Sunday, May 13, 2007

مريس




الرهات الزايدة ساعات تكون مو زينه

توثيق الحدث:

اليوم : الجمعة

الساعة: 10 الصبح

إتفقنا زوجي و أنا إن إنتدرب علي الطباخ ، طبعا ما كانت فكرتي بس ما بقيت أعاسرة .

هالسنه حلفت إن ما أقول إلا إنشاء الله و إذا ركبت الطيارة و أمنت أسوي إللي ييوزلي.

هالسنه أول مرة ناخذ كل اليهال ويانا والخدم بعد .

الحوار:

زوجي: ريما هالسنه ماكو فوضه؟ إحنا مو مسافرين بروحنا؟ ويانا اليهال و يبيلهم جدول مبرمج عدل عشان يستانسون.

ريما : إنشاء الله إللي تبيه بيصير

زوجي: الصبح مو إتحطين ميك أب ولا حتي كحل، ماكو صالون،

ت

- شيرت و لامه شعرج و حدج طبيعيه، الديرة ديرة بحر و بس أصلا أنا ما أحب بالسفر الواحد تارس ويها مكياج .

ريما ( داخل قلبي ) : الحين إللي يسمعه أنا 24 ساعة ميك أب – ما يشوفني الصبح حق الدوام إشلون أروح؟

ريما : أنا ما أحط بالسفر ميك أب إلا بالليل ليه تعشينا ، أحط كريم حمايه من الشمس بس

و ليب غلووس عشان ما آكل شفايفي بس و إذا لقيت نيتروجينا أكتفي في، بس الشعر ليش ألمه؟ يعورني راسي ههههههههه

زوجي : عشان لما أقولج طبخيلنا الغدا ما إتقوليلي توني سابحه.

ريما: غدا!!! ليييش ما راح أطب وياكم بالحمام السباحه!

زوجي: و الغدا من يطبخه؟

ريما: الخدامه إللي يايبتها معلمتها تطبخ و كل يوم تنزل عند الطباخ إتشوفه ، عيل إشحقه شاقلتها علي قلبي!

زوجي: ما أحب طباخها أخاف بربس ، ما أعرف أعيش برة بدون مجابيس

ريما: إنزين و الحل؟

زوجي : إمشي نروح سلطان الحين، أوريج إن الطباخ ما ياخذ إلا نص ساعه

ريما ( إييي هين بس أنا حالفه ما أعاسر )

ريما: يالله أنا موافقه ، بس علي شرط ، إنت إتسوي كل شي من الألف ليه الياء

أنا بس أدليك وين الأغراض و أغسل لماعين.

المهم بدون الدخول بتفاصيل الروحه

وصلنا البيت 1 الظهر

الساعة 1 ونص الحين

زوجي: ويين جدورج؟

ريما: جدور! لييش مو بس واحد؟؟؟ جم كلاس بتسوي؟؟

زوجي: شاريلج ربع جتف عربي ، يعني حق 4 أشخاص

ريما: راهي و الله ! لييييييييييش؟؟؟ طابخين غدا إحنا!

ريما ( إنتبهت إنني بديت أعاسر – ف لزمت بريك )

سووووري شنو تبي؟ أي قياس و جم واحد؟

زوجي : والله بتاكلين مجبوس ما ذقتي بحياتج و ب- نص ساعة بس

بعد الحوسه و اللويه

الساعة الحين 5 العصر و لما الحين ما شفنا شي

بعد نص ساعة طاح الغدا .

النتيجه:

أنا ما كليت ، لأني يوم نجبت جني قاعة أغرف من علبة أيس كريم فانيلا ويا زعفران.

و بما إني ما أحب أجامل بالأكل، جان أقوم أييب غدانا الأصلي و جابلته

و القنجه الثانيه جابلها زوجي

زوجي: و الله حلو ، و الله لذيذ ذوووقي

ريما : لذيذ عشان الزعفران مو عشان طبختك حلوة

زوجي: والله العيب بالجدور

ريما: و الله محد مدح مجبوس ميرو بلبنان إلا إنت و تراهم نفس لجدور

زوجي: كااان زين و نثري بس غلطتي إن زدت الماي على الأخير

ريما: لييييش ما تبي تعترف إنك ما إتعرف تطبخ؟ ترا و الله مافيها شي

العيش إذا ما إتعرف قياسه تقدر تشخله، لأن المجابيس ما تنطبخ بجوله سيراميك يبيلها نار

زوجي: إيييي أشوفها ما إضبطت! العلة بجولتج

ريما : هههههههههههههههه ، بس ترا تعبت معايات

زوجي: الأسبوع الياي إنشاء الله راح أشتري جوله أم عين وحدة و أطبخ علي الأرض

ريما: واااااااااااي لااااااااااااااا يسلمك!!!! يخترب المطبخ ! شارينا من حسن أبل تطبخ علي السيراميك! ليييييش !

