Saturday, October 07, 2006

from my e-life


ودي أقولكم سالفة و أبي رايكم فيها ، عندي صديق صدوق بالنت من عمر أنا وياه، مشكلته وياي إن أهوا كبر و قام يستتفه إللي قاعدة أسويه بالنت، إسمالله عليه كبر و صار دكتور فما أشوفه بالنت من كثر مشاغلة بالمستشفي.

هالأيام مسافر في دراسة تخصص من التخصصات النادر وجودها بالكويت و بحكم وجودة بمكان بعيد و فرق التوقيت فقمت أشوفة بالنت وايد .

ماكان يدخل البلوق و يقرا بحكم وقته، بس هالأيام قاعدلي قعدة و قام ينبش في بوستاتي القديمة، أمس صار لي موقف وياه يقووول

إنتي ليه متي أخبارج كلها بالنت، لييه متي بتضلين تكتبين عن يومياتج إللي ماله داعي الناس إتعرف عنها؟

طبعا ما حبيت أناقشه لأنه أهوا مو بلوقير و أهوا حريص علي وضعة ومتحفظ إشوي.

إللي بفهمه و يمكن أكون أنا غافلة عنه، صج كتاباتي بالنت إتحسووون إن ماله داعي تنكتب؟؟، مع إني ما أشوف إنا ما فيها أي شي و فكرة البلوق ما هي إلا مذكرات الكترونيه تعكس روح صاحب البلوق، أفكارة و قراءاته و طرحه، أو بعض المواقف إللي صارتله.

لما دخلت في هالعالم حسيييت إني تعرفت علي خوات و أخوان أتشرف بمعرفتهم وايد من خلال تعليقاتهم، والله ما أقص عليكم إني أحبهم من كل قلبي وودي أزور و أعلق و أضحك و أضغط فلان و أطفر فلان ، و أتهاوش ويا فلان و أييببب ويا فلانه .

البراءة وييينها ، و ليييش الناس تنظر لهالنوعية من الكتابات على إنها فضايح و تطفل منا إحنا البلوقرز علي حياة الناس الثانية.

لو الشخص ما يبي يقول شي جان ما إنشره، و أدري في وايد ناس يعرفوني ، بس والله ما همني لأن الأشخاص إتروح و تيييي و يبقي روحك بالبلوق.

أنا وحدة ما أحب أتشيحط و أقول قريت هالكتاب و ناقشت فلان بهالموضوع الجاد أو بتكلم بمواضيع دسمة بالبلوق، لأني علي قناعة إنا المواضيع السياسية والجادة حيل ما إتأثر وايد بسبب إن إحنا مو أصحاب القرار فيها.فا يا كلامك يأثر ، يا دورلك شي ثاني تقوله. كلام و فعل مثل ما سووها أصحاب نبيها خمسة .

فكان توج الكتابة عندي عن الوقفات إللي إتصادفنا بالحياة و قد تكون هالنوعية من المواقف مارة علي وايد ناس، ويمكن ما مرت و يخزنها الواحد و يعمل لها حساب تالي.

لما أتكلم عن الزواج أو العلاقات الإنسانية بين الأفراد ، فهالشي قريب من وايد ناس، ويحسس بقرب العلاقة بين كتاباتي و بين القارئ لصفحتي.

أتمني إني بينت وجهة نظري والهدف إللي عشانة أنا لما ألحين مستمرة، لأني صج و أكررها ، أحب كل من يزورني و يقرا و يعلق من قلب .

أضحك من قلبي و قاعد يعطيني دافع إنني أدور المواضيع البسيطة و إللي إتمس الناس، لأنا بهالمجتمع الكويتي ، صار الواحد ماله خلق يسمع أو يشارك .

فأعتبر البلوق مرآه لمجموعة ناضجة تقرا و إتناقش

الله يعطيكم الصحة والعافية يا رب

و أشكر الدكتور لأنه ألهمني بكتابة موضوعي

48 comments:

tweety said...

ما عليج من احد
في ناس ما يحبون النت خير شر من جذي ما يتفاعلون مع مواضيع البلوق
انا معاج ان نختلف في اسباب كتابتنا في البلوق واساليبنا
بس ترى كلنا نتفق على شي واحد ان في البلوق فشة خلق والواحد يقول اللي يبيه بدون قيود ولا حدود

tweety said...

