Wednesday, August 30, 2006

خطانا السوووؤ

بعد ما تيمعنا بالقهوة و شربنا لاتييييه و ساعة من الهذرة و اللويه توجهنا للبدع ، واسابي ، طالعين من الدائري الثاني و بنروح طريق فحيحيل إللي فجأ من ثلاث حارات ليييه حارتين ، فجدامك شيين؟ يا صبه؟ يا صبه و تنكر ؟

إشتختاروووون؟

ما وعييييييييييت إلا هذاك الهوووووووووز إللي يمي و وووو

كرااااااااااااااااااااااااااااااااااااااااااااااااااااااااااخخخخخخخ

كسر لمرايه إللي صوب كيتي !!!!

نقزنا نقزة !!!! مو مستوعبيين صج إللي صااااااااااار !!!

واااااااااااي بقينا ننعيييين صموووونه إلا شعرة ! !!!!!!

لييييييييش هالسرعة !!! ليييش مو رابط هوووووزه الله يهداااه مخلييه يشم الهوا !! !!!!!!!!!!!!!

الأخ مشى و راح و لا يدري شنو سواااا !!!!

و طبعا أنا نزلت و شفت إشصااار و عادي قعدنا نضحك و ماكو مشاكل .

ريما: كيتي؟ مو فشله إتروح البدع و أصفط السيارة و المرآيا متنددلة؟

كيتي: أأأأأأأأأأأأأأأهم شيييييييييييييييييييييئ إنتي !!!! حمدي ربج ما صار فينا شي !!!

طالع شتحاتي !!!!

هاهاهاهاهاهاهاهاههاهاهاهاهاههاها

اليوم رحت الوكاله :

لو سمحت لمرايا اليمين مكسورة ، شسوي فيها؟ صلحوها ألحيين

عامل الجراج : لا ما يصيير ، سيارتج لازم أوردر ، لحظة خل أشيك علي الوقت؟ أللوووووو إيييييييه ، هااااااا جم؟؟؟

إختي أسبوعين يالله توصل وبما إن لون السيارة أوردر فراح يطول بعد إشوي !

ريما : لا حول ولا قوة إلا بالله إشلووون بقز فيها و إهيا بهالشكل؟

هاهاهاهاهاهاهاههاهاهاهاهاهاه

يالله أووووردر أوووردر شسوي

الحمدالله علي سلامتنا

أخليكم مع الإصابات الحين و لاحظوا ،ما بقي سيلكوم ما حط و لا بقى تييييب ما إلزقه ، لعن خير السيارة هاهاهاهاهاهاهاهاهاهاهاها








Tuesday, August 29, 2006

على البال كل التفاصيل على البال


الوقت : محاضرة 12:30 قاعة فاروق الشيخ

التاريخ : سبتمبر1995

نظرات متبادلة لمدة كورسين متتاليين ، الزمن يمر و نظرات الخجل ممزوجه بالرجولة و نظرات الأمل والترقب ممزوجة بالغرور الأنثوي .

الوضع يبقي كما هو عليه ، عيب و ممنوع و فشلة و إشلون و ليييش

عرفت إن مخلي أحد وموصيه إني أكون وياه بنفس المحاضرة ، ما دريت إلا تالي ، تعب و حاول بس نوعي الدراسه همي الأول و الأخير .

أصغر وحده بالكلاس ، يقوللي الدكتور تو الناس ماخذة مواد التخرج من الحين ، قلت والله عشان بنت عمي وولد عمي وياي و إنصير غروب بالمشروع .

دخل ويانا بالمشروع ، أقو ل حق بنت عمي ما إتفقنا واحد غريب ويانا؟!

الدكتور يقول إنتوا حتي في المشروع عنصريين ما تبون إتدخلون أحد ، ترا ما يصير لازم أربع أشخاص .

طلع متوبكها من أول ، واضحة السالفة و أنا علي نيتي ، كان رفيج ولد عمي ، مافيها شي و إسمه ولد عمي ويانا .

كورس كامل نشتغل بدون أي وسيلة إتصال ، حدنا الجامعة .

محمد: ريما؟ خالد ويينه؟

ريما: هاااااو إشدراني؟

محمد: ليييش ما عندج رقمه؟

ريما: لأ ما عندي !

