Sunday, October 01, 2006

story of a friend

أمس كانت عندي يمعة من اليمعات سمعت خبر حلو عن زواج إحدي صديقاتي البعاد، و طبعا كعادتنا تم فتح باب التشره لييش إن جهازي مغلق و بينت الأسباب إني ما كنت موجودة بالديرة في هذيك الفترة
و إللي أهم من هذا كله إني فرحت لها وايد وايد.

سألت السؤال المعتاد : من خذيتي؟
صديقي : أخذت واحد إتعرفينة .
ريما : أنا ! إشلوون و منو؟ شنو يصيرلي؟
صديقتي: لا ما يصيرلج بس يعرفج عدل بالجامعة، ويوم قتله بنروح يمعة صاحباتي و من بينهم فلانة لفلانية جان يقوول إيييي أعرفها عدل .
ريما : واااي منو قووولي
صديقتي : فلان لفلاني
ريما ( فلاش باك) : حلفييييييييييي ، صصصصصصصصصصصصصج
صديقتي: ما قلتلج إنج إتعرفينه
ريما وبحاول أتدارك الموقف : إيييي إييي وياي 4 سنين وبنفس التخصص ، بس ترا ماصار أي كلام ولا إحتكاك مباشر وياه ، مجرد إني أعرف شكله و إسمه .
وبيني و بينج شكله مميز.

صديقتي: إإإيييي قاللي نفس الشي عنج و كنتي من البنات الصعبين
ريما: شنوووو! صعبة! إشيقصد !
( لاحظوا قاعدة أحاتي عمري بأثر رجعي ، ههههههه )
صديقتي: ما يقصد شي ، بس يقول كنتي شاطرة و ماكان همج الشباب وفلان وعلان
ريما: إييييي أشوة ، ما قصر والله
( قاعدة أقول بقلبي – وااااي كان ريلها عينة زايغة الله يعينها عليه ، من الناس إللي كل بالصالحية أول و جم مرة أصادفه و لما الحين بالقهاوي
)
صديقتي: إشفيييج وييين سرحتي
ريما: ما سرحت ، بس مو جنه كان متزوج من فلانة لفلانيه.
صديقتي: إيييي كان متزوج عدل كلامج ، طلق مرته، بس إشدراج
ريما: ما أدري والله بس سمعت ما أدري ما أذكر التفاصيل
( حسيت إني لا شعوريا تليقفت – بس البنت صديقتي إتينن! ما أدري من وين الله طيحها في و بسرعة بسرعة خذته – أهوا حرام ما شفت منه شي مباشر أو موقف – يمكن كنا ظالمينه – بس مشكلتي ماني قادرة أذكر الموقف إللي وياه – بس أذكر إن حاول وحاول بس ماكو فايدة فيني – ل-هالسبب ماني قادرة أنسي خشته )

طبعا مدحته جدامها و قتلها ديري بالج عليه و إنتي في بداية حياتج و أدري إن شخصيتها جدا قويه و البنت مو صغيرة ، أقصد صديقتي .

بس ما أدري قلبي مو مرتاح ، بس إنشاء الله ربي يهدي سرهم ، و يكون الريال عقل و هدفه الإستقرار .

السؤال؟
يا أخي ليش تفضح عمرك و أعرفها و يبين حق مرته إن أهوا كان وااااااااو بالجامعة؟

طبعا أنا ما دخلت بتفاصيل الحوار بيني و بينها، كان موجز ، بس والله صج
ليييش الريال يحب يبين حق مرته إن ترا أهوا له جمهور وكانوا البنات ركضه وراه.

كذا واحد سمعته يقول هالكلام حق مرته ، و أول واحد كان يقوللي هالكلام زوجي ،و كنت أدري إنه واااو لمواصفات معينه ، أغلبها ماديه أكثر من إنها ثقافيه.

هل يبي إن مرته تكون ستاند باي دايما و إتحس إن الريال مو دايم لها.

المقارنه بين الزوجة وباجي الحريم ، ماني عارفة السبب من وراها .

من وجهت نظري المقارنه إتحر و إتزعزع الثقة ، ويبيلها مواصفات بنت وبداخلها ريال عشان إتعدي من هالمرحلة الصعبة.

وقصدي مرحلة المقارنات في بداية كل زواج

43 comments:

bo9ali7 said...

