Wednesday, October 04, 2006

a story of a ring



فكرة القصة حقيقية وصاحبها أراد إنا إنوصل قصته للناس وطبعا مع الإحتفاظ بسرية بطل القصة ، فأحب أشكرك أولا لأعطائنا الثقة للدخول بحياتك و أحب أشكر أختي قبل لا تكون صديقتي لوير علي إجتماعها القمة وياي لمناقشة أحداث القصة ومن ثم صياغة أحداثها.

و أرجو أن تستمتعوا بالقراء كما أستمتعت بأحداثها.

القصة:

في ثاني يوم رمضان

كالعاده انا و امي و خواتي الي اصغر مني

نروح نبارك للاهل ..متنقلين من بيت لي بيت من منطقه لي منطقه

و تحديدا في شارع دمشق

لمحته داخل الروضه ورانا

انا كملت سيدا و اهو اخذ فوق وتحت و دخل صوب شارع جمال عبدالناصر

وقتها كان يدق قلبي وايد

تعكر مزاجي

تغيرت ملامحي

باركنا حق خاله امي

و طلعنا من الروضه لي العديليه

و تحديدا عند الدخله الي يم نادي كاظمه!!

اصادفته مرا ثانيه في نفس اليوم!!

يا ما اشوووووفك يا اشوفك مرتين في اليوم

اهو شافني

عطاني نظرا و كمل

يومها كله و انا افكر فيه

و افكر في نفسي اكثر و الي قاعد يصير فيني من بعده

خلوني احطكم في الصوره أول

عشان تكونون مركزين وياي

انا بنت عمري 24 سنه

اشتغل

اكبر خواتي

امي وكيله

و ابوي دكتور

ابوي من فصيله الناس الي يسمونهم الورك هوليك

يعني مدمن ابحاث

سفر

مؤتمرات

البيت كله و التربيه على امي

كل شي امي تقرر

لبسنا اكلنا

مدارسنا

حياتنا

تخصصنا

كل شي امي

و بما اني ربيت و كبرت و شفت امي اهي الكل في الكل و علمتني

على الاعتماد على النفس في كل شي

سافرت في بعثه خارج البلد

درست في بريطانيا

سنتين و رجعت كملت في الكويت

انا بنفسي قررت

محد قرر عني

باختصار انا بنت مستقله بكل شي

تعرفت على شاب

اكبر مني

عمره 30 سنه

خوش ريال

محترم

خلوق

كل شي مبهر في البدايه

تصرفاته

و رجولته

الي كنت فاقدتها في بيتنا

غيرته الي اول مرا اشعر فيها

و كانت وايد حلوه

تعرفنا على بعض بهدف الزواج

و تقدرون تقولون كنا مخطوبين لبعض لمده خمس شهور

شفت فيها وايد شغلات حلوه و يديده معاه

الشي اليديد هو ان الرجل رجل

يعني اهو من بيئه موجود فيها الرجل بمكانه الطبيعي

اما انا العكس

بس ماكنت احس ان احنا فيناشي غلط لاني كنت اظن ان احنا طبيعين

في البدايه

كان يتصل علي يسألني

وينج اقوله طالعه ويا رفيجاتي

يدق علي يسألني وينج بعدها

اقوله بدش سينما او يمكن اروح انام في بيت رفيجتي انتيمع هناك

كان يقولي دقيتي على ابوج قلتيله ؟؟

اقوووووله لألألأ

يقولي ليش.؟؟

اقوله لان عمري ما قلت حق ابوي !!

انا الحين بقولكم المواقف و انتو شوفوا

مرا من المرات اتصل علي

قالي انتي وينج قلت له انا ويا الصباغين اعلمهم

اشلون يخلطون الالوان الي ابيها !!

يرد علي !!؟؟

شنووووووو صباغين

انتي قاعده ويا الرياييل !!

ارد عليه ايه انا قاعده ويا الصباغين

يقولي وين ابوج اقوله ابوي مسافر

يسألني و ليش ادخلون ريايل بيتكم و ابوج مو موجود!!

موقف ثاني

يتهاوش وياي فيه ليش بودي سيارتي الوكاله و ليش ما احد من الرياييل يوديها

و اشلون ادش كراجات شويخ !!

و كان دايم يبي يصر علي بانه يغير من تصرفاتي

مع انه غلط من وجهه نظري

لانه ما كلف نفسه يفكر اختلاف بيئتي و بيئته

و اذا انا بمشي على مزاجه منو الي بودي سيارتي

او من عندي يجابل الصباغين

او

او

او

من وين بييب ريال يقوم بواجبات و دور الرجل

يعني على منو اتكل !!

و كنت دايما ايي على نفسي علشان ارضيه

مع الايام

صرت اتغير شوي شوي

مو عشان انا ابي اتغير

لكن عشان مشروووع الزواج ما ابيه يطير

و لاني بديت احبه

بعد فتره خمس شهور من تمثيل دور الفتاه المطيعه

حسيت اني بنفجر

فعلا بنفجر

لان بدا يحبني

بس مو انا

بدا يحب البنت الي تسمع

و تطيع

و هذي مو انا

هذي بنت انا مثلتها

و انا ما اقدر اكون اهي

لاني بتعب وايد

اتصلت عليه و صارحته

و انفجرت بكاءا

و قلت له ترا ما اقدر اقص عليك اكثر

انا زينه و كل شي

بس انت وايد شخصيتك قويه

تبي كل شي بكيفيك

و تبي تمشي كل شي مثل ما انت تبي

لكن انا ما اقدر اكون خاضعه لك

ما تعلمت اني اتلقى اوامر من احد

و ما تعلمت و تعودت اني اكون مطيعه

و اني اطمس شخصيتي

او امسحها

عشان اعجبك

لاني انا انا

مو انا لك انت !!

هذي قصتي باختصار

و بخليكم ويا عبدالله الحين

سمعوا منه

القصه

يعني سمعوا القصه من الطرف الثاني

عبدالله :

في ثاني يوم رمضان

لمحت سيارتها و اهي طالعه من الفيحا

لين الروضه

نفس السياره

و نفس الارقام

و نفس طريقتها

تطق اشاره من قبل اللفه ب 200 متر

لمحتها

و تذكرت جذبها علي

و تعوذت من بليس

لاني كلش ما ابي اتنكد

تو الناس وراي جم ديوانيه

طلعت من الروضه

و انا بدش العديليه من عند شارع دمشق

شفتها

كانت متغيره

يمكن محلوه !!