محمد: بس أنا كل أشوفكم ويا بعض؟

ريما: إيي عدل كلامك ماخذين مادة ويا بعد ،و قاعدين نشتغل علي مشروع واحد و ويانا ولد و بنت عمي ، لييش ما تسأل ولد عمي عنا ، عندو رقمه ؟

بديت أفكر غير ، بدا يطلع الكلام ، ما أحب أحد يقول عني كلمة ، وراي أهل وراي إخوان !

ريما :خالد ؟ إنت قايل إن بيني و بينك شي؟

خالد : شالكلام ! إشقاعدة إتقوليييين !

ريما: عيل إييلي واحد يسألني عنك ووينه ووين راح !

خالد: منو هذا خل أشق حلجة جليل الحيا إللي ما يستحي !و ليييش إترديين علييه و ليش كلمتيه !

ريما: شنو لييش إشرايك إنت ، أحقره و أمشي؟ ولاني قايلتلك ولا شي ، مو ناقصة مشاكل ، كلمته وفهمته كل شي ، بس الله يعافيك مرة ثانيه لازم ولد عمي ويانا عشان الناس .

عصب و تضايق و ياللي اليوم الثاني

خالد : ريما ، أنا آسف إذا وجودي سببلج أي إزعاج أو كلام

ريما : إنت تدري شنو مشكلتك؟ إنت إنسان البنات كلها تبيييك و أنا مالي خلق هالسوالف البطاليه

خالد : والله إنج ظالمتني والله أنا مو جذيه، والله إن الإشاعات إطلعت بسبة الإنتخابات !

ريما : ترا شوف ، حدي مالي شغل فيك و إذا شفتني برة لا إتسلم !

المهم ، هبيييت بالنت وبهالعالم اليديد

قمت أقعد باللاب و أسوي بحثي من النت و تجميع بيانات طباعة و تعلمت الشاات .

و إنعزلت نوعا ما عن الحياة الجامعية إللي برة .

"آخر يوم بالمحاضرة"

خالد : ممكن أقولج شي؟ ترا آنا ما عجبني إنج إتسويين شاتينق بالنت ، و تضايقت وايد لما سمعت إن إنتي البنت الوحيدة إللي في كليتنا عنها أكاونت لا و إبإسمها .

ريما : نعم ؟لييش يعني؟

خالد : مو سلكنا و مو من عاداتنا و تقاليدنا إتسولفين ويا شباب ما إتعرفينهم

ريما : عيل سلكنا واقفه وياك أكلمك جدام الأولي والتالي؟

خالد: و من قال إللي قاعدة أسويه صح ، أنا ييت أنبهج لأني أبيج

ريما: نعم؟ إشقصدك؟

خالد : مو قصدي شي ، يالله أشوفج علي خير ، هذا آخر يوم لي بالجامعة و إذا تبين شي عندج رقمي

ريما : أنا ما أدق علي شباب !!!

خالد: ما إتدقين و طايحتله شااات و الكل يعرف إسمج؟!!

والله أمرج غريب !!

ضحكت و عصب و مشى ....

رحت سيارتي و إلا خالد يمي صافط

خالد : ممكن كلمة أخيرة و تقبلين مني شي

ريما : إيييه ممكن

وإلا شريط محمد عبدو

أغنيه على البال بس فقط لا غير

إنتهت القصة و كلمن مشي في دربه لا أدري عنه ولا يدري عني

أمس قاعدة أتمشي بالسيارة ويا صديقتي و نزلنا إبنشتري شريط محمد عبدو ما أدري إشطرا علينا !!!

شرينا السي دي و إلا !!!