عدل.الريال يتوقع ان مرته راح اداريه وادلعه وتهتم في اكثر اذا عطاها فكرة انه كان رشدي اباضة الكويت. افضل شي بنظري ان يتم مسح الماضي بعد الزواج
DELETE ONE,,RELEASE ANOTHER ONE

Bed0uin said...

من اخس المواقف صراحه لما تعرفيييين انه ريلها جذي وما تقدرييين اتكلمييين ولا تبديين رايج لانه خايفه تجرحييين شعوورها ويــــــــــــــــــــــع

وبو صالح هههههههههه دليييت هاه؟ I don't think so! hehehehe اذا ما جالك واحد وطلع الهستري مالك كله والا ما يكووون كويتي!!! يا حبهم حق التنبش ومادري على شنو حب استطلاع والا لقابه يمكن القلييييييييييييييييييييييييل وخطين تحت قليييييييييييييييييل الللي يطوف ويفتح صفحه جديده

Kuwaiti said...

بوصالح حلوه وصف رشدي اباضه
Reema
كلام بوصالح عدل عباله الريال انه مرته راح اداريه وادلعه وتهتم فيه اكثر وتغار عليه
ما يدري انه مرته راج تشك فيه وراح تتغير نظرتها عنه
وترا وايد كانو يتفيخر انه رشدي اباضه زمانه واهو على الطل محد يعطيه ويه والكويت صغيره بسرعه ينتشر خبره

انا اقول ماضيي قبل الزواج يكون لي ولمن اتزوج ماله داعي افتح كلشي حق مرتي وعلى قولت بوصالح سو دلييت
انا ما اقول سو دلييت اقوول اخذ جنطة الذكريات اللي تفشل هههه وشووتها بحر او على قولة اخوانا الأماراتيين عقها بحر هههه
وطلع دفتر الذكريات اللي يرزك وزهبه ههههه

يالله باي وراي شغل كتيير والله يصبرني على الشغل

Dr. Saleh said...

أعتقد إن ذكر تهافت البنات أو الرجال بالنسبة للزوجين من الأشياء التي يجب عدم ذكرها إطلاقا
ولا أذكر إسم المسرحية، عندما تذكر أم عليوي (عبدالعزيز النمش) لزوجها إبراهيم الصلال إن كل الأعمدة إخطبوها
دلالة على جمالها ورغبة الكثير من العمداء فيها
فالأمر سيان بالنسبة للجنسين
فما مضى مضى فاحفظ سرك

Anonymous said...

ايوة نفس ريلي
كله يقول انا البنات كانوا ركضة وراي
وانا صرت اكره روحة السوق منهم
وانا رقمي كل شوي اغيره من ازعاج البنات ومدري من وين ييبون رقمي
وانا وانا
لوع جبدي
هالريل
اللي للحين ماشفته
هههههههههههههاي
ريما اظنج عرفتي سوالفي
اتخيل شسوي اغلب مواضيعج عن المتزوجين
شسوي بدنيتي انحرف يعني
ههههههههاي
.
.
بس صج الله لا يحطني بموقف رفيجتج اكون كاشخة بريلي واللي قدامي عارفين بلاويه وانا ياغافلين لكم الله
ووواااايي
قهر
الله يعينها ويهديه لها
ويهجد ويقدر النعمة اللي عنده
:)
تحياتي

Unknown said...

الحمددددددددددددددددددالله
ما سويييييتها
:))
يوم تزوجت قلت انا مجابل كتبى ودراستى والنادى
بس ابى اقولج شى هذا الريال اللى يبدى حياته مع زوجته بهالصورة يخليها تعيش بقلق واللى يبى يلعب على مرته هذا ما احس ان مضبوط اخوووى من الاخر من 5 لى 7 سنين
زواج
وبعدين الثانية لا تقعد تنخش وتندس وتخااف
الله يانى باحصل دعاااااااوى على بسبة هالسالفة :)
بس انا ادرى طيب ما ترضون على :P

7osen said...

