Tuesday, June 05, 2007

غريبة هي الدنيا

عندما تتأمل أناس تكون أنت كل شيء لهم

و أناس لا يستطيعون رؤية وجهك

و أناس لا تقدر قيمتك إلا عند رحيلك عنهم



غريبة هي الدنيا

عندما تكون عيناك هي عينيه التي يرى بها

و تكون ابتسامتك هي ابتسامة قلبه

و عند البعض عيناك مجرد حاسة للنظر

وابتسامتك عضله تتحرك عند سماع شيء جميل



غريبة هي الدنيا

وجودك معه تغنيه عن وجوده بين الناس

لمستك له هي حماية من غدر الزمن

وعند البعض وجودك وعدمه سيان


19 comments:

charisma said...

جنج حاسه فينى

دنيا يا ريمه دايما جذى

الله سبحانه ياخذ ويعطى

انت انت ما تتغيرين وانت ثابته

بس سبحان من يميزج عند ناس ويخليج عاديه عند ناس

القلب والروح تلعب دور كبير بالموضوع

الى نفسج ونفس قلبج وطيبتج وروحج بتفاعل وبتشوفج باحسن صورج
والى مو نفسج بتكونين انت عاديه جدا بالنسبه له

والى ما يقدر قيمتج الا بعد رحيلج ويبخس حقج
انا اقولج الدنيا ادور

وفعلا الدنيا ادور بس شالفايده
ترى كل شى يتغير حتى القلب
اذا انكسر القلب ما يلتأم ولا يبرى
والنهايه اهم الخسرانين ترى
ماكو شى يرجع مثل ما كان وبحلاوه اول وطعم اول

البوست بسيط بس معبر

الزين said...

ما غريبة إلا الشيطان يا ريم
الأغرب انج تعرفين ناس وتستثمرين وقتج فيهم
وتعطينهم وتعطينهم
وانتي مفكرة انج عرفتيهم
واهم اكثر ناس عارفينج وفاهمينج
ويكونون جزء من يومج وبعدها الفترة تتباعد
وتصيرين جزء من اسبوعهم وبعدين من شهرهم والشهر يصير شهور
وفجأة ما تلاقينهم حولج


ويتعللون بالمشاغل
وتشوفينهم بالصدفة وتعرفين ان اللي شاغلهم شي انتي ما خليتي يشغلج عنهم
اهني الصدمة
يكفخج السؤال؟
هل انتي فعلا عرفتيهم؟
هل اهم فعلا عرفوج
حتى نظرتهم اسلونهم بالحجي يحسسج بالغربة عنهم
معقوله اهم تغيروا
لو كانوا من البدايه هالشكل بس انتي ما انتبهتي
ويضيع العمر اللي قضيتته تبنين بهالعلاقة
وتحسين الصديج اصلا ماكان صديج
كان غريب طول الوقت
وانتي كنتى متوهمة
مادري
بس اهي جذيه الدنيا
علمتني بطراق
حاولت اوصل مرارته لج

esTeKaNa said...

صبااااحج سكر
:)
انظري لغرابه الدنيا تلك من جانب ايجابي:
عدم تقديرهم لقيمة وجودج
لبسمتج وعيونج
يجعلج تستشعرين بقيمة اولئك الذين يعشقونك بصدق
اولئك الذين يبحثون عن الرضا في عيونك
وقمة سعادتتهم هو بسمه منك وفرحة عيونك
:)

أُكتب بالرصاص said...

في ناس لا تقدر قيمتك إلا رحيلك عنهم

صدقت

وفي ناس لا نشعر باهميتهم في حياتنا إلا بعد رحيلهم عنا


ومش بالضروري وجودك عند الجميع سيان

بالعكس
الصح
ما قلتيه

وجودك معه تغنيه عن وجوده بين الناس لمستك له هي حماية من غدر الزمن وعند البعض وجودك وعدمه سيان


تحياتي

كادي said...

هلا ريما

القرب والبعد تحكمة العواطف بين الناس

والغريب بالموضوع ان الناس الي كنتي

تعتقدين إنج كل شي بحياتهم وإن وجودج

معاهم يغنيهم عن كل الناس يتخلون
عنج وتصيرين ولا شي عندهم

هذا الغريب يا عزيزتي


وأنا مع راي زوزوتا

2 u ALL said...

هذا هو الفرق بين من يحبك ..!! وبين من يدعي أنه يحبك ..!!وأذا كنتي تعرفين هذا الفرق فهذه نعمه من الله ..!! لكن أذا لم تعرفي هذا الفرق نتلك المصيبه ..!! وبعد فتره اذا أكتشفتي الحقيقه المره فالمصيبه أعظم..!!؟

Common_Sense said...

انا ماقوول الا اللي يبانا ما نباه :P

Common_Sense said...

لا مو جذي .. اقصد اللي ما يبانا مانبا :P

امبراطـــورة اشعاري said...

مساء الخير ريما...

اشوف ماطرشتيلي احد يسلم!!! :)

المهم فيه واحد يقول مادري منو :

نعيب الزمان والعيب فينا..

والله يا ريما صدقيني الدنيا اهي وحده ماتتغير بس العيب فينا احنا يالبشر..

والدليل لما تمرج لحظه حلوه.. تقولين الله دنيتي حلوه..