اي عادي عشان رمضان

بس ماله داعي هالمكياج

لو انا لي الحين وياها

جان ما خليتها تطلع جذي

المهم

يمكن سمعتوا منها الي صار

لكن السالفه وايد غير

من وجهه نظري

انا ريال حسيت ان ما بني على باطل فهو باطل

اهي جذبت علي مره

يمكن تجذب علي 100 مرا

و اهي الحين قاعد تحاول اتدخل ناس بينا

عشان اترد

لكن مستحيل ارد لها

مو عشان اهي اتحسسني اني غبي و قصت علي

لألألألأ

انا عاذرها

لكن عشان اهي الحين حبتني ولهانه علي

الحين اهي تبي تخضع لكل شروطي

عشان اقعدت ويا نفسها و فكرت

و طارت منها فكره الزواج و عقب فتره حست لي الحين مايياها الي نفس مواصفاتها

ولانها اتحبني

فقالت ارد و امري لله!!

لكن انا مستحيل اوافق

تدرون ليش

لانها الحين اهي في حاله يأس

باجر اذا تمكنت

بترد علي نفس سالفه

اني انفجرت من شخصيتك و بترد

لطبيعتها

انا ريال

طبيعي

فيني غيره

شخصيتي قويه

ما احب اللف و الدوران

احب كل شي يمشي حسب الاصول

احنا لنا دين

لنا عادات و تقاليد

الصح صح و الغلط غلط

ماعندي شي اسمه تمدن و خرابيط

مو من حقي و انا رجل اني امسك زمام امور بيتي واقرر شلون حياتي بالمستقبل تكون

من وجهه نظري البسيطه

ربانين في السفينه يغرقها!

و انا ما ابي ابني بيت على اساس مهدود

مادري بس انتو اشرايكم

؟؟

هل اعطيها فرصه ؟؟

او هل شخصيه الرجل القويه صارت عيب في هالزمن؟؟

51 comments:

mishal said...

انا من وجهة نظري ان اللي يبي يتخذ قرار مايتخذه بتعصب ومعاند

الحياه اخذ وعطى ويمكن انتي والاستاذه لوير قلبتوا القصه عشان تطلعون الرجال بصوره اسوء

Яeema said...

القصة علي لسان الراوي

تفسيرك خطا

لا قلبنا ولا شي

و هذي أمانة و الرياي أمنا و يبي رااي الناس


لا تسوء الضن بالناس


بالعكس أنا معاه أصلا و أحب الريال يكون ريال بالبيت

mishal said...

الاسئله
هل اعطيها فرصه ؟؟
والله اذا كانت هذي كل السالفه ايه عطها فرصه
ومدامك تدري ان البنت وضعها جذي لازم ترضى باللي هي فيه والا تشوف لها حل

او هل شخصيه الرجل القويه صارت عيب في هالزمن؟؟

مو عيب اذا الانسان مارس حقوقه الشرعيه والمتعارف عليها لكن العيب هو التدخل في كل شي من دون وجه حق

3eShTaw said...

ya36eech el 3afya reema 3ala hal story. ana 3endee wejhat nathar.
el denya oo el 7ayat hal ayam mo sahla nafs gabel 3ashan walla el mara teg3ad belbeet oo ma tekhtele6 eb reyayeel oo bas 7ather oo inshalla oo 3ala amrek. el 7ayat sarat wayed mo3aqada oo law el rayal beysawe kelshay bro7ah tara el 24 sa3ah eli belyoom mara7 eykafonah. ba3deen 9a7eb el qessah tara ham lazem eytha7e 3ashan el bent eli ey7ebha. ya3ne mo ma3qolah ehya betghayer 7ayat`ha kelaha oo betghayer a6ba3ha oo lebs`ha oo tafkerha oo mo3taqadat`ha oo kelshay ehya tarabat 3aleeh oo 3ashat feeh 3ashanah oo ohwa mayabee eyghayer shay 3ashanha kelesh. chena eygolaha entay mo 3ajbatne oo lazem etghayreen kel mafeech oo ana methel ma ana tara ana el rayal oo mara7 atghayar. tara el omoor ma tamshe eb hal 6areqa. el 7ayat akhth oo 3a6a. oo khassa el zawaj mo le3eb tara walahee a7lam wardeya oo wanasa oo 7ebne wa7ebek 24 sa3a. fee wayed shaghlat oo a6ba3 lazem etghayronha thnenatkom 3ashan testemeroon. oo ba3deen enta ekhth`ha bel 6eeb. mako ensan ey7eb yengheseb 3ala shay. oo yoom 3an yoom betshofha teghayarat. ama eneek mathalan etkhanegha wetgolaha latsaweeen chetheeee oo ana kaifi rayal oo men hal 7ache tara mara7 yenfa3 el mawthoo3. ana wa7da darast barra oo 3arfa sho3oor el bnaya oo fahma 7obha lel esteqlaleyah oo el 7oreyah oo wadeet marra sayartee el karaj bro7e oo jabalt sabagheen oo tarast banzeen 7ag 3omre ba3ad :) because el mawthoo3 kan 3endee 3adi ektn met3awda ena i take care of my self o makan 3ende a7ad eykhalesle shighli. so what ya3ne. bas lama tezawajt rayle shara7lee ena mayseer oo ena el mokan mo zain oo gam ohwa eykhalesle hal shaghlat fa ghayart wayed men 6ab3e oo sarat fee shaghlat ohwa eysaweha le akeed. ana tha7eet oo raylee tha7aa 3ashan 7ayatne tamshe oo kelshay bel tafahom oo el kelma el 7elwah. fee shaglat sij ghayart`ha oo eqtana3t feha oo fee shaghlat ohwa ghayarha oo eqtana3 feha. fee mathal eygool " it takes two to tango" oo el 7ayat ta3awon. mafeha shay etha jabelat el sabagheen, ya3ne eb yaklonha !!! ya3ne men 7ag`ha tekhtar el loon eli tabeeh faqerah :/ ana mashoof enna el bnaya sawat shay ghala6 yeste7eq eneek etkhaleha 3ashanah. oo el bent zain menha enha yat oo galatlek, law wa7da thanya 3ala goltek tabe tetzawaj oo el salam chan esketat leen 3ogob ma tetzawaj ba3deen etgool. i think she's an honest person oo latlomha 3ala el be2ah eli 3ashat feha, tara malha thanb. mo e7na nekhtar our parents. e7na enwaladna oo ohma ahalna oo we can do nothing about it. 7aram tara et`thaye3 qesat 7ob 7elwa 3ashan 3nad oo yebasat ras. mayseer "its my way or the highway". try to change a bit oo khalek 7anoon 3ala el bent.
asfa 6awalt 3alekom oo garagt wayed. et7esoon kent a3anee men el moshkela oo feni 7arrah hehehe :P bas walla bel tafahom kelshay yamshe. allah eywafeg`hom inshalla

3eShTaw said...

looooooool ambee met men el the7ek 3ala 3omre. el post male a6wal men el story malat reema. sorry tara bas khathatne o sowalef :) ignore me agreg wayed :)

Anonymous said...

انا من رايي دام ان ماكو امل او فايده من علاقتكم اذا محد منكم راضي يتنازل حق الثاني.. البنت حاولت تتغير عشانه بس ما قدرت تتحمل 5 شهور, فما بالكم بالعمر كله؟؟!! هذا زواج مو لعبه..