انا حبيت أتاكد اول اني اول تعليق عشان مايصير فيني مثل ذيج المرة عند مشاري لوووول
يعني الحين أقدر أيبب على راحتي

قولولولولولولولولولولولوللووللولولش

يرجى الانتباه : أولوية المرور لصاحب أول تعليق
:p

The Simper said...

eseer aboog ta3leeq a7ad:

i will steal ta3leeq TWEETY ;)

saweetla copy paste :P nafs el kalam eli fakkart feeh.. ehya mashala ektibat kil shay.. thank u tweety ;)

ما عليج من احد
في ناس ما يحبون النت خير شر من جذي ما يتفاعلون مع مواضيع البلوق
انا معاج ان نختلف في اسباب كتابتنا في البلوق واساليبنا
بس ترى كلنا نتفق على شي واحد ان في البلوق فشة خلق والواحد يقول اللي يبيه بدون قيود ولا حدود

love nature said...

i agree with them ma3alaich and ur not talking about urself bes .. we all experience the things ur talking about ...Keep it up dear :)

Mamloo7a Q8ia said...

اليوم يوم الاصدقاء الصدوقين العالمي
قريت بوست سالفة قلب كا ن عن الصديقه وانا كاتيه بوست عن الصديقه الصدوقه
صج القلوب شواهد على قولة سالفة قلب

شوفي يا رئيسةهيئة الدفاع عن مملوحه كويتيه لا يهمج احد وسوي اللي تشوفينه صح وانتي مرتاحه له
لو الانسان بيشوف شنو يبون الناس راح وايد يتعب
المهم اقتناعج اولا وما يضر انج تاخذين اراء اصدقائج المخلصين يعني اكثر من راي وبعدين اذا الشي مو غلط تستمرين فيه
والواضيع اللي تكتبينها تناقش اشياء قريبه منا والبعض منا مر في مثلها وبالعكس انا اشوفها مواضيع قريبه للقلب ومنها استفاده
يالغاليه استمري وعساج ما توقفين من شر والله لا يحرمنا من بوستاتج ولا هالمواضيع الحلوه

Fuzzy said...

اي نبي تكتبين وصفات طبخ وشنو فطوركم وسحوركم بسنا هاهاها بسنا اكللللللل

Fuzzy said...

tweety

اول وحده تعلقين شنو ناطره عند دريشة ريما تراقبينها وهي تكتب البوست هاهاها

Cr8ivia said...

كل انسان له رابه و وجهة نظره ..
لكن اللي اشوفه عكس راي الدكتور ..
e3jebatni e-life

tawni ala7eth shay laish blogich yimen :S

سالفة قلب said...

تدرين ريما بلوقج وايد فيه احاسيس

وايد ألاقي فيه مشاعر تعكس شخصيتج

اللي شفت فيها انسانة حيييييييل طيبة

لأبعد الحدود وروح فيها حب كبير( موقاعده اجاملج والله) بس فعلا هذا اللي شفته وحسيته

كل انسان له هدف لما دخل هذا العالم

وعلى اساس هدفه يكتب

انتي هدفج شنو؟؟ هذا اللي يحدد كتاباتج

وعموما كل انسان مسؤل عن كتاباته

واهو نفسه يقرر شنو اللي يضره منها وشنو اللي مايضره

تحياتي لج

فعلا استمتعت بوجودكم

Princess said...

حبيييبتي ريما .. كل واحد حر بكتاباته و البلوق هو مكان الواحد يعبر عن اللي بداخله .. الزبده مواضيعج كلها تينن وايد .. و الصراحه اندمج فيها و ما اشوف فيها شي . . و حلو ان الواحد يكتب عن مواقف تصير له و مواضيع تمر عليه .. و خو مواضيعج ما يبييله اتعققققققققققققد :*

albandry said...

انا دايما اقول انه بلوقي اهوا اليوا بتاعي
ارتاح لمن اكتب بوست واشوف التعلييق
واضحك عالخف طينة
ويوميا زيارات لربعي البلوقرز واعلق عندهم
يعني مقضية وقتي
دون تعدي حدودي
شدعوة التعلييق كلن يقراه لا يخدش حياء ولا فيه تغزل ولا ترقييم
امي ضد فكرة البلوق ودايما تقول هذا اول المشوار وديري بالج
وانا اقول عندي خطوط حمرا ما اتعداها
ودام اني محد يعرفني
وهذا الهدف الاساسي للبلوق
خل اقول اللي بقلبي دون تردد او خوف
وفي احد من ربعنا البلوقرز انكشفت هويته عند اصحابه فعلى قولته انتفى السبب من البلوق وسحب عمره
http://freeq8.blogspot.com/

ريييممااا
خذي راحتج وابحري في عالم المدونات ترانا ما نستغني

albandry said...

