Wednesday, October 18, 2006

story from the cashier!



آخر أيام رمضان و الله يعودها علينا بالصحة والعافية ، هالأيام قاعدة أتفرفر بالسوق، أغراض البيت و تفتيحة الشتا و العيد و إللي ناقصة دلاق و إللي تبي ليققنج( حارني ماني لاقيه قياس بنتي ويا عصاقيلها) ، المهم لاحظت ظاهرة غريبة عجيبة؟

ماكو إحترام حق إللي قاعد يشتري، إشلون؟

دخلت محل المفروض إللي يشترون منه يعرفون السنع، إشلون؟ البدلات ملوت اليهال من الستين و فووق !

قاعدة أشتري معناها راعي الكاشير قاعد يحسب فلوس مو لعب، و حق 3 يهال، يعني ضربوهم ب2 و 3 ، غير إن البنت خرابيطها وايد و لويه و جنطة!

مسكين ألف مرة يجيك علي القطع إذا ناقصة و إلا لأ، و الإخت تلبح علي راسه، في من هالقياس؟ و يحقر ، أقووووووووول إنتتت، ليييش ما إترد !! أبي أشتري أنا!!!

( طبعا أنا مالكم أمل أدخل بهالحوار إللي ما أقبض وراه إلا قلت الحشيمة، لأن إللي ما يستحي و يتعدي علي دور الغير ، فالله بالخير بالعقلية)

المهم أهوا تدارك الموقف، و قاللي ممكن أستأذن منك إشوي علي ما الكرت يخلص؟

البياع لبناني، فكان قمة بالذرابة ، وراح شافها إشتبي.

خلاها و ردلي عشان يغلف لهدوم ، فدخل إشوي داخل عشان إييب جييييس يحط فيه لهدوم .

و إلا الأخت أعصاب! ويييينك إنت ! أنا بشتري!

جان يقول البياع: إهدي إشوي مدام ، خليني أخلص إللي بيدي؟

و جان تردحله، إنت ما إتعرف أنا منو؟

البياع: ما خصني إنتي ميييين ، إنتي هووون زبونة حالك حال الزباين البائيه!

الأخت: لا أنا يايه أشتري بمبالغ، لازم إتعاملني غييير

البياع: شوووفي إختي، يا إما تعدي بحترامك و إلا يالله علي الباب!

أنا إهنييييييي ، بلمت! أووووخ طردها! إشسوت عليها الحين لسانها الطويل هذا !

المرا إنطردت و أنا واقفة ، طبعا بيني و بين نفسي مستانسه لأن الله خذا بحقي!

من أول ما إدخلت و إهيا تلبح ! جنه محد شاري إلا إهيا !

الموقف الثاني: at mother care

المحل معروف إن ما يغلف هدايا غير تغليفة المحل، و أنا شاريه حق عيالي بجامات و إهدوم بيت و يعني فيها 20 قطعة؟

و قاعدة أحاسب على الكاشير، و الفليبينيات إبروحهم مدودهين و قاعدة إتفك القطعة مالت جهاز الإنذار ، و إتييلكم ذيييم المرا و يا بناتها صغار و صراخ عليهم يممممي ، لا تلمسين هذا و بسج تعبث !

( أنا : لا حلو ولا قوة الله بالله موعودة فيهم و إلا إشلون – الساعة 3:30 الظهر إشيايبهم من المدرسة ليه السوق ! )

الحرمة: أقووووووول ، عندج علبه هدايا حق إللي شريته؟

( طبعا و لا جنه في وحدة واقفه قاعدة إتحاسب و قش لهدوم علي الطاولة و يبيله تركيز لا إتغلط بالقطعة و ما إتحطها و إلا إتحاسب عليها مرتين ! )

خلصت البياعة نص إللي بيدها و عطتها العلبة و إطلعت العلبة أصغر من الحجم إللي تبيه .

الأخت مرة ثانيه: شنووووو هذااااا إللي إهناك أكبر من هذييي و بلا وبلا و بلا إتحلطم علي عليها

الفليبينيات أمهات إطران! جان إتقوم إتحقرها !

و هذيييك إتحلطم !

جان إتقولها البياعة : قوووووووووووو ذيييييييييييييير!

علي شكل زفة

تخيلوا الموقف إللي أنا في ، طبعا هم إستانست إنها زفتها و طخت عن هاللويه الله يهداها !