أول أغنيه كانت علي البااااااااااااااااااااااااال

على البال
كل التفاصيل .. على البال
واحلى التفاصيل .. على البال
والحل والترحال .. والنار والهيل
والقمره اللى نورت ليل ورا ليل
والنظره المكسوره
والبسمه المقهوره
والخطوه المغروره
وأحلى المواويل
دايم على البال

مدري الى اليوم
ولا الزمان أنساك يا قلبها قلبي
مدري الى اليوم
توله على مضناك والا انتهى حبي
ياقايد الريم ذكراك ما غيبت عن خاطري ساعه
الروح لك يا ساكن الروح ... نزاعه
متى الوصل .. قول .. أبجيك وأسابق الساعه
ياللى على البال

كم شمس غابت وأنا أشوفك
شمس الضحى اللى تباريني
وإذا منع جيتك خوفك
نورك فلا غاب عن عيني
الحب تدري .. ما هو بيدي
سيدك تراه الهوى .. وسيدي
أبيك تبدا مواعيدك
ولا أببدا مواعيدي
ياللي على البال

و إلا فلااااااااااااااااااااااااش بااااااااااااااااااااااااااااااك قوي و ما يرحم !

والله إني قلبي إنعصر عصرة !!!!!

شعور حلو و براءه و قيم قويه تحكمنا و الشااات بالنت صار إنني أخونه و أفضل ناس ثانيه عليه

ضحكت علي دمعت عيني علي ما أدري شصار فيني ، فجأه أنا البنت أم 20 سنه وعشت مع كلمات الأغنية حرف حرف و كلمة كلمة و كأني أسمعها في هذاك الموقف !!!

شعور ما أقدر أنساااه

Monday, August 28, 2006

عسارة أكل


فيني طبع بايخ بقولكم عليه ، وايد أتعسر بالأكل إذا كنت يوعانه ، أفضل آنام بدون أكل و لا إني آكل توست و جبن .

هالأيام ما آكل إلا وجبه وحدة الساعة 7:30 و أغلب الوقت آلاقي أحد يساعدي إني آكل أو أصبر ساعة و آكل مرة وحدة غدي و عشا بلقمة وحدة.

اليوم كان عطلة و كل من لاهي بعايلته ، يعني محد حوووليي ، ريلي ما يواطن يتعشي بالسبع، و الريال ماكل غذا مطبق سمك و شبعان وقايلي ما أبي أتعشي لأن مثقل بالغذا.

ألحين شسوي ! يوعاناااااا و ما أحب آكل بروحي ! أكسر التيليفون علي ربعي ، كل واحد لاهي و إلا معزووم !

شالحالة حبكت الكل معزوووم!

زوجي قاعد يبني مزرعة و لاهي بالبنيان و الترتيبات فيها عشان إتخلص حق رمضان ، و إمجابل البنه هناك.

أنا: ألوووووووووو يوعانه شسوي ؟ أبي أحد ياكل وياي ما أعرف آكل بروحي !

زوجي: أنا يبيلي ساعة إذا تنطريني ميخالف آكل بس جنه تو الناس إكلي أي شي لييه الساعة تسع!

أنا : واااااااي ماااابي آكل أي شي ما أعرف ، يا أموووت من اليوع يا آكل الحين أكله حلوة !!!

زوجي : ليييش هالعسارة إشحادج! و بعدين أنا مالي خلق أبدل مرة ثانية و أطلع مطعم كشخه ، حدي مالي خلق .

أنا : وااااي و أنا مابي شورما و إلا هالفاست فوووود ، ما إييب راسيييي أقولك ميته من اليووووع !

زوجي : بس ترا كبرتي علي الحركات ، هالحركات يسوونها عيالج مو إنتي

أنا : خلاص خلاص ، يالله باااي أنا أدبر أحد

عصبت و إنقهرت و بجيييييييت بجييييييييييييييييي

و فحطهههههههه

بعد دقيقتين بالضبط

زوجي داق تليفون

زوجي : إنتيييييييييييييي شنووووو هذا ااااااااااااااا

أنا : شنو إشسوييييييت بس بجييييت ما بطلت حلجي !!!

زوجي : تدرين إشصاااار !

أنا: شصاااااااااااار !!!!

زوجي : الصبي إقرصه عقرب و صاحبي رااااح وداه المستشفي و أنا راجع البيييييت !!!

أنا : كاااااااااااااااااااااااااااااااااااااااااااااااااااااااااااااااكككككككك

ألله ما يرضييي سبحانه يدري بقلبي و أنا ما أحن إلا إذا ماعندي أحد و صج صج محتاجتك يعني إشدعوههههههه!!!!!!!!!!!!