الريال لما يقول حق زوجته انه صاحب
صولات وجولات سابقه قصيده يثير فيها شيين
الغيره00 والخوف00
طبعا الخوف عليه من اي وحده ثانيه
والغيره هي الشي الرئيسي اللى الريال
يحبه ويبيه في زوجته
ثانيا اذا الريال كان صادق باللي يقوله هذا شي زين لأن الصراحه لما تكون اساس الحياه الزوجيه
راح يكون هذا الاساس متين وقوي
بس السؤال000
هل كل شي سابق بحياة الزوج والزوجه
لازم يقولونه حق بعض 00 ولا في اشياء
من الافضل انها ما تنقال000

بنت الشاميه said...

دايما هذه مشكلت الرجل الشرقي مسكين حسباله المراة في هذا الزمن مثل المراة في السابق
انا اعرف بنات وايد يرفضون الزواج من اي واحدلان مفهوم الزواج عندالبنات اختلف وصارت له مفاهيم جديده عندهم اهم شئ التكافء الفكري وبعدين الامور الاخري مثل الحاله الماديه والعائليه..........الخ الخ الح

iliveinq8 said...

والله يكسرون خاطري الناس اللي جذيه
احس ماكو مبدأ بالحياة وعفوا على الكلمة قصدي الريال وصديقتج بعد.. ماله داعي كلش يعني!!! يمكن انتوا بنات لا بد من السوالف الداثرة اي شيء المهم نسولف يعني (طبينا في بنات حوا) بس الريال على قولتج يبي يبين انه كان واااو بالجامعه.. استغفر الله هذا انسان تافه وفعلاً الله يعين صديقتج

ويقولون ليش نسبة الطلاق مرتفعه بالكويت

يالله من فضلك بس

iliveinq8 said...

kitty : أختلف معااااااااااااج

الشو هذا سرعاااان ما ينكشف

بالنسبة لمبدأي ...

بدايت الخطبة

فلانه انا جذي و جذي واخلاقي جذيه واذا انتي شايفه ان فيني شيء غلط واقنعتيني انه خطأ .. يا حبذا انج تحاولين تعدلين فيني هالشيء ونفس الشيء بالنسبة لج..
وكله بالسياسة والتلاطف وبدون رسميات

بالعربي : لازم الريال يكون واضح من البداية .. من البداااااااااية يا نااس مو تأفلم وانا كفن كوستر ولما كنت صغير كنت مكولي كولكن ...

صج يا كتي .. اختلف معاج .. مو كل الشباب جذيه وحضرت خطبتين لناس قراب لي يني اخواني وجذيه والله انه العملية كانت في غاية البساطه .. وتعالي شوفيهم بعد الزواج .. كناري ماشاءالله..

اللي تتكلمين عنهم بشر فيهم نقص او مرضى بمرض انا احسن واحد حتى لو اني اثول او مليق انا اتم احسن واحد وابوي عنده فلوس وانا راح اورثه

... فيه الزين
... وفيه الشين

واللهم اجعلنا جميعًا من الزينين وعبادك المخلصين يا رب

والله يرزقنا بنت الحلال ويرزقكن بولد الحلال :) يالله دعوه حلوه في رمضان.

سالفة قلب said...

هذي الصراحه انا احسها راح تبقى كابوس يخيم على الزوجه طول حياتها

وبعدين الشخص اللي يحس انه ناقص اهو اللي يتكلم عن نفسه بهالصورة ويحاول يضخم من نفسه عشان يشبع رغبة داخله

ذكرتيني بوحده وياي بالدوام ماتفهم شي بأمور الادارة بس شاطره اتزين الممرات ومايبقى ممر مو حاطه فيه اسمها الحمدلله والشكر هذا النقص ومايسوي

اسفه على الهذره

Warda said...

:) reyayeeeel ma ye3abrooon yasketooon

mishal said...

والله انا ملاحظ عند الشباب اعتقاد بأن اللي يسوي جذي راح يحقق مكاسب كبيره

مثل يحرك الغيره في زوجته
يزيد اهتمام زوجته فيه
يخليها تنفّذ رقباته
تصير مطيعه وتحرص على رضاه
او
يبيها تزعل ويراضيها ويدلعها

اشياء كثيره يعتقدون انهم يحققونها بهذا الاسلوب

اختلف معاهم في هذي الطريقه ولكن كل واحد له اسلوبه في تحقيق مراده ولو ان فيه بنات تنجح معاهم هذي الطريقه

----إقتباس---
من وجهت نظري المقارنه إتحر و إتزعزع الثقة
-- تعليقي--
اتفق معاج في وجهة النظر 100%لأني اعتقد بأن المقارنه أداة هدم وتعطي عكس القرض المراد منه
على العموم المقارنه المفروض نحاول نبتعد عنها قدر المستطاع والغير مستطاع

-----
رايي في زوجها
انسان لعوب يثير المشاكل ويحتاج له وحده تقدر عليه وتتحمله واحس انه من النوع اللي بسرعه يمل من البنت

Fuzzy said...

