Monday, May 28, 2007



فيني طبع يمكن ينرفز ناس وايد

إنني ما أسأل

حتي لو الموقف يحتاج ولازم إنك تسأل


يعني لما وحدة تقوللي ترا فلانه نخطبت

يكون جوابي:

الله يوفقها إنشاء الله مع ولد الحلال

رفيجتي بقلبها السالفه وتقوللي يعني إنتي ما تبين تعرفين منو خذت؟

أنا: لأ ما يهمني أنا إللي بعيش وياه وإلا إهي؟

رفيجتي: واااااي مو السالفه إن هالشخص إللي خذاها وخطبها

أنا : و شنو يعني؟ صايع؟ الله هداه و الله يهدي سرهم إنشاء الله ويسخره لها ويركده .

رفيجتي: ودها ودها ترقع السماعه بويهي ما أبرد الجبد

هاهاهاهاها




أمي :

يما ترا فلانه ولدت و إستقبالها السبت تروحين؟

أمي: خلاص يالله نروح لها ، شيابت البنت؟

أنا: ما أدري ، بس المهم إنها زينه والياهل زين هذا إللي تطمنت علي

أمي : نزين جم عندها من قبل من عيال

أنا: وااي يما شدراني بثبت كل وحدة وشيايبه؟

أمي : إللي عشان إذا عندها أولاد بشوف شيايبه الحين

أنا: يما بعد البنت ولدت وخلصت يعني إذا عرفتي شيايبه بترده داخل بطنها ؟؟؟



موقف ويا صديقتي:

أنا : ودي أقولج شي ، بس ترا توني أمون عليج عشان أقولج إياه بس عفيه لا تزعلين؟

صديقتي: قووولي إشدعوة ماراح أزعل منج

أنا: ترا أول ما عرفتج كنت أتنرفز من أسإلتج ، ما أحب أحد يسأل وااايد ، كنت ما أبدي السالفه عشان ما أكون الشخص الوحيد الموجه له الأسئله

صديقي : أيااا شااقووووووووووول ، أنا مو قصدي بلاغة شف

أنا أقصد إني أكون قاعدة معلوماتيه عشان السالفه تكون كامله ، و مو بكل شي أسأل

أنا: إييييي أدري مو مع الوقت عرفتج و قمت أنتبه علي نوعيه أسإلتج و بشنو تسإلين فقمت أسأل نفسج

صديقتي: إيييي أشوفج تغيرتي واااايد للأحسن طبعا

أنا: إيييي صراحه الأسئله بمواضيع السفر والمطاعم والسوق جدا مفيدة ، بس تقوليلي فلانه تزوجت و من خذت لما الحين ترا ما يهمني

فعرفت عشان ما أغلط قمت أسأل



سؤالي

هل إنتوا من الناس إللي يسإلون؟ ويخزنووون حق تالي يمكن يستفيدون من أسإلتهم؟؟




33 comments:

shakshaka said...

shofay reema ana salfat mn enkha6bat lah 3ady as'al 3araftaa kan beha ma3araft el walad mo ela a3aref shajarat el 3a'ela 3shan o9al 7ag a7ad e3arfa wil 3aks sa7eee7 fe nas enashfoon ereeej et3arfa? makhtheta 3an 7ub? mene uma? ekhta mn makhtha? wintay SHAKOOO! shbehemech y3neee 3aaaad win darat enha makhtheta 3an 7ob galoat eeeeh hathee ele et3aref et9eed .. ya bint el7alal hathe mn kanat eba6en umha wehya maktoblaha takheth flan leflani mala sheghel eb salfat te9eyid ma te9eyid bes shetgoleen ana hal ashkal ta3abt menhom etha marafij a7ad e6awer mn tafkeri laish arafej nas tredni laih wara? tara elyom eshtahait at7al6am lannna 6araw 3laiy wayed nas ebe6oon elchabd!:P

Purgatory said...

I hate people who ask too much, bes feee 6ab3 3end elnas hal ayam, 3endhom fethool zayed, esp. women, wo 3endna wa7ed beldawam obo elfthoolya, emswee lenna azma, bes shnswee, we get used to ppl.

Just enjoy your Petra.

Joli said...

