Saturday, June 09, 2007

عندي أشياء معينه في حياتي ما أقدر أغيرها

سلطه جرجير مالت نينو

يعني ودي يوم أدخل نينو و ما آكلها!

عندي بنطلون جينز أحبه و محطوط مثل الميداليه بالكبت

ما أقدر أقله و بنفس الوقت ما ينلبس


إنيي حق شي عسر و مليق أحبه بس خارج حدود الكويت ينوجد

و عشان أكون محددة بس لقيته بأمريكا

و أنا أصلا مو شاريته من هناك!


عطري الشتوي

إيييي شتوي بس

و ما أحط منه إلا بالشتا

و إذا يييه البرد قمت أحاتي الستوك إللي عندي

مشكله هالعطر إن مصمم أزياء مطلعه

والمصمم يهودي

يعني ممنوع يطب العطر بأي دوله عربيه


قمت كل صيفيه أوصي ولد عمت زوجي

و بعد ما قمت أستحي من التوصي

قمت أطلب بالنت والتوصيل ليه بيته

ليش ليه بيته؟

لأن أرامكس ما يوصل أي شي بخاخ

أيريسول



الحين المشكله إن الريال بتخرج هالسنه!!!

إبتلشت بلشه

ماباقيلي إلا قرشه وحدة

ماكو منه بلندن خلاص ماعادوا إييبون

ماكو منه بأسبانيا لأن أسبانيا مافيها بوتيكات

المهم وحدة من ربعي كان ريلها مسافر حق باريس بمهمه رسميه

يعني شنو؟

يعني ما عندة وقت حق التفرفر ويدور فشله و عيب أصلا

المهم سوينا بحث خفيف بالنت و لقينا عنوان البوتيك بباريس

و أهم من العنوان رقم تليفونهم

صار البحث و التحري عن الكالونيه ( هاهاهاها )

بعد 3 أيام وصلتني قرشتين

أفتحهم

وإلا مو إهيا!!!!

نوع يديد مطلعينه حق الصيف

أحلا من القديم !

حق الصيف

أمبييييييييييييييييه

ولييييييييييييييييييييييييين


صارت عسارتي عسارتين

كبر المشروع

صار صيفي و شتوي

لا حول الله ولا قوة إلا بالله


و بس إبتلشت بلشه الحين


صج فرحت إن يابلي إياه و ماقصر

بس بنفس الوقت إبتلشت من وين أييبه


( كاتبه البوست عشان إللي يلقاه إييبلي إياه صوغه لو سمحتوا )

هاهاهاهاهاها




أخليكم مع الصور




كالونية الشتيييي







كالونيه الصيف

HERVE LEGER ROSE


48 comments:

Purgatory said...

Are you serious about the request?

charisma said...

كبر المشروع هاا
اذا كبر خل يكبر على سنع

ابى كالونيه انا بعد
من شميتها عليج وانا احوس ابى منها
ضبطينى لو سمحتاى
يا جماعه الخير
2 كالونيه
بدال 1 كالونيه
ههههههههههههه
تعبانه على الكالونيه
لووووووووووووووووووول
واى موتينى ضحك شهالحاله


وبالنسبه حق نينو انا مثلج
كلا اطلب فيل كومبونيلا اى لييش
كل مره ابى اغير ما اقدر

جبده الدياى وهل فيل
تعبت
تعبانه
انااا

MANAF said...

شوفي انا يوم كنت بشرم الشيخ

تعرفت على يهود

:)


مالي الا اسألهم بعد

شسوي



طلبج عزيز علينا






ما اقول الا الله يرحم ايام


الفهرنهايت




كل بنات ثانوية بيان



كانو يحطونها



سنة 91



ايام كورس الدمج



:)))))))))))

عثماني said...

مساج الله بالخير اخيتي الغالية ريما

انا ما اقول الا الله يهديج... الحين انا اموت و اشم هالعطر... بلاغة شف بعيد عنج...بعرف شنو السر اللي فية.. لان انا من الناس اللي العطور بالنسبة لهم...فلسفة....الله يهديييييييج

charisma said...

عثمانى جبله

مو اشباهك
:)))

عيون الحب said...