إللي بفهمه؟ وييين الإحترام ؟ ليييش ماكو محسوبيات مثل أول ، و ليييش عبالهم إن إحنا ميخالف ننطر و أهما لأ و أهما إللي مستعيلين ووراهم شغل و إحنا بالطقاق !

بالمرتين أنا ساكته ، بس ليييه متي هالجهل في مجتمعنا !

والله شي يحر

27 comments:

LonDonY said...

مادري اهي قـلـّــت ذوووق ولا قـل سنع


بس الحمدلله .. الله برد جبددج فيهمممم بدون ولا كلمة منج

MuLaN said...

zeen sawo fehom yabelhom dars fel'atiket =P

الحجيه said...

السلام عليكم جميعا

كلامج عدل وايد نشوف هال نوعيه بالسوق مع الأسف لا ذوق ولا أخلاق ولا أحساس المشكلة يتجاهلون الشخص الي سابقهم والي له حق الأولوية و يزعلون لو أن البياع تجاهلهم وهذا المفروض يصير لهم بسبب قلت ذوقهم والمصيبة مافي ذرة خجل او حياء ما ادري شصار بالديره شنو نوعيه هال عالم من وين يونا أشكال وارناج غريبة عنه
السؤال أهني شنو الحل ؟ هذول ان كلمتهم يكهربون
مره كنت بشرق صوب محلات العاب اليهال كنت بطلع ووحده توها واقفه بسياراتها بس قتلها لو سمحتي بطلع لأنها كانت مسكره علي ما بقيت ألا عمري أهي تخانق وأنا مو مستوعبه من الصدمة ما عرفت شقول بس هزيت راسي وحركت السيارة لين وخرت ما ادري من أي بيئة طالعين بحياتي ما شفت مثل هل أشكال ربي يكافينا شرهم ويصلهم لنفسهم ويهديهم .

Kwaitiyya said...

موضوعج زين حق هالأيام
حتى بالصالونات ! تخيلي انتي بعز التسريحه وإلا هاللي مرتزة فوق راسج قصب تبي نفس شعرج! أو تبي هذي تهد راسج وتجابل راسها !

ولا اللي تكونين ناطره سيارة صارلج 10 دقايق واقفة تنطرينهم يطلعون عشان تاخذين مسفطهم ! ماتشوفين إلا هاللي يــايه على أولها وداشه بمسفطج ! وإن دقيتي لها هرن عطتج النظرة اللي نعم؟؟ شتبين؟؟ وتحقر وتمشي

هذا من قل التربيه وعدم إحترام الغير
هذوله ما عندهم احترام لا حق أهلهم ولا رياييلهم ولا يعبرون أحد اللهم ياكافي

myth said...

التربيه تفرق من بيت الى بيت ثاني.. فـ عادي الي تشوفينه، الي ما تربى و اهو صغير انه يحترم الغير صعب يتغير على كبر..

Charisma said...

اى وايد تصير معاى
فى كل مكان الحمدالله والشكر
انا اقولج يرد على اصل الوحده وسنعها
هيلق

انا اذا صادفت هالاشكال ما اتكلم اصدقين اطالع وابتسم تلاقينها تفشل ومرات لا والله لا حياة لمن تنادى
فاحشم نفسى احسن

جمعيه ومستوصف وسوق
حتى معاملات البنك
شى ينرفز

وتدرين شلى يحرنى اكثر

هالمحلات الى تدرى ان عليها ضغط ليش ماكو موظفين الا واحد ولا اثنين ؟؟

يعنى هذا المحل الى رحتيله نفس الموقف مريت فيه
راح وقتى بس ادور احد يجابلنىىىى

وماذير كير العن والعن
اششكبره ماكو موظفيييييييييين
حدى اتنرفزززززززز
ليشش جذىىى

تعودينه يا حبيبتى وكل عام وانت بخير يا رب

Princess said...

والله حاااسه فيج حبيبتي ريما
في ناااس هيلق ما تعرف السنع و لا الاصول

و في ناس عبالهم باللسان كل شي يصير

انا نفسج لما يصير موقف جدامي احقر
لانهم مو مال تنزليين مستواج لهم

ما اقوول الا الله كريم

حسام بن ضرار said...

أقول ياشييييييييييييييييييييييين
هاللي يتسلطون على البياعين وهم يخلصون شغل الآدمي

هالسالفه اكثر ما اشوفها هني بالكويت

من الحسد والبلاسه عند الاوادم
حاسدين الواحد على ربع دقيقه بس يشوفون البياع معاه تسلطوا


ناس ماتستحي على ويهها

kuwaitia said...