صباح الخييييييييير
يا حلو مواضيعج والله تبردين قلبي
:*

أنا ألعن منج ماااا أحب أسأل
أنا أروح عرس أكون معزومه عليه و ما أدري من ماخذ منو
أعرف اللي عازمتني و بس
ههههه

في ناس ما شاالله عليهم هوايتهم التسأل و تسحب الحجي و هالناس ما أرتاح لهم أبد... تلاقيني أسحب نفسي بهدوووء و أتجنب أي حوار معاهم

أصلا أنا عندي ربع ما أعرف أساميهم :p
كل اللي أعرفا عنهم إنني أشوفهم باليمعة الفلانية
أقعد و أسولف و ما يهمني أصلا إهي منو
المهم إنسانه محترمة

charisma said...

صباحو يا عسل
;)

انا واعوذ بالله من كلمة انا يعتمد على درجة المعرفة وتقبل الطرف الثانى

خصوصيات ما احب ادش فيها الا الى يعطينى
يعنى مو نوعى انقبر!!

بس امور عامه واهى صديقتى لا والله يهمنى

الامثله الى طرحتيها انا اسويها مع ناس بعيده عنى غرب

بس ناس قراب لا والله يهمنى
يعنى صديقتى اذا انخطبت ويابتلى الخبر اكييد بقولها منو الى اخطبج

واذا اولدت بعد السؤال عن سلامتها اسال شيابت اكييد

فهمتى قصدى

بس مو نوعى انشد وادور اخبار الناس واسال لا لا كلش مو طبعى
الى يوصلنى اسمعه غيره ما اسال
:)

ذكرتينى فى وحده انت تعرفينها عايشه على الناس واخبار الناس
اعوذ بالله



بعدين ريمه شهاللزاقيق وشهالحلوج المسكره الى سطرتيهم لنا بكل بوست

هههههههههههههه
ورا بعض
صج ما تبين لبحه :)))

Kuw_Son said...

ما أسأل إلا إذا احتجت شي .. وإذا السالفة ماتهمني ما أدش بخشم اللي قاعد يسولف فيها ..

Narrator said...

I'm curious as hell! afa9fi9 elsalfa o asawwi investigation :P bs wallah ma atimada o at3adda 7doodi, I can stop myself from asking too much

Purplecious said...

خوش موضوع

:)

أنا ما أسأل الا اذا كان أحد يهمني و قريب مني

و احس تعودت على جذي مرتاحه الحمدالله
و صارت فيني اللي مثلا رفيجتي تقولي فلانه بنت خالتي انخطبت
أنا ما اعرف بنت خالتها الله يوفقها
ما سألت منو قامت هي قالتلي بدون لا أسأل
هههههه
مادري بتتشيحط مادري شسالفتها

و حتى لو بسأل انا واحده ما انبت فلانه شتصير حق فلانه و علان
و اذا ثبت من باجر الله وكيلج ناسيه السالفة و لا جنها تذكر

بس انتي ذكرتيني بأمي
ما عمرها سألت
الناس ينشدونها و يعرفون عنها كل شي
و اذا قلنالها منو هذه اللي سألتج؟
قالت مادري!! ما سألتها
ههههههه

Reflections said...

halaa Reeema..

Well .. for me it depends on the situation, ya3ne my questions is a kind of a reaction, not because i wanna know the answer..

ya3ne lazim a7ases ely jedamy eny mehtamma bely egola/etgola o eny ma3ah/a 3ala elkha6.


coz i would call it a Dagra etha ely jedamy ma tefa3al ma3aay belSalfa.. so i have to do the same for others! ;I

عثماني said...

مساج الله بالخير ريما

اهو يمكن موضوع التنشد .. و تسحب الحجي.. موجود عند الرياييل ..بس اكيد اكثر عند الحريم... ساعات اشوف واحد قاعد بالدوانية و يدش بخشم اللي قاعد يمه.. أسئلة... و المسكين يبي الفكة و مو قادر... في ناس لازم يبلغون شفهم.. ولا ما يقدر ينام بالليل... الحمدلله والشكر

دايما متميز مدونتج ..ريما

Nescafé said...

تصدقين ريما انا نفس الشي
واصلا ينرفزوني اللي يسألون وايد بموضوع معين ولازم يعرفون كل التفاصيل
خاصه بمواضيع الزواج .. على قولتج انا اللي بعيش معاه ولا اهيا

PearL said...

طبعج مثل طبعي

ما احب اسأل ولا احب اسحب حجي ولا يهمني

اللي يصير يصير وماعندي فضول ان اعرف كل المعلومات اللي تتعلق بالخبر

:)

فراوله said...