والله شوقتينا لهالعطر ..
خل اقهرج واقولج خالتي هناك ..
بخليها تجيبلي واحد منه ..
بس عطر للشتاء وعطر للصيف ماكو شغله ..
عطر واحد حق الموسمين وخلاص ..
انا عاجبني dream angles يجنن وهذي صورته http://www.beautypackaging.com/articles/2003/01/images/JanFeb0350.jpg
حدة روعة بوصيه عليهم الاثنين ..
بس بذبحج لو ماعجبتني ريحته لوول ..

عيون الحب said...

غريبة اللنك ماطلع كامل قبل

http://www.beautypackaging.com/articles/2003/01/images/JanFeb0350.jpg

ان شاء الله يطلع الحين

Kuw_Son said...

والله على هالبوست المفروض نشم شي !!

هذرة هذرة هذرة و قلت الحين بعد هالسوالف عن العطر أكيد بشمه ..

خرطييي

:P

What Will Be , Will Be .. said...

هاهاهاي عثماني وكويت سن
بدعتوا

حتى انا توقعت اشمه لووووووووووووول

متى تبدي حملة البحث عن كلونية ريما

انزين اللي اييبها لج شتعطينه؟

لازم تخلين حماس بلعبة التدوير

White Wings said...

شفيها كلونيا خمس خمسات...روعة
:)
أنا عندي روحة أمريكا السنة القادمة، اعتمدي مؤونة السنة كلها، بس دبري حالج هالسنة
:)
ومن صجي عرض السنة القادمة

SHAHAD said...

انا شهر 8 عندي شفرة لأمريكا إن شاء الله
ولج اللي تبينه
بييبلج درزن عشان يكفونج لي 12 سنة جدام لول
كل شي ولا ريما عاد

SHAHAD said...

شفرة = سفرة
خطأ مطبعي : )

PearL said...

لووول ريما

امبيه حدج بلشة

اول مرة بحياتي اشوف عطر صيفي وعطر شتوي


شوفي موقع dekkany
يمكن اييبونه لج


:)

Almas said...

يحليلج يا ريما .. انسانة عفوية وعالطبيعة

العطر عندي من أهم الأشياء بالنسبة للبنت

وأيضا يدلج على الشخصية

ولا إذا كان ينعنش الله

وأيضا أحب البخور والعود بالشتا


عجيب

Sara said...

انا مسافرة بعد يومين إنشالله أسألج عنه وانشالله أحصله :)

ام الحفيز said...

reema

ايرفي لاجيه....واااي اشطيحج عليها اتهبل وصج انهاشتويه...بس الاهم ياختج نفانيف هالماركه قصاتهااطلع جسمج صح وبعدين الماركه فرنسيه حبيبتي واليهود اشعليهم ؟؟من صجج مو مدخلينها علشان جذيه؟؟ جان بعد وقفوا ستارباكس خو حتى هذا شغل يهود
لالالا انا لو منج اشور عليج تاخذين وكالتها مع نفانيفها خصوصا السهره منها زززززززززوقه

Mr_CHoCoLaTe said...

أنا طبيعيتي

اتحسف اقط قرشة العطر اللي مخلص لأن حتى لو مخلص و أشم العطر اذكر الفتره اللي كنت ارش فيها هالعطر

و ان شاءالله تلقين طلبج هي هي

يعطيج العافيه على المواضيع باي باي

Sharbil said...

ريما .. لقيت الحل
لما تسافري بالصيف على اي بلد
باوروبا
اطلبيه و خليهم يوصلولك اياه بمان اقامتك باوروبا :)

Purplecious said...

ريما

حطي كالونيا؟

انتي حوطي كالونيا؟

حوطّي كالونيا حوطي جاتووووووووووووه

لووووووووووووول

أفاااااااا علييييييج يا ريما

ما طلبتي شي

غااااااالية و الطلب كالونيا
هههههههه

تبين صيفي و شتوي ألحين ولا شنو بالضبط؟

وزعي مصادرج وزعيهم خلي يصير عندج مؤونه
هههههههههههه

Яeema said...

