Sunday, May 20, 2007


الدنيا صايرة لهطه لهطه ما قمنا إتحمل أحد يلبح فوق روسنا!


اللباح عليه الله علي قوله كاريزما


حياتنا متروسه مشاغل و لويه و الكل عنده شي يسويه . طرت عليييي أسوي مقارنه بين

أمهات اليوم و أمهات امس.


أمهات اليوم :

لبحه رئيس

لبحه عيال

لبحه زوج

لبحه خاله

لبحه مرت حما

لبحه خدام

لبحه سايق

لبحه طباخ وشنو الغدا باجر

لبحة زوارات

لبحه أم و مواجيبها ( ماكو غيري بنتها الوحيدة )

لبحه تليفونات

لبحة مسجات

لبحه حبايب

لبحه ربع برة الدوام

لبحة ربع داخل الدوام

لبحة سوق و تفتيحات

لبحه مواعيد ( طبيب – صالون )

حق إللي عنده خوات ( لبحة خوات و إخوان )

لبحة خالات وعمات و تشره

لبحة بلوق

لبحة مسنجر

لبحة مدرسين

لبحة مدارس

لبحة عزايم


و إللي يبي يزيد يزيد


أمهات أول :

لبحة زوج

لبحة عيال

لبحة شغل بيت

لبحة تجناين


و يقولون ليش نمشي مسبهين و ما إنثبت و ليش كل ناسين و ليش إنام مبجر

من اللبحه إداااااد علي قلوبنا والله


يا جماعة الخير ترا الصيف بس يانا

وتوه بالراديو يقولون بتوصل درجة الحرارة 52 بالظل



فليكن شعارنا

نعيش بدون لبحه

و برد علي قلبك يا ولد بآيس كريم بترا بو عود أحمر


41 comments:

Hungry-Healthy-Happy said...

هييييييييييه

أول تعليييق

أولا صباح الخييير
الحمدالله خف الغبار شوي بس عاد يتنا الرطوبه و القمته :(

أي والله اللباح عليه الله

واااي قريت عدد اللبحات جان ينقمت قلبي ياتني البجوه

ما ينلام فينا القولون العصبي و الصداع النصفي

لا لللبحه
لا لا لا

charisma said...

لووووووووووووووووووول
واى واى شب فينى حارج لبحه من البوست
ههههههههههههههههههههههههههه

اى والله صااااااجه

موتينى ضحك على نمشى امسبهيين

عاد ولا اناااااااااا التسبه زايد فينى

وااااى اداااد

عجييب البوست

بروح الحين اشترى تب باكسن روبنز
تبببببببببببببببب

ابرد على قلبى

Kuw_Son said...

تعيش ريما بلا لبحة :)

أهم شي برد بعود أحمر :)

Purplecious said...

لووووووووووووووول

صاجه ريما صاجه

و أنا بعد وياكم ارفع شعار


لا لبحة بعد اليوم

Cr8ivia said...

i bet u r exaggerating ;P

Purgatory said...

اهم شى في البوست بترا :))

Athoob Alshuaibi said...

looooooooooooooool
والله والله خليتيني اقطع شغلي غربل الله بليسج

ماااااقدرت امسك نفسي و ما اعلق الصراحة

لا وازيدج من الشعر بيت
حتى لو الوحدة تغربت .. اللبحة لاحقتها لاحقتها ماااكو فايدة !

ياترى باعتقادج ماهي عوامل الجذب المساعدة في ملازمة اللبحة و اللباحين حياتنا اليومية و هل كيف يا ترى نقدر نتخلص ولو من جزء بسيط منها


انا قلت جزء بسيط لان الانسان مايقدر يتخلص من كل هاللبحة الا بحالة وحدة
وهي الانتقال الى جوار ربه !


---

مشكورة على البريك :P

Anonymous said...

yabeeleech 7emla entekhabeeya "na3eesh bala lab7a.

hi. :)

Mamloo7a Q8ia said...

ههههههههه
صاجة والله يا وخيتي
زادت علينا اللبحة وعفستنا
هههههههه
اقول ريما
برد لولي برتقال او توت
يبرد عليج اكثر
صدقيني
اسالي مجربة ولا تسألين طبيب

Mohammad Al-Yousifi said...

لوول

خوش ايميل

سوري

خوش بوسط

SHAHAD said...

لوووووووووول
يا كثر هاللبحات
الله يعينكم بس
يبا ريحوا بالكم لأن اللبحات بتزيد مع ارتفاع الحرارة لووول
والله شوقتيني ببرد بترا

بنت الشاميه said...

