Sunday, June 03, 2007

السلام عليكم


كلمة تنقال من أول الدوام ليه نهايه الدوام

و توصل بعد حتي بمواقف السيارات



ليش قاعدة أتحلطم عليها


مو علي الجمله نفسها

بس علي إللي يسيء إستخدامها

إشلون؟؟


إنها تسوي وقفه بايخه إذا الواحد مستن بشغله

و لازم يوقف كل شي عشان يرد علي السلام

إنزين إللي بوصله

إنسلم ببدايه الدوام

و إنسلم إذا دخلنا علي أحد

مو علي الرايحه واليايه

سلام عليكم

وسلام عليكم

و إذا مندمج قاعد تكتب مذكرة ومجابل الشاشه يالك أحد و السلام والسلام

وتلاقيه 600 ألف مرة يسلم عليك باليوم و من نفس الشخص !

إنزين و بعدين يعني؟

ما أشتغل؟

ما مهنتي إلا أرد عليك السلام؟


يا جماعة الخير

الواحد مو شين إن يسلم بس عاد بالمعقول


تدرون في معلومة إن مجرد إنك ترد السلام و ترجع مرة ثانيه حق شغلك يبيلك حوالي 20 ثانيه بالضبط و هذا إذا إنت مركز عشان ترد تركز علي وين وصلت

أول دوامنا مكاتب

ألحين بارتيشن

يعني إنت مقلول بالمرر يعتبر

عن نفسي

إذا لقيت أحد مندمج بشغله

لا يمكن أقاطعه و أسلم عليه

لاحقه عليه

أمر باجرو أسلم

و إلا عقب باجر و أسلم عليه


فا إللي فيه هالطبع

خل يعمل حساب إن في ناس نفسي إتضايق من هالتصرف


و بالنهايه أختمها بـ





السلام عليكو

remix


عشان تفرفشون بهالغبرة

52 comments:

charisma said...

السلام عليكم

:pP

ههههههههه
يالله كله على اجر يا ريمه
كل عليكم السلام تردينها بجم حسنه
والحسنه تمسح سيئه

عاد اصدقين انا نوعى اذا مندمجه بشى يصير بلوك على الى حوالى
يصير تركيزى عالى ما اسمع ولا اشوف الا الى جدامى

وايد ازعلو منى ووايد يو لى عندى واكفخونى او يصرخون على عشان التفت

:*

charisma said...

ممكن ارد اعلق
تذكرت شى

واى الى ينرفزونى انا الهنود بالشارع الى يلحقج يقول السلام عليكم ماما
والى يخم يم سيارتج السلام عليكم والسلام عليكم ما يسكت الا لما تعطينه المقسوم
انا صج يكسرون خاطرى بس مرات يحرونى
اذا بعطى بعطى من كيفى ما تي يلحقنىىىىىىى

مره عطيت واحد الصبح زبال يخم يم البيت
وانا رايحه الدوام
ومن باجر الا كل الخمامييين يم بيتنااااا
شهالحاله
:(
كلهم السلام عليكم كلهم كلهم
جذى استاااحش اخااف

Tekana said...

والله عاد انا السلام عندي شي مقدس يعني لازم اسلم سلام سنع بعد مو اى سلام.. مو مثل بعض البنات اللى مايسلمون ويكتفون بابتسامه بس... احس جذي مو شي وعيب.. بس انا اسلم مره وحدة باليوم مو اكثر شنو حلاو اهوا.. واحنا دوامنا مافيه شغل ذاك الزود فعادي ماراح اعطل احد عن شغله بالعكس اهما اصلا ناطرين احد يسلم عليهم ويسولف معاهم :) وانتي اذا احد سلم عليج وانتي مندمجه بالشغل سوي نفسج ماسمعتي :)

Purplecious said...