و الحب صراحه يعمينا عن عيوب الشخص اللي نحبه او يحب الشخص بعيوبه
لان فترة 5 شهور غير كافية ابدا..

انا اقول تنهون السالفة من الحين عشان لا تتعلقون ببعض اكثر من جذي..

انت ما تحتاج تعطيها فرصه انت تحتاج تعطي عمرك تضحي عشانها و تتكيف مع اسلوب حياتها..

الشخصية القوية ما تتوالم مع الشخصية المستقلة و انا باعتقادي البنت حبتك لانها شافت شخصية الاب اللي كان المفروض
يكون اها بس لما شافت الواقع انصدمت..

mishal said...

رد

--

ريما انا ماقصدت انكم قلبتوا الحقائق وغيرتوا من احداث القصه
ولا شككت في امانتكم

انا اقصد صياغة القصه فقط لا اكثر

--
لاتفسرون كل شي اقوله على انه سوء ظن

Яeema said...

هالمرة ردي ماراح يكون حق كل واحد لسبب


أبي صاحب القصة يشوف ردت فعل الناس


و كاتبة القصة إللي إهيا لوير تتكلمن عن القصة




راح أستمتع بالقراءة و التعليقات الخفيفة


و باب النقاش مفتوح علي مصرعيه

بالديسار said...

من المعروف أن الإنسان يضحي بشيئ ليظفر بشيئ بالمقابل
من سياق الأحداث يبدو أن سي السيد يريد تضحية عمياء دون أن يقابلها ببعض التنازلات

أعتقد أن أكبر مشكلة عند الرجال (وأنا منهم لا أعفي نفسي) أننا نحب البنت التي نتعرف عليها ونعجب بها كما هي
ثم نطالبها بتغيير نفسها لتصبح شخص آخر على الرغم من إن شخصيتها الأصلية هي ما جذبنا لها بالمقام الأول

ودمتم

Яeema said...

3eshtaw


with love , everything will work smoothy


mako benhoom mawagif 3ashan yetha7y 3ashan'ha

تركيبة الريال تختلف 180 درجة عن تركيبة المرا


المرا مرنة و تتأقلم بسرعة


فلا إتأملين إن كل الرياييل مثل زوجج الله يحفظة لج و يسخره حق بيته




ترا علي فكرة
علي سالفة الكراج


أنا أودي السيارة الوكالة و أقعد بالكافيه و أنطر الفحص

و بالردة زوجي مارني و خذاني


أخوووه إستغرب إشلون طريقة حياتنا بالبيت مع إنهم من بطن واحد




أنا أبوي مو عمر الدنيا علمني علي الإستقلالية من منطق إنه ما دايملي


مع إن عندي 5 أخوان


حتي البنجر أسوييي

أعتقد غيرته عليها و الحجارة الزايدة من ورا الشي

لو بيحكم المنطق جان المركب مشي

و حياج الله هذري البيت بيتج ومكانج
و تشرفنا بمعرفتج

Unknown said...

بنجورنووو عليكم جمعيا
وقبلها سلام عليكم على من اتبع الهدى وصام رمضان وصار خوش ادمى وتسنع
:)

المهم
اول شى عجبنى هالتعبير

(يعني اهو من بيئه موجود فيها الرجل بمكانه الطبيعي)

فعلا عبدالله بالضبط حسيت انى متربى معاه فى بيت واحد لان عيب البنت تروح الشويخ والكراج وشنو مرة توقف مع الصباغين ؟؟؟؟؟؟

الزبدة
الاخت اللطيفة اللى ما تبى تكون مطيعة
ياحلوى وانا صايم اقول سجع بالحجى
:))

اهيا الخسراااااااانة بالثلاثة
واللى تبى ريال على هواها عمرها ما تعيش سعيدة
اذا مو الريال ريال يحافظ عليها ويحسسها انها مصونه من كل شئ يشوب حياتهم كزوجين
بالاخير الحب يختفى وايى مكانه حب يديد لسبب بسيط العمر لما يتقدم ممكن اتخاذ القرار فيه بنهاية اى شئ غير ملائم عقلانيا
والعانسة اسف الانسة راح تبور بسبب تمثيلها وعدم تفكيرها بالشكل الصحيح بان الحياة الزوجية لازم الواحد يتنازل فيها علشان المركب تمشى
لان نوخذتين بالبوم طبعة
واذا تبى واحد اهيا تقوده خل تدورلها خروف
فالرياييل اللى متربين من ظهور رياييل ما يتنازلون عن مبادئهم واخلاقهم وقبل كل هذا دينهم

طولت بس لانى احتريت منها ولسخافتها بانها تفرط بريااال ممكن يغير حياتها لى الافضل

فطططووووور شهى جدا جدا بنكهة المعبوج الكويتى

الاء سعود المجيبل said...

خوش طريقة لسرد القصه وللنقاش...:)

متابعه...:)

Unknown said...

kitty
كتبتى كلمة عجبتنى واااايد

(الحب بالزواج ما يصمد كثر التفاهم والاحترام والراحه النفسيه بالتعامل وفى البيت)

صح والعقل والاقناع هم من الاشياء المهمة
بس شتفهميييييييييييييييييين
شتقوليييييييييييييييييين
حق اللى باسهم قووووووى
:)

albandry said...

مادري هذا رايي
بس المسألة جد وزواج
والامور واضحة لهم الاثنين
اثنينهم عندهم مشكلة مع الطرف الاخر ومحد راضي يتنازل
اذا مافيها استمرارية
اذا كل شخص ماتقبل الشخص الاخر فهذا يخلف اشياء بتطلع عليه بعدين مستقبلا اذا قررو الزواج
مادري انا اقول الله رحمهم وبين لهم الطريج الصح قبل لا يستمرون ويدشوون بمتاهات مالها اول ولا تالي
وهذي مشكلة الزواج العائلي دون معرفة اللي بعض الاحيان الشخص ياخذ وحدة تختلف عن بيئته للاحسن او للاسوأ وتبدا المشاكل
انا ربيت على جذي
وهذا يقول انا ما ارضى على جذي
وتعالي يا لوية وغلط ومشاكل


لا تقولون حب
ااحب ينوجد في كل مكان
لكن الود والتفاهم اهوا اللي يحتاجه الزواج

وماكو بهالبلد الا هالولد

اهيا بتلقى النصيب اللي بياخذها على ما اهيا عليه
واهوا هم بيلقى اللي بيمشي حجيه عليها

والله يستر عالجمييييع

راي لا اكثر لا اقل ابييه طولت عليكم

Cr8ivia said...

