Wednesday, June 13, 2007

كريمة




أولا :

من استعجل الشيء قبل أوانه

عوقب بحرمانه

ثانيا:

ما يحسد المال غير أهله

الموضوع الحين عن الكريمة

في ناس يسمون الكريم كريمه

هاهاهاهاها

هل مرة سلمكم الله بوست حريمي بحت

و في مصالح متبادله بعد

أبي أعرف كل بنت شنو تستخدم كريمات

كريم النهار

كريم الحمايه

كريم الأساس

مزيل الماكياج

كريم مغذي

كريم تحت العين

كريم الليل

كريم حق التاااان بعد وجم رقمه

و إذا في شي هني هناك هم أبي أعرف لو سمحتوا

عفيه يعني

ما أبي أحد يقوللي كريمات من برة

من طقة

Bliss

أبي بالكويت بس

يا معشر الرجال

لو سمحتوا هالمرة

عن لطنازة علي عدد لكريمات إللي نستخدمها باليوم

وأترك لكم العنان في الكتابه

ومثل ما يقول المثل

إسأل مجرب ولا تسأل طبيب


89 comments:

What Will Be , Will Be .. said...

كريمه لووووووووول

بعد اكو ناس يقولون اكريم
هاهاهاااي

cream

بعد شنو هالاسامي اليديده

والله من اولة العام والعام وانا ادور كريم اسمه اميلان

وموجود الا في اسبانيا من اولة العام وانا احوس في ازقة اسبانيا
حفت ريلي مالقيته

المهم قبل جم شهر قالولي موجود في صيدليه في حولي

هذا رقم الصيدليه2659586 عشان تسألينه والاسم اميلان اسم الكريم مو اسم الصيدلي لوول

بس انا استخدم كلينك
غسول
ومرطب
ومقشر
وموازن للبشره

لاتسألين شنو يوازن لان ماادري
لووول
الطخ وبس

بعد اكو ناس يسمون البشره
بوشره
لووووووول

بوشرتج وااايد جااافه يااااي

هاهاهااي

ترا البوست يضحك

MANAF said...

كريم كراملله


:)



احسن شي

SolaimaN said...

صباح الخير اختي ريمه

مع ان الموضوع فيه الكثير من العنصريه

مثل مابينتي في مقدمتج الظريفه

..بس ماراح احرم نفسي من المشاركه

قوطي النيفيا الازرق الحديد

شفيـــــــــــــــــــه؟

Яeema said...

what will be will be

صباحج كريمة حلوة

مرقمتني من الصبح
يا بختي والله



قالولي عن كريمة إسمه
Cellex-C


موجود بالصيدليات

بس المشكله 1000 نوع
فما تدرين شنو تاخذين


كلينك جربته

حلو لفترة
وبس
لازم تغيرين



عسى دوووم يا ربي تضحكين
يا حلاتج
;)

Яeema said...

manaf

وااااااااي
ما إتعبرون ما إتطنزووون
ما قتلك ما نبي طنازة


:(

Яeema said...

solaiman

والله مافيه شي
بس خل أقولك شنو مشكلته

مافي واقي من الشمس
ويخلي ويهك يلمع
و لي حطيت إيدك علي خدك بتغلى علي الحبيب يتلزق

وما يصلح حق البشرة الناشفه لأن ثقيل ما تمتصه البشرة

و إلا والله خوش كريم فله
:p


عاد أقولك معلومة

شركو نيفيا منزلين منتجات جديدة حق الويه
مسمينها
نيفيا فيزاااج

بس ما أدري إذا في أحد مجربها من قبل

دليل علي إن الشركة وعت إن الكريم بو قوطي أزرق ما يصلح إلا حق لركب

و ركبنا إحنا
هاهاهاهاها

Kuw_Son said...

ماكو كريم بعد الريوق و قبل الغداء !؟
أظن اني سامع كريم جاي الضحى خخخخخخ

أنا أقول خيار و بطاط مهروس و شوية روب و قفشة عسل و لطخوه بالعافية ههههه !!

أرخص و أنفع كله طبيعي
:p

charisma said...