لما تتحقق لج امنيه .. تحسين ان دنيتج نعطيج على كيفج..

بس لما تمرج اللحظات التعيسه..

لما يتخلى عنج ناس عديتيهم من الروح..

لما تشوفين ناس رافعينج عن الارض من تقديرهم لج..

وناس اذا جيتي ولا رحتي عادي عندهم..

لا تقولين الدنيا.. قولي البشر..

شوفي النوايا واحكمي بينهم..

عاد والله انج دشيتي قلبي وانا ما اعرفج بس اقرا مواضيعج واستخلص شويه من معتقداتج.. ومن افكارج..

شلون الناس ماتحبج :(

شكرآ ريما على الكلام اللي تثيرين فيه الواحد وتخلينه يكتب حتى الشاشه ما يطالعها الا لما يخلص اللي بقلبه من كلام :)

عثماني said...

مساج الله بالخير اخيتي ريما

مادري ليش ... انتي مبدعة الى هذا الحد!!؟

واصلي نزيف القلم

Breeze said...

ليست الدنيا سبب هذه التناقضات .. إنما هو القلب نفسه وما يهوى ..

لماذا إذاً ســُميّ القلبي بالقلب ؟ إلا لتقلبه ..

نحب فلان و نرتاح له .. و ما إنواطن فلان رغم إن ما سوا لنا شي .. ؟

حتى اللي إنحبه إحتمال في يوم من الأيام نكرهه .. !؟

و دايماً أقول الله يتمم على قلبي ولا يغير عليه ..

:)

موضوع جميل و تساؤلات منطقية :)

يعطيج العافية

SHAHAD said...

هذا حالنا مع الناس
أشخاص قريبين ويعنون لنا كل شي
وأشخاص وجودهم يساوي عدمهم
مو لشي لكن مثل ما قالت اختي بريز
القلب وما يهوى !
بوست متميز ببساطته : )

barrak said...

ناس تروح
وتنفقد
ناس كل ماتصد
تقول بعد
ناس من تلقاهم تهتني
تعيش براحة بهني
تحس انهم اقرب من روحك
تحسهم كلامك سكوتك بوحك
وأكثر بعد
ناس تروح
وتنفقد
ناس كل ماتصد
تقول بعد

What Will Be , Will Be .. said...

هذي حال الدنيا



غريبة هي الدنيا عندما تكون عيناك هي عينيه التي يرى بها و تكون ابتسامتك هي ابتسامة قلبه و عند البعض عيناك مجرد حاسة للنظر وابتسامتك عضله تتحرك عند سماع شيء جميل



هذا التوازن الاجتماعي
بعد مالج خلق كل الناس تبيج وملزومه تجابلينهم وبيضيق خلقج لو كل الناس وجودج وعدمه واحد؟


هذي حياة الانسان الطبيعي

والا شرايج؟

TReSTeN said...

انا شخصيا اعيش هالوضع بالضبط

وحدي مسترغب احااول اغير خياراتي

بس ماادري مااسيطر على رووحي واتبع الي

متعبني

What Will Be , Will Be .. said...

الموضوع حلو
ووايد شادتني التعليقات

ياجماعه هذي الحياة الطبيعيه

ماني عارفه ليش قاعدين اتشكون
من الدنيا

قاعده اعيد الكلام اللي قلته
استوعبوا

يعني هل يعقل كل الناس لي شافتنس اضحك عندهم ضحكتي بالدنيا كلها؟؟

هذا اللي موطبيعي


ريما الوضع طبيعي
والوصف
وصف دقيق
لحياة الناس

أناس تكون أنت كل شيء لهم

عيناك هي عينيه التي يرى بها

تكون ابتسامتك هي ابتسامة قلبه

وجودك معه تغنيه عن وجوده بين الناس

لمستك له هي حماية من غدر الزمن

صار حب وغرام
والوصف وااايد عاجبني

ولو بجمع الابيات الثانيه

أناس لا تقدر قيمتك إلا عند رحيلك عنهم

ه و عند البعض عيناك مجرد حاسة للنظر وابتسامتك عضله تتحرك عند سماع شيء جميل

وعند البعض وجودك وعدمه سيان


هالكلام مو عن الحساد؟؟



استخدام الاضداد ممتع جدا

Яeema said...

أولا آسفه علي التاخير في الرد

حبيت أوضح نقطه أساسيه بالموضوع

في كلماتي كنت أقصد أشخاص معينين
و ليس كل الناس

استخدمت الجمع لأعطي قوة و تحجيم للموقف


كانت قصه و مفاضله بين شخصين


و الكل يمر فيها
خصوصا إللي يصادفهم أشخاص بحياتهم
لا يمكن تعويضهم لو جمعتم جميع الصفات الزينه


بالنهايه القلب و ما يريد




كانت قصه شخص أعرفه
إستمر حبهم 10 سنوات
و بعد الزواج
و بعد سنين طوال
تغير الحال


و أعترف
دوام الحال من المحال


أشكر كل من علق و تفاعل مع الكلمات

الصريح said...

هل انتي مع الجرأه بالبلوقات

شاركينا بتعليقك

Shaima'a Alkandari said...

هذه حال الدنيا

يمكن احنا اللى خلينا الدنيا تصير بهالشكل


ولن نذكر ونحس بقيمة الشخص الا اذا فقدناه