أشكر كل من ساهم بمؤازرتي بمحنتي
هاهاها
صبحكم الله بالخير جميعا

Яeema said...

purgatory

i am searious , but not from a male unknow blogger , it's hard to take it from them :p

Яeema said...

charisma

خلينا نسويها شركة مساهمة مقفله
هاهاها

صاجه حلاته يكبر علي سنع

عيل تبين كالونيه ها

ترا صاحب الكالونيه زعلان مني ليش طابه بالكلمة
هاهاهاهاها

Яeema said...

manaf

وإنت شعرفكم إن كل بنات المدرسه حاطين منها
كل هذيل مذبطهم؟
هاهاهاها

علي الفهرن هايت
ما أحب أستخدم كلونيه رجاليه
لو مهمن يقولون حلوة مع البخور

أحس ريحتي بتكون ريال

ويييييع مابي

هاهاهاها

Яeema said...

عثماني
بس بس بس
عرفت
فيك عرج
هاهاها
بلاغة شف

تلاقيها بباريس إذا رحت إنشاء الله

والله إييي إبلغ شفك فيها و ييبلنا كرتون حقي و كرتون حق كاريزما

Яeema said...

charisma

خليه يصير أشباهه خل إييبلينا
و نسوي معرض ونبيع

وربحنا كاش ماكو مصاريف
كل من عثماني
هاهاهاها

زهبي حق المعرض من الحين
قبل لا الناس تسافر و إتييبها

هاهاهاها

Яeema said...

عيون الحب
بيني و بينج وصيها علي الأولي

أحب إللي ريحتها قويه

الثانيه رووز حق الصيف خفيفه
بس هذيك شي مو طبيعي

ما تروح الريحه حتى لو وديتي هدومج اللوندري

what is the name of the pearfum you send?

dream angel???

Яeema said...

kuw_son

إذت بتشم العطر من بوستي
قامت القيامة
لا يامعون
بوستي خرطي بخرطي
عذرب فيه مسموووح
هاهاهاها

KQ8 said...

الحين كل هالمحاتات علشان كلونيا؟؟

زين بالله وقف هالمصمم هالكلونيا..شلون شبيصير بتقوم القيامه يعني؟؟

وبعدين سؤال فني..بالعاده الستوك عندج..جم حبة كلونيا ؟؟؟

الله يهداج ياريما...انا قتل الحين عندج دوا ولا شي جايد اخرتها كلونيا

Яeema said...

what will be will be

مادري شييبله
كافي بييبلي إياها

Яeema said...

white wings

حبيبة قلبي
ما قصرتي والله

كلونية 5 خمسات مخليتها حق
spring , fall collection
hehehehe

Яeema said...

shahad
الله يهنيج يا رب وتروحين سالمة وترجعين غانمه ووياج كلونياتي
مشكورة حياتي لا خلا ولا عدم يا رب

راح أقولج إنشاء الله ليه بغيت

Яeema said...

pearl
العطر الشتوي يكون مركز

eau de parfum
or parfum


يكون مركز و غالي


العطر الصيفي

eau de toilette

خفيف و أرخص

check this out
the price and the kinds

http://www.escentual.co.uk/Herve-Leger.html

Яeema said...

almas
فاهمتني والله

العطر يدل علي صاحبته
ليه حصلتيها حطيها ويا البخور
و قولي ريما ما تفهم

;)

Яeema said...

sara
حبيبتي و عمري إنتي لا تكلفين علي نفسج عفيه

ليه لقيتيها إخذي وحدة حقج وخشيها حق لشتا
شوفي شحلوها تصير

Яeema said...

أم الحفيز

sephora paris 1999

وحظي الأقشر طيحني عليها

إييييي والله شورتج وهدايه الله
تهقين يرضون إييبونها الكويت


أم الحفيز مايصير يهودي فرنسي؟
والله سألت وكان هذا ردهم
و إلا ليش مو موجودة مع إن ما بقي خمبور ما يابوه بالكويت

Яeema said...

mr chocolate

كنت نفسك أخش
إكتشفت إن ما منها فووود
زحمة وغبار عالفاضي

Яeema said...

sharbil
حبيب ألبي إنت علي أفكارك الجهنميه

i will do my best , i guess i found one good site , i saved it

Яeema said...

purple!!!!!

ابي إللي يصير
أي شي
أي شي

هاهاهاهاها


إنشاء الله نشتغل عدل علي البنات
إللي بيروحون باريس هالسنه

Яeema said...