9ba7oooooo

الله لا يبارج فى لامير ولا في الساعه الى شريتي فيها
انعفسنا من بعدا
عاد اصدقين على بشره وبشره
اعرف ناس مرتاحين عليه
بس انت لان بشرتج حساسه ما اتحمل اى كريم


المهم

انا واعوذ بالله من كلمة انا
الكريمه مالتى حاليا

الاساس بوبى براون
او ماكس فاكتور عجيب حق كل يوم
حتى نيفيا حق كل يوم وايد زين لان طبيعى اللوك الى يعطيج اياه
جنج مو حاطه شى بس يعطى نظاره

سن بلوك
وكريمات الليل والتغذيه
اوباجى
وايد مرتاحه منه

التان مخلط سلمج الله
من كل قطر اغنيه
حتى خلطات بالبيت اسويها
حق هالتان
واى بس ذكرتينى بلواهيب الكويت
ما اعبر انا على التان هنى بهالجو ننصهر ريمه


وفى شى بقوله
لازم بين فتره والثانيه تكسرين اللاين مالج
خصوصا للوجه

وسلامتج يا كريمة قلبى انتى
:*

لمياء الحالمة said...

ريما

الكريمات مفعولها خارجي فقط, أي إنها لن تفعل الأعاجيب مهما حاول صناع المستحضرات إقناعنا بفائدتها, الحفاظ على البشرة يأتي من الداخل, ولكن لامانع من استخدام بعض المستحضرات للتنظيف والترطيب

Try the 3 steps from clinique, I've been using it for years

http://lamiaah.blogspot.com/2006/05/clinique.html

أما الخيار والروب وبقية الفواكه والخضروات, فمكانها المعدة .. وليس الوجه

:)

Cr8ivia said...

انا استخدم كل كريمات الريكومندد من احمد رشيد اللي قب و خلانا :|
اكيد معروفين

بالنسبه حق اميللللان اللي تسال عنه وت ويل بي
موجود ايبونه لج صيدليه في شارع بن خلدون جبال ماكدونالدز
اهيه مو صيدليه محل شوي داثر بس يطلبه لج و يوصل
و اييبونه من لبنان بعد و جنه سوريا\
سعره بالكويت حول 60 هناك ايببونه ب 35

و هم في بالنت له موقع خاص
اهمه
Amelan-M
Amelan-R
كل واحد استخدامه .. و اللي يعالج عند احمد رشيد اهوه يوفره له و يسويله اياه بجلسات

بس لما يقولون كريم سحر؟ هذا كريم سحر فعلا

امبراطـــورة اشعاري said...

هلاااااا ريماااااا :)

شوفي انا ماراح اقولج كريم انا بقولج خلطه والله العظيم تهبل انا مجربتها تنظف وتنعم وتبيض.. تخلي بشرتج مثل اللي توه مولود اسمها
"حنة لارسيا البيضاء"

واذا تبين ارقمج مثل اختي what will be

ترى عادي هذا الرقم :)

9483393

رقم ذرب بهد ^_*

امبراطـــورة اشعاري said...

سوري اخر كلمه كتبتها غلط لووووووووول

بعد صارت بهد ^_^

Purplecious said...

لووووووووول

كريمه؟

هههههههه

انا أستخدم

shiseido

كريم النهار و الليل و غسول الوجه

وايد مرتاحه منه لان مو كل شي يوالمني

Makeup remover & toner from Yves Saint Laurent

eye makeup remover from johnson (3yoon elpanda LOOOOOOL)

daily foundation Max factor and Revlon

كريمات العيون عيززززززززت
ماني لاقيه شي زيييين

اللي حق السواد تحت العين استعمله يسبب انتفاخ

و ان استعملت كريم حق الانتفاخ يسبب لي جفاف و يصير تجاعيد

لاااااااعت جبدي و اهملت هالمنطقه
مع انها المفروض ما تهمل


وااااااي ذكرتيني
جولي عندها كريم سحري بس لو أقولج من وين يستخرجون مكوناته ما اظن راح ترضين تستخدمينه

ههههههه

أقووووول جولييييي؟؟؟
أفتننننن؟؟

لوووووووول

Яeema said...

kuw son

هاهاهاها
وصفك حق عشا خفيف يوم اليمعه

Яeema said...

charisma

أمي تقوللي حق عيايز مو حقج
هاهاهاهاها

أهوا زيييين
بس حدة أسبوع


obagi

hmmmmmmmmmmmmmmm

خلينا نشوف الترشيحات الحين

Joli said...

بربلووووووووش

حسبي الله على بلييييسج
صج إنج فضيحة

ريما أقولج و أمري لله
مادام الإخت العزيزة بربلووش ما قصرت و بطت الجربة

الله يسلمج هذا كريم عجييييييب
ما فيه ريحه .. تحطينه بالليل و باجر الصبح تلاقين النتيجه
صفاء و نقاء
يغذي و مو دهني و لا يأثر على البشرة الحساسه.. أنا بشرتي حتى من الماي تشب نااار من كثر ما اهي حساسه و ما ناسبني إلا هالكريم


بس الجدير بالكر إن الكريم مستخلص من
..
..
..
..

