الطبقه الشبعانه
لازم نستحدث هالطبقه وندعمها معنويا و نبتدي بنفسنا
شنو مواصفات الطبقه الشبعانه
مو لازم تكون غني عشان تكون من هالطبقه
و مو كل غني شبعان
لغز؟؟
لأ مو لغز
مواصفات الطبقه الشبعانه
تلاقي إبتسامتهم شقاقيه
سوالفهم توسع الصدر
مافيهم نقص يطلعونه عليك
قلبهم أبيض
واثقين من نفسهم
مو تافهين
ما يتعسرون إذا أحد يتشيحط عليهم
سهلين نهلين بالتعامل
كل شي ماشي حاله عندهم
عايشين حياتهم
يعاشرون الأغنيه والفقارة
ياكلون بالمباركيه وبماكي
كلشي يونسهم
ما يتذمرون
مقعدهم براد براد
شللي طرا علي أكتب هالبوست
إستغربت من ناس وايد مو عاجبهم حالهم
الغني يحسدالفقيرعلي راحت البال
الفقير يحسد الغني علي فلوسه
محد عاجبه حاله
مع إن الأثنين عندهم صحتهم وعافيتهم
ليش الكويتي يتذمر علي طوول؟
لييش ما يطالع شنو إللي عنده و يعيش علي أساسه؟؟
ليش مفصله ثوب يعته وهو ماشي؟؟؟
لييييش لي قعدت و تكلمت عن أحد ينتاجرون و هذا حرامي و هذا بخيل و هذا نصاب و ما يشوفون أعمارهم؟
رسالة حق إللي مو من هالطبقه
ترا الدنيا حلوة
بس يبيلها من إللي يعرف يعيشها
البساطة و القناعة حلوة
37 comments:
شكلي شبعا ن و أنا طول الوقت أحسب نفسي شعبان
تحيي الأمة الشبعوية
أو هممممممممم، الشبعانية؟؟ المشبوعة؟؟
اهم شي ياريما يكوون الانسان شبعان من داااخل
وراضي
ورزقك ليس ينقصه التأني
وليس يزيد في الرزق العناء
ولا حزن يدوم ولا سرور
ولا بؤس عليك ولا رخاء
إذا ما كنت ذا قلب قنوع
فأنت ومالك الدنيا سواء
الامام الشافعي
شفيها مصر..!!؟
يعني لازم ماربييا
;)
طبقة شبعانة
!!
بالأول خل نطلع شخص واحد شبعان
قبل لا نوجد هذه الطبقة
احنا لو الله يفكنا من مطالع غيرنا
جان احنا بخير
دايما هذا السؤال ينطرح على أغلب الألسن
ليش فلان عنده وأنا ما عندي
؟؟
أتمنى أن يقلب السؤال إلى هذي الصيغة
الحمدلله أنا عندي كذا أحسن من فلان اللي ماعنده مثل ما عندي
على سبيل المثال
الحمدلله أنا عندي راحة البال اللي مو عند فلان صاحب الملايين
هذا مثال مو أكثر
ودمتم بحب وود وقناعة راضية
يسعدني اكون الراعي الرسمي لهطبقه
وطبعا هذا تكليف مو تشريف
بس لاني اتلذذ بماكي واروح المباركيه
ووايد اشيا تنطبق
ولا شرايج؟
hehehehe
:pP~
nice post. yebteha sa7. especially the imbarikiya/maki comparison. Im printing this out for everyone.