وينه هالريال؟ انا ابيه :| رياييل هالايام اغلبهم ذكر دون مرحله الرجوله للاسف "اغلبهم لحد يقلب علي"

بالنسبه لاختلاف البيئات .. هذي مشكله في كل زواجه .. لكن في حاله الريال و البنت اللي بالقصه .. المشكله مو عويصه !
اولا البنت مو رافضه التغيير تماما .. اهيه رافضة ان الشي يكون فجاه و كل شي يتغير لدرجه ان يطمس رايها و شخصيتها ..
لو ياخذها بالمسايس و من وجه نظر الدين و الصح و الغلط و العيب و المباح و و و .. بتقتنع و بتطيعه .. خطوة الالف ميل تبدي بخطوه .. يعني شوي شوي حبه حبه مو يا كخه يا طلع مخه !

ثانيا .. يقول جذبت علي مره بتجذب الف .. ماعتقد ان اللي سوته يندرج تحت بند الجذب .. بلعكس انت لازم تشوف النصف الممتلئ من الماء ! لو ما اهيه معجبه فيك و تبيك جان ما غيرت من حياتها و طاعتك كل هالمده لكن لكل انسان طاقة .. و الكبت و الشي اللي ايي فجأه لابد من انه في يوم ينفجر !

ثالثا .. انت الصح .. و اسلوبك و حياتك اهيه الصح .. فمن السهل جدا انك تخليها تميل لك و تطيعك و هي راضيه تمام الرضا دام فطرتها سليمه .. المشكله معروف اساسها التربيه الغلط و اهمال الوالد و تخليه عن دورة في البيت .. يعني لا تعاقب البنت بذنب ابوها و البنت اعترفت انها عبالها هذا الشي الطبيعي كان ما كابرت و قالت لا احنا الصح و انت الغلط

و اي بنت بالدنيا تحتاج ريال يداريها ويقوم فيها و يكون اقوى منها .. لكن بنفس الوقت مع احترام لشخصيتها و استقلالها و رايها !

على العموم اذا البنت شاريتك و انت عندك ميل لها .. عطها فرصه .. و صل استخاره .. ماخاب من استخار الرحمن و شاور عبادة :)

و الله يوفقك و يكتب لكم اللي فيه الخير انت و اهيه

على طاري الاشاره اللي قبل اللفه ب 200 متر ذكرتني بعمري :| بس من كثر العياب و التطنز قمت ماطق اشاره خير شر خالص مالص :|

sOulvOice said...

شدتني كلمته يوم قال


جذبت علي مرة بتجذب علي الف مرة


وقال


انا عاذرها لكن عشان اهي الحين حبتني ولهانه علي الحين اهي تبي تخضع لكل شروطي عشان اقعدت ويا نفسها و فكرت و طارت منها فكره الزواج و عقب فتره حست لي الحين مايياها الي نفس مواصفاتها ولانها اتحبني فقالت ارد و امري لله




مؤشرات تخوف




الريال واضح ماعنده ثقة بنيتها ولافيها

الموضوع محتاج تنازل من الطرفين واتفاق على تقسيم المسؤليات بينهم وبين بعض حتى لاتصير مشاكل مستقبلية هذا اذا فعلا جادين بحبهم


من جانب ثاني الاثنين شخصياتهم مستقلة ومحد راضي يخضع وهذا واهم تحت تأثير الحب عيل شلون لو باجر تزوجو وراح مفعول الحب

!!!

sOulvOice said...

احيي بالبنت محاولتها لتغيير نفسها صحيح انها مااقدرت تستمر وتتشكل مثل مايبي الطرف الثاني ولكن على الاقل حاولت بينما الطرف الثاني ماحسيته تنازل بشي

tasty_as_berry said...

يعطيج العافية ريما ..

طريقة العرض وايد مشوقه والحلو أن القصة من ناحية الطرفين علشان توصل المشكلة اكثر ..

البنت محترمة وواقعية وتتحمل المسؤولية .. لا هي بنت دعلة ولا أنانية .. والأهم أنها اعترفت في وضعها العائلي وبينت أسباب تصرفاتها ..

لما تروح تودي سيارتها مو عيب لما تجابل الصباغين لشغل البيت هم مو عيب .. اهية اهني قاعده تقضي اشغالها مو قاعده تلعب ..

انا عن نفسي لما اشوف بنت جذي أقول ماشاء الله عليها ..

اهية تحبه وحاولت ترضيه كثر ما تقدر مو معناته ما تسمع كلامه مو معناته البنت تبي تكون فالته .. انا بنت وفاهمة وجهة نظرها عدل ..

الريال مكانه محفوظ اهية لو حاصلها ريال يقضي اشغالها كانت وكلت هالمهمة له بدون شك ..

ودام يعرفها ويحبها وبينهم مشروع زواج كان يعرف شنو أخلاقها مو هاذي الامور اللي تخليه يشك او يحدد العلاقه بينهم ..!!

اهية مو سالفة جذبت عليه لكن حاولت أنها تتصرف بالشكل اللي يبيه لكن اللي فهمته ما يبيها تقضي اشغالها ما يبيها تعتمد على روحها .. ولا تتصرف اي تصرف بروحها .. أكيد البنت وصلت حدها ..

صارحته وقالت له ان تبي يكون فيه حل وسط .. لو مو هامها وطقاق جان ما كلفت روحها الله معاك وليش اتعب نفسي ..

الحين اهو رافض يرجع ومتمسك برايه لأنها جذب عليه ..!! ما كان يقدر يفكر ان بأمكانها تنافقه وتجذب عليه طول العمر .. كانت تقدر وإلا لاء !!

هاذي مشكلة الريال كلا حاسب أن اهو بروحه بالدنيا وأهوه الزين وصعب تلاقي غيره وناسي عيوبه واغلاطه واشكثر البنت تطوفتله !!

ريال على العين والراس واهية قالتها بنفسها حسيت بالحنان وان ريال وقد المسؤولية .. لكن مثل ما قلوا كلهم العلاقة اخذ وعطى وتنازل ..

تحياتي :)

esTeKaNa said...

...مسا الخير
عاده لما تقرين قصه احساسج لا شعوري يميل قلبج نحو طرف من أطرافها لاعتقادج انه اهو صاحب الموقف الصح
العرض الواقعي والمنطقي خلاني احس انه كلا الطرفين في موقفه شئ من الصحة

اهي ما جذبت بمعنى جذبـت واخفت عليه شي
اهي انسانه طيبه حاولت تتأقلم معاه ومع طبيعته،مفروض عليها واقع مالها يد فيه،بالمقابل مسأله استقلالها مسأله نسبيه هل اهي صاحبة قرار لا يمكن تتنازل عنه؟
او هي اشيا بسيطة ممكن تتغير مع الوقت؟

نصيحتي للشخصين:
مسك العصا من الوسط،حرام يخسرون بعض
وحتى لو افترقو على يعتقدون انهم راح يلقون شريك حياه مفصل تفصال مثل ما يبون؟
ما اعتقد
!!

bo9ali7 said...