ماالخير والأحساس والطيبه لأحلى "ريما"ياحلوج ويا حلو مدونتج ومواضيعج اللى تطرحينها فيها

بالنسبه لى انا ماأحب أسال بشى انا مالى فيه ،ولا يمكن يزيدلى شى او ينقص منى شى اذا ماسألت عنه
بس يالعزيزه ذابح الناس ويمووتون لو ما سألوا
لا وتطلع بلسانهم "نفره"بعد

تسلمين ياريما يالحلوه
:)))))))))))))))))ودمت

كادي said...

هلا ريما
أنا أسأل بحدود
وأذا كان الأمر يهمني وإذا ما يهمني طناش والحمدلله كلش ما عندي بلاغة شف وكلش ما أحب أحد يسألني بخصوصياتي خصوصا من ناس ما أعرفهم مثلا تكونين بالمستشفى تقعد يمج وحدة تبي تعرف قصة حياتج شكو
طبعا إختج ما تعطي وجه كلش ولا أبل ريجها بكلمة

Common_Sense said...

والله انا مثلج ماحب الناس اللي يسئلون وخصوصا اللي بتصكرين التلفون ليلحين ماخلصت الاسئلة :D

people get a life

Common_Sense said...

والله انا مثلج ماحب الناس اللي يسئلون وخصوصا اللي بتصكرين التلفون ليلحين ماخلصت الاسئلة :D

people get a life

2 u ALL said...

أثبتت الدراسات العلميه والعالميه لعلم "النفس الأنساني"..!! أن 95% من الرجال يفضلون الأختصار في الكلام أي يحبون "المختصرات " ..!! وأن 95% من النساء يفضلون الأطاله والتفاصيل في الكلام أي يحبون "المطولات" ..!! وهذه هي طبيعة الرجال والنساء التي خلقهم الله عليها ..!! وأن كثيراً من الرجال والنساء لا يعلمون هذه "الطبيعه الأنسانيه" مما يتسبب في كثير من المشاكل الزوجيه والخلافات الأسريه ..!! وأنه أذا أستطاع الطرفين فهم هذه الطبيعه سهل التعامل والتفاهم بين الطرفين..!!؟

هذا للعلم ..!! أما في "الكويت" فأعتقد بأن النسبه تختلف شويه ..!! فهناك عندنا من الرجال من يحب "المطولات"أكثر من النساء ..!! ولكن ليس لدى دراسه توضح النسبه ..!! أما أنتي يا "ريما" فعلى حسب الدراسه أنتي أقدر من كثير من النساء على التعامل والتفاهم مع الرجال من غيرك من النساء ..!! مبروك نجحتي بالأمتحان ..!!؟

Яeema said...

shakshaka
hehehehehe
والله صااااجه
سالفه إللي ماخذته عن حب و توابعه من أسأله يتفننين بالتحليل
أفا عليج تحلطمي كلنا لج

Яeema said...

purgatory
elfotholy hatha ba3ad salfeta salfa thanya!

نوعه تره ما يثبت علي الجواب
وتكون تعبان علي الرد

Яeema said...

joli
bonjour !
يا عل إنشاء قلبج بارد علي طوووول
العرس
أعرف أم المعرس و أم العروس و من بيته من أغنيه الدخله للعروس لما يزفونهوم
هاهاهاهاها


أما خصله إللي ما إتعرفين أساميهم
عندنا وعندج خير
و علي فكرة
إللي ما يسأل ما يثبت

إييي و الله المهم إنسانه محترمه

Яeema said...

charisma
صباحو إشطه
يا إشطه إنتي

عيل مو نوعج إتنقبرين هاااااا
يا حلوج و حلو مفرداتج

أم إللي عايشين علي أخبار الناس
صج صج صج
الله يعينهم علي نفسهم

تعبانين و شقيانين ما يدرون إن الناس إللي تبي تسويه تسويه ما همهم شي



أما سالفه اللزازيييق الله يسلمج

هذي بوستات تضامنا مع حمله
اللباح عليه الله

هاهاهاهاها

Яeema said...

kuw_son

تدري طريقتك هذي
تصلح حق الناس إللي يبون يتكلمون لمجرد العذله

إنت جذي ما تسلم
هالنوبه تسأل
لا بالله ما رحت بيتكم اليوم

Яeema said...

narrator
and do you get benefits from this act?
or it's self satisfaction??