الله يتمم عليهم ويرزقهم الذرية الصالحة

Яeema said...

السلام عليكم جميعا
صراحة أشكر تفاعلكم علي الموضوع و فعلا حسيت بسعادة من الكلام إللي إنقال بالتعليقات و الله يعطيني الوقت والكلام إللي أقدر أرد في عليكم لأني ما أبي أبخص كلام أي أحد

Яeema said...

lalialy_q8

your right , very small !



bo9ali7

أهم شي رشدي أباظة بالموضوع
هاهاهاهاها

المسح والديليت معناها مسح لشي حلو بحياته

إللي نقوله ، يحتفظ فيه لنفسه




bed0uin

إييي والله و خصوصا أنا وحدة يبين علييي و مكشوفة من تعابير ويهي




والله صاجة و عدب كلامج
لا والزين قبل الشين إللي يقول
هاهاهاهاهاهاهاها


علي قولتج ما يصير كويتي!!!!؛

Яeema said...

kuwaiti

hehehehehehheheheheheh
زتها بحر هاااااا
يا حبك حق البحر ولد عمي

كلامك عدل بتشك في و تشتغل الحنة وين رايح و من وييين ياي



أشوفك اليوم حدك مشغول
يالله الشغل عبادة

الله يعطيك الصحة والعافية
;)

ويين صب الكفشة مالتي؟ ؟





dr.saleh
عدل كلامك و صدقني محد خالي

صج المثل بايخ بس بقوله:
كل ساقط وله لاقط


وخصوصا بالكويت
الكل يتحرش والكل له مغامرات قبل الزواج

فماله داعي التذكير

Яeema said...

kitty
hehehehehehehhehehehehe
eeeeeee walla


أهوا النقص و ما يسوي

ساعات يا أما نغر إن مرته أحلا منه أو إن إهيا أكثر قبول عند الناس


أنا أعرف الطرفين فحكمي علي الموضوع مسألة نقص 100%؛


الرجل بالنهاية إنسان و له متطلبات و يبي القبول


وفعلا محد خالي




sarah
hehehehehhehehehehhe
أهم شي إني إندمجت وياج بالقصة
و لو ساكتة مو إمذكرتني إنج مو متزوجة جان صدقت والله


إنتي إخذي المبدأ و قيسيها علي إللي مو متزوجين

واحد توه يعرف وحدة و يقولها أنا و أنا

مشكلة إتصدقين

و الأردي إن إذا قالتله همن أنا كنت كذا و كذا


ترا إللي قاعدة أكلمة مو ريال ها
هاهاهاهاها

مسخرة السالفة إتصير

Яeema said...

mishari

عفيه علي الشيخ

بس إنت مشكلتك مشكلة
إنت إتقول باخذ مرة ثانية

هاهاهاهاهاهاهاهاهاها

تجرح أكثر ترا


أقووووووووووووووووووووووول

طوووول ما أنا مو مرتك فعليك بالعافية



عليج بالجرجير بس

بذكر ربي عشان ما إتقول أصكك عين

لا إله إلا الله و عليك بألف عافية

و الطيب يستاهل ثنتين و ثلاث و أربع جان بغيت

ههههههههههههههه





7osen

الغيرة شي و إن يجرح أنوثتها بأخبار إمرأ أخري شي آخر

و أتوقع الحب إيي من أشياء ثانية غير ماضيه أو سيرته ما قبل الزواج



أكييييد مو كل شي ينقال

إحتراما لكرامة كلا من الزوجين


لا حلوة بحق الزوج
ولا حلوة بحق الزوجة

Яeema said...

