Wednesday, June 27, 2007

زايد خمالج يا ديرتي

مو أول مرة يصيرلي هالموقف

.

.

عيالي ثلاثتهم الله يحفظم صدور متنكه

بس كل واحد بدرجه غير

وين المشكله؟؟

في فترة معين لازم الولد ياخذ علاج وقائي

وخصوصا إن ديرتنا الله يحفظها متقلبه الحال

من غبار لي رطوبه فجئه

.

.

صارلي بدون مبالغه 8 سنين أعاني من إنقطاع الأدويه بالكويت

.

.

ولاحظوا إن الأدويه أصرفها من الصيدليات

يعني هم إحنا إللي دافعين ، و هم ماكو أدويه

.

.

مثال أول :

يكون تاريخ الصلاحيه منتهي، أو باقيله أقل من شهر و ينتهي، تلاقي الوكيل سحب الكميه إللي بالسوق ، و نطروا عاااد أسبوعين ثلاث ليه ما يتكرم الوكيل و إييبلينا الدوا إللي المفروض ما ينقطع.





مثال ثاني:

كل دوا له جرعات وتركيز معين

أكو 50 حق بو سنتين مثلا

أكو 100 حق بو 4 سنين مثلا



هم تلاقي الوكيل بسلامة عمره يخلص تركيز معين و ما إييب إلا لما تخلص جميع الكميه إللي بالسوق

عاااد كيفكم إنتوا إللي موجود

ياااااه من صجكم!!!

يعني لو الواحد ما عنده ناس يوصيهم من بره ، شنو بتكون حالت عيالي؟؟؟؟

.

.

أقطع العلاج من النص؟؟

أسامي الأدويه إللي لوعوا جبودنا من كثر ما تكون خالصه:

















الوكيل صيدليه الهاجري

أبي أعرف من المسؤول عن هالشي؟؟





22 comments:

kila ma6goog said...

صيدلية الهاجري

:)

الله يحفظ الأطفال

SolaimaN said...

الشكوه لله يا ريمه

اهم شي عيالهم زينين !! ؟؟

هذا المهم عندهم :(

ماتشوفون شر انشالله

Fahad Al Askr said...
This comment has been removed by the author.
Fahad Al Askr said...

في موسم الاستجوابات قبل العطلة كلمي أي نائب، ترى القضية تسوى استجواب وزيرة الصحة أكثر من الجراح

charisma said...

بعد عمرى انتى والله
شهالحاله يا ريمه
انا اقول وهقوتى
انج اتعاقدين مع صيدليه خارج البلاد وايبولج الدوا بالدى اج ال
وفكى عمرج

ولا لازم وصفة دكتور؟؟؟


الله يعينج
انزين دوراى بديل مفعوله مثل مفعول هالادويه؟؟

حمالة الاسيه انتى ادرى بعيالج شلون مناعتهم صايره
الله ياجرج حبيبتى والله
:**

ايىىىىىىىىىى

طافنى كرسبى كريم
مالى شغل ابى
المره الثانيه تنقصيلى انا بس ما عليج منهم
انا الف الكرتون ماعندى مشكله
مق البلاك كوفى
واجابل القويطى
:))))

ما اذمر ولا اعلق
هههههههههههههه
هههههههههههههه
:***

ليتنى موجوده بس
حسافه
:)))))

عثماني said...

صبحج الله بالخير اخيتي الغالية ريما

الشكوى لله ... المسألة تجارة ... و لا اتوقعين ان الجماعة ينظرون للدوا على انه دوا ...ينظرون له على ان سلعة ..مو اكثر

Breeze said...

:/

الله يعينج و يشافي عيالج إنشاء الله ..

--

أنا بس غسلت إيدي من إحتمالية صلاح هالديرة .. واعليه و على حالها ..

:\

الله كريم

bo9ali7 said...

ماهي حالة والله
الله يحفظ عيالكم

Joli said...

خنت حيلي والله

هالسوالف من عمر بالكويت و مو شكلها بتنحل
يربي بعد دوا هذا مو لعب؟

اييبونلنا أسوأ الأدوية
لا و منتهية صلاحيتها
شهالحاله؟؟؟

عسى الله يشافيهم إنشالله و لا يحوجكم حق هالأدوية و لا غيرها
كل شي صار تجارة حتى حياة الناس تجارة
هذول مرضى محتاجين دوا شنو يعنى ينطر الكمية تخلص من السوق علشان إييب غيرها؟؟

هذي مصيبة

حبيبتي عسى الله يصبر قلبج
حاولي تدبرينلج أحد بمستشفى KOC
ترى أنا سامعة إن عندهم أدوية
مومتوفرة بالكويت خصوصا لمثل حالة عيالج

Kuw_Son said...