Яeema said...

purplecios

ضحكت علي سالفه بتشيحط
هاهاهاهاهاها

يا كثرهم كثرااااااااااااااه

ساعات إتحسين شنه داش بجيبهم شي


أقولج شغله

من كثر السوالف إللي قمنا نسمعها قمت أدعي حق البنت من كل قلبي إن يثبيتها ويوفقها
الزواج كل ماله ويستصعب


ترا نقطه وايد مهمة قاعدة تثيرينها
إللي ما يهمه ما يربط

وايد ساعات أتفاجأ إن العلاقه قريبه
يعني لو مشغله جزء من مخ المرا جان ياب السالفه علي طووول
بس ليش كل مبعدة
وفاكه عمري
والله أريح

ساعات وحدة تحبينها بس بنت خالتها مليقه
فلا شعوريا تكشين ليه عرفتي صلته القرابه

بهالطريقه عدم التثبيت تنفع في هالأمور

Яeema said...

reflection

هلا ومسهله

you have a very important point here!

yes some times you need to do it

i always do it like that:

eeeee?
then ?
ok?

after 10 mints ask me about the details, no way i get the story
heheheh

Яeema said...

عثماني

والله يبتها ييييب
النوعيه إللي ما تنام الليل
أمبيييييييييييه
والله يبين من عيونهم

والله مدوتك و أسلوبك الحلو بالكتابه خلاك قريب منا
ماشاء الله عليك

ترا صج زووووغه
ودي أعلق هني من حلات المفردات إللي مستخدمها

أمس قريت موضوعك بس كان عندك مشكله بالتعليقات


راح أعلق إنشاء الله
توني دخلت عندك وكان التعليق يشتغل أشوة

Яeema said...

nescafe
ما أقووول إلا الله يعينهم علي أنفسهم
بالتالي أهمه إللي شقيانين بأخبار الناس

أشونه في ناس وايد ما تسأل

الوضع يبشر بخير

Яeema said...

pearl

تصدقين الحمد الله مرتاحين إن مافينا هالشي
والله العظيم نعمة من رب العالمين

Яeema said...

فراوله

أسلوبج جدا مميز بالرد علينا كلنا
فجأ أحس ببراد لما أقرى تعليقج
الله لا يحرمنا من كلامج و أشوفج دوم منورة عندي


أما مثلج
هاهاهاهاهاهاها

والله صدقتي

Яeema said...

كادي
مشكلتي إني أنحرج ما أرد
وخصوصا علي قولتج بالإستقبالات


أزيدج من الشعر بيت؟؟
وحدة بعرس إسألتني
إنتي معزومة من أي صووب؟؟


يعني بذمتج
شبيفيدها هالشي؟؟

صراحة و بدون شعور ضحكت
و قتلها علي ضحك مو معزومة ماخذة البطاقه من ناس
هاهاهاهاه
و أنا المعرس والعروس أثنينهم يصيروللي

Яeema said...

common sense
eeee walla GET A LIFE BIG TIME!

Яeema said...

2 u all
يمكن لأني بنت بين صبيان؟؟
و يمكن لأن جيلي كل صبيان
و يمكن لأن صديقي الصدوق هو عمي؟؟
و كان قبله ولازال زوجي؟

و يمكن لأن أبوي دايما ما يحب أحد يلبح علي و كل إختصروا؟؟
هاهاهاهاها

في حياتي كل رجال في رجال

الله يحفظم لي كلهم يا رب و يحميهم

ShaRBiL said...

مرحبا ريما
انا براصحه ما بحب اسأل لحتا ما حدا يسألني
لان ما بحب حدا يتدخل بخصوصياتي او يألني من وين جبت شي معين لحتا يشتري منو لان كمان ما بحب حدا يقلدني

بس كل هيدا ما بيفيد .. و الناس بتسأل حتى لو ما سألت :)

شربل

Sara said...

جد جد تبط جبدي اللي اكون صارلي سنة مو شايفتها البنية وأول ماتشوفني اول سؤال تسألني إيااه تزوجتي ؟؟ منو من البنات اللي كانوا ويانا تزوجوا؟شنو شابوا من خذوا ؟؟؟ وي صج اللي سمعته ان فلانة تطلقت ؟؟ ماتدرين ليش ؟؟؟
صج صج هالنوعية ينرفزوني !! ولا إذا وحدة قلتيلها سالفة مثلا امي داقة علي تبيني اقولها وين حاطه التذاكر وانا بالدوام بالله شلون بعرف ! ترد طبعا اهيا وتقوول هو منو بيسافر وليش ووين ؟؟ انتي شكو !! سألتيني منو على الخط قتلج امي شكو بباجي التفاصيل شتبي ووين وليش وشحقة :/

موضووعج حلو وانا بعد مو نوعي اسأل وعادي مافيها شي بالعكس احسنلج اشلج بالحجي واللوية :)