اليوا
=
اليوغا

مشتطة عفوا

http://www.q8geek.com said...

شي جميل ان الواحد يكتب عن موضوع صادفه بحياته اليومية ويشوف ردود المدونين عليه لكن يبقى للشخص بعض الخصوصية له في حياته مايحب احد انه يطلع عليها


وترى نشر الغسيل كله ينشف :)

Яeema said...

tweety
والله صاجة فشة خلق و تحلطم علي الوضع

-----

هههههههههههههههههههههههه
هههههههههههههههههههههه
وياج ويااااج
قللللوووووووووووووووووش

أويييييييييييييييحااااااااا
يا زين توييتي زيناه
أوييييحااااااااااااا
الله لا يحرمنا منها يا رب و من يببابها

أويييييحاااااااااااا يا حلاتها و إهيا داشة بأول تعليييق
والسامع يقول أميييييييييين
ققلللوووووووووووووووووووووووووووووووووششششششششششششششششش




the simper


same like the above

hehehehehehhe
ye9eeer ye9eeeeeer

kel hatha kesaaaal malik khelg you type !
loooooooooooooooooool

كل من أكلات كيتي
شكلك مثقل عالسحور

Яeema said...

love natural

thanks sweety, as i write in my post , the blogers my friend they are why i am here .

Яeema said...

mamloo7a q8ia
والله بالله إنتي من الناس إللي حبيتج و لا تسإلين إشلون و ما أعرف إيييش
عادتا ما أتدخل بالكومنت ، بس حسييييت إن إنضغطتي و ما أدري لييش لأنج يدية و أنا محد دافع عني يوم كان ما عندي لسان فأخذت هالمنصب عنج
هاهاهاهاهاهاهاهاها



المشكلة بمجتمعنا الصح و الغلط شي نسبي و يختلف من شخص ليه شخص
ما أدري أنا ما أذكر قلت حق شخص هذا صح و هذا غلط، إذا يبي راي أووكيي أقوله بس إن كل ما يشوفني يقوللي ما يصير





fuzzy

أول شي أنا حدي أأمن بالتخصصات و الطبخ تخصص الطباخ


أوومن بالمقولة
أنا آكل لأعيش ، ولا أعيش لآكل


الحمدالله عسارة إتخف برمضان و أول أهتماماتي القهوة



و بسك مداحر ويا البنات ، صج صايم ، و إذكر ربك حظها حلو تكون أول وحدة


صج الرزاق بالسما والحاسد بلأرض
:p

Яeema said...

Cr8ivia

أنا راي وياج بعد ، أحس صج في فرق بين الحياة الصجية و الحيات الإلكترونية

إللي ينقال بالنت ما المفروض ينقال بالصج





سالفة قلب

أحب أولا أشكر إستضافتج لنا و إللي حسييييت من داخل قلبي إني قمت من مقعد و قلبي خفيف و مستانس ، ما يبنا سيرة أحد و مجلس ذكر طيب ، الله يهنيج بطبعج و فعلا يا بخت عين والدينج و أهلج فيج يا رب

و ترا إحنا إللي حشيينه فيييج وايد و قعدنا إنقول إن نوعج من الناس فعلا صعب الواحد يشوفها بهالزمن



ترا ما أعرف أرد بكلام طيب نفسج فعذريني

و
باستتج لذيذة تسلم إييدج
:)

بضيع السالفة لأن إستحيت


-----------
هدفي عارفته عدل عدل

أولا تجاربي بهالدنيا أبي الناس تستفيد منها


ملاحظاتي أحب إن الناس تطلع عليها ) إللي إنسمييه تحلطم بالكويتي


و طبعا فش الخلق علي قولتهم إللي يكون هدفة الأساسي التفريغ من هموم الحياة

و ساعات أحب أتذكر الماضي ، لأن جزء لا يتجزأ من شخصيتي

Яeema said...