بنت الشامية

أولا أشكر مرورج و كتابة تعليق جميل مثل إللي تفضلتي فيه


المفاهيم فعلا إختلفت إختلاف كلي


نقطة أساسيه بالموضوع




i live in q8

والله إحنا ما قمنا إنقول هالكلام

و لو بقينا إنقوله فيكون بينا و بين بعض مو مع إللي بنعيش وياه طول عمرنا


أنا ودي فعلا أعرف

ليش المقارنة


صاروا الريايل يقارنون بين الحريم المتزوجات إبعض


أشوف إحنا ولا مرة يبنا هالسالفة


أشونه ريلي ما يروح دواوين جاان إعلوم




لا ما لازم أي طرف يكون واضح بالنسبة لماضي

الواحد ما يحاسب بأثر رجعي و خصوصا الريال

يمكن مع العشرة يفاتحها باإللي ما يعجبة و بس
ليييش فلانة و مرت فلان سوت و حطت و تطبخ زين


يمكن تطبخ زين بس ما إتناقشه!؛

المشكلة فعلا الريال مو عارف المرا إشتبي و قاموا يدودهونا وياهم




و لا المزاجي
الله!!!!؛

هاهاهاهاها

Яeema said...

سالفة قلب

حبيبت قلبي والله وييين هذرتي
ما شفتي الجماعة إشكاتبين

بالعكس والله قاعدين نقرا و نستفيد


و عقدة النقص إشمالله المرا تتحملها من أول شهر زواج




warda

eeeee walla 9akkaw 3aleeena
hehehehe

Яeema said...

mishal
راح أ[دي بنهاية كلامك

إنشاء الله لأ و الله ما ودي يكون جذيي كلش و الله يهدي يا رب



أتفق وياك مع كل إللي قلته

و بالنهاية أتوقع مع الوقت راح يحس الزوج إن مغامراته ماراح إتزيد عليه
بالعكس المرا بتحس بالإهانة من المقارنة و خصوصا لما إتكون زوجتة و أم عيالة و يقارنها بوحدة مو عايشه وياه !؛


خل إتجابلة طول النهار و إنشوف إشلون بتستحملة





fuzzy
أمييييييييييييين

بس ما سمعت رايك بالموضوع


بما إنك متزوج و كنت عايش برة







love nature

لا ما أتفق وياج
لو خليت ، خربت


بس يبيلهم تعديل من الحريم إشوي

قرصة
هاهاهاهاهاها

ترا فتحنا ها!؛

محنا مثل جيل أول

Cr8ivia said...

shensawe ba3ad :S
هذول رياييل الكويت عبالهم بيصيرون عناتر اذا فردوا عضلاتهم .. يحبون يحسسون الحرمه انهم شي و مرغوبين ترا احنا .. مرض يكافينا الشر .. يحبون يحرقصون الحرمه .. بس الويل الويل اذا اهيه لمحت مجرد تلميح ان لها ماي و علاقات .. خلاص بلاك ليست و شك فور ايفر و و و و ..
i think both man and woman should yimse7on kil shay before il marrige o never mention it khalis malis :s

Engineeroo said...

أنا أوافق المشاركين.... الماضي لازم ينسي... الشطارة إشلونن تكسب ثقة الزوجة أول المشوار... يقولون المشاكل بين الزوجين ما إتخلص إلا بعد مرور 3 إلى 5 سنوات... كل هذا إثبات شخصية و سيطرة على عروة الحياة الزوجية

tweety said...

يمكن لأن الرياييل يحبون ايبينون انهم يعرفون كل شي ويعرفون ناس وايد عشان جذي البعض يبالغ وايد ويحاول يعطي صورة عن روحه انه كلش الحين مسكت بكل شي
بس سالفة المقارنة هذي حدها بايخة ومو منطقية يعني ليش يقارن مرته بوحدة ثانية مو هم اهي تقدر تقارنك باحد ثاني ! ولا عاد اللي يقارن بالفنانات تلقين الريل شكله يشبه سيد قشطة او سيد بيه قشطة ويقول حق مرته ليش ما تصيرين نفس اليسا !!؟
لووول

The Simper said...

my late comment ;)

ana i agree with all the people who said it comes out of insecurity "naq9". this naq9 can do wonders and can lead to even worse situations. so if u see this, raise the flag people ;) o tara mo bas men, even women ;) even them can show their naqs in differfent ways ;)

CONFIDENCE is a really hard thing to have and act, BUT covering ones INSECURITY is much EASIER ;)

so,,, if u hear "I AM" "I AM" "I AM".. seeeeda look for el balawi el mistakhabiya :P

o salamtkom :D

iliveinq8 said...

reeeeeeema : عليج الله شوفي مسلسل توه يديد نازل .. ما تقدرين تشوفينه مكان غير داون لود

اسمه

till death

عجيب وتقريبًا يتكلم على ردج لي :/

المسلسل كوميدي يعني نفس
joey & friends & Rosan & Will&Grace.