عسى الله يشافيهم و يعافيهم ..

ما تشوفون شر

3AJEL said...

سلامات

الوضع خربان بالديرة من زمان لكن مع الاسف الكثيرين ما يدرون او مو حاسين شنو قاعد يصير لما يصير لهم موقف ساعتها صج الدنيا تصير سودة ويحوش الواحد قامت ماله اول من آخر

DanDash said...

الله ياجرج
بعد شتسوين هذي التجارة بالأرواح مو صيدلية
انا حاشتي حكة مو طبيعة من فترة و كل ما ارح يقولي الدكتور ده زكام ده رشح لين لا ما قدرت رحت الخطيب و يسولي تحليل دم و يبين انه عندي حسياسية و يوصفلي أدوية و ابر اشتريهم من بره و ابر من عندهم لين الحمد الله صرت احسن اشوي جان يقولي الدكتور عندج احد بالهند !! و اقوله انه سايقنا هناك و يكتبلي اسم ابرة يقولي مو موجودة بالكويت انقطعت هذا لما تاخذين كورس كامل منها ما تيج الحساسية ل 25 سنة جدام طولة العمر لنا اجمعين ان شاء الله
و سألته عن سعرها عشان احول المبلغ لسايقنا يقول لي انتي محتاجه عشر ابر تقريبا اقل من 6 دنانير يا بلاش

الله المستعان المهم دبري عمرج و سوي لج مخزون ثلاجة صغيرة و اتفقي مع اي صيدلية تيب لج الدوا و خزنيه عندج ولا تشتطين و تنرفزين عمرج و ما يشوفون شر ان شاء الله

Krakatoa said...

عندنا وعندج خير

DanDash said...

سورى مشتطه وانا ارد
حكه= كحه

عيون الحب said...

الله يعينكم بصراحة ..
ودي اساعدج بس مابيدي شي ..

ان شاء الله اللي هني ماقصروا
والله يشفيكم ان شاء الله :)

ReLaaaX said...

اول شي الله يشافي اعييلج والله حاسه فيج بعد قلبي انتي :(


فيه ناس ماشالله عليهم ماشالله عيني عليهم بارده يطقون درب لي الخفجي ويصرفون ادويتهم


و اعرف وحده لا إله إلا الله اتجيّل كريماتها بروحتها العمره خبرج السعودية تنصرف أدويتهم بدون وصفة :)واهيا يعني مسوية روحها المرأه الاقتصادية


فإذا عندج أحد والا لكم روحه قريبه العمره شوفي جود تلقين لج .. والسعودية كاهي حذفة عصا

حسام بن ضرار said...

مره وكيل حليب بروجرس قطع الحليب من السوق و الجمعيات ثلاثة اشهر ولا احد سأل او حاسب


اليهال اللي معتمدين على هالحليب كلوا تبن مساكين



بعض الشركات للأسف مو قد المسؤولية ولا يقدرون حاجة الناس لمنتجاتهم

SHAHAD said...

واي حبايبي
الله يعينكم ويشفيهم ياارب
أخوي نفس الحالة بعد

Sara said...

reema tara u r tagged by me :D

Sara said...

o mayshooofoon shar enshala 3yaalich ! alla y7afe'6hom yarab :)

Яeema said...

أشكركم جميعا

و علي دعواتكم

سامحوني ما أقدر أرد علي واحد واحد



بس حسيت بكل كلمة قلتوها
الله لا يحرمني من تعليقاتكم و دعواتكم


LOVE YOU ALL

ابن زيدون said...

اقراص رينيه دواء خاص بعلاج الحارج و عسر الهضم

ما تسحبه الشركة الا برمضان يعني بعز الطلب

اذكر ارمضان الي طاف كليت تبن من الحارج و نسبة خشوعي بالصلاة كانت صفر طول رمضان بسبب ان الشركة ( ...... ) و الي اتحفظ على اسمهم اسحبوه من السوق بحجة ان بيغيرون شكل العبوة

و باخر شي نزلوه بدون لا يغيرونها بعد رمضان بثلاث اشهر

انا وعيت الدرس و خصصت لي ميزانية شهرية للادوية الي اتوقع تخون فينا ليما نحتاجها

و خصوصا رينيه عندي رف كامل بصيدلية البيت منه

و المؤمن لا يلدغ من جحر مرتين