مابي اقول من الفروض الحين يرجع حق الثاني لان الحين ماكو شي بينهم فكل واحد بكيفه ..بس يوم كان في شي يربطهم كانت البنت اهي الغلطانه لانها كانت تمثل دور مو دورها عشان ترضي..هني مربط الفر..بس لو انها كانت طبيعية و صريحه..وهو طبيعي و صريح كان في كلام ثاني..يمكن اهما الاثنين يتفقون وكل واحد منهم يتنازل شوي..وتنبني علاقة واضحة الملامح ..معروفة الطباع

lawyer said...

قبل اي شي

و قبل كل شي

اشكر اختي ريما الي خلتني اكتب هذي القصه

و اشكرهاوايد وايد لانها حطتها في بلوجها

والله انا وايد سعيده






و كلمه حق تنقال في هذا الشخص
يا ناس ترا بطل القصه ارسل ايميل من سطر واحد يبي يعرف راي الارتباط بالشخصيه القويه


يعني ترا القصه مضمونها واقعي
لكن احداثها من وحي خيالي
لاني انا ابدا والله العظيم ما اعرف صاحب القصه و لا قالي شي
كل الي عرفته من حبيبتي ريما
الي قلته لكم

عشان جذي لا تعتقدون انه فل خطبته عشان الصباغ
ولكن اهوو فل خطبته لان حس انها وايد فري و مستقله
و اهو يبي يغير فيها و اهي ما قدرت

احداث القصه الي انا كتبتها تتطابق بشي بسيط مع احداث قصه البطل
على حد قوله


عشان جذي انا كتبت القصه بكاركتر يديد و كأنه اثنين يقولون قصتهم
عشان هذا سالفه ارتباط ما بين طرفين
فا ياريت نكون واقعين و نشوف وجهه نظر الاثنين


اشكر كل من اعجبته الفكره
اشكركم وايد على تعليقكم
و مثل ما قالت الاخت ريما احنا اهنا انا وياها
مجرد متفرجين
و بنترك لكم حريه
التعلييييييق
عشان الاخ

lawyer said...

اختي عشتو

ما تصدقيني اذا قلت لج على كثر ماكان تعليقج طويل
على كثر ما حسيت انه ممتع و صادق
وفعلا اخترعت من كبر التعليق
و قريت اول كلمه و فجأه لقيت نفسي مخلصته

الحمدلله على انج انسانه مرنه
و الله يديم حياتج السعيده مع ريلج

و لا تقطعين بالعكس ترا انا احب التعلييييييييق

:)


مشعل
ترا صدقني انا حسيت نفسي في هالقصه اني ظلمت البنت
و كنت مع البطل عبدالله

بالعكس
انا وايد احب الرجل بشخصيه قويه

ترا انا فاهمه قصدك
ادري مو قصدك شي و اهي مجرد قصه
لكن انت وضحت رايك و احترمه




مشاري
واااااااااااااااااي
اول مرا استانس على تعليق منك جذي

شكرا شكرا
عجبتني وايد وايد

وقبلها سلام عليكم على من اتبع الهدى وصام رمضان وصار خوش ادمى وتسنع
:)

ههههههههههههههههههههه


بلاش نغزات يا سيدي

lawyer said...

بالديسار

و البندري
سولفويس

كوتيا
و تيستي و استكانه

وااااااااااااااااااي



حدكم حدكم بردتوا قلبي

يا نااااااااااس والله احنا الحريم مظلومين

الرياييل يبون يجردونا من كل شخصياتنا صح

The Simper said...

قبل لا أعلق أو أقول اي شي.. جان زين أختنا لوير ومعاها ريما يكتبون قصص مسلسلات رمضان للسنة الجاية ان الله عطانا عمر بدال القصص والمسلسلات الرمضانية اللي ماكو سالفة و مضمون

انا اندمجت بالاحداث حسيت اني قاعد اشوف مسلسل

نقطة وحدة ع السريع

ماكو شي واحد يمشي على كل الناس

الله خلق الناس أشكال وأنواع

والناس داخل بيوتهم أسرار وطبايع

ف ترا شي صعب ان هذا يغصب هذي على شي أهو يبيه وأهيه ما تبيه

يا الوضع بالبيت ينفجر يا اهيه تنفجر من داخل

عبدالله الظفــيري said...

اولا شلونكم وشخباركم :)
شلونج ريما وشلون رمضان معاج وشلون اليهال؟؟ ليما الحين تقطين بدليات؟؟
المهم تعليقي اهو التالي وابي اكون صريح وبدون اي تحيز صج ما احب البنات بس نقول الصج...
اولا هذي القصه اسمحولي قديمه وتصير مع كل الناس , والي يجي بالساهل يروح بالساهل , ودام صار فيها سالفة خطوبه 5 اشهر يعني من اولها العلاقه ماراح تتقدم للاحسن , عمر المشكله ماتصير من طرف واحد , دايم تصير من طرفين او اكثر وهالمشكله انت يالسمي واهي الغلطانين فيها ...
اولا - دامك تقول لبسها او مكياجها برمضان مولايق يعني من وراه راح يوصل الشك يعني لازم نفكر بالاسوء ونفكر بالمستقبل والعلاقه الي يصير فيها الشك وخاصه الزواج ماراح تنبني بالعكس راح تنهدم عاجلا او اجلا ..
ثانيا - اهي تربيتها وعيشتها جذي ومايصير اهي عايشه 24 سنه العمر كله انشالله , وهذي طريقة حياتها يجي شخص بيوم والا شهر يبي يغيرها , عمرها مايصير يعني اهي معاها حق وهم انت معاك حق
وفي اشياء وايد غير الي قلته عندي بس صدقني اذا تبي تحير الواحد خيره واذا تبي تسمع كلام فلان وعلان ماراح تعيش اذا ماتفكر بعقلك وتقعد معاها وتحلون المشكله ماراح ينفع فلان ولا علان لو منو يكون ...

الافضل تنفصلون حل بسيط جدا والله يهنيكم ابعضكم والا بغيركم

ملاحــــظه : الشخصيه ترى مو انا

ادري طولتها ريما بس شسوي مشتاقلج ومشتاق لمواضيعج ;)

Warda said...

sometimes Love just ain't enough in a relationship !!

oo ba3dain e7na il banat ili mathalan ma 3indena ikhwan wella ikhwana i9ghaarr oo obahatna (our dads) are busy sheno il mushkela etha wadaina il sayara il wekala wella re7na in9ale7-ha ?? ya33ni ma 3indena a7ad yewadeena inkhali il sayara kharbana min ghair ta9leeee7 3ashan lazem il rayal yewadeeeha il wekalaaa !!!!!!!!!! ena il banat yewadooon seyayeerhom il wekala hatha moo temeden !!! hatha ya33ni mako a7ad yewadeeha ela e7naaa !!!!!! (ana la'ani awadi sayarti il wekalaaaa ibroo7ii fa ma a7ib hal nadhareyaa malat il rayal ... lazem il wa7id yeqader il dhorooof gabil la ya7kom!!!!!!!!! )

il shaghla il thanya ana ma a7is ena il bent chathebat 3alaih ana a7es-ha dha7att fee shayy min shakh9eyat-ha 3ashan kha6er il shakh9 ili 7abeta !! oo hatha mo 3aib ....kel wa7id feena has to compromise to stay in a relationship ....ya33ni il rayal il shakh9eeta qawiya lama yetzawaj lazem yeghayer ishway min nafsa oo il bent ili tezawaj-ha itghayer ishway min nafs-ha 3ashan yo9looon 7ag a mean so they can live happily together bs etha ehma min il bedaya 7aseeen ena they can't do such a thing then they shouldn't stay together !!

thats my personal opinion :)

بنت الشاميه said...