والله صج كلامج ياريما وايد نشوف ناس جذى ولا جنه الي جدامهم ادمى جنه بس اهم الاوادم عيب والله عيب والي يحرنى اكثر انج تكونين صافه بالدور عند الكاشير واتيي وحده على جنب وبتحاسب قبلج يسلالالالالالام شالسالفه شنو احنا جدامج صج قلة ادب وذوق

حسام بن ضرار said...

نسيت اسجل اعجابي بموقف البياع اللبناني والبياعه الفليبينية


هالانواع من الزباين مثل الزولية
ما تتعدل إلا بالدوس

Princess said...

ريما نسيت اعلق عالصورة العجييييييييبه مالت هالبوست

mishari said...

انا اول شى اقول كل واحد قليل ادب يستاهل التجعم
وبعدين
انتى من صجج والا تتغشرمين
اول شى المحلات الحين صارت كلها ما فيها ناس سنعة ومو سنعه المشكلة صارت ان الكل قام يشترى من كل مكان

الاحترام والتعامل اللى يعكس وجه البنى ادم كل شى يرجع على التربية والاخلاق

والهلاقة اهى تبين من تعامل البنى ادم

يعنى الفلوس مو معيار
والله يعافي الفيزا الحين الناس متلتلة بس تكفين اليوم اذا طلعتى مرى على اى بنك وشوفى الطابور على المكاين :)

tweety said...

يختيييييييييييييييي على هاللي يشخبط
:)

صاجة والله يا ريما أثري مع الكل اتصير هالسالفة ! أنا عبالي بس انا !
في ناس الله خير من اتشوف احد مجابلج يخلص شغلج الا ارتزت بالنص
اهو مخامط
اهو مدازز
اهو صوت عالي
اشدعوووووووووووووه منو أنتوا يعني حالكم حال الناس نطروا
عاد انا نفسج ما ارد صراحة هالنماين امهات الصوت العالي اللي يردحون يخرعون اخاف ارد عليها مادري شييني منها , كل شي توقعي

albandry said...

اقول هالشي مستحيل يصير غير الكويت

لو اهما برة جان منصطمين ولا كلمة

ليش لانهم يدرون انه ذولاك يمشون حسب الاصول

بس الشرها على بياعينا مشواري يصير سنة والسبة هالبياعين الدايخين يهدني ويروحلهم
انتي الله ساعفج وعطاج بياع سنع
والا انا عادي احاجي البياع مو المرة اقوله ما تروح حق احد انا اول وخلص شغلي
انا ما اتغشمر ابهالسوالف ويهيي اقشر

ولا احاجي زباين ولا شي انشالله يمي
تنجعم ولاكلمة
بعد هذا اللي ناقص

علة قولة
filmgirl
انا ما راح اروح
shopping
الا وياج

albandry said...

legging i wish u asked earlier
i ordered from the net

amazon

met 7est elkuwait ma ligait

PearL said...

قلة ذوق وحيا


وياكثرهم اللي جي
و المشكلة بكل مكان تشوفينهم
جمعية مستوصف محل صالون

بكل الاماكن

انا استغرب اهمه ما يستحون ؟!!

nice said...

الله يعينكم يالبنات
انا من اول رمضان ما رحت مكان الا الراية مرة وحدة
لا تشري ولا تفرفر
بعرف عازتكم للتشري ما تطلع الا برمضان وبعدين انتوا تقولون ان البضايع كلها موجودة من اول وماكو شي جديد
فالله المستعان
ريييييمو لا تنسين شنطة رحلة سعيدة

Om Salloom said...

yaaa kerh hal mawagif wel mushkila hathi mintashra eb kil mkan 7eta m7a6at el banzeen, walah thak elyoum jedamy wa7ed da3am wa7ed 3ashan la yasbga bel dor!!! weeeen ga3deeeeen e7na!!

ams ana ray7a elfer3 gelt ahwan min eljam3eya za7ma ma ten6ab, khafeef kan elwath3 mako a7ad jedamy khadama o ana waraha o akhrathy shwaya elmuhem wana an6r ella khadama 6la3atly o bedha go6y nedo o mertaza o kil ma agarib etgarib o akhezha mo ga3 e6al3ny ma wa3eet ella m3azbat'ha tnadeha tgolaha la saber shway mama bel dor (ana eli ydar3im ma awa6na bs eli yest'athin akhaleh ;p)