تبدأ القصة بزوجين ساكنين في فريج والزوجين مضى على زواجهم 20 سنة .. وفي يوم يأتي لهم جار جديد .. زوجان توهم متزوجين وصغااار ويسكنون بالبيت اللي يم القدم .. وتبدأ الأحداث المرة القديمة تشوف اليديدة تلعب رياضة والرومانسية بين الجدد وتبي مثلهم وعزايم بينهم وبين بعض .. الصراحة واااايد مهم الواحد يشوف مثل هالمسلسلات اللي اتوقع تجدد الحياة الزوجية..

طريقة تنزيل المسلسل عن طريق التورنت.. اذا عندج كونكشون سريع دي اس ال 520ك/ب انا تبين اتعرفين الطريقة صج .. انا مستعد اسوي بوست خاص .

تحياتي لكم بحياة زوجية سعيدة وعقبالي انشاءالله

iliveinq8 said...

http://www.tv.com/til-death/show/58392/summary.html

Fuzzy said...

والله رايي بالموضوع
ان اللي فات مات
:)

Unknown said...

اشووووووووووة انا اطبق مثل لا تبوووق ولا تخااااااف
تعيش مرتاح

وبعدين تعوذى من ابليس وذكرى الله زين برمضان :)))

Alather said...

بالنسبة لدفتر الذكريات عفوا مجلد الذكريات

اعتقد ان الصراحة اساس بناء العلاقة القوية .. لكن هذا ما يعني انه كل شي ينقال

فما يساعد الانسان على بناء حياته القوية وتقوية اعمدة البيت والاسرة يقال

اما ما من شأنه تدمير البيت او زرع الشكوك .. او انه من الماضي التعيس الذي لا يؤخر ولا يقدم للحاضر نفعا فلابد من نسيانه
وعدم ذكره ..

عدم المجاهرة بالعصية ..
ديننا علمنا الستر
معاني كثيرة بالدين توحي

بالنهاية استخلصت انه الستر على ما كان من الماضي قد يكون اول ابواب الخير لبناء حياة زوجية رائعة ..
لا اقصد بحديث (المعصية) ما بدى منا من امور غير مرغوبة او امور تتنافى والاخلاق
ولكنها امور كانت في زمنها وفي حينها امورا مرغوبة لا بأس بافتعالها
ولكن في ظل الزوج وبعد هذه السنين فانها لن تقدم بالزواج خطوة للأمام ..
ولن تفهم على مستواها السابق في الماضي ..

وايد فكرت بهالموضوع من قبل
هل يجب ان يكونان الزوجين صفحة شفافة وكالماء الصافي الذي يرى من خلاله الاصداف وال طحالب والسمك والزفر والشوك

ام
يكونان
كالمرآة التي تعكس النواحي الجمالية ؟




انجنيروو
=
مرور 3 إلى 5 سنوات... كل هذا إثبات شخصية و سيطرة على عروة الحياة الزوجية
=
أوووولــه ..عـاد صج ..
وايد خمس سنين :p



اما سالفة الشحاطة .. واي راح تنقلب ضدهم بتصير هواش بدل الشحاطة
ينقلب الموضوع الى غيره ومن غيره لي هواش وشكوك
ابعدنا الله وياكم عنها ..