يعطيك الف عافية صج مدونتك ترد الروح
المهم اهي صح............ واهو اصح
اهي تربت علي الاعتماد علي النفس مو علي الانانيه وتهميش الاخر
وهو تربي علي ان الرجل رجل والمراة مراة
بس هذا الزمن ليس زمن امهاتنا واباءناالحياة الان صعبه وشاقه وتحتاج الي المراة القوية الناضجة ليس المراة الباهتة الضعيفه
ويحتاج الي الرجل الحنون السوي القادر علي ادارة شؤن اسرته بدون ان يهمش دور الزوجة
كلاهما يحتاجون الي دورة مصارحه وقليل من التنازلات.... .. هناك فرصة للتقاء

Unknown said...

لوير وكيتى
قل اعوذ برب الفلق

يعنى لازم اتكلم
واقول مثلكم
واااااااااى
ههههههههه
علشان يصير تعليقى زين؟؟؟؟؟
لوير
انا الله هادينى الحمدالله بس الدور والباجى على اللى لسانهم متبرى منهم بس اللى مخلينى اعفو واسامح :P
ان ادرى القلوب نظيفة

واللى براسه شر يطنرنى بهالهدة
عاد انتوا هدتكم تضحك اشوى ان دوامى بين محلات السجاد :P

Fuzzy said...

دام ان اهوه شخصيته من النوع المتشدد واهيه من النوع اللي ما تنطر ريال عشان يخلص شغلها وتعتمد على نفسها .. وهذا خلق تناقض وخلاف بينهم .. هاذي خيرة انها بينت قبل الزواج وانهم ما يصلحون كزوجين. عموما الزواج مشاركة بس في قرارات يجب ان يكون الزوج دكتاتوري فيها ولا يسمع أكثر من راي خصوصا سوالف التخطيط بعيد المدى لان الحريم كله قاطينا على صخر هاهاها عقب ما تخترب السالفة تقولون " انا شدراني ان بيصير جذي " المهم ان الريال يكون فاهم شنو مسئولياته والمرأة بنفس الوقت فاهمة شنو مسئولياتها ويكونون على قدر هذه المسئولية لان بناء اسرة يحتاج طرفين .. مو طرف لاهي بالديوانية وطرف لاهية بالصالون
:)

ثانيا

القصة خيال علمي ولا دراما واقعية ما عرفنا ؟

enter-q8 said...

استاذ عبدالله ابو الاصول و النخوة والعادات العربية والغيرة و الرجولة

سؤال بسيط

وينك ما طقيت بابهم
يا ابو الاصول والعادات

يا بو عابد
خلنا نكون صريحيين
انت مو حاكمها لن بالعربي مالك حكم عليها
باي صفه

الاختن تقول شبه مخطوبين خمس اشهر

خلال الخمس اشهر هذي كانت ملزومه منك اذا كنت خاطبها فعلا

فيك غيرة

علمها قولها هذا طبعي

تبين شي دقي علي
مافي ريال بالبيت انت وينك

طبعا ما تقدر لأنك مالك صفه

يا استاذي

ما بني على باطل فاهو باطل

تبي الصح

لا فرصه و لابطيخ

وانت بقرارة قلبك تحبها لاتحاول تقول ارد و ما ارد

اللي يتمتع بشخصية نفس سماتك من سماته

يكون صاحب قرار

لذا يا بوعابد

اذا تبي ترجع لها

روح طق باب بيتهم و اهي البنت تبيك مثل ما اهو واضح

وحزتها يكون شرع الله بينكم اهو الفاصل

و مافي زوجة او زوج يكره شرع الله و يبي يبني حياته على صح

مبين في موده بينكم و الفه

والسبب بل الاسباب هي تعلق الاخر في الثاني بعد اتخاذ قرار البعد عن الاخر

صدقني لما تطق باب بيتهم و تصير العلاقة رسمية

البنت بتعرف انها تشيل اسم زوجها وصفات زوجها كذا وكذا

اهي تربت في بيئة غير مختلفة
و البنت تبيك وانت تبيها

لك الان اكبر فرصه

تحت شرع الله

انكم تتصافون

بس خلص كلامي

ريما ترى حاقد عليج لاتسألين ليش

Яeema said...

أستمتعت جدا بقراءة جميع الردود

أشكركم من كل قلبي




صاحب القصة بلغني إن وايد أرضته الردود


و بعد إنتهاء المعلقين راح يقولكم شنو كان قرارة




إقتباس من الإيميل
-------------------


ya36ekom alf 3afya wenshala lama tektemel kil il redod ra7 adez lich email abayen eshay ele we9alt lah inshala




إنشاء الله أول ما يوصل الإيميل أبلغكم

Яeema said...

enter-q8

ليييييييييييييييييش يا حافظ!؛

بس أدري إن قلبك طيب و إتسامح



شكلك كل ما إنغير شي بالبلوغ إتروح إتعفس بلوقك



ترا فاتحة باب التبرعات


إللي يصمم لنا بنرات حق العيد و بعد العيد

Яeema said...

i live in q8

i love what your doing for us !
banners!!!!!!!!!


mashkoooooooooooooooor
wayid wayid wayid wayid !!!

7addy 7addy mestansa , kelik thooooog

teslaaaam eeedik o allah ye7afthik ya raaaab




يا جماعة والله ما طلبنا منه ، أهوا من كرمه عطانا وقته و ذوقة و طرشه بسكات بالإيميل



كسرت خاطرة البنر مالي مقروووم


هاهاهاهاهاهاهاهاها



حبيب قلبي والله ، الحمد الله إللي أكو نا س مثلك


سوووري أدري فضحتك
بس لازم إتعرف إنا حدنا ثلاثتنا مستانسيين

kuwaite said...

انساها

صعبه

نعمة عطاك ربك مافيها شئ صعب

Anonymous said...

