Friday, May 18, 2007

الجنطة وطلابة الجنطه

موقف إستغربت منه يوم الخميس إللي فات

دخلت محل معروف عالميا إن ماركه، فكل إللي يدخلونله أكيد عارفين شنو إللي في بحكم موقعه بأحد أفخم المجمعات التجاريه بالكويت.

القصه الحين

وحدة بالخمسين من عمرها ، ما يبين عليها لأنها جدا محافظه علي شكلها

تاااان و نفنوف ( فستان ) فوق الركبه إللي هابين في هالأيام البنات، مكياج خفيف ويه حلو صج في بوتكس بس الطبيعي.

المحل ماكان في أحد إلا أنا و بنتين و هالماركه إشوي شبابيه فما إنلاقي هالعمر هناك.

المرا: هااااي إشلونج شخبارج؟

البياعه: أهلين مدام كيفك ، شو أخبارك؟

بيني و بينكم فهمت إنها زبونه دائمه ، و هاللي خلاني أستغرب من الموقف إللي بقولكم إياه أدري طولتها وهي قصيرة

الزبونه: أبي الجنطة الفضيه مو الذهبيه عندج إياها؟؟

البياعة: إييي مدام حجزناها توها واصلتنا أمس

البياعة جذبت لأني من أسبوعين لقيتها و بلونين ذهبي و فضي ومحد ملتفت لهم لأنها شوي مافيها شي يشد.

الزبونه:واااي ما تخيلت عندكم منها بالكويت ما بقى أحد ما وصيته عليها ، أصحابي إللي بلبنان و أصحابي إللي بلندن و أصحابي إللي بدبي و حتي ولدي إللي يدرس بأمريكا قاللي يما خالصه و مو موجودة

ريما – بس أتحلطم بقلبي - : وولدج إللي بأمريكا مسكين هااد دراسته وقاعد يفتر بدورلج جنطة؟

بيني و بينكم في شغله فينا يا الكويتيين ولاحظتها في كذا محل ماركه تنقال

لييييش تبون إتفهمون إللي تبيع إنج تشترين؟

و من وين موصيه؟

وإنج تافهه ما بقي أحد ما سمع سالفتج

و البياعة شكو فيج؟

وليش إتعلين حسج و إتسمعين الناس السالفه؟

و فعلا هالموقف مو أول مرة يصير، لو المحل عادي شرت الشغله و إطلعت

أو كي إتحللييين بينج و بين ربعج مقبوله في إهتمامات مشتركه

بس ويا إللي تبيع إللي همها تبيعج و تفتك لأنها كارفه من صباح الله خير

راااعوا الناس و إللي يخليكم

ترا هموم الناس زادت من إن إتحمل سخافات جذي

ما خلاني أكتب هالبوست إلا ويه إللي تبيع و إهيا متحمله سخافتها ربع ساعه لأنها زبونه

مع الإحتفاظ بإسم و شكل الجنطة

هههههههه

ترا سعرها مو وايد 200 وشوي

14 comments:

Purgatory said...

You have a very valid point and well noted.

esTeKaNa said...

مسا الورد
يتني فتره حسيت اني فقدت روحج بهالبلوق
وهذا انتي رديتي بجم بوست حلوين
الله يحفظج حق كل من يحبج قولي آمين
:)
اولا:يكسرون خاطري المتصابيات
حلو الانسان يعيش كل عمر ومرحله وما يظل متشبث بمرحله مو له
ثانيا:انا معاج ماحد يعلي صوته بتفاصيل مالها داعي الا انسان حاس بنقص يحاول تعويضه بطريقه ما
ثالثا:قد تكون قاعده تتشيحط بوقت غير مناسب ولا مع شخص مناسب وان كانت الشحاطة مالها وقت مناسب ابدا
:))
ومع هذا ينمكن تكون حسنه نيه تفكر بصوت عالي وبتلقائيه وما قصدت كل التحيليلات هذي
!!

charisma said...

مساء الورد المغبر لان الجو غباااااااااار
:(

اى الحمدالله والشكر ما ادرى شسالفة هالنقص الى بالناس الى بس يبون يتشيحطوون وبس
وخصوصا بمحلات الماركات داااائما البنات والناس يتكلمون بصووت عالى عشان يسمعون الكل انهم قاعد يشترون وبهالسعر !!