princess


حبيت قلب والله إنتي

مو ساعات الواحد يكون بغفلة و يحس إن محتاج تأكيد إن قاعد يسويه مو غلط ، لأن إنني إنشوفه صح و ما فيه شي ، يشوفونه ناس وايد جريمة




albandery


تشبيه بليغ حدا اليوغا

يازتلي الكلمة


مثل ما قلت حق المعلقين إللي فوق إن بس بتأكد إني مو قاعدة أسوي شي غلط و الحمدالله ثبتلي هالشي و هذا يريحني لما أكتب

حبيبت قلبي و الله فاقدينج هاليومين و مريتج و أثرى لاهيه بالمسلسل ، شفته أمس و تذكرتج هاهاهاهاهاها

دبي 12:30 أعتقد

Яeema said...

q8geek

يمكن صادفني و يمكن لأ من يدري

;)


والحمد الله ما أنشر غسيلي أنا أوديييه اللوندري

:p

Raed said...

لكل منكما وجهة نظر, أتفهمها لكن ما لفت نظري هو ما ذكرت :


" لأني علي قناعة إنا المواضيع السياسية والجادة حيل ما إتأثر وايد بسبب إن إحنا مو أصحاب القرار فيها.فا يا كلامك يأثر ، يا دورلك شي ثاني تقوله"

تحية طيبة و واصلي ما طاب لك ذلك

mishari said...

هياااااااااا انا التعليق رقم 21
:p

بس شوفى خل اقولج المدونات صارت بديلة لعالم الجات وخل نكون واقعين بس الفكرة انها ارتقت بالمواضيع يعنى صار فى قضية تناقش وامور تنطرح وبالعكس احسها ارتقت بالتفكير وارتقت بمعلومات وايد اصلا فى اشياء ما عرفتها الا من المدونات

مع احترامى لوجهة نظر الشخص صديقج بس لكن الرجل صاحب الفكرة او الطرح يقدر يحصل من خلال الكمبيوتر اكثر من طريقة علشان يطرح افكاره ويشوف قبولها عند الناس واللى يبى يخش اسمه اتوقع يخشه خايف من المجتمع بس لان هذى عقلية مجتمعنا

على طارى المواضيع السياسية ريما انا واحد من الناس اكتب مواضيع سياسية وبكثرة يمكن وما اكتبها لتغيير الموقف او التأثير على احد لكن اكتبها علشان اشوف مدى تقبل الناس حق هالافكار او هل انا اطالع الموضوع هذا بوجهة نظرى والناس مختلفين عنى والا لا ؟
:)
قووووود ناااااااااخت

Nescafé said...

ريما انا اشوف البلوق المكان الوحيد اللي يعكس شخصية الشخص باحترام ورقي وتبادل افكار بين الاخرين
كل بلوق له طابع معين، بس انا وكثير غيري يفضلون البلوقات اللي يكون فيها تغيير بالمواضيع والطرح والافكار
فـ بلوقج اجتمعت فيه الاشياء هاذي كلها.. مو مجامله بس جد مشالله عليج كل مره ادش القى شي يديد عندج وباسلوب او فكرة حتى لو كانت بسيطة بس متميزه فيها.. والدليل ان بلوقج مشالله وايد ناس عارفته وحابته وتحرص انها تعلق بشكل مستمر.. وانا منهم
^_^

علشان جذي اقولج واصلي بهالشكل، لان احنا عرفناج جذي وتقبلناج جذي وراح نظل نتقبل مواضيعج ونستانس منها .. وعساج عالقوه :)

sarah said...

مرحبا ريما
:)
فعلا البلوق صار متنفس لنا
واذا كان هذا الصديق اقتراحه بأن تكتبين مواضيع عامة
فاعتقد ان الجرايد هي انسب مكان للنشر مو المدونة
لأن حلاتها تحمل من روح شخصية صاحبها
وتفكيره وأرائه
بالعكس
المدونة هي المكان اللي نكتب فيه بلا قيود او تحفظات
:)
تحياتي

عبــدالله الظفــيري said...

شلووونج ريما الغاليه ؟؟
ما راح اقول اي شي بس ابي اذكرج بتعليقج على موضوع عندي بالبلوغ يومها قلتيلي مو لازم الموضوع يعجب الناس المهم انا عاجبني وابي اكتبه

PearL said...