هههههههههه

انا احب برد بترا الموز بعود

يهههههههههبل

وازيدج من اللبحه

قفلوا باب الصاله اذا طلعتوا

دخلوا سياراتكم الجراج لاتوقفونها بره


لا تتاخر رد مبجر

لا لا تروح الشاليه اقعد ادرس

لا مانى مطلعتك من المدرسه...كمل المدرسه


بعد تبين اكثر من جذى

لووووووووووول

لسانا نشف من اللبحه

Anonymous said...

اللباح مو زين
يلبح القلب و يلبح الصحة
و إذا بنتم نلبح على بعض مراح نخلص من الملابح
اللبحات بالديرة زادت بزيادة التطور و اللبابيح أيضا كثرت طالباتهم..اللي لبحت قلوبنا معاهم
ريما عجبتني هذه اللبحة الطريفة
بس ليش ضروسها مكسرة مسكينة ؟
لبحوا عليها ختسويهم !

كادي said...

ريما بروحه البوست لبحه حسيت اني بصرخ منه بس تدرين وايد أهون من لبحة بنتي الوسطية ليه بغت شي تصير لباحه تاكل قلبي طبعاأشب نار لأني ما أقدر أكفخها عمرها17 فلو آكل برد شركة بترا كله ما يبرد قلبي لأني ما قدرت أكفخها

tweety said...

واااااااااااااااااااااااااي

راسي عورني لأ لأ لا تذكريني هذا وانا لازلت آنسة معاي فوبيا اللبحة الله يعينكم صراحة

بس لبحة وحر وماكو كهربا ما نقدر

أنا معاكم لا لبحة بعد اليوم

Unknown said...

اللبحة

الحر


والمعدس بالصيف

يسووون حكة بالجسم
وتسبه عام فى جميع وظائف السمبثاوى

والله يعين

وحسبيلى معاج واحد بترا بو عود هذا المفضل عندى

الوجد said...

الدنيا صارت تمشي بايقاع سريع
والوقت ما يكفي
وفوق هذا لبحة
الله يعين


لا و جاينا الصيف والحر
وما في كهربا


انا راح اشتري لي صناديق ثلج واترسهم كل يوم ثلج وأحط فيهم البرد الأحمر بو عود ماركة بترا

وذلك اخذا بنصيحتك
حتى نقدر نعيش

عثماني said...

مساج الله بالخير..ريما...اللبحة... ترى اللبحة ساعات تصير زينة و انا اخوج... اقولج اشلون... اللبحة تساعد على رفع الضغط... و تنرفز ..اتخلي الواحد يبي الفكة من الشخص اللباح... علشان جذيه ساعات البح على مديري لان الاجازة علي بالحسرة : ابي اجازة ... ابي اجازة ابي اجازة... ليييييين تطق جبدة.. و يقولي خلاص روح فج عنني....:) ثانيا اللبحة تخلي الواحد عندة خوش بحة في الصوت .. مثل بحة عتاب لما تغني جاني الاسمر ..جاني... عموما مشكوووورة ريما على هالبوست الحلو... ونستينا ...

Aldenya said...

معاً لــ كويت بدون لبحة

مع انه ما أظن

بس

نتمنى


" بلووووق روعة "

Яeema said...

صبحكم الله بالخير جميعا


joli
صبحج الله بالنور حبيبتي إنتي
أول تعليق إييي إسم الله عليج من العين
هههههه

إنشاء الله محد يلبح علي قلبج

حطييت اللوغو
نبي صيف حار حق البحر
وبدون لبحه
الحياة حلوة و جميله

Яeema said...

charisma
looooooooooooool
أحلا شي حق الحارج البرد
ليييش قتلكم بعد ما تقرون البوست برد؟؟؟
ههههههه


وياااااج وياااج ذكرتيني
يا حلوه
يسرسح عالجبد

Яeema said...

kuw_son
هذا غرامي الكرنيش إسمه علي فكره
و أحب برد ريبيل
إللي إنسميه برد بو عسل

هههههههه

Яeema said...

purple
الله يعافي جووولي سوت لنا شعار حق اللبحه

لمقاطعة اللبحه لازم برد وياه هديه
هههههههه

Яeema said...

cr8ivia
YOu Bet I am NOT
They not me
i am very cold person related to these lists

this is the main point

this is why i am very happy thank God :)