زوجي : يتنظف لا إتحاتين!

ريما: و إللي يسلم ، والله العظيم أكلك حلو ، كااافي إنت مسويه ، ما يحتاج إثبات!

عفيه بليييز بس لا تدخل مطبخي مرة ثانيه

زوجي : خلاص عيل إكلي مجبوس وياي

ريما : إنشاء الله، آكله بس لازم تعويض ، عشوة برة

زوجي : خلاص صااااار

ريما: هههههههه ممكن تعليق أخير، شنو الفرق بين مجبوسك و الريزوتو؟؟؟

ههههههههههههههههههههه

زوجي: بدينا بالشماته، أنا أصلا مو طابخ مجبوس، طابخ عيش و لحم

ريما: وااااااااااااااي بس بس و إللي سلمك لا أقص من الضحك هههههههههههههههههههههههههههههههههههههههههه

مو قتلك الرهات مو زينه

لا إتحاتي راح تاكل مجبوس برة ههههههه

16 comments:

charisma said...

والله حاله حاله
جنى فى عينى تشوف المطبخ يا ريمه
ههههههههههههههههه
لوووووووووووووول

الله يزيد النعمه استغفر الله
ما رده بينقط بزباله

ما ادرى انا شييهم هالرياييل
فصلاتهم عجيبه

ههههههههههههه

بس اتصدقيين عاد
احلى مجبوس لحم سوا لى اياه ريال
اففف عجييييييييييب

وانا اعرف واحد كويتى شاب اصغير عليه طباااخ
مينووون مو طبيعى طباخه
بس مزاجى
ههههههههههههه
على مشتهاته يطبخ


بس خوش تجربه ريمه
ما عليه اول مره ما تصيب المرة الثانيه تفاداو الاخطاء
لما تضبط
شلون الواحد يتعلم عيل
هههههههههههههههه

بنت الشاميه said...

انا مقدره شعورج... .. واعرفه عدل وهو يطبخ....الله يساعدج على التنظيف
بعده
الريايل ما فيهم الا الحجى....كل شئ عندهم سهل وما ياخذ وقت

واحنا الحريم اللى معقدين الامور

بس قوليله ..يهبل المجبوس وشحلوه

عشان يستانس ويتشلح ويطبخ بالسفره

وانت مفتكه....من الحنه


ههههههههههههههههههه

Mamloo7a Q8ia said...
This comment has been removed by the author.
Mamloo7a Q8ia said...

هههههههه
كل شي ولا الطبخ على الارض
هههههه
انا اقول خليه يتعلم ومدحي طبخه علشات يفكج في السفر
بس عاد الله يعينج على التنظيف عقبه

kuwait-freedom said...

وانا اقرأ موضوعج فطست من الضخك
لأن زوجك مايعترف ان موطباخ
كل شوي من الجدر من الجولة
تقريبنا نفس طبعي ما اعترف
بس تجربة حلوه
والله يخلبلج ريلج

What Will Be , Will Be .. said...

الله يديم النعمه

الصوره جدا معبره مايحتاج تقصين القصه اصلا


بس محاوله لابأس بها .. يبيلها يروح عند شيف رامزي

Mohammad Al-Yousifi said...

كثروا من طازج مال أكل المايكرويف

Яeema said...