الموضوع محتاج منك انك تقعد مع البنت و تتفاهمون.. انت تقول انها جذبت عليك بس لو تراجع نفسك شوي راح تفهم انها بتصرفها هذا ضحت بشخصيتها عشانك و شلون تقول جذبت و انت هذا اللي تبيه منها انها تسويه طول عمرها بعد الارتباط(تغيرها الحين صار جذب و تغيرها بعدين طاعة!!!) .. راح تعيش طول عمرها تجذب على نفسها.. اذا الواحد ما يبي يتغير ترى ما راح يتغير (ان الله لا يغير ما بقوم حتى يغيروا ما بأنفسهم) " بما معناه" هي ما تقبلت تغير شخصيتها و هذا من حقها و انت بعد من حقك هذه شخصيتك 30 سنة.

وهي بعد الزواج اذا لقت من يخلص شغلها اكيد ما راح تحتاج انها تعتمد على عمرها بس ممكن تشوف هالشي حق بعدين يعني لا سمح الله لو صار فيك شي و طحت مريض ترى هي اللي بتقوم بالبيت و لا تنسى اهلنا اول لما كانوا يروحون الغوص بالاشهر منو اللي كان يقوم بالبيت؟ غير هالمره اللي كان يضرب فيها المثل (يعني سالفة الاعتماد على النفس شغلة من ايام اول و مو شي جديد ولا تمدن) و انا انصحك انشالله اذا يالك عيال (اولاد و البنات خصوصا) انك تربيهم على الاعتماد على النفس لان الواحد مو ظامن هالدنيا شلو راح يصير الوضع, يعني عيالنا يمكن ما تتاح لهم الرفاهية اللي عايشين فيها عسى الله يتمم علينا..

حاول تفكر بالمستقبل و بعيالك هل تبي هذه المرأة تكون ام عيالك؟ لا تخلي غيرتك تعميك عن هالشي..

والله احنا ما عرفنالكم يالرياييل!! اذا الواحده ما تسوي شي و لا تجيس شي قلتوا عنها "دلوووووعة" واذا اعتمدت على عمرها قلتوا لا هذه شخصيتها مستقلة!! واذاصارت خوش واحدة و سمعت كلامه قال هذه ما عندها شخصية و داس عليها و تعالوا فككوا العقد!!! ا

اسفة طولت عليكم بس الموضوع فيه اكثر من وجهة نظر والله المستعان

و سلامتكم و تعيشوووون و دمتم سالمييييين :))

7osen said...

حلوه طريقه عرض القصه 00 من وجهه نضر الطرفين

لكني اشوف ان الريال عنده حق بكل اللى قاله00 هذا الشي الحقيقي اللى بمجتمعنا لازم يصير ان الريال يخاف على البنت اللى يبي يتزوجها ويغار عليها
يمكن تكون هي معذوره اذا ما كان بحياتها ريال يقوم بهذا الدور الرجولي اصلا

لكنها لازم تتمسك بهذا الريال بيديها واسنانها لأني اشوف من كلام الاثنين ان هذا الريال هو الريال اللى لازم تدور عليه كل بنيه

والفرق بين البيئه والتربيه وطريقه الحياه لازم يخليها تتمسك فيه اكثر لأنه انسان يخاف عليها ويقدر يحميها

انا اقوله عطها فرصه اذا كنت تحبها

واقولها لا تظيعيين هالريال من ايدج

Dr. Saleh said...

تقدم التنازلات في الحياة الزوجية، والمرأة في معظم الأحيان تقدم الكثير منها لتكيف نفسها مع الحياة الجديدة ولتحافظ على بيتها. وإن أحبت ضحت بكل شئ

سالفة قلب said...

سرد القصة عجييييييييب


انا احب الريال اللي شخصيته قوية بس مايلغي شخصية شريكة حياته القوه تكون بالتفاهم والتواضع والطيبة وعدم الانانية

Ra-1 said...

waiting the desicion :)

enter-q8 said...

ريما الله يهداك و منو قالك اني معصب على البلوج

لا معصب على شي ثاني

و بالنسبة للتصاميم بالعكس

انا هذي هوايتي يعني اذا ما عندي شي افتح الفوتوشوب

بس ياريت ابو الذوق اللي ذكرتيه ان لما يبوق شغل الناس او يحطه عند ناس يقول ان شغل فلان
حتى بنر مدونته اللي رازه بين روابط اللي قاعد يشتغلهم مو من شغله

وانا حالتي حاله كل يوم رايح مغير اسم الملفات اللي قاعد ينشرها

بس شاطر يحذف ردودي بمدونته لما اقوله يكون عنده ذوق

و ما تاب اللا لما قعدت له قعده

حتى اخر تعليق بعد كل ما يحذف قلت له شيل العلم تراك نسيته

هههههههههههه


شيكي علىايميلك و راح تعرفين السالفه

Яeema said...

enter-q8

شسوي يعني شنو الحل؟
إتسويلي واحد علي ذوقك؟ بس ما أبي فييه توقيعك
هاهاهاهاهاهاها


و متأسفين علي اللبس

السالفة فيها بوق
والله أنا ما يعرف

سووووري



قريت الإيميل و مشكور للتوضيح

مو صارلي سنة أحن عليك عليك أبي بانر

مبيوق مبيوق

ياات على البنر

الديرة فالتوه


السموحة ولد العم

قتلك عيال عمي من جدتي أم أبوي عتبان؟

فهمت شي؟
ههههههه

PearL said...

انا وحدة احب ان الريايل يكون اهوه الريال
احب يكون الاول وانا الثانية
مع اني تربيت ببيت حيل ديموقراطي
ومع اني حيل مع الديموقراطية
بس احب شخصية الرجل الشرقي الغيور

البنت تفكيرها غلط
واهيه بمجتمع تفكيره مثل تفكير الريال اللي بالقصة
يعني اذا ما تزوجت هذا
تزوجت غيره
وكلهم نفس التفكير

لازم تراجع نفسها
ولازم يعطيها فرصة

Mamloo7a Q8ia said...

والله اللي اوله شرط اخره نور اذا الاخ يبيها تتغير علشانه والاخت مو قادره تغير نفسها علشان احد اعتقد كل واحد يروح لحال سبيله
فعلا حلو ان الريال يكون قوي الشخصيه ويقوم في طلبات الزوجه والبيت بس مو عيب الزوجه انها تعتمد على نفسها وما تكون تحت رحمة احد حتى ولو كان زوجها لان محد يدوم لحد
والوقوف مع الصباغين مو عيب ولا روحة الكراج عيب اذا كانت محترمه في لبسها او نعاملها .. انا في رأيي مهو غلط لانها تشتغل مع رياييل وفي كل مكان اكو رياييل يعني ؟ هل راح يحطها في البيت ويصك عليها ولا شنو بالضبط ؟

الاء سعود المجيبل said...

حلو...الله يوفقه وبانتظار قرارة...:)

يعطيكم العافيه...:)

Hosno said...

بهالمواضيع الراي الأول والاخير لصاحب القصه لأنه اهو الي راح يتحمل نتائج قراراته بالرفض او بالقبول

ولكن هناك حقيقه وان الحب مذله

وأساس العلاقه لازم تكون تفاهم مو احتياج . حب مو استخدام كشئ فقد ايام الطفوله

ويعطيكم ألف عافيه

tweety said...