من مشيمة النعيه
:(


ملاحظة: بربل : هين يصير خير دواج عندي
نطريني عند المواقف

Яeema said...

لمياء الحالمة

حي الله لمياء
زارتنا لبركه والله


كلينك صاجه وااايد حلو

بس ويهي تعود عليه فما أشوف منه نتيجه مثل ما أول أستخدمة


يمكن نتيجته بينت بالعشرينات
ألحين الثلاثينات لها كريمات خاصه؟؟


الصابون الفووم لما الحين أستخدمة
و مزيل مكياج العين

plus

H2O ==> make-up remover

بالصيدليه تلاقينا

عجيييييييييييييييييييييب


مشكورة وااايد وااايد

Яeema said...

cr8ivia

كريمات أحمد رشيد شكثرها
شبتحطين و شبتخليك

أكثر صيدليه تبيعهم
صيدليه ول دن

مشكووووووووورة

راح يتم البحث والتحري عن هالكريم بمجاهل حولي
هاهاهاها

Яeema said...

إمبراطورة أشعاري

بدق من تليفون السايق
هاهاهاهاها


هذا هوووم ديليفاري؟؟؟

الله يا بوستي هذا


شنعه علي هالأرقام و الخلطات والوصفات



ما قصرتي حبيتي
لا خلا ولا عدم

Яeema said...

purple

الشي الوحيد إللي ماراح أستخدمة لو طلعوووه من لزهيويه


واااي مرة وصللي إيميييل

حدة ويييييييييييييييع





طالمه كريم ولونه أبيض
ما يهمني
هاهاهاهاها


شفت تعليق جوووولي


يازلي

هاهاها
أبيييي منه


يو واحد!!!؛
والله شي


باجر رايحه جبد ناحرتلي صخله
توها والدة

هاهاهاها

Яeema said...

jooooooooooooli


بوستي هذا إثبات إن البنات يحطون كل شي بويوهم

هاهاهاهاهاها

حتي لنعيه علي قولتج ما إعتقوها



نزليه بوست لو سمحتي

أقصد لكريمة أم مشيمه

هاهاهاهاهاها

عثماني said...

مساج الله بالخير اخيتي ريما

ودي اشارك ..بس ما ادري شقول!!؟

اييي... تذكرت

انا عندي وصفة شغل عدل ... بس قديمة شوية... اهو تقدرين تقولين عنة كريم...او مرهم ...كانوا اول يسوونه و يلوصون خشتهم فيه... بس بنات اليوم يبون هالوصفة ولا ما يبونها ...الله العالم!!؟

اذا تبين هالوصف اخيتي ريما... عطيني خبر ..انا ان شاء الله اسير على مدونتج الحلوة هذي ...و اعرف ردتج ... ولو اني اعرف ردج من الحين

اخليج بحفظ الله و رعايته

TReSTeN said...

انا اقووول

كريم النهار مالي فازلين

وكريم الليل فازلين

وكريم الحماية فازلين

لوووووول

وكريم الركب

نيفيااا

لووووووووووووووووووول

والله عاااد بقوولكم سالفة تضحك

انا اخذ علاج قوي حييل حييل

حق مرض ماا

والدكتور يقولي لازم تستخدم كريم حماية من الشمس

جاان امووت من الضحك

والدكتور يقولي هذي مصلحتك العلاج هذا يسبب امراض خطيرة بالجلد

وانا اضحك

لووووووووووووووول

بس اذا عندكم خبرة قولولي شي زين

مكتوب بوصفة العلاج اني لازم استخدم كريم حماية اكثر من spf 30

loooooooooooooooool

ادري ماراح استخدمه بس يمكن اغير رايي

kila ma6goog said...

:)

sologa-bologa said...

بما أن الرجال
بعيدون عن الكريمات
لذلك أيايدهم وأرجلهم
وكل شي في بشرتهم

حرش وكله مشق

طبعا هذي اللي يسمونها خشونة الرجل
:)

ودمتم بحب ناعم أملس

ام الحفيز said...

