Monday, October 16, 2006

just write






في بلوق إستكانة و تحديدا موضوع ( أدري بقلبك كلام .....) ، وقفت عند نقطة أساسية و كان هذا ردي علي البوست بس كان موجز وودي أتكلم عنه إهني .

بسبب إن الموضوع وايد وايد عجبني ، فحبيت إنكم إتشاركوني تفكيري بصوت عالي على بوست إستكانة.

الموضوع باختصار، ليش فضفضة البلوق غير وليش البلوغرز البنات أكثر من الشباب :

كان ردي علي الموضوع:

ليش أحس المدونة فضفضتها غير


لأننا نفتقد كلامنا ويا نفسنا

الصديقات ما يعطونا مساحة صمت لمدة طويلة، لتداخل الكلام بين أطراف الحوار

الكلمات متي ما عبرت بالضبط عن ما في روحتج إتحسين فعلا إن هذا إللي تبينه


دايما في نقطة يغفل عنها الكثير



نحن نريد التعبير المجرد لكلمة (تفريغ) ؛


و معناها ( لو سمحتوا بدون نصايح بدون مناقشة ماله داعي)؛


لو كل شخص فهم هالمعني ما كنا إحتجنا المدونات

بس ولكن قلة الإدراك فينا أن الإنسان يحتاج الكتابة لمجرد الكتابة


و بما إن البنات لديهم هذه الملكة بسبب إن إحنا كنا ناكل الكتب أول و عندنا إسلوب حلو ووقت أكثر بسبب قعدتنا بالبيت.


و لأن الرجل يحس إن سره يجب أن يكون بداخلة ليمنحة القوة



و لأن المرأة تحب أن تظهر ضعفها لإستدراك العطف من الجميع



و لأن الرجل لا يحب أن يظهر نقاط ضعفه



و البنات إحنا أكثر من الشباب
و لأن الشباب لاهين بأمور حياتهم



هذا سبب أن البلوغرز البنات أكثر


سوووري طولت عليج

إنتهي الحوار بالبلوق و لم ينتهي بتفكيري، بتكلم عن نفسي ، ساعات لما أكون في قمة لويتي و مشاكلي و أبي أرتاح و كان هذا الكلام قبل لا يطلع لنا عالم البلوق، أحس إني أبي أقرا و أقرا و أقرا ، لأن القراءة تعطينا الرتم البطيء لحياتنا السريعة، بس بالبيت في تداخلات خارجة عن الإرادة بسبب وضعي كزوجة و لازم أنا إللي أجابل كل شي.

منو له خلق يجابلني؟

و الجواب أهوا :

نفسي

نفسي الوحيدة إللي تقدر إتحملني، لأني أسوي أشياء ما يتحملنا مخلوق بالدنيا.

هالأيام فقدت إني أقعد مع إنسان ينورني و يساعدني علي التفكير بنفس مستواي و بنفس الوقت إللي أحتاجه.

بتقولون زوجي، الله يعطيه الصحة و العافية مشغول و هالأيام فرصة إن يجابل ربعه إشوي بهالقعدات الحلوة إللي برة بالدواوين. مقدرة جدا هالشيء و الله يهنيه بعد.

قعدت و ويا منو؟

قعدت والإمام الشافعي ، جابلت السايت ماله و من زمان كنت أشوف أبوي الله يعطيه طولت العمر بالدوانية إمبروز بعض أشعار الإمام الشافعي رحمة الله عليه.

لاحظتوا علي إني زايدة بالجيلة و الحين أقولقم لييييش، كل ما الواحد يكبر ، كل الناس ما إتقبل أخطاءه:

وَإَنَّ سَفَاهَ الشَّـيْخِ لا حِلْمَ بَعْـدَهُ

وَإِنَّ الفَتَـى بَعْدَ السَّفَاهَةِ يَحْلُـمِ

هذا البيت للزهير بن أبي سلمي ، مادري طرا علي الحين فجئة علي طاري الأخطاء.

المهم ، شنو لقيت بالإمام الشافعي ، الخبرة و الحكمة إللي نفتقدها مع من نصادقهم، و كنت دايما أقول ليش ما يكون لي صديق خفي ، مثقف و عارف و إذا إحتجته دقيت عليه بدون خجل و خوف ، أستشيره و يعلمني بأمور الدنيا ، ساعات الواحد لما يكون غرقان بموقف لازم إييب أحد من برة يشوف البحر كامل يفكر صح و ينقذني.

