Friday, June 29, 2007

كان أسبوع طويل من صيدليه لي صيدليه ليما فقدت الأمل عشان أحصل الدوا
فالحل؟
أغير الدوا و أدور علي بديل
رحت حق الدكتورة وقلت لها تغيرلي إياه
الدكتورة: يا بنتي ما ينفعش نغير الدوا- إبنك صغير و الدوا ده الوحيد إللي بيمشي معاه
ريما: دكتورة يعني شسوي ترا حتى في دبي مو موجود؟ ماكو والحل؟
الدكتورة : إنتي رايحه علي مصر
ريما: إييي بروح بس فترة قصيرة ما يمديني أدور
الدكتورة: أمااال عايزة الكميه دي لي؟
ريما: بسافر دوله أوربيه وما يصرفون الأدويه إلا بروشتات
الدكتورة: إنتي رايحه علي فين؟
ريما : إنشاء الله أسبانيا
الدكتورة: حلوة أسبانيه؟ خضرة؟
ريما: ملقا لأ موش خضرة جلحه ملحه ، بس فيها بحر
الدكتورة: تعرفي، أنا عاملة الفيزا بتاعتهم إسمها إيي؟ شنقن
و كنت عايزة أروح أسبانيا عشان أشوف قرطبه
إنتي زورتي المتاحف هناك؟

ريما: لا والله دكتورة، المشكله في هالرحلات إن الباص يحرك الساعة 6 الصبح
يعني كاان ودي ودي أقوم الساعة خمس الفير عشان ألحق الباص
بس تدرين كويتيين ما إنقوم
الدكتورة: لا غلطانه، الحجاات دي لازم تشوفيها
ريما: إنشاء الله دكتورة أشوفها هالسنه
( إنسوا مالكم أمل أقوم خمس الفير عشان أشوف قلاع من 400 سنه
الدكتورة: ممكن سؤال؟
ريما: تفضلي دكتورة؟
الدكتورة: الأسعار عامله إزاي هناك؟
ريما: والله دكتورة مو رخيصه
الفلافل ب 5 يورو
والبيبسي ب 3 يورو
و عليج لحساب في المطاعم الخمس نجوم
الدكتورة: إييي إييي إييي فلافل ب 5 يورو!!! يعني 36 جنيه سندويتش فلافل!!! لييييه يعني؟؟؟
ريما : والله ما أدري دكتورة يمكن بالنسبه حق دخل الفرد عادي؟ إهيا نسبه وتناسب
الدكتورة: و إنتو بآلكم كم سنه يتروحولها
ريما : والله دكتورة ما حسبتها من زمااان أصل عندي شقه هناك
الدكتورة: ( بعد تفكير لمدة ثواني )؛
ممكن سؤال بايخ و سخيف؟؟
ريما : تفضلي دكتورة؟
الدكتورة: مدام عارفين إنها غاليه كدة يتروحولها ليه؟؟
ريما: ( توهق البطل هاهاهاها- شرد عليها هذي الحين - أخاف من العين (
دكتورة السفر مكلف بجميع الأوقات و ما أعتقد أي واحد بيسافر عشان يوفر
أسبانيا بالنسبه لنا نقدر علي مصاريفها لا أكثر ولا أقل
باللإضافه أسبانيا قله قليله إللي يروحونها
لأنها مو مرغوبه من الكل
ولهذا تشوفين الناس إللي فيها علي مسوي شوي راقي
يمكن مريحه لنا؟
يمكن لأني تعودت عليها
أسوق فيها و أدلها شارع شارع؟
و بعدين ماكو بلد الحين أوروبي رخيص
الدكتورة: كلامك معؤوول يمكن عشان أنا لسه جايه من مصر و بشوف فرء العمله
ريما : دكتورة؟؟ ممكن تصرفيلي الدوا الحين؟؟
الدكتورة : آآآه نسيييييييت خلاص خلاص حصرفلك واحد تاني بس خلي الروشته يمكن في أسبانيا تلاقي
ريما : - في قلبي أقول - يادي أسبانيا إللي ماراح أخلص منها اليوم

14 comments:

nice said...

الله يعينج
مرة ثانية لا تعلمين احد وين بتروحين عن العين والحسد
والله المستعان

Purgatory said...

شنقن

hahahahahahahah!!

Athoob Alshuaibi said...