كل واحد يسوي اللي اهوه مقتنع فيه
في ناس تحب تسولف عن نفسها وايد
وفي ناس تسولف عن كل شي الا نفسها

وهالشي اهوه اللي يميز البلوقات
يعني تخيلي كل البلوغات يتكلمون عن مشاكلهم ؟؟
ماكو شي يقث اكثر من جذي

حلو التنويع
واهم شي حلو الاقتناع باللي انتي تسوينه

بس بلوقج عسل عسل عسل
لا تغيرين

7osen said...

انا حبيت اقولج ان كتاباتج وايد مهمه
ودائما المواضيع اللى تتكلمين فيها تكون تخص اغلب الناس والكل يحس فيها ويشارك فيها

والانسان يحتاج يسمع رأي الجماعه وهنيه بعالم البلوقات تقدر تسمع اكبر قدر من الاراء

الصراحه غريبه ان دكتور يقولج جذي


وبعد حبيت اقولج ان الطريقه اللى تكتبين فيها وايد مميزه

اللغه اللى تكتبين فيها وايد سهله وسلسه واول ماتقرا اول كلمه ما تشعر الى مخلص البوست ما تحس بأي ملل او كلمات مالها داعي

فعلا هذي الحقيقه مو مجامله

استمري والى الامام :-)

Warda said...

dont stop posting :) I LOVE YOUR BLOG :) oo ma7ad 3alaih min a7ad oo entay ketbay 3ala ra7tich you're not doing anything wrong :)

lawyer said...

حبيبه قلبي ريما
القافله تسير يا امي

و ثاني شي انا دايما اقولج في ناس ما اتحب الناجحين و يغارون منهم


انا هذا كله ما يهمني انتي عارفه رده فعلي من الموضوع قبل لا تحطين البوست
انا داااااااااااااشه
اتهااااااااااوش



شنووووووووووو هذا اتحريني يعني
اتحريني !! صصح

كل يوم بنر يديد و كشششششششششخه
!!!!!!!!!!!!!!!

خووووووووو ترا البنر شروووووكه
مو اتحطينهم كلهم و اتخلينااااااااا
احنا


ولييييييييييين شالحاله صج لي قالو العلم نور


برب برووح حولي احط بنر يديد
اكششششششخ عليج فيه

Яeema said...

raed
أولا أحب أرحب فيك ، لأنها زيارتك الأولي

كلامك عدل إختلاف وجهات نظر

و إنشاء الله كلامك الحلو هو الدافع لمواصلة الكتابة


و تحياتي لك




mishari

تعريف أن المدونة إمتداد للشات فأنا أختلف وياك

إللي يصير بالشات يختلف تماما
لأنا ما إنطأ حنك إهني

لنا هدف من الكتابة
و أهوا التعبير عن روحك الخفية

;)

بالإضافة أن الكاتب فيها يكون هو المسيطر علي الموضوع و لا يخرج عن نطاق هالموضوع بالذات



هي أقرب إلي المنتديات أو الدواوين إللي عندنا



--------------------
النقطة الثانية أنا وياك
نحتاج إن فكرنا يوصل و هذا المطلوب

و خصوصا إحنا البنات إللي عندنا لما ألحين عيب إن إسم البنت ينشر و يتداول بين الناس


بإسم العادات والتقاليد

------------------------

أما المواضيع السياسية

وجهة نظر و أحترمها




إنت شطاري عليك لغات هالأيام
بونجووورنووو و قوود ناخت

داخل خدمة مجتمع؟

Яeema said...

nescafe
ما أختلف وياج بالنسبة لنقطة إن مكان جدا محترم

حتي إللي يعيلوون محكومة تحركاتهم



و عن كلامج الباقي أحرجتيني و فعلا فعلا فرحانة من كل قلبي لما أشوف في ناس إتحب بلوقي


حبيبت قلبي الله لا يحرمني منكم



sarah
هذا الكلام إللي قلته
الحرية بالطرح و بلا قيود

لا حسيب ولا رقيب إلا الشخص صاحب المدونة

lawyer said...

BooooooooooooooooMMMmm

Яeema said...

عبدالله الظفيري

أولا الحمد الله علي سلامة الغالية


ثانيا
هذا إللي يميز البلوق بينهم وبين بعض

بصمتهم الشخصية

الروح


ونشبتك
هاهاهاهاها

و مشكور إنك أضفتني من ضمن أصدقائك



pearl
حبيبت قلبي إنتي

كلامج علي عيني و راسي والله

إييي الحنة و الرنة الله يبعدنا عنها

الشكوي لغير الله مذلة

Яeema said...