Яeema said...

londony

والله صاج ما يندري

المشكلة إنهم كبار مو يهال
---
و إييي والله الحمد الله





mulan

أعتقد يخربون الدرس
هاهاهاهاهاها



الحجية

إييييي يصدمونج صاجة!
و إتلاقين الموضوع ما يسوي و يضحك

بس والله إتصدين

صاروا حريم و رياييل


الضغوطات النفسية و رتم الحياة خلاهم عصبين و من كل شي يتنرفزون

Яeema said...

kwaittiiya
إييييييييييييه والله عاد الصالونات حدث ولا حرج


المشكلة لو شؤال و إتروح ميخالف

بس سوالف!!؛



المواقف مرة قلت حق واحد حرني
يا إنك مو محترمني؟
يا إنك مو محترمني
ماله حل ثاني

إفتشل و قال والله ما شفتج
و طبعا جذاب


والله عدل كلامج ماكو إحترام لأحد
لأنهم ما يحسون بعمرهم إن هالشي غلط



myth

إنزين ساعات في ناس تعلموا من برة و خالطوا ناس

كلنا تعلمنا أشياء وايد يوم كبرنا
و ساعات السن يحكم هالأشياء

شي غريب




kitty

عرفت شنو كلمة هيلق إللي الكل قام يقولها
أول الهيلق شي
بس الحين الهيلق هلاقة أخلاق الصراحة


علي الإبتسامة
عبالج حاسين باللي حواليهم؟

ما يهمهم إلا نفسهم



مو المشكلة ما ينزلون الأغراض إلا حده حده

إنزين نزلوهم قبلها بشهر خا نشتري علي سعي!

لأ
الكوليكشن كل قبل العيد ينزل


يعوده علينا و عليج بالصحة و العافية يا رب

Яeema said...

princess

إييييي و الله أنا أهم شي بريستيجي
هاهاهاهاهاهاها

مو عذيلة ما تفرق وياها جعم و إلا قعد
متعودين علي الحقران

يالله الله كريم

ههههههه
قاعدة أضحك تذكرت ويهي يوم طردها
لو أنا سوا وياي جذيه جان أهج من الديرة من الفشلة




حسام بن ضرار

إييييي والله
عاد أقولج شي
البياعين يحسون فينا السنعين
و الله العظيم أحس من نظراتنا إللي فعلا تخجل إنها تطلب المساعة
إتلاقينا سااااااعة ننطر و لما يفضي إنقوله الله يعطيك العافية

إتلاقيه يعطيك من قلب حتي لو ما تبي تشتري


إيييي و الله علي سالفة الدوس
صدقت
ليش أقولك ما يحسون؟


kuwaitia

لا الأردي من هذا تستأذن من الكاشير من مني
هاهاهاهاهاها

هذيل مرة واحد شايب وقفته عند حدة

قتله عمي
راح أخليك لو بتقوللي إبنيتي ممكن أحاسب

عباله يهال محنا رادين عليه



princess
all my pictures from here

http://www.deviantart.com/

as i always say, feehom not good once as well, so be carful ;)

ba3d el fo6oor 3ablay fehoom 3ala ra7tich

Яeema said...

mishari

كلامك عدل
كلش مو مقياس

و هم يستاهلو من يجعمهم

أنا أكو ناس من قلت أدبهم ودي أرد لأن تكون البياعة فقيرة و مالها السااان

و هذا أللي يحرني زوود

يا أخي ما أحب أشون الناس إتحمل بلاوي الناس إللي معقدة!؛


عندهم جم مشكلة و يحطون حرتهم بالناس


بس صج كل قوي فيه إللي أقوي منه




tweety

إيييه هذا واحد من عيالي هادديته بالبلوق من أمس


أي إني !؛
الديرة صايرة كلها جذييييه

ساعات أقول أنا صج
و إلا أنا العلة فيني


والله أمهات ردح هذيل أحسهم أمبيييييه

مالج أمل أقايش
أحس من إتقوللي إدني أبجي

هاهاهاهاه



albandry
والله صااااااجة
أصلا برة من كثر ما تعودنا علي التخطرف قمنا إذا إنشوف واحد عندة شي صغير إنقولله طوووف