دخلت بستيت ألف موضوع أدري، بس هدفي إني بكتب بشي أحبه و خذا من وقتي الكثير بالتفكير.

الزبدة

الواحد ليش يحتاج إن يقعد و يا نفسه، يحب و يعشق و يخشع و يلوم و يحاسب و يجازي و يعاقب

و بالنهاية ، المفروض ما يقول حق أحد شنو إلي بداخل تفكيرة. و أخليكم و يا هالأبيات للإمام الشافعي.

كتمان الأسرار


إذا المـرء أفشـى سـره بلسانـه
ولام عليـه غيـره فهـو أحمـق


إذا ضاق صدر المرء عن سر نفسه
فصدر الذي يستودع السر أضيـق

البلوق و الفضفضه حلوة ، بس هم لازم يكون في جزء أحتفظ فيه لنفسي .

و متأسفه جدا إذا في يوم شاركت أحد بفكري و ما إعجبه كلامي ، بالنهاية البلوق و الفضفة تكون جزء مني ، فأرجو تقبلها كما هي .


41 comments:

سالفة قلب said...

انااول وحده

انا اول وحده

انا اول وحده

سالفة قلب said...

الحين اعلق بس ضمنت اني لحقت

ريما: بوستج حلو وايد

واستمتعت وايد وانا اقراه


والمعنى من كلامج وصل

(:

Cr8ivia said...

قالو "إن لم نكتب سنكبت"

nice post

Unknown said...

ريما
باقولج تعليق يمكن يضحك وتعليق جد شوى

اول شى المرة مو لان مو لاقية منو تتكلم له
المرة تبى تقرق كمية الكلام عندها وايد
:)
وتبى تحن ما عندها احد تحن عليه
ليش الحريم اكثر ؟؟؟
بالمجتمع اساسا نسبة الحريم الى الرجل
3 الى 1
ما تشوفين قاعد احن على الرياييل يتزوجون مرة ثانية علشان تقل النسبة :P

انزين

السر باى انسان بمعنى ثانى ستر
يعنى فى امور ما تنقال والسر لا طلع ممكن يخلى اشياء كثيرة تخرب حياة الشخص او اتعبه
:)

قرقت ؟
علشان اعكسلج ان الريال يقرق مرات :P

Anonymous said...

Reema..

أحسنتي

:/خصوصا فيما يتعلق بالسر.. بس منو الي يتعض

Anonymous said...

السلام عليكم

إذا ضاق صدر المرء عن سر نفسه
فصدر الذي يستودع السر أضيـق

كلامات جميلة جدا

لكن اسمحيلي بتعليق بسيط

على جملة

- المرأه تحب تظهر ضعفها لكسب تعاطف الجميع -

شي طبيعي ان المرأه لها عاطفة اكبر من الرجل

لكن كل شخص سواء كان ذكر او انثى

يظهر ضعفه -للعامه- . . يكون ضعيف !

يقدر يفرغ الي بقلبه بطريقة ثانيه

وبدل لا يشكو للناس ليش ينسى الي

خلق الناس ؟

=

وقد مددت يدي بالذل معترفا = إليك يا خير من مُدت إليه يدُ

فلا تردنها يا رب خائبة = فبحر جودك يروي كل من يردُ


اتمنى اني ماطلعت عن الموضوع

شكرا

um-miT3ib said...

ana malii 3elaqa neha2eyyaaaaaN bel shi3ir ..
so thank god that we have blogs hal ayam 3shan inthayi3 wagta ib shai iwaness ;p

7osen said...

موضوع وايد مميز

اسهبتي بالكلام واثرتي اكثر من سؤال

بالنسبه للسر صحيح في اشياء لازم الانسان يحتفظ فيها في مكمن الاسرار
وما يبوح فيها لاحد ابدا

لكن بنفس الوقت كل واحد محتاج لشخص يشاركه بأفكاره بهمومه بكل شي يجول بداخل نفسه

اروع شي بالدنيا انك تلقى انسان
لما تتكلم معاه تحس انك قاع تتكلم
مع نفسك

بوست ممتع

Unknown said...