ريم

هاااااااااااااووو لا بالله استخفيت
بعد شكريمه؟؟ اقصاها قرشت فازليين للويهه وكعب الريل والجليسرين للكوع والاركب
وزيت الناريل حق الشعر
من عمر نستعمله والحمده لا حجـــاااه ولا بقع ولا امراض جلديه
وللصخونه والحراره دهن الفاس وسلامتج وتعيشين

فراوله said...

هلا وغلا بريما
شهالموضوع العجيب
بالنسبه لي كريم الليل
لوريال
وتحت العين
n7
وكريم النهار..والحمايه
بيبي جونسون أو نيفيا
وغالبا مااستخدم ماركة
جيرلان
ودمت يالغاليه
:)))))))

What Will Be , Will Be .. said...

Joli

يعني اوكي عرفنا ان من مشيمة النعيه

لكن

منو اللي يطلعه
احنا؟
والا ينباع جاهز؟

اذا احنا عشان هالخميس اروح امقر النعيه اللي عند بيت ييرانا

لوووووووووول

ShaRBiL said...

مساء الخير

طيب ريما يمكن الكريمه للبنات و الكريم للرجال لوول

يعني يمكن انتو غلطانين

بس ما قلتليلنا انتي كم كريم بتستعملي؟ ;)

Fahad Al Askr said...

درب درب سعد بيدش

والله طلعت قصة مو هينة الكريمات، وأنا دايم أقول ليش مسوين زحمة عند الشامبو بالجمعية، طلع شي حق الليل وثاني حق الميك أب، وثالث للسهرة، وشي آفتر بارتي

يا الظلام حتى الركب لها كريم، وآنا كاشخ أدور شي حق ويهي

ما ألاقي عندكم شي ولادي حق سياقة السيارة

SHAHAD said...

بالنسبة لي
كريم اساس استخدم ماكس فاكتور
أما الحماية فتوني بادية أجرب روك
مدحولي اياه صارلي يومين استخدمه بس
عموما انا مو وايد مع الكريمات
الحمدلله البشرة اوكي
يكفيها كريم مرطب

Mishari said...

حل
زيت اليوز

زيت الزيتون

فازلين


منتجات ولا اروع لبشرة صافية بعيدة من التجاعيد وتحمى من السمومم والغبار

اسألوها هي وبس
حل للراس علشان ما يحتاس

:P :P

Mishari said...

ككككككككككككككككك اهم شى انكم مشتطين ومن صجكم ارقام صيدليات
ترى سورى مو قصدى اضحك بس صجى طمااااشة الحريم

Mishari said...

اكو واحد يبيع مكياج هندى بنجطة ويفتر بالشارع ما تبون اناديه لكم ؟
:P

لا الصراحة ريما ما اقدر والله من صج لوووووووووووووووووووووووووووووووووووووووووووووووووووووول

DiLLi O MiLLi said...

**** You Are ****

(((( TaGGeD ))))

:)

vancuover said...

يا حلوكم ويا حلو البلوغات ، وحدة غشيمة داشة عرض !! لول ، بالنسبة للسؤال اللي كل جم اسبوع لاااازم ينطرح مع الصديقات 0: الحين
مع بداية الثلاثينات ودعت المنتجات الخفيفة ودخلنا الجد
، استخدم من 4 شهور لانكوم الخاص للعقد
الثالث !! ليل والنهار والماسك والعيون

نصيحة اللي تستخدم مجموعة مستحضرات لا تخلط من كل ماركة شيء

وكل فترة وفترة غيروا الماركة بكبرها

، وكلامج عدل مدل يا ريما البشرة تتعود على الكريمة و الدريسنج بعد لووول

Vancouver said...

ما قتلج غشيمة... ما عليه طولي بالج علي شوي
بس ما ادري ليش باول تعليق
ما طلع لنك حق بلوغي
مستانسة فيه بس
اندقرت لما ما طلع :(

Chai-7aleeb said...

يا حلاة

الواااازلين

charisma said...

واااو
عجيييييييب النيو لوووك ماشاءالله
اينن ريمااا
شى شى
وايد وايد عجبنى ماشاءالله اينن

منزل امبارك يا اخيتى
وخوش تغيير شرح حق الصيف
:*

nadeyah said...

مبروك على النيو لووك وايد حلو

بالتنسبه لى حاليا عندى كورس تقشير عند الدكتور فاستخدم برنامج وكريمات انجللا كريمات امريكيه

وللعين استخدم كريم كرستيان ديور

والمرطب بعد مال ديور

وما اقدر استخدم اى شى ثانى مع العلاج حاليا ... بس قبل شهرين كان كريم الاساس عندى هلينا ريبنشتاين للمناسبات .. والعادى كان ماكس فاكتور خفيف وحلو


ودى اسال عن الحنه البيضا شنو اهيا ؟

وشكرا

شمعة الدار said...