هو أنا ويني عن هالقصة !!!؟
اولا : اذا كانت القصة من وحي الخيال وانتوا صغتوها بهالشكل للوصول الى وجهات النظر فاسمحولى احييكم على اسلوبكم في سرد القصة لأنه بدا أقرب للواقع

ثانيا : مع احترامي للأخ عبدالله مادري ليش يعاند ويعصب معتقد ان البنت تعانده او لاغية شخصيته مع ان الموضوع واضح البنت من بيئة مختلفة تربت بشكل مختلف لها قناعاتها وشخصيتها واذا كان هالعبدالله كاشخ عليها جنه ماسك عليها ممسك فانا اعرف وايد رياييل يحبون يرتبطون بهالنوعية من البنات اللي يعتمد عليهم ولهم شخصية مستقله يعني ليش يبين انه متفضل عليها والحق معاه
انا ماشوف انها سوت شي غلط او استغلت حريتها في استهتار
المشكلة ان هناك من الرجال من يعتقد ان الشخصية القوية هي احكام زمام السيطرة وخنق تصرفات الطرف الآخر بحيث الكلمة والشور له مع ان احنا نعيش الحين عصر المشاركة والحوار
الشخصية القوية هي ان لا تطمس شخصية الآخر خاصة اذا كنت تحبه
والمرأة منها ومن نفسها اذا حبت شخص واعجبت فيه راح تعجب بآرائه وتاخذ برايه وتقتنع بكلامه واحيانا راح تسوي اي شيء يعجبه بس اسلوب سي السيد هذا ولى

بس باقي منشات عسكرية وقرآن
ما ظل شي ما قلته لوووووووووول

Anonymous said...

فـي مقولة أنجليزية تقـول
ان كنـت تحـب شي فأطلق سـراحه فأن عاد فهـو ملكك الي الأبد وان لم يعد فهـو لم يكـن ملك لك
::::
الرجـوع في بعـض المواقف أمـر سهـل جـدا
ولكــن التحـول الي شخصية أخـرى برغبة الأطرف الأخـر فهـو أمـر صعب ...
من سينتصر بالنهاية؟ من ناحية العقل لا الاعتقاد أو الرغبة

Anonymous said...

ana 3abdala ba6al il ge9a .. ashker reema oo lawer oo kil mn 3alag 3ala il mawthoo3 oo sharak .. garary bil asaas ana makhthaa gabel 3arth il ge9a . bs 7abet asma3 ara2 wayed 3ashan agayem mawgefy .. oo 6ab3an lazelt 3end garary b3adam il rejo3 .. le2ana il 7ayat il zawjeya mo kilaha romance oo shahar 3asal .. wel bent wene3em feha bs 7asab khebrty feha enha layomken etaghayar wel3elm 3end alah seb7ana ..oo 3ogob wanasat il 3ers oo safrat shahar il 3asal yebda il jad .. oo wagt`ha il khelaf la to7mad 3ogbah wekon il kaser moje3 .. laken il tath7eya bil khe6ba wayed as`haal .. shaker lokom wayed wayed .. oo arjo tagbelony 9adeg lil jame3 .. 3abdala

Alather said...

لقيت وايد ناس بالردود وبالاحرى بنات يقولون احب الريال اللي شخصيته قوية وبمعنى اخر يفرض رايه على البنت..

ليش..البنت مو لها رايها

الريال هو اللي بيده القوامة وهذا شي واقعي وموحود مو شي تونا نكتشفه

لكن المراة نفس الشي لها كيانها
والامور ماراح تمشي بافرض لازم تفاهم واحترام ومحاولة لفهم الطرف الاخر وتفصيل وجهات النظر عشان الواحد يقدر ليش هذا سوا جذيه وليش اهي سوت جذيه وبالتالي يكون فيه تنازل من الطرفين

لكن والله ان ايي ريال يفرض رايه علبونه مبادئه ومايكسر كلمته ..اسمحولي فهو متحجر ورجعي

والمراة تمشي بالمسايس وتحب الريال اللي يقدر تفهمها ويحاول يبسط لها الامور..مو لانها سفيهة ولكن لانها كتلة من المشاعر والعواطف وهذي طبيعتها



بالنسبة لرايي بالقصة وجدت ان كثيرات ادلوا بدلوهم عن الموضوع واييد بنقاط واختلف بنقاط.. يمكن تبين وتقدرون من بداية ردي

اعتذر لدري المتأخر ماكنت ناوية ارد ولكن حرتني سالفة الريال الدكتاتوري واللي البنات معجبين فيه! لانهم ما بينوا وضعية التفاهم في العلاقة ولكن ملؤها بقوة الشخصة وفرض الراي

Kuwaiti said...

اممم السلام عليكم ريما ولوير

انا من رايي انه يرجع لها للأني اشوف المسأله تافهه هذي مشكله من مشااااكل يواجها الرجل والبنت في فترة الخطوبه. انه البنت تكون متعوده على شي والرجل متعود على شي والكل يبي حياته قبل الزواج تمشي على هواه.

يا عبدالله انت رجل مثلنا كويتي ولك عادات وتقاليد وقيم تمشي عليها,
مو كلشي يتغير بيوم وليله والكون الله سبحانه وتعالى خلقه بسبعة ايام
والدين الأسلامي مانزل على سيدنا محمد بيوم وليله وانفرض على المسلمين مره وحده لو انفرض عليهم مره وحده جان اتركوه
كلشي يتم تغييره خطوه خطوه شوي شوي
ولازم بالزواج يصير فيه تنازلات من قبل الطرفين
انت اول الأمر امش معاها وحاول تغير من طبعها شوي شوي
حتا الرسول صلى الله عليه وسلم امرنا بأن نسايس المرأة ولانأخذها بالقوة

والفراش اول ماتاخذه يكون يابس مو مريح بس بعد يومين يتشكل على شكل الجسم ويصير اكثر راحة لدرجة عدم الأستغناء عنه
خوش مثال هههه

يالله متا تعزمونا على العرس
الشربااااااااااات يانبويه هههه

lawyer said...

اخووووووووي عبدالله

اشكرك على انك حطيت رايك وعرفت فيه وايد ناس كانت تنطر قرارك


طبعا هذي حياتك الشخصيه و انت ادرى فيها


و الحمدلله على كل حال
الفراق اكيد كان فيه خيره للطرفين
و عسى ان تكرهو شيئا و هو خيرا لكم

و عسى الله يسعدها و يوفقهاويرزقها في الي يستاهلها

و انت بعد عسى الله يعطيك على قد نيتك




كويتي

ما قريت رد عبدالله شنو كاتب
يقوول ان خلاص ما راح يردلها

كويتي شوف رد عبدالله الي فوقك