ريما فى شغلة ثانية

المرة لو ما تكلمت لا تنتفخ وتصير متينة وجيكرة
بس اللى تقرق وتفضفض وما تخلى سر بقلبها تلقينها من صالون لي سبا لى مجمع
فكل شى له شى
ما تشوفين حريم قبل من اللى يشوفنه تصك الاربعين تصير فقيرة كللش

nice said...

كلامج عين الصواب وبورك قلمك والفضفضة تشمل الجميع نساء ورجال يمكن انكم تحتاجون اكثر منا بهالامور وكل شخص يحتاج لأخر يخفف عنه حمل الدنيا .
في جميع الأمور الفضفضة نص الحل اقلتها تشيل التوتر من الشخص وتخلي ذهنه اصفى في معالجة اي أمر .

Яeema said...

سالفة قلب
إنشاء الله دووووووووووم أول وحدة

إتصدقيم ما أدري شنو هالشعور الغريب إن إنحب إنعلق أول الناس
هاهاهاهاهاهاهاهاها

أول أقول من صجهم مستانسييين

صرت أسنانس وايد إذا صرت أول وحدة

-------------
الحمد الله إن وصل
هذا هدفي




كيتي

الحمد الله ولا أنا أعصب و أتنرفز بالعكس أضحك و أقول كل صطار بتعلوم


و أول شي ما أقدر أخشه السفرات
هاهاهاهاهاها

و ثاني شي سوالف خالتي وياي

هاهاهاهاهاها

عاد أقولج شي؟
إذا خشيتي سوالف ما يكبر الموضوع

بس إذا تكلمتي و ياتلج كل وحدة تقولج إيييه كلامج عدل و سوي هذا و قولي جذيه
إتلاقين إنج سويتي من موضوع شي من ولا شي


و صار حالج حال هالحريم أمهات أمخوخ صغيرة إللي ما أقدر أتعامل وياهم

و بالنهاية فتحتي عليج باب إنتي بغنى عنه

----
و صح إبدنج حبيبة قلبي

Яeema said...

cr8ivia

و إذا إنكبتنا راح ننفجر!؛

إشيسوى علينا عاد؟

thank you ;)




mishari

فين نقطة أساسية

كلام لمجرد الكلام؟
و إلا في أفكار تبي أحد ياخذ و يعطي وياها؟

و لو سمحت مشاري
ماكو علي الريال ليييه حن

شفت بالدنيا نماين عجيبة و غريبة

و أول شي يقوللي زوجي لو أنا أحن إنتي من باجر رايحة بيت أهلج

هههههههههه

الحنة مو مقبولة عندي كلش كلش
و لا المهاترات الكلامية
و لا لمعايات

بقاموسي كلمة وحده لمواجهة هالشي

إنشاء الله و ما يصير خاطرك إلا طيب

حق الكل و بلا إستثناء
و إللي براسي أسوييه و ما أقول حق أحد

--------

على الزواج من ثانية
أنا وياك التغيير حلو

عشان الزوج إللي حق مورته الأولي كل شباب و حيويه و يردها شباب وياه
هههههههه

الله يستر عليك دنيا و آخره قوووووووول أمييييييييييييييييييين

----------
كلامك عدل و عجبني


و لا ما قرقت حلو على قلبي


بس الحنة إهي إللي ما أحبها
هههههههه

Яeema said...

om- khammas

هلا و غلا فييييج

الحياة مدرسة و كل موقف الإنسان يتعلم منه




anonymouse

من يلجأ إلى الله تكون أغلب الوقت لمصيبة

صعب إن أقول حق الله والله بسافر و بروح أشتري


أنا أقصد في أمور تحتاج لإنسان
لإتصال مباشر بين أثنين

و المشكلة إن التعامل من البشر شي مو سهل من وجهة نظري

لأن كل شخص يمر بظروف لا يستطيع أن يكون وياك علي طووول

و الروح إتحب الروح
و هذى المشكلة



أن بهالبوست قاعدة أتكلم عن الشخصيات الأرضيه

أما العبد و ربه
أنا ما أحب أتكلم عن هالموضوع

و رايي من يلجا لرب العالمين في قوته - هذي قمة الروحانيات و الإيمان أن الإنسان ضعيف

هالبوست تفكيري علماني
بحت

Яeema said...