زوجي : يبا بقي يروح فيها الريال ما سوت علينا قلنالج إكلي بروحج !!!! بقي يروح ملح !

كل هذا عشاااان عشااااااااا!!!! أنا يااااي ألحييييين البيت !

أنا : و أنا طالعة أيييبلي عشا و مو تقووول يييبيليييييي !!!

زوجي: و الله بتيبيلي و المنه عليييج بعد ، بقى يروح فيها والسبة بطنج !

و إللي يسمعج علي حنتج إبتاكلييين الصحن كله ! لقمتيييين و قمتي !! ما يسوي تبدلنا و طلعتنا بس !

أنا : و الله المهم عندي آكل و أشبع مو مهم الكميه ، وااااااااي أشوه توه فج التعسر يوم قتلي بتيييي ، عشششان ما آكل بروحيييي

هاهاهاهاهاهاهاههاهاه

و دقيت السيارة سلف إشزييني و طلبت من المطعم الإيطالي إللي أحبه أحلا ريزوتو و أحلا رووكا سالد و أحلا بيتزا و أحلا باستا !

إيييييييييي علييي بالعافية و بختمه بآيس كريم باسكن روبنز شوكليت شييب كوكيييز

و بالعافية أم يوسف

هههههههههههههههههههههههههههههههههههههه

Saturday, August 26, 2006

الخيانة


فلم عن العشق والهوا: سنة الصنع 2006

لما إعترف البطل حق زوجته الأولي إن متزوج من سنتين شنو كان ردت فعلها؟

( إنت ما بديت " إتعاملني " زين إلا يوم بديت إتعرف بنت ثانية )

فلم الزوجة آخر من يعلم : سنة الصنع بالسبعينات

نور الشريف بدا يخون زوجته و من بدا يخونها قام " يعامل " مرته غير .

فلم autumn in new York

البطل ما بدا يحب البطلة حب عنيف و شديد إلا يوم درا إنها بتموت بسبب مرض بالقلب

فلم love story :

البطل ما سخر نفسه لها و ما أخلص للبطلة إلا يوم عرف إن فيها سرطان و بتموت

أفكاري ألحين:

الريال معناتها يقدر يتغير، والكلام إللي نسمعه إن ماكو زوجه تقدر إتغير ريلها صارت كذبة و بدينا إنصدقها.

ليشششش الريال ضميره أهوا إللي يخليه يعامل المرا زين ؟ الضمير لما يصحي أقصد

تكلمت مع كذا شخص عن هالموضوع عشان آخذ فكرة عن الجانب الرجالي . فتحليلاتي هذي مبنيه علي عينه عشوائية من النت و من الحياة .

الرجل واضح تماما إن يقدر يحب أكثر من وحدة ، و هي من ضمن الأسباب إللي ربنا حلل الزواج من أربع حريم .

المرأه ( يقولون ) ما تقدر إتحب أكثر من واحد .

في مجتمعنا ، إللي ما ندري عنه ، وايد بنات و شباب و أقصد العزابيه أول شي بتكلم عنهم ، و من الجنسين ، مو مكتفين بواحد .

إتلاقي البنت من صجها إتحبه و إتموت عليه و من سنين وياه ، بس ما يسولف و لا مهتم فيها ، فلا شعوريا تميل إن يكون لها أصدقاء و ليس حبيب ، بس تضل مخلصة لحبها ، للحب و ليس تأنيب الضمير .

الرجل العزابي ، ما يبي يرتبط في وحدة بسس إن تعلم علي التغيير و ما يحب يتم ويا وحدة ، بس يروح و يرجع حق هالوحدة ، يلعب و يقولها أنا لعبت و ضميري يأنبني و أحبج و ما بي غيرج ، بس طبعا همن يروح و يتعرف و عادي. وتلاقيه صج يحبها !

الحب ما يمنع الرجل من إن يخربط

الأزواج إللي فاضين العصر ، مغريات الدنيا جدامهم و للأسف حريمهم مو ملتفتين لهم و هياته بالزوارات. فجئة إتلاقيه منجرف يدور الإهتمام .شفت وايد من إللي يقزون فجئة و إلا ويا حريمهم ! وااااي توا مغازل وحدة جدامي !