دايما أقول
الشغل بيخلص فيني و بلياني
و مو نهايه الدنيا

perfection does`t exist

Яeema said...

purgatory
they give me 15% from the profit
hehehehhe

Яeema said...

athoob

hmmmmmm?? <-- ( thinking)

تدعي الغباء بأمور
فيطيب خاطرهم منها
و تنقلب اللبحه علي إللي يلبح



طريقه ثانيه
إنشاء الله

و بس
ههههههه
و قلبج بالفريزير

الحياة مشاغل و الناس صايرة نسايه فأعتمدي علي هالشغله

Яeema said...

mini-r

o enta modeeer el campain for it

NO BIG MOUTH
NO BLAH BLAH

it's summer Time
It's PArty Beach time

:p

Яeema said...

mamloo7a q8ia

صاااااااجه
ولا برد لولو

حمرتج منج و فيج
وااااي
ذكرتيني
خل أزيد الجيله بالبيت حق اليهال

أمي ما إتحبه
تقول كله ثلج مو زين حق البلاعيم
هههههههه


PATRA! I AM COMING!

Яeema said...

kila ma6goog
you want عيس كريم؟؟؟

Яeema said...

shahad
أنا مريحه بالي الحمد الله
إللي معاي مو مرتاحين

رفعت شعار الحمله من إلعام
إذا حاشتنا اللواهيب لحد يلبح؟؟
سوا إللي تبون
لا شور و لا مستشار

Яeema said...

بنت الشاميه

هههههههه
هههههه صاجه
صاااجه

عندي لبحه السبوح بعد الشاليه
سبحوا سبحوا

ههههههه

Яeema said...

عتيج الصوف

اللبحة فعلا متطورة و تختلف من شخص ليه شخص
و بيني بينك في واحد إتحلا عليه ليه لبح
بس في نااااس
إذا بس تكلموا ما وصلوا مرحلة اللبحه
اللهم يا كافي

هههههههههه


عندي واحد من عيالي ليه لبح يا حلوة يا زينه أتحلا عليه أصلا

لبحته تكسر خاطري

وجوده خطر بحياتي
ههههههه

Яeema said...

كادي

أنا أقولج شي
الوسطي كل لباح و إذا صارت بنت بعد زادت الجيله


أحسن طريقه خليها إحيا إللي تاكل البرد مو إنتي
و قوليلي ريما ما إتعرف


لا و فرشي صماط لها بعد خليها إتمرقد بالبرد

هههههههه

Яeema said...

جم عمرها 17؟؟

ما أدري والله ما عندي هالعمر

ههههههههه

حدي 9 سنين
مراهقين ما أعرف لهم

Яeema said...

tweety
أنا أشوة سيطرت علي الوضع
بس حبيت أسوي مقارنه
بسيطة


ساعات إييلج زوج اللهم يا كافي يلبح بجميع ما سبق

إتقولين يا ريت إللي جرا ما كان


ههههههههه

Яeema said...

mishari
إيييي داااش علي طمع بالتعليق


أخشلك واحد هااا

يا حبك حق التوفير

معدس!!؛
طافك معدسنا بو أجار إللي بالخيمة كل أسبوع

أكله شتويه

Яeema said...

الوجد
الحياة ماقامت تستحمل خلااااص

برد و يالله نعيش

الله يعينا علي الكهربا


عجيييييييييييب البرد
و خصوصا إلا خذيتيه من شويخ

طازه

nEo said...

لبحة زوجة


و لحد يكذب على نفسه و يقول احلى لبحة

Яeema said...

عثماني
أنا معاج بجزء

و هو جزء الدوام
بس ساعات اللبحه علي الشي يعفسه
و خصوصا إذا لبحت علي طلعه
لبحت علي سفرة
لبحت علي شي تبي تشتريه

لما إتسويه تالي تروح زهوته
لأن ياااي بعسارة

فمن إتشوف الشي إتذكر اللبحه إللي صارت قبل

و يطيب خاطرك منه

يا حلو الشي ليه يييه بدون حنه ولبحه


والله طعمه غير

Яeema said...

aldenya

والله إذا كل واحد خف من اللبحه الدنيا تكون بدون مشاكل
اللبحه كلش مو زينه لا إتودي ولا إتيييب

Яeema said...

neo

وييييييييييع مو أحلا لبحه
أنا لي شفت وحدة تلبح علي ريلها أنا تلوع جبدي

بجابلها العمر كله و تلبح
وي وي وي
إلا جان يبي حسنات؟؟؟