صباحو

charisma
إتصدقين ما أدري ليش ما وثقت المطبخ؟؟؟؟؟

يمكن ليش ما إستحملت يوصل للمرحلة إللي تقولين عنها
ههههههه

المشكله تدرين وين؟

ليش لما أدش المطبخ لازم أكون بروحي
و لما الرياييل يدخلون لازم إحنا وياهم؟؟

إذا زهبت كلشي
إشماله ندخل
ههههههه





بنت الشاميه

أشكر تقديرج للموقف
هههههه

إتصدقين؟؟
كلامج عدل

شكلي بييب كاشي من مرة و أفرشه تحت الجووله أم عين و أقوله كاااااا

يالله همتك
بس ترا المطبخ ضاج
ما يتحمل شخصين
هههههههه

Яeema said...

mamloo7a q8ia

شكلي أنا إللي بزهب الأغراض قبلها بيوم
بقوله سيربراااااااااااايز!!!!؛

جوووله

ههههههههههه
من خبرتكم

ماكو جوله أم عين وحدة بس تكون عاليه؟
تنحط بالكورنر
أشوفها برة بس ما شفت بالكويت
حق المخيمات

شكلي بقلب الموسم عندي بالبيت
ههههههه

مملوحه!؛
ويين إللي بتخليني أسوق القاري عندهم!؛
صار حر و ما تمشيت في
:(




kuwait freedom
مشكور علي هالدعوة
أهوا صج الإعتراف بالحق فضيله
بس ساعات الواحد ما يعترف عشان ما يفقد الأمل
هههههههه

قلت له فضحتك بالبوست
قاللل تعويض إللا أوريهم الطباخ السنع

هههههههه

Яeema said...

what will be
إييي الله يزيد النعمة
ههههههههه
يا ربي لا إتعاجبنه

ودي أييب الشيف ليه عنده



ma6goooooooooooooog

هلا هلا هلا
والله يا مطقوق
ماكو طازج برة
ف- يبيلنه نتعلم

و إللي يبي المجبوس يتحمل
وطبخ-ن طبختي يالرفله إكلي
هههههههه

DiLLi O MiLLi said...

هههههههه .. وينه وييين الريزوتوو !! أنا خابره أنواع الريزوتو كالأتي

Risotto con Funghi
Risotto alla Parmigiana
Risotto alla zafferano
Asparagus Risotto
Alfredo's Risotto Milanese
And some with Sea Food

أمااا هذا يااا عزيزتي ريمااا أختراااع يديد .. نعطيه أسم

Risotto alla Eedaam
OR ...
Risotto alla Khirfaan
:)

الوالد مره قايلي : خالد عم أمك .. لي يابو قنجة العيش أول شي يسويى يغز أصابعة بالعيش وأذا ما تركت أثر حفرة الأصابع .. فز ومشى وهو يتحلطم أن العيش نثري !! ههههههه

بس عاااد ما قصر أبو العيال يايب اليهده الله يعطيه العافية

Nescafé said...

ههههه
عيل بنص ساعه بيخلص المجبوس ;P

Mamloo7a Q8ia said...

ريما يا ريما
والله خبرتنا في هذا الموضوع كلش ضعيفة بس جولة ام عين جني شايفتها في
Ace hardware
رفيعة وتنحط بالزاوية


ههههههه
والله صار لنا فترة ما سقنا القواري بالحديقة اللي يمنا بس بالشاليه رايحييين ورادييين
وخاصة بالليل الجو يصير عجييييب
يلا حياااااج معانا

Яeema said...

dilli o milli
شسوي بحليها بعيونكم
أمووووت علي الريزوتو
و خصوصا
sea food and the funghi


بس لا- الله يزيد النعمة
لا تصنفينه كلش
هههههههه

مو ماااال


عاد أنا أحترم جدا إللي يعرفون يطبخون

و عندي
لبريزينتاشين شي أساسي عشان آكل




nescafe

شفتي إشلون؟؟؟

هههههههه





mamloo7a q8ia

thank you thank you
فيها روحه اليوم عيل
ههههههه

قلت حق أبو لعيال جان يقول نبي عينتين
وحدة حق الدقوس بعد
و إذا بسوي مصقعة إشلون؟؟
فا عين حق تسكر العيش


ههههههه
كبر المشروع

يا حصرت قلبي

Kuw_Son said...

ha ha ha ha

والله مريييييس .. الحمدلله شنو هذا !!؟

لو شنو ما كليت عيش مريس جذي !!

الله يعينج

ههههههههه

Sara said...

LOOL wanasa .. madry laish el majboos aklaat el reyayeel el mofa'9alaa akeed fe ser !! o ysawoon el mosta7eel 3ashan tet3alemeenha hehehe ..

Alla y5alekom 7ab ba3a'9 yarab :>