سبب تغيير الرجل من وجهة نظر زوجي العزيز لأني سألته هالسؤال .

تنحصر في نقطتين

1- التأنيب الشديد للضمير .

2- لأن لقى بالبنت الثانية إللي كان يدور عليه ، فماقام يدقق علي عيوب مرته . و صار ريال وايد زيييين و ما يحن . ( صد عنها بالكويتي )

هل الرجل يحتاج دايما إمرأة ثانية ليتغير؟

Thursday, August 24, 2006

secrets !


قاعدين أنا وكيتي ولوير بالصاله عندي ، قاعدة أسويلهم النيو لووك حق بلوقاتهم ، و مع الهذرة و السوالف ، إكتشفت إن الأخت العزيزة الغالية توأم عقلي كيتي عندها صندوق ذكريات .

و إهيا قاعدة ، جان أقوم أتسحب داخل الدار و فتحت اليرار و طلعت ملفي الخاص جدا جدا و إللي محد يدري فييييه و كنت ناسيته !!!

هذا الملف فيه ذكرياتي و كروت معايدة و كلمات جميلة و أشعاري البريئة إللي بدون لا وزن ولا قافية هاهاهاهاهاه

جان أييبه و أرزه ! و أطلع لها قصيدة قديمة مكتوبة بخط يد الشاعر الله يرحمه طلال الرشيد !

جااااااااااان إنموووت ضحك !!!!

كيتي : هااااااااااااااااااو ميتا شفتييييه و وييين عطاج هالورقة و فعلا إبتوقيعه و بخط إييده !

ريما : سر سر ماني قايله هاهاهاها كتبها و عطلني إياها و خلاص ، الله يرحمه

كيتي : شوووفي كيتبي بوست عن هالسالفة ، كل يوم أكتشف إن عنج أشياء نفسي !

ريما : إنشاء الله ، شوووفي هالكرت ! بالفالنتين وصللي

كيتي : وااااااااااي عندي نفسه ! ما أصدق ! لا هذا ملفج يبيله قعدة إبروحه !