myth

بحثت عن معني كلمة إسمك
و هو اللين

هل ميث يختلف عن ميثاء؟

لقيتلج شي إتعلقين عليه

:p




princess

يبتي الكلام من الآخر
عفيه عليييييييييييج

البنت إتعبر
البنت كل كلمة محسوبه عليها

البنت في مجتمع ممنوع إتفضفد عن مشاعرها

إنتي إللي مشكوووووووورة
وااااااااااااااايد

عجبني كلامج

Яeema said...

um-mid3aab

wentay el 9aaajjaaa

shaaay yewanis o mofeeeed


entay ma et7ebeen el she3eer bas garetay shay yemkin 3a6aach ( hint )

you keep in in mind



7osen

الصديق الخفي
هذا الإنسان إللي ماني لاقيته و قاعدة أدور عليه من فترة

مواصفاته:
أكبر مني
مثقف
يسمع
يداري خاطري
يحبني و يخاف علي
ما يفهمني غلط


( مواصفات والدي العزيز )؛

بس ما أقدر أقوله أسراري
هاهاهاهاها



mishari

hehehehehehehehehehheheheheheh
hehehehehehehhehehehehehheheheh

إنت مشكلة تدري؟

هالأيام معتزلة السبا
و المجمعات

رمضان

بس الصالون ما أقدر أستغني عنه

صار هوووم دليفاري

والله ضحكتي
ههههههههههههههههههه
هههههههههههههههههه
هههههههههههههههههه

Яeema said...

nice
كلامك عين العدل

ما إتشوف مشاري يقولك سبا

التوتر هالأيام حله وايد سهل

يا سبا يا مشي
و الجو حلو هالأيام



ساعات الفضفضة تكشف نقاط الضعف عن الإنسان

فا دييير بالك

;)

manhattangrl said...

nice PoSt!!

all women problems starting from a bad sex !!

and a bad bed

! take arest
calling a good man and talk talk talk ....

try to have yoga classes

NewMe said...

هي فضفضة
تنفض عن القلب
تراب الأنين
ليصفو ويحلو
وتمضي السنين
ويبقى من الهم
غبار حزين
يخف عن النفس
كي تستكين

تحليل منطقي وعقلاني لابعد الحدود
التدوين لم يحل أزماتي فلا تزال موجوده
وإنما إخراج هذا الكم الهائل من الكلام
يساعدني لاستمر بالرغم من مرارة الايام
لتستحيل سكر
أو هكذا أعتقد
قد يكون هذيان الوعي أو اللاوعي
لا أعلم أو ربما الإثنان معاً من يعلم!
في الخارج يدفعون بالساعة ليسمعهم أحد
دون أن يحكم عليهم يفضحهم او يفشي سرهم
اما في مجتمعاتنا فتكثر الامور المكبوته
التي تعكر صفو الحياة لاننا وبكل بساطة
لا نثق فالمجتمع رغم كل ما يدعيه
فقد نزاهته
أقولها بأسف وحسرة
شرف المهنة
مسألة عليها مليون علامة سؤال وسؤال
وبقي هذا الفضاء لنبوح بما يزعجنا
ونمضي في هذه الحياة
ريما
لازلت تتميزين دائماً
بفكر مختلف
وقلم محترف
دومي بحب
تحياتي

esTeKaNa said...

يا فرحة قلبي انه فكرة طرت في بالي وكتبتها أثرت فيج وخلتج تكتبين هذا البوست الحلو
.
.
قلت لج من قبل وأقولج الحين،انتي بختصار تعبرين عن شي في خاطري،ترا فعلا مهما لقينا الناس حولنا تسمع وتحضن روحنا بكل وقت يبقى في وقت احنا نحتاج احنا نفهم روحنا ونتفاهم وياها
والبلوق معطينا هذي المساحة اللي نقدر نفكر فيها ونرتب احساسنا

وكلج ذوق على هذي الأبيات الحلوة
:)

Яeema said...

manhattangrl

heheheheheheheheheheheeh

when you have a good sex in bed ( you later want a good head to head talk )


woman dont think about sex like men



in a man = it's a need like water and food


in a woman = it's feeling connect with 2 soul.


you need to study the case in kuwait very good so say what your saying now.


waitting for your posts :)

Яeema said...

newme :
allaaaaaaaaaaaaaaaaaaaaaaah

lovely words!