Яeema said...

cr8ivia

أعتقد الذكريات تخص الإنسان نفسه، بحلوها و مرها و بمغامراتها


mo delet !
save as !
with code , and only 1 person to keep it , himself




engineeroo

أهم شي العروة والله
كلامج صحيح
تستقر الحياة بعد 5 سنين




tweety
hehehehehehehehehehehehe

والله كلامج فيه منطق، يعني أنا إمأطع السمكة و ديلها

المقارنة حدها بايخة ، عاد عقب ما يقول يتوهق ليييش؟

و خصوصا إذا المرا مو عاقلة و بدت إتقول كنت و ما كنت

يبدي الغيرة و إن إللي مجابلج مو ريال عشان إتكلمين جدامي جذييي

و بالنهاية يرجع عليها عايدي



السر بإلتزام الصمت و الإنصات

بعد فترة بيحس نفسه سخيف من يطري هالسالفة

و هذا أحلا شعور إتحس في المرا بلإنتصار لأنوثتها

هاهاهاهاهاها
شريرة أنا ؟

Яeema said...

the simper

NEVER TO LATE DEAREST



- - - - - - - - -

if u hear "I AM" "I AM" "I AM".. seeeeda look for el balawi el mistakhabiya :P

- - - - - - - - - -


والله إنك يبتها إيييييييييييييب

حدي إستمتعت فيها لشي بداخلي

محد راح يفهمني إللي كيتي و لوير

هههههههههههههههههه
هههههههههههههههههههه





i live in q8

eeeeee i download it ! bas ye6aweeeel!!!!

i have to do it in the early morning , yes i have the program to do everything.

shakla 7elow coz i read the summary of the TV show


i have 520 , but still not easy to download it fast.


ma yenba3 at macdvds.com?



إنشااااااااء الله إتهني يا رب

بس عاد إعزمنا علي عرسك






kitty
يا حلوج
هاهاهاهاهاه

Яeema said...

fuzzy

:)
fine with me :p



mishari
الف من ذكرة و عليك بالعافية

أنا بتعوذ من النفس برمضان و النفس أمارة بالسوء
ماكو إبليس برمضان

بتعوذ منك
هاهاهاهاهاهاها


;)




alather

أتوقع مو كل شي يتقال ، لأن المشكلة في بداية الزواج ماكو ثقة كاملة ، لأن الزوجين مو باخصين بعض عدل ، ومو مستعدين إن يعدين أخطاء قديمة

بعض الأزواج والزوجات تكون المصارحو نقمة لهم في دخول الغيرة حياتهم
و بالنهاية تكون المعاشرة بالبيت مستحيلة بسبت الحنة و الرنة

لا إتروحين و من وين يايه
و إنت وينك و ليييش كل طلعات و ما تقعد بالبيت

يعلي المصارحة بأمور الحياة بعد الزواج حلوة ، أمي كانت تقوللي مو كل شي ينقال حق الريال ، عشان في أمور إتزعله و ماله داعي يعرف مدام سويتيها و إنت عارفة إنها بتضايقة

مثال
دخول البيت متأخر حتي لو إني يايه من بيت أهلي

يعني نبتعد عن التفاصيل بأمور الحياة


لييش أقوله هالبدلة سعرها 400
أقوله 150 و بس

ماراح يسأل من وين يايه لفلوس

كل مرا إتعرف ريلها و مفاتيحة


سوووري هذرت و طلعت عن الموضوع الرئيسي

iliveinq8 said...

ريما : لا يديد للحين بس 4 حلقات انزلوا

وبالنسبة لعرسي اكيد بعزمكم .. بس انا قارئ بواحد من ومواضيعج انج ماتحبين العروس :/ بس اكيد انشاءالله بس القاها

Яeema said...

i live in q8

خلاص إنشاء الله لما ينزل دي في دي أشتريهم

أشوف 4 حلقات و أتعلق
مو وناسة كلش

sex and the city 3ogob ma khala9 el season gomt ashooofa now

hehehehehehe

7addy mo mesta3yela



و بعدين عرسك غير

بيقول أول عرس حق بلوقر أحضرله

بيصير سبيشل

lawyer said...

انا لا تعليق
لاني لي الحين ما تزوجت
و امي كلا اتقولي على كثر ما تتشرطين ربي بيطيحج في واااااااااحد
كل الكويت تطنز عليه

و انتي تقولي سالفه رفيجتج
و انا اقوووووول يا حسرتي على بختي


القراده مو جذي القراده انا اغلب الرياييل الي اتعامل وياهم اشوووووووفهم تافهين و سطحيين


فالله كريم يا وخيتي
وايد جااااااااااااب
بيت المرأه المثقفه و الرياييل السطحي الطرطنجي

Mamloo7a Q8ia said...