صح السااانج
القناااعه اهى الى اتعيش ابسط الناس بسعاده دايمه
تعبان الى يتلفت ويطالع غيره ويحسد
مو عايش هذا
:**
wallaaah ana azeedich ya reema e7na mn e6abaqa eshab3ana 3la mageltay ...e7na ele la akhathnaa el faqeeer 3eshna ma3aah wo n3eenah 3la 7ayata wala enshof 7alna 3laih wo la khathaina el ghaney ma be6arna beflooosa wala ne7teqer elnaas.. lannna e7na mo fe sebaaaq m3a a7ad wo wallla raa7at thameerna ehya elra7a benesba lena lanna erthaa2 el nas `3aaya la tudrak :)
ترا الدنيا حلوة
بس يبيلها من إللي يعرف يعيشها
:
اي والله ياريما
صدقتي
ليش سميتها الطبقة الشبعانة، مواصفاتك تنطبق على معظم الكويتيين، فلذلك أقترح لو تسمينها طبقة تحت الساس أحسن
انتي فظيعة اتفظعين فظاعية
صح ومعاج حق 100 % يبتيها يا ريما
احوال الكويتيين صارت مملة
ونفسياتهم اللهم يا كافي
طبعا ما اعمم بس وااااايد
للاسف صاروا لااااا يطاقون
اتصدقين والله ما ودي اقول
جذيه بس صرت افضل اقعد
مع اجانب ولا اجابل عيال ديرتي للاسسسسف
ابيه زوجي بيذبحني باقي ساعات
عالسفر وما زعبت الجنطة
مااااااااااا قدرت اقاوم بوستج
ماااااااقدرت ،،،،
انك لا تقاومين ياريما
حشى هاجن داز مو ريما
;P
انتي فيلسوفة
و
شبعانة
و هذي صعبة تصير
مساالجمال
للغالية
ريما
صحيح القناعة كنز لا يفني
بس وين اللي يقتنع بهالكلام
والحمدلله علي الصحة والعافيه
والله يديمها علي الجميع
آمين يارب
دمت بحب وود
:)
بالبداية احب اقووول عجبني البوست وايد
وثانيا
كنا نقرا هذا البوست انا وحسين ويا بعض بالديوانية
وناقشنا الموضوع منو من البلوقرز يعتبر شخص من الطبقة الي قلتي عنها
انسان بسيط وسهل تتعامل معاه وابتسامته موجودة ويرحب بالكل
والخ الخ الخ من الاشياء الي ذكرتيه
بكل صراحة لقينا هالمواصفات تنطبق على شخصية صديقتج
charisma
فعلا احسسنا يقول لنا ان هالشخصية انسانة بمعنى الكلمة
هذا الراي اتفقنا علييه احنا الاثنين
100% بنسبة
ومشكورة
انا صراحة حبيت الطبقة الشبعانه
فيهم مواصفات ماكو مثلها
عسى نكون منهم
والله خوش طبقة
purgatory
الحمد الله نعمة
صدقني
الله يتمم عليك
سالفة قلب
طبعا الإمام الشافعي كلامه في من الحكم و الخبرة بالحياة الكثير
أذكر أبوي يقوللي إياها دايما
إذا كنت ذا قلب قنوع
فأنت ومالك الدنيا سواء
أحب هالبيت
أستحظره دايما إذا حسيت إن خذتنا الدنيا
الله عليج يا سالفه قلب
solaiman
مافيها شي
و دليلك إن قبل ماربيا بروح مصر إن الله أراد
توصيني علي شي؟؟
sologa bologa
أقولك شي
والله هالناس موجودين بس صاروا يتصنعون
لي قعدت وياهم شي تلاقيهم ذهب
و من هالطبقه
بس يبيلهم نفاظ شوي
السؤال
ليش ينطرح هالسؤال من أصله
ياريت ليش هذا السؤال و المقارنه تكون بالشي الزين
كل ما وراها إلا الخمال
فلوس
بيت
زواجه
أما بالإنتاجيه
محد يطالع بعضه
دمت بقناعه دوما
estekana
hhehehehehe
ما أدري ما قعدت وياج و كلمتج
:p
مهم جدا الإختبار قبل التكليف
:p
مبدئيا
تنطبق عليج 70% من المواصفات
d
WOW
i didnt think that you like it sooo much that you will print it
but pleas
copy right for Reema :p
charisma
:***************
قاعدة أتحلى عليج
يصييير؟؟
من راقب الناس مات هما
تخيلي إللي شايل الدنيا فوق راسه
شنو هالشعور الزفت؟؟
واااي يا ربي ما تعاجبنا بنفسنا
و تخففها علينا من هم الدنيا
في حاله عامة من التفاهة و الحسد
طاغية هالأيام على البلد
الناس ماصار يقنهعا شي
الناس صاروا عبدة المظاهر
بدينا نرد لمجتمع طبقي
بعد ما كنا بفترة من الفترات
عندنا نوع من التواضع و الإحترام لبعضنا بعض