السلاااااااااام علييييييكم

انتي هنييييي و انا رايحه ملعقه هناك بالبوست اللي فات
هههههه
صج اني لاق
لوووول

المهم

السلام طبعا هي سنة لازم ما ننساها بس المشكله انج لازم تردين
بس اذا كنتوا أكثر من واحده و بس واحد فيكم رد السلام فهذا يكفيكم جنكم كلكم رديتوا ماله داعي كل واحده ترد

شوفي انا مثلج مكتبي عند الرايح و الراد بس اشوا مو كل من يسلم
لاني يا اكون لافه ويهي أو أكون مشغوله بشغله و لا مجابله الشاشه
فيدرون و ما يسلمون

المشكله لما يمشون و يسلمون بالدور و بما ان مكتبي باخر الممر فاتوقع اذا كان اكو احد ياي يسلم بالطريج او لا
هههه
وايد تصير فيني احد يسلم و ما استوعب انه سلم علي و تلاقيني ما ارد السلام الا جود المرا طلعت من الباب ما الحق عليها
ههههههه

انا ما اسلم الا اذا صار ويهي بويه
بس
الحين خلاص تعلموا اللي يمر عندي يسلم على اللي يمي و ما يسلم علي
هههههههه

Hungry-Healthy-Happy said...

في مثل مصري يقول:

"كثر السلام يقل المعرفه"

لووووووووووول

جنة الحواس said...

معاج حق بس انتي خلي الموظفين


انا طفارتي المراسلين اللي يسلمون 10 آلاف مرة باليوم

Elly Good morning 3ala kel 7azza
welly salam alaikuuum

يلحنونها بعد

و نوعي عادي أحقر . فإذا ما رديت عليه يرد يكررها بصوت عالي


مأسااة

كادي said...

السسسلاااام علييييكم
ريما لغنية ونستني بس كلامج حيرني
ما دري أسلم ولا.... بس
السلام لله والرد واجب
أنا معاج أن السلام مرة وحدة لنفس الشخص بس في ناس عادتهم يسلمون بالدخلة والطلعة
وهم أحسن من إلي يحقرونج وشنهم ما يشوفون أحد
بس حرام عذريهم لأن أكيد همه يقصدون خير مو إزعاج الغير

Purgatory said...

الحل عند عمو برج، صبـــــــــــــتاح الخيــــــــــــــر

عيون الحب said...

انا بصراحة مااشوف فيها شي..
اذا عشرة سلموا برد عليهم وبرجع لشغلي عادي ..
بس صح اذا سلم الشخص مرة حق شو يسلم كل مرة ؟؟
الله يعينج لوول :)

الزين said...

هههههههههه
والله صاجة يا ريم
بس ما اقول إلا من كثر سلامه قل احترامه
وشلونكم بعد
إإإإإإإإإإإف
يعني خلاص بعد ردينا السلام شماله بعد شلونه واحنا في مشغولين حدنا
عالم فاضية

امبراطـــورة اشعاري said...

ختي ريما.. ثاني مره اعلق ونااااااااسه :)

شوفي انا ارد السلام عادي اي واحد يمرني ارد عليه لو باليوم مليون واحد..

بس لو تمرني ناظرتنا وتسلم مليون مره باليوم وربي ما ارد عليها السلام :(

لأنها ما تستاهل والله..

يقول الرسول حبيبنا عليه الف الصلاة والسلام:
اولا ادلكم على شي اذا فعلتموه تحاببتم؟؟
افشوا السلام بينكم..

وانا احب الكل وابي اسلم الا هالناظره ما حبها ولا ابي اسلم عليها :)

واذا مرج احد وازعجج بالسلام ماعليج الا انج تطرشينه لي وانا ارد بدالج :)

SHAHAD said...

السلام عليكم ريما .. أطفرج لول
بس ترى كلله بأجره .. السلام عليكم فيها عشر حسنات وإذا كملتيها كلها السلام عليكم ورحمة الله وبركاته هذي ثلاثين حسنة
في أحد حاصله حسنات ويقول لأ : )
احتسبي الأجر والله يعينج
بس إذا شخص سلم واللي يمج رد السلام فهالشي يكفي : )

عثماني said...

اخيتي ريما.... مــــو السلام عليكم

:) اخليج بحفظ الله

Unknown said...

وعليكم السلالالالالالالالالام ورحمة الله وبركاته
:)))
الصراحة صج الغبار مؤثر فيج حدددده

What Will Be , Will Be .. said...

@@

ماسمعتج ملاك
بالروحه والرده السلام عليكم
ورحمة الله وبركاته

يعني كامل كل مره

بالروحه والرده تدور حسنات وتاخذ اجر

عموما بالكويت اي احد يدش مكان اوتوماتيكيا يقول السلام عليكم

بس مو يدش يسلم
ويطلع يتكلم بالتلفون مثلا
ويرد يدش
ويسلم

انا خبري محد يسوب هالحركه الا ملاك

اثاري ربعها وااايد

malak said...