مساء الخير والاحساس والطيبه لاحلى بلوق في الدنيا


حبيت ابدي اعجابي باللوك اليديد

واااااايد شرح مثل صاحبته

تحياتي لج

What Will Be , Will Be .. said...

عجيييييييييب الديكوريشن

حده ايننننننننننن

صج صج شررررح

:)

DiLLi O MiLLi said...

مبروك المنزل اليديد .. كله ذووق
:)

غسول للوجه : صابون رقي
كريم للجفاف : فازلين
السواد تحت العين : أنسي ... مااا يروح حتى لو تحطين صبغ سيقما أبيض .. يبين يبين
سواد الركب : مفراكة البصرة
حماية من الشمس : كبووس
تاااان : ربع ساعة بسطح البيت


وسلامتج

:)

SolaimaN said...

ريمه :(

مسألة انج تبيعين اثاث بيتج القديم

والا انج تعطينه لجنة خيريه ... وانتي

تدرين اخوج سليمان توه ساكن يمكم

ممكن اسكت

بس تفرشين مدونتج فرش يديد

وحاطه وول بيبر يديد

وتلفزيون بلازما62 بوصه

واتقطبن القديمه

بالياهو هذا شي ماينسكت عنه

:P

الف

الف

مبروك

nice look sis.

Tekana said...

على طاري مشيمة النعيه ذاك اليوم حاطين برنامج عن اسرار نجمات هوليود على قناة E
ولا من ضمن الكريمات اللى يستعملونهم كريم مستخلص من فضلات الطيور hehehehe
عاد خبيرة التجميل تقول اهوه صج شي مقزز بس نتيجته عجيبه
المراد انا استعمل كريمات كاتبلي اياهم دكتور الجلديه مالي ومن ضمنهم كريم ماركة كوكو بس ممتاز وهذا حق الليل بس الباجي مو ذاكره اساميهم بس الطخ بويهي وبس
وتوني شاريه كريم مقشر مبيض ماركه اعتقد اسمها ستيف شريتها من بوتس بس عجيب هالمقشر يا بنات خلا ويهي يلق لق هههههههههههه لا ومسوين عليه عرض بعد بدينارين يا بلاش

Яeema said...

صبحكم الله بالخير
يا جماعة الحب والتقدير لجهودنا المتواضعه


جمعه مباركه للجميع

Яeema said...

عثماني
أفا بس أفا

أي شي حطه ما يحتاج شوووور مني
البلوق بيتك ومكانك
ما شفت الأنواع إنت؟؟
شي مشيمه صخله
و شي حنة بيضه

تفضل يبا قول

هاهاهاها



ومشكور مقدما
ربي يحفظك

Яeema said...

tresten

والله شوووف يا أخوي

neutrogena 45

or
VICHY 50+
lite gel

من الصيدليه

والأخير أهو إللي أستخدمة حاليا



ما إتشوف شر يا رب

Яeema said...

kila ma6goog

:p

Яeema said...

sologa bologa


من قاااااال
بس إنتوا يالخليجييين

وإلا كل ماركة برة في لاين رجالي

clinic
bodyshop

بس بالكويت يدرون ماله سوووق

سوق الفازلين ضارب عندنا أشوف

يحرق و يسود الويه



أنا الفازلين له إستخدام ظاوحد عندي بالبيت
حق اليهال
و في مكان معين بس
هاهاهاهاها

Яeema said...

أم الحفيز

هاهاهاهاهاها
الفازلين مكانه مكاوي اليهال و تحاميل الحرارة

ما ينحط بالويه

Яeema said...

فراوله
والله عندج كوليكشين أقرب ما يكون للماكنتوش

بس أول مرة أسمه ب-بيبي جونسون حمايه؟؟

يصلح حق فوق الثلاثين هالكريمات؟؟

Яeema said...

what will be will be

ما قالت رحمها

لازم تكون توها والده عشان تكون لها مشيمة



هاهاهاهاهاهاه


راحت فيها

Яeema said...

sharbil

بستخدم كريم من لبنان
بعد الحرب ما نزلت علي لبنان

إزا عندك حدا نوصيييي

الله يرحم أيام الدكتورة لطيفه

راحت و راحت أيامها

:(

Яeema said...

fahad alaskar

تبي تشوف الزحمة صج؟؟
تعال دور موعد حق دكاترة التجميل

من شهرين وطالع الله يسلمك
و فلوووووووووووس تنكت
اللهم يا كافي

Яeema said...