و لبطبقة الشبعانة هالأيام صعبة توصلين لها
لوما القناعة صعب تحقيقها جان ما سموها كنز :)
ملاحظة : أنا نسيت إني محاربتج
لوووووووول
shakshaka
أول ما كن نحتاج هالطبقه
بحكم الظروف
و ماكو شي الناس تحسد الناس عليه
هالأيام الوضع تغير واااااايد واااايد
الناس كساله
مافيهم صبر علي الدنيا
فتلاقينهم بس قاعدين و يطالعون بعضهم بعض
و لي تكلمتي
يقولون مالي خلق و مالنا خلق
خلاص عيل وين القناعه
لو كل واحد يبدي بنفسه راح تنتقل العدوة حق الناس
أقسط عدوة القناعة والبساطه
من صجي ملينه من هالشي
7osen
صدقني يا حسين جربتها
شلون تعيش بقيود المجتمع
و شلون تعيش ببساطه
القناعه الحمدالله أحس إني قنوعه نوعا ما
إلا في سالفة آكل بالمباركيه
ما أقدر
هاهاهاهاها
لأني وسواسيه إشوي
مو عشان المكان
fahad alaskar
ليش تحت الساس
بالعكس
كا إحنا شزينا نمشي بالنص و ما همنا أحد
إللي تحت الساس الخوااف
بالعكس أنا مو معاك
و لا تقول كل الكويتيين
نادر ما تلاقي
vancuover
hehehehhehehehe
يا حلوج والله
قاعدة البوستات وين بتروح
كلامج عدل
الواحد قام يفضل يقعد مع أجانب
خاليين من العقد
واثقين من إللي قاعدين يسوونه و مقتنعين
تلاقينه ملايين
و يتمشي ب- تي - شيرت محكحكه
ولا هامة الناس شبتقول
ألزم ما ع ليه راحته
-------
لجناط أمرها سهل لا تحاتين
أهم شي الجواز والفلوس
هاهاهاهاهاهه
أكيد منتوا رايحين صحرا
:p
الله يهنيكم و يرجعكم بالسلامة إنتي و زوجج
bon voyage !
ice-cream! ambeeeeeeeeeh
midnight chocolate !
ambeeeeeeeeeeeeeeeeeeeeeeeeeh
leeesh entay chethee!!!!
i just had this feeling to kill you!
:(
صباح الخير ريمه :)
ابي من مصر حمام و بومب (جراقي) وهمب
ودراعه من كرداسه وتمثال نفرتيتي رخام
وابي من اسبانيا
pamia
حلو تلقينهم يبيعونه في ميخاس بالجبل
وابي مفتاح شقتكم والا شقه ناس
تعرفونهم ،،،عسى ماكو كلاف بس !!؟
killa ma6goog
ليش ما يصير؟
ما أعد نفسي فيلسوفه
أعد نفسي شبعانه نوعا ما
ومحلله لنفسيات المجتمع الكويتي
وقاعدة أحاول أحسن من إنعكاس المجتمع علي شوي
يعني أروح الإستقبال بجينز
هاهاهاها
أروح آكل بالمباركيه
و أكون مستمتعه بالحر؟
السفر سهاله عندي
ما أخاف بالطيارة
فراوله
هلا و غلا بالفراوله
ترا سيرت عليج و عجبني الووك مال مدونتج يشوق حدة
بس يابيله شوكولات تقمسين الفراوله في
--- أما القناعه
فهذي مشكلتها مشكله عندنا
يبيلها بحث
و تنقيب
إنقرضت للأسف
tresten
أشكرك جدا
_____
و بعدين تعااال ما إتفقنا؟؟؟
مسوين علي بوستي إجتماع قمة إنت و حسين ؟؟؟؟؟
علي كاريزما
أولا
الله يحفظها يا ربي من كل شر و من عيون الناس
و يتمم عليها حالها
ماني قايله شي لأني فعلا أخاف عليها
بس إللي أقدر أقوله بحقها
إنها من النوادر بهالزمن
nescafe
الله معطيهم راحة البال
والسكينه
والهدوء
و ياريت يكونون عبرة للكل
bo9ali7
إتعب علي نفسك و بتكون منهم إنشاء الله
مع إني ما أعتقد إنك بعيد منها
و خصوصا إذا عندك قلب أبيض
joli
أما وصفج بالحالة العامة من التفاهه والحسد
والله يبتيها يييب
صاااااااااااجه
sooooooooo true!!!!!
إنشاء الله تكون حاله عارضه
--------------------
hehehehehhehehe
يا حافظ ليييييييييييش محاربتني!!!؛
عندي لااااق شوي
بس لايكون علي سالفه بيربلوش؟؟
kaaaaaaaaaaaaaaaaaaaaaaaaaaak
eeeeeee chenna !!!
loooooooooooooooooooool
gelt shay ma yengaaaal
lol
solaiman
إنشاااااااااااء الله
غالي والطلب رخيص
تبي التمثال أصلي و إلا تقليد؟؟
و ما تبي دشاديش من حلاوة؟؟؟
علي مفتاح الشقه
إنشاء الله نهايه أغسطس عند إياه
الحلو مو إسمه
cherro?