السلام عليكم ورحمة الله وبركاته


طول ما انا امشي واشوف ناس

اقولها وانا ماشيه بدون مااوقف

يعني ماانطر الرد

اذا في احذ بدوامي بيقرا تعليقي بيعرفني

.........

وصل الايميل؟


السلام عليكم ورحمة الله وبركاته

:)

Яeema said...

charisma

وعليكم السلام

و الحسنه بعشرة أضعاف
كاريزما؟؟؟؟
يوزي عني بلييييز
هاهاهاها
إنتي شفتي مال التليفونات ليه قال السلام؟؟

يوقف عند راسي و إذا حقرت علا صوته!؛

Яeema said...

charisma
ممكن ممكن

و إللي بالسوق يلحقج يمسح جدامج
والله هذاك اليوم بقيت أهف علي ويهي!؛


أنا بروحي بالفترينات ما أشوف دربي
هاهاها

Яeema said...

tekana
أنا وياج
إللي أم إبتسامة تحر
بعد

بس مثل ما قتلج
مو علي الروحه و الييه

تدرين لو بكتب بوست فصله يحروني إللي يسلمون

لا و إذا مشتطه بعد
الله
هاهاهاها

أملج أرد
رافعة الجااام

Яeema said...

purplecios

ما علييييج أقرا أقرا كل شي
هم حلو تعليقج إهناك و هني


مرة ثانيه بحط تنويه
تسكر باب التعليق علما بأن هناك بوست جديد
do refresh pleas

:p


تدرين أول مرة أدري بهالمعلومه
إن واحد كافي يرد

تدرين إذا لافه ويهي يدقون علي الجامة؟؟
knock knock !
good morning ya 7elwa

( waaaaaaaaaaaaaaaaay ba9areeeeekh! )

face to face wayid a7la !

علي الأقل تشوفين إبتسامة مشرقه علي الويه

Яeema said...

joli
اوووووووووووووو
عاااااااااااااد لهم هالأمثال
ماكو مثل المصريين يسلمون

أنا المصريين يسموون يا أستاذه

أتشقق من الوناسه
ما أدري أحس إني غير
هاهاهاهاهاهاه

صباح الفل و الياسمين عليكي يا جوو جووو

Яeema said...

broke !!!
وااااي صااااااااجه

هاهاهاها
عندنا وعندج خير

Яeema said...

كادي

إتصدقين
ما همني وايد إللي يمرون و ما يسلمون

مو معقوله بسلم علي 200 موظف كل يوم و لمدة 5 أيام و لمدة 30 سنه مع تطبيق قانون التأمينات اليديد


it's just toooooooooo much!

Яeema said...

برج؟

ما فهمتك؟

Яeema said...

عيون الحب

و هذا كان إستفساري
ليييش؟

إذا مكتبي بلوكيشن قوي شوي
و الكل يشوفني لأن بالنص

شنو ذنبي أتحمل

Яeema said...

zozota

عجبني المثل
هاهاهاها


إييي والله عالم فاضيه

Unknown said...

وعليكم السسسسسسسلام ورحمة الله وبركاااااااااته

بس داش جذى اخرب تعليقاتج

حرشى

Яeema said...

إمبراطوريه أشعاري

لا خلا ولا عدم إنشاء الله

أفا علييييج إنتي عطينا عنوانج و أطرشلج كل إللي يسلمون مليون مرة باليوم

Яeema said...

shahad
وعليكم السلام و رحمة الله وبركاته

أما بعد

كاني كاني قاعدة ألقط الأجر يزاكم الله كل خير

والله بوستي هذا قااام يطشر حسنات الحمد الله

Яeema said...

عثماني
و مو عليكم السلام
:p

ليييش ليييش يا حافظ
أنا قلت إللي يسلمون مليون مرة باليوم

مو مرة بكل بوست؟؟

:p

Яeema said...

mishari

لا لا الحمد الله مو مؤثر ولا شي
لابسه قناع واقي من الكيماوي

:p

Яeema said...

what will be will be !
أولا ما أقدر أطب بملاك
أحبها

بس بطب بإللي يسوون حركة التليفون هذي
أمبيييييييييييه
صاااجه
إشماله أرد أسلم و أروح الممر و أرجع أسلم؟؟؟


كلها خطوتين

Unknown said...

انا من ربع نجاد هاليومين ديرى بالج ما ينفع :p
نووى

سلام عليكم :p:p

Яeema said...