فاصل و أرد

حوسة يهال ماني قادرة أرد عليكم


:(

AL-3ANAN said...

Hi
men zeman mazert ur blog fa awal shy a7eb agolech el look el yeded wayd 7elo :)
awal shy bel nesba 7ag cream el lail wel nahar(feh 7emaya) o cream el 3yon kela men clarins
o feh cream MAC a7e6a gabl el makeup bas hatha a7e6a belail leana mafeh 7emaya
mozel el makeup astakhdem olay el milk o feh cream mozel makeup el 3yoon wayd 7elo
o 3ogb mashel el makeup asta'7dem mayward
o salmtech ;)

فراوله said...

هلا بالغاليه ريما
حبيبتى عيزت وانا استخدم ماركه معينه
وكانت جيران
ولين اللحين اخذ منها كريمات
بس المنتجات الثانيه ارتاحت عليها بشرتى بصورة موطبيعية
وترى بيبي جونس
يصلح لى مابعد الثلاثين بس انا استخدم
كريم النهار،المرطب لكل وقت
:)))))))))))تحياتى لج

Q8DOLL said...

والله احلا سالفه
وناسه
كش كش الرياييل ما يشاركون
الله يسلمج كريم اميلان حلو بس مو وقته الحين لأنه يقشر الويه الأحسن بالشتا تستعنلينه بس اظن يصلح للي فوق الـ30
انا اقولج على تقشير حلو يسوي تجديد للبشره ويعطي نضاره وريفريش
بس هاا مو سحر يعني اللي تعاني من بلاوي متلتله ماراح يأثر فيها
سويت green peel عند دكتوره هيلين بالانصاري كلينك
جلسه وحده بعدها خمس ايام مااطلعين في البيت بغيت اموت وويهي قشر جنه يلد حمسه بعدين جلسه تنظيف بشره شنو طااح يلدي جدامي شي عجيب
بعدها احس ويهي صار يديد وناسه :)
وبالنسبه للتان لا تسوين مثلي تروحين صالون ويسوولج برونز سبراي
رشوا علي اللون البرونزي صار عجيب بس لما تغشمرت معاي رفيجتي ورشت علي ماي صرت مبقعه !! اي شي
اشتري كريم سيلف تان وايد احسن انا يابولي كريمات من لبنان حلوين
وطبعا انسي تنبطحين تحت شمسنا الحاره والا تصيرين بيديانه ولاتنسين ان الشمس تسبب تجاعيد مبكره مانبي نكرمش مبجر
عندج حبوب ايمادين حلوه وايد اختي خذتهم من بوتس اظن على 16 دينار تاخذينهم 3 اشهر
وعندج كبسولات فيتامين إي تسوين فيهم مساج للويه او تخلطينهم مع خلطات طبيعيه تسوين منهم ماسك\

كريم الحمايه نيوديرما د هيلين نصحتني فيه لاني قلت لها مابي كريم اساس ابي حمايه ويكون فيه شويه لون
يعني كريم حمايه طبي مع لون خفيف انصحج فيه

شونووو بعد ياربي !!
اي غسول وتونيك فيتامين سي تلاقينه بالصيدليات اسعارهم الاثنين مع بعض تقريبا بالعشرين
اسم الماركه orange daily
وللعلم بشرتي دهنيه لامعه عاكسه دهن عداني محلي

سوري وايد قرقت بس احب هالسوالف :)

جنون إحساس said...

واااي مو حلو ريال يدش هنيه

شوفي آنا اقولج روحي طبيب جلدية
يشوف بشرتج
أحسن من انج تشترين اشياء ويالله فوقه ماتدرين يناسب بشرتج ولا شي
^_^

آنا رايحه الهادي
وعطوني اشياء مناسبة
وبشرتي قاعده تتحسن

كلش كلش اخذي نصيحة
kuw_son

لووول

Spolid Royality said...

الصراحه ماكو شي معين
استخدمه حاليا


والصراحه تلاقيني اهب جم يوم بالعلاج
واهون عقب 3 4 ايام

مااقدر التزم بنظام معين

:)

What Will Be , Will Be .. said...

ريما

شكلج مستانسه على النصايح

...

انا اضم صوتي مع ام الحفيز
وجاي وحليب

الفازلييين اييييييييهبل


اكو كريم هابين فيه

كريم مصري
اسمه لونا
حق الإيد
عجييييييييب
يخلي ايديج
نااااااعمه
ورطبه
لينه

:)

عثماني said...