وإلا هذا شي يديد؟؟؟
و ترا إذا أهوا أبشرك
نزلوه بعرباين بماربيا
يم القهوة الزرقه
لا ماكو كلافه كلش أصلا
إنزين ما تبي زعفران بعد القطفه الأولي؟؟؟
وصابونه زين الزيتون؟
والعسل؟؟
و حجابات دانتيل من ميخااس؟؟
مدام رايحه رايحه
مشوار واحد
انزين والطبقه اللي منسحكه مثلي
barrak
تطلع ويانا و مالك إلا العافيه
قووول الحمد الله
:)
لا لا ريمه الله يعافيج بلا كلافه
تمثال رخام صغير كافي وبعدين دشاديش
حلاوه غسله وحده بس،
واخر شهر 8 بحر ماربييا ابرد
من براده الحساوي شنو انا مينون اطب
والحلو مثل ماقتلج اسمه باميا
تلقينه ايصبونه في مقله عوده مثل
الزلابيه وباجي الاغراض الصيف الياي
انشالله بس عاد لا تلزمين ،،ترى بزيد شوي
;)
خوش فكرة ..
أحاول أنضم لطبقتكم اللطيفة
:P
القناعة .. أهم شي القناعة
الله ريماااا جاان زين كل الكويتيين يصيرون جذي
جااان كل من مرتااااح
وماكو تحلطم
الللله
وكلن على كيفه
ومحد يتشره
ومحد ينقد
ومحد يتفلسف
اللللله
جان زيييييييين
على قولة القايل: الله وزع الأرزاق ومحد برزقة راضي.. ووزع العقول وكل بعقلة راضي
.
ويظل الغني هو من استغنى عن ما بيد الناس واكتفا بما في يده.. وهذا هو غني النفس الذي يكون في راضا دائم وقناعة مستمرة وسعادة متواصله لا تنقطع... وهذا وأمثاله من أصحاب النفس الراضية لا يضاهيهم فيما هم فيه أغنا أغنياء العالم بكل ما يملكون... ولا يضاهيهم أحد بما حباهم الله من سعادة النفس... لأن نفسهم دائما (شبعانة) بما قسم الله لها وراضية بما كتب عليها
.
فاللهم إنا نعوذ بك من نفس لا تشبع... اللهم أأأمين
.
أدري كلام فقارة... بس عاد هذا إلي الله قدرنا عليه... لووووووووول
:)
زمان اجدادنا قالو
تعيب الرجل افعالو
وعلى شان الشكوت من ذعب
صار الكلام من فضّه
..............
اذا شفت قومك تعالو
وطغى موجك على يالو
تعلّم منّه با صاحبي
محّد قانه بحظّه
مناف
solaiman
heheheheh
قوووول إنشاء الله
أوصل إهناك و أصوره لك و أقولك هذا أهوا؟؟؟
أقصد الباميا علي قولتك
من الثمانينات أروح و أول مرة أسمع في هالإسم
:/
ترا علي فكرة البحر
لا سبعه و لا ثمانيه ينطب في
إحنا إذا ما صار مرقه البحر
ما إنعرف نسبح في
حدنا حمام سباحه
هاهاهاهاهاها
kuw son
والله يتوسع صدرك و بتستانس
أقولك شي
إنت صاحب هوايه
و هوايه حلوة
أعتقد إذا ماني غلطانه إنك منهم بس محد مكتشفك بعد
;)
أخو عزيز وغالي
what will be will be
يامعودة راضين بالنص بس
مو كلهم
والباجي يطبقون ويا بعض و ينيازووووم
هاهاهاهاها
بوغازي
أول مرة أشوف تعليق و يصدمني من حلاته وواقعيته
(((( الله وزع الأرزاق ومحد برزقة راضي.. ووزع العقول وكل بعقلة راضي)))
تدري هالكلام شكثر في حكمة
والله صدقت
و بعدين أي كلام فقارة
هذا كلام مال يتبروز أصلا
وااااااااااااايد
وااااااااااااااااايد عجبني!!!؛
manaf
تسلم من خطت هالكلمااات
أبدعت الصراحه
تم تسكير باب التعليقات عشان بنزل بوست جديد
:p
Post a Comment