قرأت كلماتك وصمت فكري


والله ما أقدر أكتب أي كلمة
ما أدري شقول الصراحة



كلمة واحدة
في مجتمعنا من يكلم نفسه فهو مجنون

Яeema said...

estekana

من المعروف ان لكل مبدع ( ملهم ) يقف وراء الكواليس



و بوستي أنت من وقف وراء كواليسه

و لا أحب أن تبقين هناك

فكان أول شي كتبته هو موضوعك

و لي الشرف أن تكوني ملهمتي في موضوعي


أشكرك جدا

tweety said...

أنا أعتقد والله يعينج انا من اقول اعتقد افتلت بالحجي لووول
أعتقد ان احنا الجنس الناعم مثل ما تفضلتي متعودين على التعبير عما يدور بداخلنا أكثر من الرجال

الفضفضة تريحنا

نواجه الكثير من القيود الخانقة فنحتاج للتنفيس عنها أو بمعنى آخر نكبت أمورا كثيرا ونتحمل بسبب قدرتنا على التحمل حتى نصل الى درجة الانفجار ومن الجميل جدا ان ننفجر كتابة أفضل من أن ننفجر غضبا او جنونا او تفاهة

وأكثر المنفجرين كتابة هم محبي القراءة

ترى اللوك اليديد وايد حلو تمي على هالصورة أحلى , شوقتيني بغير الصورة وألبس لكم نفنوف العيد لووول

Яeema said...

tweety

هذا إختيار زوجي العزيز

حنيييت علييه حنة عشان يقعد يمي و يختار


كان يبي صورة ريما مكتبي

بس خفت تخطف الأضواء عني و يركزون بالصورة

هههههههههههه

------------------


أحب القراءة إللي بالنت أكثر

أحس إن عندي كل الكتب بمكان واحد
عاشقة المقالات

الشعر

و خالد الفيصل
و أبو الطيب المتنبي

و مو الكل يدري شنو أقرا
لأن أحس القراءة جزء من أسرار إلهاماتي الكتابيه

tweety said...

لا يا معودة أشوه ما حطيتي صورة ريما مكتبي جان شيفكنا من مشاري

لووووول

NewMe said...

لا لا
ليصمت فكرج
خله مشع
تعبيراتج تعجبني
لو دريت ما علقت
دومي بحب
تحياتي

PearL said...

اخخ من الكلام
بقلبي وايد اشياء
بس مو كل شي يقدر يطلع

تدرين ريم
مرات احس اني ابي اتكلم
مابي راي
مابي نصيحة
مابي احد يقول حرف
بس ابي اتكلم واتكلم واتكلم
واللي جدامي ساكت ويسمعني للآخر
وعقب ما اخلص مو مهم عندي شنو ينقال وشنو التعليق
وهالشي قلته بموضوع لي " اخ ياقلبي "


الفضفضة شي وايد حلو
بس لما تعرفين تفضفضين حق منو
ومشكلتي اني ما اقدر افضفض بالبلوق

يبيلي مكان سري حيل
محد يدخله غيري :)

The Simper said...

coool new pic ;)

العين الساهرة said...

كلامج صح وانا ايده 100% كلنا دخلنا عالم البلوقز للفظفظة عامة كانت او خاصة

ام الحفيز said...

ريما

حبيبتي البلوغااااات ينطبق عليها المثل الي يقول:حب وقول وابغظ وقول
وكلمه تستحي منها بدها
وخصوصا اذا كانت الكلمه موزونه و لها صدى معنوي سواءً ريالٍ كان او حرمه
وسلامتج

Яeema said...

tweety
ياه ياه ياه
خووووووش صووورة

ما أدري إشفيهم هالرياييل عليها

لأنها الوحيدة الطبيعيه
لا عمليات تجميل مبالغ فيها

أنا بقيت أسمي بنتي ريما
بس يقوللي حلاتها بيضة و شقرة
هاهاهاهاهاهاها

وليييييييييين




newme
لا حبيبتي مو قصدي والله

بس وايد وايد أعجبت بطريقة كتابتج

و لا تحرمينا من تعليقاتك الحلوة

Anonymous said...