مساج الله بالخير اخيتي ريما

يه يه يه يه ... شهالنيو لوك اليديد ... مع ان مدونتج اصلا حلوة .. وما تحتاي تسنع ...و عساها دايما عامرة

بالنسبة حق وصفتي ...سجلي عندج و انا اخوج

كيلو عضاعض قباقب حايشها اكتئاب
ذيل بريعصي عور
ريول نملة توها طالعة من الانفاس
اظافر شاذي اعزب
هدب عيون ضفدع حايشة اسهال

تخلطين كل هذا و تنقعين الخليط في سعابيل ضب مغرور

بس... جربيه على سايقكم اول

و ماكو الا العافية ان شاء الله

Joli said...

ريماااااااااا
What will be will be



عندي لكم إهداء
لووووول

حياكم

QiYaDiYa said...

والله يا ريما جنج تدرين اني محتاجة هالموضوع وايد ..

وين ما اروح بس اسأل بس ما لقيت الجواب الشافي ..

المشكلة اني اخاف اجرب اي شي و خاصة ان بشرتي حساسة حيييل و ما ينفع معاها اي شي !!

كنت اعالج عند احمد رشيد من زمان و بعدين وقفت مواعيده الله بالخير !!

و الحين مادري وين اروح و مادري شنو استخدم !

الحين استخدم غسول لوريال
و في كريم احطه بس على النفرة اذا اطلعت و ما يبقى لها اثر اسمه Drematix
و سن بلوك Avene


كنت ابي شي سريع رحت السلام بس طلع خواااره !
اقوله انا كنت معالجة و ماخذه حبوب و كل شي كان تمام بس قبل جم يوم رد طلع بصورة مو طبيعية مادري ليش !

جان يرد يعطيني حبوب مرة ثانية
و عطاني غسول لا و يقولي 4 مرات باليوم عشان ينشف ويهي مرة وحدة !
و كريم عشان اذا اطلعت نفرة احط عليها !!
انا بققت عيني قتله بس ؟
قالي ايي !
قتله مافي كريم مرطب مافي سن بلوك !
قالي لا ما تحتاجين !
اقوله سن بلوك ما احتاج ؟ قالي ايي مو الا !!

والله خوش طبيب جلدية ;p


شكلنا مالنا غير مشيمة النعية ;p

Яeema said...

shahad
الله يتمم عليج حبيبت قلبي
أنا
المشكله بعد العلاج ما أدري شنو آخذ

لما أسافر تعتفس بشرتي
كل ناسيه لكريمات إللي يسويلي إياها الدكتور
فأتوهق هناك

Яeema said...

mishari

شغلك بو
cheapoooh

ما يازلي بالمرة

و بعدين قلنا نبي كريمات
مو مكياج

الحمدالله الزين ما يحتاج يلطخ مكياج

:p

إضحك إضحك

الضحك يطول العمر

Яeema said...

dilli o milli

إنشاء الله
:/

Яeema said...

vancuover

هلا والله فيييج
يا زينج و يا زين تعليقج
و يا حلو طلتج ويانا بهالعالم

الله يعينج علينا
هاهاهاهاها

مافي إلا العافيه بروفايلج الحين

:)

Яeema said...

chai-7aleeb

والله يسود الويه
ما أدري شلون تستخدمونه

ما أدري تتقشمرون و إلا من صجكم

Яeema said...

charisma

يبارك بعمرج حبيبة قلبي إنتي

أعرض خدماتي ببلاش لج
حاظرين بأي وقت بس إنتي قولي

Яeema said...

nadeyah

أولا عن الحنة البيضه و الله الرقم عندج
دقي و قوليلنا
هاهاهاهاها

أول مرة أسمع فيها الصراحه


جربت ديور من زمان
أول ما حطولهم خلطات و كريمات يديدة

مشي علي ويهي فترة
بعدين إحقنه
سببلي حساسيه
في عطر شويه

Яeema said...

شمعة الدار
حبيبة قلبي إنتي
ما الشرح إلا كلامج

الله يحفظج ويحميج

;)

Яeema said...

dilli o milli

هذي وصفة إنتحار
مو حمايه
هاهاهاها

ما يازلي

:(

Яeema said...

solaimaaaaaaaaaaaaaaaaaaan

يا حافظ
يا عقايل الله
هاهاهاهاهاهاها

أقوووول ترا بتتعب وياي
نووعي أغير بلوقي 4 مرات بالسنه

علي حسب المواسم

و قتلك العرض قائم أسويلك لوووك يديد
بس إلحق علي قبل لا أسافر

Яeema said...