وااااااي حاسة فيج اختي ريما
اهي كانت تبي تقول الكاويتة عندهم فلوس كتيرة بس مو عارفة شلون اتغثج بهالكلمة


للاسف اهم لما يقارنون مستوى دخل الفرد بين دولتين بشكل عام
ماياخذون بالاعتبار الغلاء المعيشي في الدولة نفسها

يعني مثلا معاشات اليابانيين قوية مقارنة برواتب الكويتيين
بس هل معناها ان اليابانيين عندهم فلوس اكثر؟
لا ... لان الحياة غالية جدا بالمقارنة بالعيشة بالديرة ...


اصلا الحين اي احد يسألني انتي منين
اقوله اي ديرة ثانية غير الكويت عشان ما اتعرض حق هالمواقف اللي يتكلمون فيها عن الفلوس

عبدالله الظفــيري said...

الله يعينج ويشفي عيالج :)
بالتوفيق :)

فراوله said...

هلا وغلا بريما
سلامته ألف سلامة ..والله يشافي ويعافيه
آمين يارب
وتروحين وترجعين لنا بألف سلامه
باذن الله
وسمله عليج من العين
دمت بحب
:)

loco said...

looool el dr 7adha maynoona :P
ENTAY SHAKOOO BEL BEENT , bas makoo fayda ma9rya :P

bas salamat 3asa ma shar lish el dowa ?

wa have fun !

charisma said...

ما اقوول يا ريمه
الا عساها على خير هالسفره
الله يحفظج بس وتروحين وتردين بالسلامه

SolaimaN said...

لووووووووووووووووووول

والله فراغه الدكتوره واسألتها مثل ويهها

ينت واقعدت ...شنو الساعه ست اقوم

واصعد باص يحن على صماخي 3 ساعات

علشان اشوف اثار وطابوق قديم

مينون انا!!؟

انا اصلا لي الحين مانمت

وسلامتهم انشالله

barrak said...

انا اقول كنسلي السفره لانه شكله الدكتور عطاج وحده
اتوقع بيصير انقلاب
او ملكهم يستخف ويحجز على المصطافيين الكويتيين
نصيحه
لاتروحين

Kuw_Son said...

الله يعينج ..

لا تسحب منج كلام مرة ثانية ..

معطيتها ويه !!

سالفة قلب said...

قولي اللهم اكفينهم بما شئت وكيفما شئت

الله يتمم عليج السفره ولاتحاتين

الله يشافي ويعافي عيالج يارب

Яeema said...

thank you all


nice:
enshallah ;)


purgatory:
eeee




athoob:

الخليجيين قصدها
أشونه شعبنا فقير أكثر ناس علي راسهم قروض و أقساط




الظفيري:
تسلم أخوي





فراوله:
حبيبتي تسلمين وااايد وااايد





LOCA!!!!!!!!!!!!!

عندا ربو الله يبعده عنك إنشاء الله
كل اليهال فيهم هالأيام




charisma:
ameeeeeeeeeeeeeeeeeeeeeen
thank you sweety
:**




solaiman:
إنت إللي فاهمني والله
هاهاهاهاهاها


ههههههههههههههههههههه
ههههههههههههههههه



barrak:

أبشرك مسوين إضراب الكويتيه
هاهاهاهاهاها



اليوم بين الشفت ساعة إضراب

و كل يوم بيطولون المده

هاهاهاهاهاها




kuw_son:

صاااااج والله
تعلمت الحين درس
ما أكون خري مري

أقول كل شي علي طبيعتي





سالفه قلب:
أنا أستغرب من نظرة الناس لنا يالكويتيين
و جن في بيوتنا بير نفط نقرف منه

ما جنه نكرف عشان نسافر هالجم يووون


ربي يحمي يعيلج ويطرح فيهم لبركه

loco said...

:'( esmy LOCO mo LOCA :'(
wa ma etshoofen shar! 7ata ana feny rabo alla kareem wa eshafeena enshalla

hamdool said...

Walla law makhtha 3alaich shway
chan seeeda galatlech:

KOLLY SANA WENTY 6AYYEBA

w tafrek eedha nafs kel
elly eb Ma9er mn sayeg
el taxi lay akbarhom !!

Ma 3ndehom kelmat
el 7emdelellah !!

inshalla ur baby
will be OK ..
ya rb