إذا ضاق صدر المرء عن سر نفسه
فصدر الذي يستودع السر أضيـق


u ask the question and u already know the answer.. I'm not a bloger i just enjoy reading blogs, maybe by doing so i can find someone who had been through the same situations or dilemmas as i did or even similar and its a way to tell my self that i'm not alone!

i have friends "true friends" but i don't know if i can call them friends since i don't share my secrets with them, i don't trust anyone easily.. maybe because i want to maintain the image they have on mind about me and not to show them my weakness points!

However; i do share some of my secrets with couple of very close friends. but the secret i share with one i don't share it with the other one (no one knows all my secrets).. you have to carefully choose the one you are going to share it with.

our way of thinking as girls is completly diffrent than men, but sometime i feel that the way i think is some how similar to men!!


not sharing my secrets is a way of giving me a feeling that i'm mature and wise, because i know how to deal with my problems but you just somtimes need someone to listen to u and understand.

but Reema i have question for you, i'm still single but when i get married do you think its possible to share some of your secrets with your husband?! i don't know why i asked! i already know the answer :)

Яeema said...

pearl

علي طاري إتفضفضين حق منو

إييي و الله و حتي أقرب الناس لج ساعات ما تبينهم يتضايقون بسبتج

الصمت و الكتابة

مو شرط تنشرينهم

كتبي و كتبي و بعطين بالتراااااش

لا من شااف ولا من درا


the simper

merci ;)

Яeema said...

العين الساهرة

وهذا السبب إن شخصياتنا مجهولة
و إذا أحد عرفنا لا يقولنا إن عارفنا



أم الحفيز

يسلملي قلبج والله

و الله إن كلامج عدل

-----------------------
ترا طرشت الميل و في التفاصيل

Яeema said...

purple

First of all I really enjoyed reading your
As I say it (article).

I will start with the last question.

Husband is a person who share’s his life
with you , you need to be careful of the ( some ) you want to tell him .

secrets is not always good to be tilled to a close friend,
why? Because it will show you bad always. They simply never forget 


We always want to hide our bad secrets, coz good things you don’t want to hide them

So imagine your starting to tell your face to face daily deal your weakness

Hell NO don’t you ever tell your husband .
To keep the respect of your attitude all your life .



Your way of splitting your secrets a good one though.

You know sometime, a friend with no secret with you may stay longer with the relationship.


As you just said , you keep your glamour shiny!

----from your words------

our way of thinking as girls is completly diffrent than men, but sometime i feel that the way i think is some how similar to men!!

+++++

I feel the same always , this is why I cant communicate with girls with emotions

I always think left :/


coz when i talk , i think logic


I split subjects

I deal with the problem , not with the person it self.

I see the problem as a hall


I listen , think , and think , then i say my words.



thanks for you again to give my post from your time to comment .

LonDonY said...

مشااااااااااااااالللللللللله

شنووووووووووووو هذا ؟؟؟؟؟

روووووووووووووعه
الديزااااااااااااااااين
حدددده حددددددددددددده
روووووووووووووووعه
الله يهنييييييييييييييج

خلفية البلووووووووووووق عجيبببببببببببة
والصووووووورة احلا
من هذيج بواااااااايد


علمووووونا يبااااااااا عيزنا واحنا انعابل هههههههه

يالله عليج باللللللف عافيه

LonDonY said...

ممكن اطلع حرتي بالصورة القديمة ؟؟؟
لووووول


ولا تدرين .. لا لا .. هم حلوة القديمة

هههههههههههه


ملاحظه ..
لو اتكبرين صورتج اليديدة اشوي لانها طالعة صغيرة في الكومنتس..

Dr. Saleh said...

I do not want to comment, I just wanted to complement your taste on selecting such beautiful pictures
I like the image you are using now more than the old one

Dr. Saleh said...
This comment has been removed by a blog administrator.
Яeema said...

londeny

قا أعوذ برب الفلق

templets hatheeeela

i take the picture and up-load it to the background!

you did it , sheft your blog esh7elwa

raining !

the head allah ye3afy enter-q8

ehdaaaa2 mennaaaaa


ما أعرف إشلون أكبر
أعرف أصفر الصورة
إذا تقدر إتساعدني فأكون شاكرتلك

Яeema said...

dr.saleh

thank you :)

my pictures i bring them from a site called :


http://www.deviantart.com/


هذولا هواة التصوير

but it got a little bet rated pictures , you have to make sure you dont open it in ramadan :/