باديه أضيع بالكومنتات

سوووري

Яeema said...

what will be will be
merci sweeeeeeeeeeeeeeeeeeeeeety

;)

Яeema said...

tekana

هذا إللي قاعدة أستخدمهم الحين

كريمات كوكو المانيه
مستشفى دار الشفاء

المشكلة فيهم إن الدكتور يخلط هالمنتجات مع أشياء
يسويلج تركيبه عشان ما يوالم إلا ويهج

مو معقوله كل مرة تبين تشترين كريم بتاخذينلج موعد قبلها بشهرين

Яeema said...

فراوله

شكرا علي الرد
والتفاعل بالموضوع

لا خلا ولا عدم إنشاء الله

Яeema said...

q8doll

أعرفه
بس مو جن ما يحوشج الماي لمدو خمس أيام

يعني شلون ما أغسل ويهييييي

بس أنا الحمد الله مافيها شي بشرتي

بس من التعب باهته
أبي شي يعطيها نضارة شوي


دكتورة هيلدا وااايد زين علاجها
قالتلي نفس الشي

جنه إسمه
bioderma


orange daily
هالمنتجات تستخدمها الدكتورة قنال الصايغ

صاجه حلوة


مشكورة علي النصايح

يازتلي كبسولات فيتامين إيي

Яeema said...

جنون إحساس

رحت و خلصت
المشكله ويهي طلع
baby skin

فصارت إتحسس من كل شي

أقول حق الدكتور شنو أستخدم قام يسويلي خلطات

الخلطات من منتجات كوكو الألمانيه

مو عمليه السالفه كلش
هل كل ما أبي كريم أروح حق الدكتور؟؟

هاللي أنا أقول أبي شي ما يعفس ويهي

Яeema said...

spoild royalty

عيل قعدي و شوفي النتايج هنييي
أنا والله بالي طويل بهالسوالف

أحب بشرتي تكون زينه
وخصوصا بالصيف
ما أحب أحط مكياج

Яeema said...

what will be will be

لا تصدقينهم
الفازلين مكانه تصلخات الياهل بمكان ما
و إلا حق أغراض أخري
تحاميل و خلافه

مكانه مو الويه الله يسلمج
هاهاهاهاها

ويين ال
vitameans elly feeeh???

Яeema said...

عثماني

هذي خلطة سحووور و طبوووب اللهم يا كافي
كلش مو علاج بشرة

قمت أشك فيك

شنو تشتغل إنت؟؟؟؟

Яeema said...

joli
وصل الرد

هاهاهاها

Яeema said...

qiyadia

دكتوري واااايد زيييييييين


عيسى بشور

مستشفي دار الشفاء

802-555


كنت أبي منه ويهي يصير وردي
الله خير زيييين
بس أنا أمل

ما يعطيج كريمات وايدة و غاليه

بس والله وايد رتاحوله

لحقي عليه قبل لا يسافر

نون النساء said...

ما احط شي على ويهي

مو سالفه جمال رباني لالالا

بس لأني مقرودة ما أقدر كلش

حتى الصن بلوك ما اقدر

اللهم ما غير كريم فيتامين سي الوردي مال البودي شوب

:"""""""""(


احتريييت منكم

:"(

Sara said...

كريم النهار: بيوديرما
كريم الحمايه: بيوديرما البرتقالي
كريم الأساس: سسللي
مزيل الماكياج: بيوديرما الأحمر
كريم مغذي: هم بيوديرما بس الأزرق
كريم تحت العين: بيوديرما
كريم الليل: ساعات بيوديرما وساعات نيفيا أكوا الأزرق
كريم حق التاااان بعد وجم رقمه: ماسوي تان

يعطيج العافية :)

Sara said...

اي ونسيت اقولج ان بيوديرما شريته من صيدلية المارينا مول إلا من ورا صوت ذا ون وسسللي من فافافزم اللي بالمارينا ونيفييا أكوا أستخدمه لليل واستخدم غسول البشرة والسكرب ماله بعد عجيب تلقينهم بالجمعية وسلامتج :)
وفي كريم من بيوديرما بعد اللي يوحد لون البشرة هذا بعد عجييييب والكل قالي ان لون بشرتي تعدل من بعده ويوخر آثار الحبوب بعد :)