ريما : الأيام يايه إنشاء الله ، إنسوي عليييه إجتماع قمة هاهاهاها

---------------------------------


ذكرتك

أذكره كل ما طرالي غناه

و أذكره كل ما بغيت إنني أنساه

ودي تطول الليالي و ما نفترق أنا وياه

نجمته تبرق بليلي وتضويلي سماه

حبه بقلبي ويا مكبر غلاه

أصيل بين الناس منهوا بمستواه

ما يلين لكل واحد، ولا لكل من بغاه

صلب في الشدايد وعلي من عاداه

أنا خوفي من باكر يوم عيني تلقاه

وخوفي على نفسي ليه قلبي هواه

يترك قلبي وحيد يبكي من شقاه

تلعب بي الدنيا ويحرمني حبه وعطاه

كل هذا ترا خوفي من هم فرقاه

أنحرم من حنانه وهي أشد المعاناه

ريـمــــا

14.4.1997


Wednesday, August 23, 2006

tagged by 3ateeja

هل أنت راض عن مدونتك شكلاً وموضوعاً؟

نعم جدا جدا

ـــ هل تجد حرجاً فى أن تُخبر صديقاً عن مدونتك؟

أبدا لأ

ـــ هل تسببت المدونات بتغيير إيجابي لأفكارك؟ أعطني مثال فى حالة الإجابة بــ نعم

نعم – المواضيع المطروحة و أفكار الناس الغريبة

.. ـــ هل تكتفي بفتح صفحات من يعقبون بردود فى مدونتك أم تسعى لاكتشاف المزيد؟

إكتشاف المزيد ولكن لا أعلق عند أي موضوع

هل تعتبرها أمرا خاصا بك؟-

نعم

ـــ ماذا يعنى لك عداد الزوار... هل تهتم بوضعه فى مدونتك؟

أضعه لمعرفة قوة الموضوع

ـــ هل حاولت تخيل شكل أصدقائك المدونين؟

نعم

ــ هل يزعجك وجود نقد بمدونتك ؟

نعم النقد وليس التجريح لشخصي

لـــ هل صدمك اعتقال بعض المدونين؟

لم أسمع بالخبر

ـــ هل فكرت فى مصير مدونتك حال وفاتك؟

لأ

ـــ آخر سؤال : تحب تسمع أغنية إيه- بلاش صيغة آمال فهمي دى

ما سمعتها من قبل

- ما الأغنية التي تحب وضع اللينك الخاص بها في مدونتك؟

لو تعرفوا – إليسا

Tuesday, August 22, 2006

writters of the bloggers


مرة ثانية حلقة عن أصحاب البلوقات و بما إن يعلقون عندي أغلبهم عندهم بلوقات و يكتبون إللي يبون فيه فأنا عندي إستفسار بسيط .

هل الكتابة عن الحياة الشخصيه مثل مواقف صارتلي ويا ناس أو أنا مريت فيها من زمان أو إن هالموقف صار جدامي فيها شي لو نسبناه لنفسنا؟

يعني قالتلي وحدة أحب الشخص و كتبي قصتي بلسانج؟ و كتبت إن قبل لا أتزوج كنت أحب واحد و فعلته و تركته .

هل أول شي يدور في بالكم إن كل الأحداث أنا شخصيا مريت فيها؟

هل تقعدون تتسائلون ، من صجها هذي سوت جذيه؟ ما أقصد أنا شخصيا ، أو واحد تقروله شي و إتحسون إن القصة صجية من التفاصيل الدقيقة إللي كتب عنها.

حبيت أعرف لأن لما ألحين أهاجم علي إني قاعدة أتكلم عن مواقف تحتمل إنني مريت فيها و ساعات قصص من الخيال الخصب إللي أتمتع فيه أو من خلال ما أسمع قصيص من هالعالم

عيزت ألبح إن الكتابات و الخرابيط إللي أكتبها غيييييييييييييييييييييييييييييييييير

و القصة الأصلية و إشلون صارت غييييييييييييييييييييييييير تماما !

بس إللي عن عيالي صج هاهاهاهاها

بقولكم شي أحب تكون القصة محبوكة و دمها خفيف بنفس الوقت .

ممكن أسمع راي كل واحد و هل فعلا إتصدقون كل شيء ينقال بالبلوقات؟

ياتلي حالة غريبة؟ كل ما صار شي جدامي ودي أكتب عنه

هاهاهاهاهاها

Sunday, August 20, 2006

innocent friends




صايرة موده بالكويت ما كنا ننظر لها بهذيك الأهمية

سوء النيه بكل شي و من الطرفين، من عمر الدنيا كان لها أصدقاء من كل مكان بنات و شباب ، مو بالمدارس أقصد عيال عمنا و عيال خالاتنا و ربعهم بالشاليهات و ربع عمامي لصغار و كانوا يخافون علينا و إذا بقينا شي بس إنقول يا فلان ، و يوم كنت أدخل مدارس صيفيه بره الكويت و كنا عادي إنتعامل مع الوضع و أصدقاء من جميع الجنسيات و ماكو سوء النية .

دخلت الجامعه و أنا عادي ماكو مشاكل ، هذا يبي شي يطلبة و هذي تبي شيء أعطيها إياه

إشوي شوي قاموا البنات ينغزون ، إنتي ما بوقا أحد ما إتعرفينا و يكلمج؟

قتلهم شفتوه كلمني بالموبايل؟

شفتوه كلمني بالمطعم برة؟

إحنا بالحرم الجامعي و الريال ما قال شي و قاعد يكلمني جدام الكل و علي الملأ و بسكم هالأفكار السيئه إللي في بالكم و البنت إهيا إللي تفرض إحترامها .