7osen
أحب أشكرك علي إطرائك الجميل

و بالنسبة لصديقي فهذا رايه ومحترمته و لكن ما راح يأثر علي لأني مؤمنة بالرسالة إللي قاعدة أاديها


مواضيعي تجعل الناس تتكلم عن إللي بداخلها بحرية

و إتفضفض

و هذا إللي لاحظته


والله كلماتك ما أحن إن فيها مجاملة لأنك ما إتعرفني

فأحسها صادقة و هذا يفرحني كثيييير




warda
my dearest :)

thank you very much for your lovely words :)

Яeema said...

lawyer !!!!!


hehehehehehehheheheehe

بسم الله الرحمن الرحيم


إنشاء الله إنشاء الله أتفرغ حق بلوقج و بلوق كيتي لما أتمكن من البرنامج



enter-q8 ga3id yesawely el banner

الله يعطيه الصحة و العافية

داااز إيميل يقوللي شيلي قشج


مو عاجبة شغلي

هاهاهاهاهاهاها

عط الخباز خبزة لو كلا نصه


عطيت الحمل بما جمل للجرافيكس حق أخوي بو وليد

shaikhoona said...

I love you 2 ;)

Oxygen said...

متابع قديم لمدونتك بس اول مره اعلق .... مدونتك حلوه وممتعه و خفيفه على القلب... يمكن لاني احس اني من نفس جيلك يمكن اكبر شوي.

اما فيما يتعلق بالموضوع برأيي كل واحد عنده اهتمامات وطالما ان قادر يوفق ما بين مسؤولياته وهذه الاهتمامات او طالما ان مستمتع فيها فماله شغل ياللي ينقال. بس حسيت من اللي كتبتيه ان التعليق جاء من واحد كان يهمك رأيه او انصدمتي لما عرفتي رأيه.

شغله ثانيه .... تعتقدين ان المدونه فعلا تعكس واقع المدون وشخصيته ... ما ادري ليش بس احس ان كثير من المدونين لا تنعكس شخصياتهم الحقيقيه بمدوناتهم او يمكن اكون غلطان.... والسلام ختام ... وأسف على الاطاله

Charisma said...

اول شى لوير

لووووووووووووووووووووول
لووووووووووووووووووول
اى والله وعليه علينه اخذينى حولى معاج خن نتشيحط عليها اشوى
لوووول
ما ادرى شفينه انا وانتى لازم ناخذ دوره مى حاله هذى

ريمه :

هههههههههه ممكن تعطينه كورس انا ولوير لان والله زحمه حولى وانت عارفه الوضع بالشوارع بولى يسلمج لفينه فى بيتج وعلمينه وله حياكم الله عندى بس علميينه ولا نتشحطط بحولى
بلييييييييييييييييز

وعلى موضوعج
كلامج اينن وانا معاج بكل كلمه
وفعلا انا ادش البلوق واتمشى من بلوق لى بلوق
جنى بالضبط داشه فريجنه وادش بيت بيت
والله الفه وتواصل ومعرفه وضحك وسوالف وشى يشرح الصدر نطلع من البلوق مستانسين
والصراحه مستوى راقى وناس محترمين ولا تطلع العيبه منهم
مكان نضيف الصراحه

ما عليج منه وانا قتلج من قبل سوى الى يعجبج وكتبى الى تحسينه وتبين تقولينه
وكلن عقله براسه
محنه يهال
نعرف الى ينقال والى ما ينقال
:)

tweety said...

the simper
افا عليك عزيز وغالي
ليش تبوق التعليق اعطيك اياه بلاش وان بغيت اعلق عني وعنك هم ماعندي مانع :P
كل هذا بركات التعليق الاول لووول

reema
حبيبتي والله مشكورة على هاليباب والتشجيع محد ياخذ لي حقي من عبدالعال وحسب الله ( وهم عارفين نفسهم طبعا) اللي دايما يطفروني غيرج
لج مني كل يوم اتفطر وايي احل اول وحدة :p

Mamloo7a Q8ia said...