هاهاهاهاهاها

جنه العرف صار قانون


مرة ثانيه أروح وياج الشوبينق
هههههههه


مشكورة بعد عمري والله واصل
و إنشاء الله أطلب لها

إنتي لو إتشوفين العصاقيل ما تشتهين تشترين هاليققن

بس تقليد
كل شي أسويييه تبي نفسه

رحت مال الله شريت تايتسسس و قرظتا لها أخليها إتحوس فيه بالبيت


i found one at h&M , but not the thik one , some i found at na9er el reyaathyyy


بس لوعة السيقان
هاهاهاهاهاها

كلها طقوق

Яeema said...

pearl

إيييييييييه والله صااجة!!!!؛

ماني قايله المثل يفشل

بس طرا علييي


هاهاهاهاها



nice

إمبين ما إتروح السوق

البضايع الزينه تنخش حق العيد
و قبلا رمضان ماكو إلا طياح مال إلعام

ما تبي تشتري شي قديم و غالي بنفس الوقت

الزين ينزل قبل العيد بسبوعين


و بعدين إنتوا الرياييل طرق الدشداشه

ما عندكم شي زايد

أحمد ربي إن عندي بنت وحدة


أقولك شي يضحك!؛
البياع يقوللي لصبيان الصبح دشداشة ، بس ما تبين شي حق العصر ليه بقا يروح مسرحيه و إلا زوارة

هاهاهاهاهاها

إمعلمينه الحجي الملاعين


om-salloom

halla walla , la khala wala 3adam min ta3legatich el 7elwa,

ana ashik enna hal laafoo elly yolena min dowal metkhalfa ma et3alim ella el takhallof

ma etgoleeen yeta3alemon eltharaba!
لا إتحسين يخربون الديرة بدون ما يحسون


إييي الذرب يفرض إحترامه
و خصوصا لي قالج إختي و لو سمحتي

وراي كيييك و كيييت
يعني إتعذرينه

Om Salloom said...

Eeee sij reema 7abebtee nesait ahaneech wabarklich 3ala el new look ;))
emwafega bel sora sh7alaaaaaaat'haaa et7eseen feha ta7addy "eli mo 3ajaba be6agag" hehehe o bfs elwagt kelha reqqa o 7anan o ma7boba o khalty gmasha ;p~

LonDonY said...

Om Salloom

chan talaiteeeha men chaba9at'haa ??

جان تليتيها من شباصتها
حرتني والله

عاد انا يصير معاي العكس
تلقين هندي/هندية واقفين قبلي.. بس فقارة مادري من زود الاحترام ولا اني كويتي ، يجدموني على دورهم.. عاد اعطيهم ابتسامة اي شي واجدمهم كونهم قبلي .. ادري ما فيها طيب بس الغريب من بعض الكويتيين اللي ما يحترم مثل هالشي .. ما جنه الهندي آدمي مثله
واللي يدل ان الاشخاص اللي اقصدهم اي شششششي .. انهم نفسهم يحترمون الهندي في دبي @@ صج ارداية .. يوم انك نافش ريشك في الكويت .. انفش ريشك في دبي
بس الردي يتم رددددي

mishal said...

اخ ياريما وين جبتي هالموضوع

ليتها بس بالسوق

مره دخلت على الطبيب والا واحد دخل معاي واقف فوق راسي ازعجنا انا والطبيب بكثر الاسئله

قاله الطبيب انطر دورك وحتى انا قلت له بعد لكن ماكو فايده والاخ مستمر

---
في البنك
مره كنت ادخّل فلوس بالبنك واسوي رواتب العمال واحسابات جديده وارقام سريه ...دخل البنك واحد عسكري قال للموظفة انتي فلانه قالت ايه قال ابيج بخدمه الله لايهينج بس خلصي الاخ بالاول (يقصدني)شهالوقاحه داش علينا وكأن البنك بنك ابوه ولا واقف فوق راسي ويقول خلصي الاخ بعد


----
في الشارع

عند اللفه فوق تحت زحمه والناس ماسكه طابور تبي تلف والا يطلع واحد من الحلوين اللي مالهم خلق ينطرون من وراج ويصير قدامج

----

خلاصة اللي ابي اقوله ان قلّة الاحترام والهمجيّه صايره في كل مكان

ويعطيج العافيه برّدتي جبدي شوي

tasty_as_berry said...

بمعوده هاذول بصوب ... واللي مالها شغل فيج تاخذ دورج وجنا العيد ..بصوب ..

هاذول اللي صج شلأ من أمه .. اتييج كاشخه واتحسين انها بنت خير ونعمه ... وللأسف هاذي تصرفاتها ...!!

تحسين عالم حووووووش .. :/