و علي فكرة لو شفنا بعضنا برة أثنينا إنصد عن بعض هاهاهاهاهاها

تخرجت و إشتغلت

أبوي : ديري بالج ترا كل الرياييل ما يبون إلا شئ واحد من البنت ( و طبعا عارفين شنو الشي ماله داعي أوضح )

أنا ما يازلي الحجي لأن 4 سنين بالجامعة إللي يبي شي يعرف وين يروح و حق أي بنت

5 شهور و تزوجت

ريلي : ديري بالج ألحين إنتي مو شايله بس إسمج ، إنتي شايلة إسمي الكلمة عليج محسوبه

الحين الكلام سمعته من ناس قراب لي و يخافون علي مع إن عقلي يوزن بلد و أعرف شنو إللي قاعد يصير

دخلت مسنجر طبعا أصدقائي جدا محترمين و حدهم مسنجر

إنزين الحين لييييش ماكو صداقة بريئه؟

ممكن أنقل لكم مقاله ؟

لماذا لا يفهموننا؟ لماذا يسيئون الظن بنا؟ إنها علاقة بريئة، بل هي صداقة بريئة فلم يخافون علينا منها..؟!

تساؤلات كثيراً ما ترددت من الفتيات.. بعضهن واجه أهله بها، وبعضهن سأل عنها أصدقاءه، وبعضهن ظل السؤال حبيس أذهانهن فقط يتناقلنه بينهن..

الصداقة البريئة هي مسمى عصري حديث لكلمة "الاختلاط" يقولون أنها مجرد صداقة ليست حب ولا غرام فهي صداقة بريئة بين الفتى والفتاة لا بين فتى وفتى وفتاة وفتاة، فإن كان يسمون كذلك فلابد من أن نبدأ بتعريف الصداقة أولا، وماذا تعني؟

فالصداقة: علاقة خاصة بين شخصين جمع بينهما التعارف والتقارب والتآلف من خلال مواقف الحياة المختلفة. والصداقة تقوم على الصدق في المعاملة وفي كل مظاهر الحياة فإن الصداقة ليست متهمة حتى نبرئها. أما إذا نشأ بين فتى وفتاة ذلك الميل الطبيعي الذي يحدث عند التعارف بينهما من أول لقاء ومن أول نظرة.

من منكم يؤمن بالصداقة البريئة بين الشاب والفتاة.

هل تعتبر صداقات النت المحصورة بالنت صداقات بريئة؟

هل المفروض إنكون صريحين ويا صداقات صار لها سنين بالنت؟ ( عتيجة تذكرتج )


Wednesday, August 16, 2006

old days

الواحد لما ياخذ إجازة لازم يسافر؟ لأ طبعا لأن أصلا أكو شي إسمه تعب سفر و لازم ورا السفرة يبيلك إجازة.

المهم ماخذه إجازة و المفروض أخلي اليهال عند يدتهم في لبنان و آخذ جولة بالكروز من لبنان لمدة 10 أيام .

مع الأحداث الخطط تغيرت و بما إن صيف فصعب إنلاقي حجز ، فتأجلت السفرة ليه شهر سبتمبر حلو؟

الحين أنا ماخذه 26 يوم ! شخلصهم و مالكم أمل أكنسل لأن حدي مالي خلق بالصيف أقوم الساعة 6 الصبح !

فعفست نهاري ليل و ليلي نهار ، المشكلة الحين بس أنا إللي مستانسه من عفست النومة

الليل الله يحفظ الكل بعد الساعة 12 الكل نايم ، فيبدي نشاطي

بلوقرز – أفلام – مجلات أجنبية عن المودة و مست هاف أهم شي – برامج يدية بالنت أشيل و أحط و لويه و عفسه عندي بالجهاز .

أقوم الساعة 1:30 كل يوم برنامج الصباح و القهوة و أرد علي الكومنتات إللي معلقين من دواماتهم.

ويا الغدا أنا ريوقي طايح جني ما أدري ، ف-تلاقون لويوه ( جمع وجه ) مصفوقة ، لييش إشفيها هاذي إتريق هالحزة؟

المهم بعد الريوق ، القهوة التركيه و مجابل الريل إشويه لييما يطلع من البيت .

الساعة 5 العصر البرنامج الرياضي ، مو عشان إني أحب الرياضة! لأ عشان ما أنام الظهر هالحزة هاهاهاهاها.

لا أكل سنع و دمي نزل و ضعفت و ويهي إنصفق من السهر بس متعة هاهاهاها

بعد الرياضة أشرب ريد بوول بارد و سييييدة علي الشور ، طبعا قمت أسبح مرتين و ثلاث مرات من الفضاوة هاهاهاها

الساعة 7 إذا عندي مشوار أسوييه و أرجع البيت بالتسع ويا الزحمة

و إذا مطعم أرجع بال10:30

و هالبرنامج أسويه مرة بالأسبوع و عادي عادي 4 أيام ما أطلع من بيتي و ماكو مشاكل حدي !