حبتج العافيه يالغاليه
والشكر كل الشكر لشعورج النبيل
والله لا يحرمني من دفاعج عني ويخليج ذخر لي
حبيبتي انا لا يمكن ان اعلق على اي شيء اذا ما انطلب مني رأيي ولكن انا بعد اذا كنت واثقه من اللي اسويه ما يهمني اي رأي ينقال عني

ReLaaaX said...

اول شي خل اقولج ليش انا داشه عشان تعرفين اهمية بلوقج ;)


والله إني داشه ولهت عليج وعلى سوالفج


فقلت خنشوف جديد ريما ^_^





وكل واحد ووجهة نظره .. كونه اهوا يشوف ان البلوق لازم يكون غامض!؟ هاذا شي راجع له




واذا بالبلوق اصير رسميه !!!؟ ليش اصلا اسوي لي بلوق ؟!!!؟ الله يعافي المنتديات




مادري صراحه ماأأيده كلش ملش




وبالنسبة لي اشوف البلوق بيتي الثالث


لأن المسنجر بيتي الثاني ;p

adlaali said...

ريما العزيزة تري مو كل الشباب مثل صديقك الدكتور اعتقد انه يحب يعيش بالظل مثله مثل كل رجل شرقي ما يحبون النور.
انا من قراءتي للبلوقز شفت ان البنات اجراء وايد من الشباب لانهم واضحين وما يعيشون بزدوجية بشخصيتهم ( طبعا ما اقدر اعمم)
المهم كملي اختي ريم يومياتك لانها مثل نسيم الليل البارد الي يريح النفس من عناء التعب.

Яeema said...

shaikhoona
الحمد الله علي سلامتج و ربي يحفظ ولدج يا رب

and i love you too ;)


oxygen
أحب إني أرحب فيك لزيارتك الأولي كمعلق


من ناحية إنصدمت فما إنصدمت
لأنه كان من الرافضين من البداية إني أكتب جزء من يومياتي
بديت وياه بالإنجليزي فكان وقعها عليه أخف ، بس يوم شاف إني قمت أكتب بالعربي و مستمرة فتفاجأ إني ما مليت و هالشي قام ياخذ من وقت الشات يمكن

لأني أدمنت علي المعلومة
و صار عندي بدون وعي

شغف القراءة و الخيال




أما إنعكاس المدونات علي أصحابها
ما كان يهمني كثر ما يهمني 2 بالبلوق


المعلومة
و إهتمام صاحب المدونة فينا كقراء

في مدونين خف طينة و يجابلونك
و حبيبين و محترمنين ودك فعلا ما إتخسرهم كأصدقاء إلكترونيين من ورا الشاشات


و آسفة علي الإطالة
:/

i have to replay in this way and i am happy to do so ;)

Яeema said...

kitty

hehehehehehhehehehe
السؤال من أوافق أعطيكم دورة و إلا لأ

السؤال لكم خلق تتعلمووون؟

:p

يبيلها دورة كمبيوتر
بعدين دورة بلوق

و بعدييييييييييييييييييييييييين
photoshop

حاضر إشوراي


و إشبتسلووون بالتوكيل العام إللي عطيتوني إياه لمباشرة بلوقاتكم؟


--------------
ههههههههههههههههههه

إنشاء الله حبيبت قلبي ، ترا صارله من مدة يحن و يقول راس يابس جذيه ما شفت
هاهاهاهاها

يدري إني أعاند و يمكن أبدع إذا أحد قاللي
لأ

أهم شي بديت أتعلم إشلون أغير واجهة البلوق

يعني حالتي صعبة الحين

و بعد هالبوست و أشوف حبايب قلبي يقولوللي قوووووو 4 إتتتتتت


مو ماله أمل ، يتروالي بلوك و ديلييت أنا الحين





tweety
واااااي منو إللي يطفرج غير مشاري؟

قوليلي و أنا أفضاله
ضغاااااط لييييه ما إتقوليلي بس

و أيمع العصابة عليه بعد

مو صارلنا باااااع طويل إهني

هههههههههه
إعجبتني كلمة باااااع

أفا عليج بعطيج ساعة الصفر لنزول البوستات

أقولج قبلها بيومين


و بتكون البوستات عشوائيه
تمويييييه

Яeema said...