Krakatoa

إنشاء الله ليي صكيييت
ال
50
بوصيك علي أدويه
هاهاهاها

عيون الحب said...

ريما هي صورته ..
اصلا انا قلت جي بوصي عالاول لانج كثير استخدمتيه ..

Anonymous said...

hehehehe alh y3eeench walh أفا عليج انشالله اول ما اخلص كلاساتي وززززززز السسسوق خو انا كله امطيحه هناك وادوره لج أقول حق دانييلاا راعيه لكلونيات عنها واذا حصلتها اعطيج خبر (^_^)

عثماني said...

اخيتي ريما...مساج الخير

حريمتكم...انتي و اخيتي كاريزما...عناد فيكم بروح باريس و باشتري 4 كراتين و اييب هالكلونيات جدام بيتكم و افرغهم بالبالوعة جدامكم..و اللي يزيد اروح ابسط فيهم في بسطات جليب شيوخ ..علشان اطيح هالكلونيا من عينج مرة وحدة..بس علشان احركم...عيل انا مو اشباهي!!؟
يعني انا اذا بتكلون شحط!!؟ ...بانزين!!؟
الله يسامحكم...انتوا موووووو حلوين

ترى اتغشمر :)..اخاف تزعلون صج...تسوووونها انتوا

charisma said...

عثمانى


لوووووووووووووووووول
والله قاعدا اقول حق ريمه
ما علق عداها
لووووووووووووول
تواها قالتلى عثمانى رد ييتك اركض
هههههههههههههه


اى عثمانى وجبله مو اشباهك
فلسفة عطور
هذا قصدى

هههههههههههه
لا يا عثمانى ترى ما قصدت انك ما اتكلون لالالا
قصدت مو اشباهك تعطى العطور فلسفه بالريحه

هههههههههههههههه

واى شهالنحاسه
4 كراتين وبتفرغهم اتخلى قلوبنا طايره
:))))))))

عبالك بنخليك اتفرغهم
ههههههههههههه
نسوى هجوم مسلح قبل لا اتم عمليه التفريغ
:))

افا عليك
انا بعد اتغشمر تر
:)

charisma said...

عثمانى

بعدين فلسفة عطور يعنى انسان رومانسى

انت رومانسى ؟؟

هل كيف يا عثمانى ؟؟

Яeema said...

كاريزما
ويييين صدتي الفلسفه
هاهاهاها

وعليه عليه
عشان جبله مو رومانسي

عثماني said...

صبحكم الله بالخير...ريما و كاريزما


شفتي يا ريما شتقول عني كاريزما...!!؟
يعني علشان انا حافي و منتف و شايب و من جبلة تقول عني مو رومانسي!!؟ يرضيج هال حجي !!؟

انا اصلا ابو الرومانسية... اصلا انا محد يعرف يغازل مثلي... مغازل مال اول...تعرفونة!!؟

يعني اذا وحدة شفتها بالمباركية عند المهارة ..اول شي اقط الغترة على الجتف واطيح له مغازل فيها و اقول : انتي يا متبتبة ... حني علينا ... انتي يا متكتكة ...التفتي علينا..اشدعوة...عطينا ويه... اش هالشعر الفلة... اش هالفرق اللي قاسمة راسج فية... طبعا تلقين هالوحدة سوادة من فوق الى تحت ...لا يبين منها شعر و لا فرق.... بس هذا دليل على اني رومانسي... بس شغل اول


عموما..انا قلت اتغشمر وياكم على الصبح... جعلة صباح خير عليكم... بس مع هالغبرة... ما افتكر

charisma said...

عثمانى

لووووووووووووووووووووول
لوووووووووووووووووووووول
:)))))))))))))))

واى مت مت مت ضحك

واتخيل الصوت مع هالكلام صوت الراهين الى بيموتون رهاات
الى اشدعوييه يبااا
عطينا ويييه عااد

هههههههههه
عثمانى بدعت

والله يا حلو الحافى المنتف ويا حلو جبله واهلها بس
:))

charisma said...

عثمانى

افا عليك انت كنق الرومانسيه على هالمغارزل
انت تقول حق الرومانسيه قوماى وانا اقعد مكانج
افا عليك بس
:))