المشكلة أنا عاجبني البرنامج

إللي حوالي من ريلي و خالتي و أمي و أبوي نغزات

بسج نوم ، بس طلعي ، إختلطي بالناس ، إشفييج ما إتروح ويانا عزايم الأهل و ليييش إشفييج زعلانه ، إشفييج أحد إمكدرج و معتكفة بالبيت ، لييش هالعفسة مريضة؟ تشتكين من شي؟

طبعا أنا كل إنشاء الله و ما يصير خاطركم إلا طيب

و شسوي؟ جهازي ميييس يووووووووووووووو – miss u

أطلع و أتسحب لما ما يكون أحد بالبيت

أطلع بسيارة صديقتي

أقول رايحة الطبيب و أنا رايحة واسابي

أسووق سيارتي لييه طربان أشتريلي سي دي و عصير و أرجع البيت لا من شاف و لا من درا

طبعا الإنسان الوحيد إللي يدري بتحركاتي هو زوجي و حبيبي و صديقي

و طلبت منه طلب ، ممكن أعيش حق نفسي 3 أسابيع؟ ممكن ماكو لأ ، ممكن أطلع أودي اللاب توب حق كافيه و جنه ما عندي نت بالبيت أبي أحس إني مسويه شي غير ، ممكن أودي كتاب و أقعد أقرا بمكتبه عامة؟

طبعا بما إن ريلي مشغول علي طول فما يمانع و يقول إنتي كبرتي ألحين و مو أنا إللي بقولج شتسوين

واااااااااااااااااااي جان أخمطة و أحبه ! مشكوووووووووووووووور حياتيييييييييييييييييييييي

إييييييييييه أبي أستانس ويا نفسي أبي أونسها بهالإجازة أبي شي غير ، أبي الحياة بالكويت جنها برة

أبي إللي أطلع حزة الغدا ما يقولولي وقت غدا! أبي أنام الظهر الساعة 7

أبي آكل باسكن روبنز الساعة 3 الفير

أبي أتغدي سندويشه مو عيوش و مجابيس و مرق حار و قبوط !

أبي أشرب قهوة الساعة 12 بالليل !

مو قاعدة أضر أحد

إعيالي الله يحفظهم يطلعون و مستانسين ويا أهلي و يحبونهم و ميتين عليهم و بالبيت أنا موجودة ألعب وياهم و أعافرهم

إكتشفت إن مو لازم الواحد يطلع عشان يستانس معني أحب الطلعة بس خل يدلق سهيل

هاهاهاهااها

أروح الصالون أسوي شعري و أرجع مستانسة حق بيتي معني يوم و ترك أسوييه هاهاهاها

أحب أقعد بالبيت بعز تألقي و شكلي بيبي ، أحط الليب غلوووس و إكحيله علي قولة أمي لازم حق الريل ، مادري لييش معني إكتشفت إن الريال ما يحب الميك أب كلش

هذرت صح؟

أخليكم ألحين

كان هالكلام يقرقع بقلبي ودي أقوله

ما فقدتوا لما كنا إنام بالصالة أيام العطلة؟

ما فقدتوا لما إنتحدي بعض منو يقاوم النومة و يلحق علي الشمس لما تطلع؟

ما فقدوا لما إنحووس بالمطابخ تالي الليل إنسويلنا لقمة ؟

واااي يا حلو ذييك ليام لما نندعس في فرشنا و ما إنخلي أهالينا يطيحون علينا سهرانين لييه ويه الفير

مرة أنا وعيال خالتي نازلين إنتريق الساعة 7 و إلا أبوهم جكنا ، جان يقول عفية قاعدين إمبجر !

طبعا ولا واحد فينا ياتلة الجرأه و قال مواصلين!

و قعدنا ليييين ما نام الظهر و بحر الصبح لأن كنا بالشاليه و بعدها حسافه إختربت الخطة

يوم زفافك

وائل جسار