mamloo7a q8ia
ممكن أقولج شهادة بحقج

إنتي من الناس إللي إنتكلم عنهم برة ويا صاحباتي و إنقول شوووفي القلوب شواهد

فرضتي نفسج بكل الحب علينا
و حشيييينا بالزين فيييج و يحليلها و يحلوها و إتينن
و يمكن ما صارلج مدة بالبلوق

بس كلنا حبيناج و إنحب إنزور بلوقج
و دفاعي عنج سببه إن أحسج قريبة منا

جني أعرفج من زمان

الله يوفقج و يهنيج بحياتج يا رب

و لا يحرمنا من معلوماتج القيمة و المفيدة


relaax
حبيبة قلبي و الله
الله لا يحرمني من زيارتج و أشوفج بخير دايما



أنا مثلج أحس المسنجر بيتي الثاني و تعلمت منه الكثير الكثير


البلوق بدا ياخذ من وقت المسنجر
يمكن لأني بديت ألقي نفسي فيه أكثر بحكم سني و الوقت



adlaali

اللللللللللله علي وصفك و الله إني إشتهيييت أقرا بلوقي من يديد

قالت البندري وصف حلو
البلوق كأنه رياضة اليوغا

تفريغ للطاقات


وصفك صحيح ، الإنسان الشرقي يكره الوضوع و إستقلالية المرأة في الكتابة

لييييش؟
سألت هالسؤال للرجل

أقول الرجل لأني سألت كذا رجل


الرجل ما يبي إن المرأه تتكلم عن إللي فيها للعلن بسبب أن ما يقال عن جمال المرأة بحيائها

ثانيا
الغيرة من النجاح و حب الناس لها

لأن الرجل يحس أن المرأه ملكه بأفكارها و حنانها و إهتمامها له

و متي ما بدأ يفقد هالشي
يبدأ الهجوم

;)

the problem is :
we know this fact

;)

bo9ali7 said...

عاد البلوق اللي محد له الحق ان يشره على العالم باللي يكتبونه فيه..
مالج شغل باحد..كملي مشوارج

cozy said...

mashallah 3alaaam 3edeech rabena ezeed webarek how r u sis eshloonech ma3a ramathan i hope ur family kelhom ok enshallah ...i think elee 3enda blog or ana shakhseeyan elee ehemnee ena a6ale3 elee feenee hatha awal shay weshay el thanee yemken lelmoharaka bs bel daraja elowla enee agool elee 3endee o yemken ma negdar engoola bara so who cares what ppl think ! ana shakhseya a7terem kel post ketabteeh enkan bsee6 or mohem felnehaya entay katbeta ya3nee akeed ya3neelech shay o salamtech :P

Bed0uin said...

Reema: ولو اني قريت الموضوع متأخر لكن احتريييييت صراحه!! ما احب جذي!! واصلا شنو الغلط في الموضووووووووع!!! وليش اصلا مسسوييين بلوق؟؟؟ كل واحد فينا حاط بلوق يكتب اللي يريحه سواء عن السياسه عن الدين او حتي عن حياته الخاااااصه ... كل واحد واللي يريحه وشنو يبببيييه!!! والناس تتفاعل معااااه وهذا شي جميــــــل لما يكون تفاعل ... لان احنا يا الانسان اكووو وايد شغلات يخشها بقلبه وما يقدر يعبر عنها الا بالكتابه وهذا هو المخرج مالنا ،،، والا جان ننفجر ،، وبالعكسسسسسسسسسس ووايد احب كتاباتج ولو اني ما اعلق وايد لكن ما يمنع اني مستمتعه صراحه... ومالا داعي اصلا يقووولج جذي وليششش قالج جذي هل اهو يشوووف هالشي غلط؟ وهل سألتييه ليش؟؟ شيللي تغير؟ والا الواحد مع الكبر تتغير طريقة افكاره؟؟ والا شلسالفه؟؟ صراحه كلش مالا داعي يعني ..وايد وايد مالا داعي =P ههههههههه

انسان said...

أختي الفاضلة ريما
وجهة نظر الدكتور منتشره وايد في مجتمعنا الكويتي احنا نحب نغطي كل شي في حياتنا حتى الاشياء البسيطة
اتصور الشي هذا مرتبط في تفكيرنا وثقافتنا الي وايد متحفظة ومقدية احيانا زيادة عن اللزوم
الموضوع هذا محتاج كلام وايد بس للاسف انا الحين بالدوام وعندي اجتماع ولازم اروحله وان شاء الله للحديث بقية