة تطب فيني ... و تخلي دميعاتي على خديداتي

وهم تم قبول النداء على بوست الخنة الباريسية

و الله يحفظكم ...ريما و كاريزما

(كاريزما ترى اتغشمر ... مو تزعليين)

charisma said...

عثمانى

انا ما ازعل من اخوى
لا اتحاتينى
:)

بعدين انا الى تحرشت اتحمل الى ايينى
:)))
رديت عليك فى بوست الكلونيا موتنى ضحك

Яeema said...

عثماني
ما قصرت يا أخوي

ولو إني من شرق
بس خوالي من جبله
يعني في واسطه بالموضوع

لا تحاتي
ما بينا وبينك إلا كل خير و كل بلوق

:p

ما نزعل بالصيف إحنا
يبدي زعلنا ليه دلق سهيل

يالله يمديك تضغط

هاهاها

Яeema said...

solaiman!!!!
السموحه يا أخوي
تيدودهت مع النجرة إللي فوق



نسيت أعلق
سقط سهوا



والله كلامك عدل

المسؤليه
لو هي شركته جان تشوفه غير شكل

بس علي قولتهم
مال عمك مايهمك

شرفتنا ونورتنا

أم النمل said...

Яeema

heheheeh alh ysm3 mnch aaaaameeeeeen .. thx mn 6eebch walh :)

SolaimaN said...

:)

الشرف لي طال عمرج,ومابين الاخوان عتاب,
مدونتج بالنسبه لي مثل
the golden gate
لازم امر عليها اول ,,اتمقل فيها ..وابقق عيوني وبعدين انطلق
حق باجي الاخوان والاخوات اللي مسطرين
عندج مثل الدرر.
ولا خلا ولاعدم