ملاك

وعليكم السلام ورحمة الله وبركاته

حبيبتي إنتي و الله
سلمي و سلمي إنشاء الله مليووووون مرة
حلو حلو و يسرسح علي القلب

يا زينج و الله



------
لأ والله ما وصلني الإيميل

this is my e-mail :

allure187@gmail.com

Яeema said...

mishari

:P

Ra-1 said...

Hahahha :)

Shaima'a Alkandari said...

وعليكم السلام

صج ان السلام لله

بس يقولون كثر السلام يقل المعرفه


وصج حصل معاي هالموقف ووحده وياي بالمكتب لي الحين زعلانه وقلت لها اساسا شفتيني حدي لاهيه وماسمعتج تقولى لأ متعمده

زهر الخُزامى said...

بالنهاية السلام كلمة حلوة
قولتها فيها أجر

تجمع الناس وتحسسهم بألفة لا انقالت بنفس حلوة

White Wings said...

ريما، لا تردين السلام، مرة، مرتين، الناس راح تاخذ فكرة انج نحسة وتفتكين
:)
أو، حطي لافتة "ممنوع السلام في أوقات الدوام الرسمية" اشرايج؟؟

Mohammad Al-Yousifi said...

السلام

لووول

تحتاجين الى شهر راحة و استجمام

ترى بديت اخاف عليج

حالتج صعبة

Purgatory said...

Ya3ni, just say good morning, bonjour, people will stop.

MANAF said...

reema

كتر السلام يأل المعرفه


:)


شكلهم مأذينك بالسلام


:)


يصير اسلم





لا اتغشمر








حلاتج والله

:)

2 u ALL said...

السلام عليكم ..!! وراح أهديك الأغنية المصريه "السلام عليكم" ..!! وبعدين مناشبتني على "الفراوله" و "التوت" عند كريزما ..!! وما تبين زميلاتك بالعمل يناشبونك ويسلمون عليك .. هههههههه..!! خليهم يسلمون عليك شنو يضرك ..!! بعدين أنتي وين قاعده بالعمل ..؟؟ أكيد قاعده بالنص أو وسط "الدوره" إلي كل الرايح والجاي يسلم عليك .. ههههههه..!! المهم يأختي العزيزه "ريما" هذا كله أجر لك ..!!وهم في النهايه "السلام عليكم"...!!؟

Яeema said...

ra-1
:p

Яeema said...

shaima
أما هذيله عاااد
إللي متعمدة و متعمدة حالتهم بتكون صعبه لي صادفوني و أنا مندمجه

Яeema said...

مجرد أنثي
تخيلي
قاعدة أشرب قهوتي مرة
و مرت يمي وحدة
و سلمت و علي ما شربت و شلت الكوب إلا مشت!
يعني رديت السلام علي الطوفه
الله وكيلج بوووووز ثاني يوم

هاهاهاهاها


شسوي فيها هذي بعد؟
أنطر الكل يسلم و بعدين أشرب قهوتي مثلا؟

Яeema said...

white wing
أقولج سالفه ثانيه توها توها الحين صارتلي
قاعدة أشرب قهوتي و أرد عليكم حلو الكلام؟؟؟


و القهوة عند حلجي
توقف وحدة يمي و تسلم و أحقر و أكمل القهوة
و توقف و تقوللي
فله إشلونج شخبارج
لاحظي القهوة لما الحين بحلجي

هاهاهاها
نطرتني ليييما خلصت
و كل يوم تسلم علي و بنفس حرارة السلام و تشنها مو شايفتني أدهر
:/

أستحي أجعم و ما أرد

Яeema said...

kila ma6goog
enshallah my holiday more than a month , raaaa7 teftak menny

:p
adios amigoes :p

cant wait to go and escape

Яeema said...

porgutary

you think i dont say it?
hehehehehhe
the problem with the people who say alsalam not me :p

Яeema said...

manaf
يصير يصير
طالمه السلام مسوين عليه فريييز هني

يايزلي هالمثل
ودي ودي أروح مصر
هاهاها

Яeema said...

2 u all
مناشبتك!؛
الله ياليوووور
مو مشكلتي إنك ما إتعرف الفراوله من التوت؟؟؟
هاهاهاهاهاها

و بعدين قتلك
لو قلت هذا رقي هم بصدقك
بس ما نبي إنخسرك

:p

بروح أشوف شكاتبلي هناك
هاهاهااه

Яeema said...

1