يا سلام على صنف الرياييل العجيب الغريب يعني لو المدام متفشخره في عدد اللي غازلوها وطلبوا ودها ولو عددت عدد المعجبين فيها شنو راح تكون ردة فعله ؟ اموت واعرف ؟

PearL said...

ليز ريما
اذا لقيتي الجواب قوليلي

ليش الرياييل دايما عند نفسهم كل واحد توم كروز او براد بيت
و الحريم يانين عليهم ؟؟!!!

شنو المقصود

ولي متى راح يقارنون !!!!!

iliveinq8 said...

PearL said...
ليز ريما
اذا لقيتي الجواب قوليلي

ليش الرياييل دايما عند نفسهم كل واحد توم كروز او براد بيت
و الحريم يانين عليهم ؟؟!!!

شنو المقصود

ولي متى راح يقارنون !!!!!


_-_-_-_

Pearl : الظاهر الله ما قطج الا على نوعية مريضة :/

------------------

مرض نفسي منتشر في مجتمعاتنا وفي زيادة مو طبيعية .. ه

Яeema said...

lawyer

loooooooooooooooooooooooool

لا إنشاء الله يرزقج بالريال السنع بهالليلة الفضيلة

إللي ما يحن
إللي مو تافه
إللي مايقووول أنا و أنا



والله مشكلة ريايل هالوقت





مملوحة كويتيه

أنا أقولج

قالتلي موقف كانت تاخذ رااي بياع برة الكويت و في أوروبا


this is nice? suite my skin?
you think red or blue?


تدرين شنو سوا الريال؟

طلع و خلاها بالمحل بروحها و أهما بشهر العسل


يقولها خللي هالثور يعطيج ذوقة مو أنا


hehehehehehehhehe

Яeema said...

pearl

طول ما المخلوقات النسائية أحلا منهم بيتكلمون



طول ما المرا سنعة و مافيها عيوم بيغار و بقول أنا و أنا


لأنه إللي واثق من نفسة 100 %؛
ما يطري هالكلام


طول ما الريال الكويتي دفش
راح نسمع هالكلام



طول ما إحنا الكل بالكل بالبيت و وجودنا مؤثر و يفقدونا ، راح نسمع هالكلام



مالآش في الورد عيييب
آآآآآآل

يحمر الخدين


عرفتي ليييش إحنا ما إنقارن الرياييل في بعض


لأنا بكل بساطة
نعرف إن كل شخص غير
و كل واحد ظروفه غير


يعني إسم الله علينا
واعيييين علي هالشغلات و ناضجين


مو الكل طبعا
إللي ما يقارن





i live in q8
ترا علي فكرة لييه تزوجت راح إتقارن لأنها أصبحت فطرة بالريال الكويتي


و تدري وين المشكلة
ماصار هالشي يأثر فينا
قمنا إنشوف و نضحك بعد

هاهاهاهاهاها


هذي تسمي مهاترات
لأن لو مفكر دقيقة و نص إن المقارنات تحكمها ظروف


يعني
الزوج و الزوجة غير
البيئة غير
الشخصيات غير
الحالة الإجتماعية غير
الحالة الإقتصادية غير


أخوين و من بطن واحد و عيشتهم غير


طبعهم غير



هذرت سووووري

LonDonY said...



سورري بس هالرريّل اشوي دروو
لان في الف طريقة وطريقة اتبين لها انك توووم كروز زمانك بس مو جذيه!!

اهو فقير مو عارف شلون يبين لها انه .. واااااو .. وغالبا اللي يبي يبين انه واااو .. يطلع بوربع

ولكن مبدئيا.. اقدر اقول ان الكتاب امبين من عنوانه .. بمعنى ان رفيجتج شكلها بترربـيه من يد ويديد.. دام انها للحين كوول معاه.. ويت صوبج
اتعرف معلومات اكثر عن تاريخ توم كروزها.. فإحساسي يقولي انها راهية عليه وتحتويه وتحتوي طوايفه .. وهالتوم كرووز شكله ابيلطم ليل نهار على مغامراته فأتمنى انه يأجل التفلسف مؤقتا ويحاول على يحافظ على العلاقة ويبطل لعب الجبارريت