شى يضحك
اللهم لا شماته مصخره

ما ادرى اهم حديثين نعمة ما ادرى شعلتهم

مشكله
يضحكوون الصراحه

Joli said...

مسااااااء الخير

صاجه صاجه
هالنماين زايده وااايد الكويت
مادري شسالفتهم؟؟

يحبون يطقونها صحبه مع اللي يشتغلون بالمحلات.. يعتبرونها من الشروط اللي
لازم تتوفر بالطبقة المخملية
لووول الحمدالله و الشكر
هذا عقلهم على قدهم

قالتها كارزما، و أنا أول تعليق طرى على بالي و أنا أقرى إنهم
"مستحدثين نعمة"

أما عن العيايز اللي هابين هالأيام
هذولي بروحهم سالفتهم سالفة
لوووووول طماشة
صج حلو الوحدة ما تهمل عمرها و تهتم بنفسها لو مهما كانت كبيرة لكن بالمعقوووووووووووول
أكو لبس رزة و كشخة و يناسب كل
!!الأعمار مو لازم لبس المراهقات

P.S: thank you sooo much for adding my blog to ur personal list:)
that's so swet of you & really means alot to me :*

Krakatoa said...

200 دينار حق جنطه؟؟

بذمتكم مو حرام

Reflections said...

Reeeeeeemaa..

Shda3waa 3aad Golelnaa shenhy eljan6a?:pPp

3ad ana me7tajaa Mirror Bag, o Dam enna Se3erha ma3Qool..bema enha habba 7araam age6 3aleha wayd, khooSh shay ;PPp

hehhee.. Regarding elmawqef ely sar..

صار جدامي وايد ..
انا دايما اذا دخلت محل يبيع ماركات و اشياء غالية، يحوشني شعور بالذنب، ان هالبياعة الفقيرة المسكينة، ما يت تبيع الا لأنها محتاجة.. و حريم الكويت يتعنفقون جدامهم!

كادي said...

مساء الخير
حلو اذا الوحدة إعتنت بنفسها بس تراعي عمرها لأن كل عمر و له جماله بس أعتقد في ناس عندهم سوء اختيار للي يناسبهم وإلي ماتعرف تختار إلي يناسبها من ملابس ما تعرف تختار المواضيع الي تتكلم فيها مع البياعين
والله يعينهم على أنفسهم

Яeema said...

purgatory

you bet i have :p

i was very surprised that you comment .

welcome to my blog





estekana
هييااا كذا الدنيا
عشنا و شفناها
فيها هموم ياما

الله يحفظج و يخليلج والدينج

شتسوين إهني بالبلوقات؟؟؟

مو قلنا ماكو بلوق؟
يالله أهو قومي درسي
:p


كلامج ما أقدر أضيف عليه إسم الله عليج


بس ساعات الواحد ليه كبر يبي يتشبث بالحياة أكثر
و قليل من إللي يعي هالشي إن لكل مرحله حلاوتها

Яeema said...

charisma

صباح الخير لمغبر لأن مستمر لغبار ليه اليوم

والله ما أدري و قتلج المشكله إن صاير مودة هالسوالف
جن الكويت كلهم صايرين حديثي نعمة

Яeema said...

joli
صباح الخير جووولي


تدرين مرة تناقشت بهالموضوع
المتصابيات

ساعات أقول و الله مو حلو بس يحبون الدنيا

و عبالهم لي قزولهم إبرتين بس صاروا دادا أغوووو


p.s : your most welcome sweety , you know i give the screen a big smile from your lovely words :*

Яeema said...

krakatoa

حق رياااال حراميييييييييين
حق المرا
عليها بالعافيه

:p

Яeema said...

reflection
send me an e-mail agolich sheny ehya and i will send you the picture, it's silver mirror classic look

Яeema said...

كادي

صبحج الله بالخير
إتلاقينهم مو حاسين بعمرهم
ما أدري محد ينبههم إن هالشي أصلا مو حلو؟؟

حتي الركبه مالت أم 20
تختلف عن ركبه مرا بالخميس

الأخيرة لووووووووعه!!؛

Purgatory said...

I noticed more new blogs on Safat yesterday, so was checking them out.