Saturday, October 14, 2006

home work





قاعدة أدرس بنتي اللغة العربية، إيهيا بثالثة إبتدائي و قاعدين يعطونهم المثني و الجمع، المهم إستوقفتني كلمة و إحترت فيها وايد وايد.

كلمة خفيف – شنو المثني مالها و الجمع؟

أوكي المثني سهل

بس الجمع عقدني ، خفيفون؟ خف ؟ خفاف ! أمبييييه والله إبتلشت أنا مو مال هالجما إللي إتعقد!

سويت إجتماع قمة عليها، دقيت علي أمي، يما شنو جمع خفيف؟

أمي: الحين معقولة ما عندج معجم بالبيت؟

ريما: يما عندي إنجليزي – عربي ، و بعدين إبتدائي ما أحتاج معجم

أمي : لحظة خل أسأل أبوج، بو- محمد شنو جمع خفيف؟

أبوي: جنها نفس الشي ، إنقول أوزان خفيفة و حمولة خفيفة

ريما: مشكورة يما و شكريلي أبوي بعد.

طبعا كلش ما إقتنعت بالإجابة، إنشغلت و تركت الموضوع ، لأن كان يوم أربعا هالحجي

ييييه اليل، بحط راسي علي المخدة ، و إلا كلمة خفيف أشوفها جدام عيوني تقوللي شنو الجمع مالي!

لا حول ولا قوة إلا بالله، إشهالحالة! شنومني الحين و في كلمة غبية مثل هذي إتنطط جدام عيوني !

الساعة 3 الفير ، و أقوم أفتح الاب توب ، مالي إلا قوووقل المنقذ

عرفت الجمع مالها و إلا شي ما مر علي بالي !

و فجأه ياتلي النومة عقب ما عرفت الجمع.

اليوم الثاني ناديت بنتي و أنا مستانسة! عرفت الجمع مال كلمة خفيف !

بنتي: يما؟ حتي بالعطلة تبين إتسوين الواجب

الأم ريما : حبيبتي يا بعد طوايفي ، عطلة مو عطلة ، بتبطلين الدفتر الحين و إبتكتبين الكلمة ، إنتي ما تدرين إشصار فيني باليل عشان أطلع الجمع و إنتي إتييلي تقوليلي عطلة

بنتي: يما عادي عادي حتي إذا ما عرفتيها أقدر أنطر أسأل المدرسة السبت.

الأم ريما : لا حبيبتي ، لازم إحنا إندور و نسأل عشان ما ننساها ، لما تسإلين ماراح تثبت براسج، يالله يا حبيبتي صيري خوووش بنت و كتبيها

بنتي: إنشاء الله يما ، والله عشانج بكتب الواجب بالعطلة

السؤال الحين لكم؟ شنو جمع كلمة خفيف؟

62 comments:

بنت الشاميه said...

توني راجعه من المسيد عيزانه ومالي خلق اتكلم او افكر ويوعانه وما ادري شنو اكل شان افتح الانترنت وقراء البوست مالك شان تشغلين مخي وبديت افكر صج شنو جمعها وزادت بلاغت شفي سالت زوجي قالي ما اعرف ولا تاذيني بقرا الجرايد احتريت ليش ما اعرف حسبالي اني شاطره بالعربي
انا افول خفاف دفاتر خفاف صح وإلا غلط

Яeema said...

بنت الشامية

حاول مرة أخرى

MSB said...

أخفّاء؟

بنت الشاميه said...

المحاولة الثانية خفف

سالفة قلب said...

خفاف

سالفة قلب said...

نسيت كسرة على الخاء

خِــفاف

Bed0uin said...

الأخفّاء

سالفة قلب said...

صدقيني خفاف اهي الصح

الديل من القرآن:

انفروا خفافا وثقالا

Яeema said...

mulan

same same :p

مفرد و جمع آلاء هو آلاء


شنو جمع أخطبوط؟

Яeema said...

خفاف و أخفاء

الأثنين صح

سالفة قلب said...

MuLaN:

اشلونج مفرد آلاء نفسها آلاء

مادري اشفيني مشتطه وشاتره والبلوقات اغلبيتها هدوووووء

اشرايج بعد اذنج ياريما انكلم المسابقه؟؟

شنو جمع عندليب

Яeema said...

عنادل

:p

سالفة قلب said...

شاطره انزيل شنو جمع مقله؟؟

مقلة العين

Яeema said...

مقل

:)

Яeema said...

جمع أخطبوط؟

سالفة قلب said...

ماشالله عليج

انزين جمع رعب؟؟؟؟

سالفة قلب said...

أخابيط؟؟

Яeema said...

ولييييييييييييييييييين

صعبة مو موجودة

فيها سهرة ثانيه حرام عليييج

ههههههههه

سالفة قلب said...

هاهاهاها

ترى بروحي ألفت انا مااعرف اصلا

Яeema said...

أخاطب او اخاطيب

Яeema said...

لا و إللي يعافيج

لازم يطلع الجواب الحين

ههههههههه

سالفة قلب said...

يعني ما بعدت وايد

انزين جمع شله موشرط اليوم

انطر لي باجر

سالفة قلب said...

رعب= رعب نفسها

Яeema said...

الشلات؟

سالفة قلب said...

لا
الشليله

Яeema said...

جمع كلمة حاسوب؟

علي طاري الكمبيوتر

ههههه

سالفة قلب said...

حواسيب؟؟

سالفة قلب said...

شنو جمع امبراطور؟؟

Яeema said...

ليس لها جمع

أجهزة حاسوب
و جهاز حاسوب

Яeema said...

أباطرة

Яeema said...

سالفة قلب

إشرايج إنعد خرفان عشان إنام؟؟؟


مخي يابيلة ساعتين عشان يدى من النفكير

هاهاهاهاهاهاه

Mamloo7a Q8ia said...

بعد البحث والتقصي جمع خفيف= خفاف بكسر الخاء
عاد انا والعربي مو وايد ربع وخاصه النحو والتعبير
وصاجه ما تطري عليج الاشياء الا لما تحطين راسج على المخده وتطير النوم من العين
انا مره ابي اتذكر اسم وحده ما نمت لحد الصبح كلمت صديقتي وسالتها و ياالله ارتحت

سالفة قلب said...

اقول....الله يعافي قوقل

pPp


باجر التكملة انشالله

تصبحين على خير

Яeema said...

سالفة قلب

إيييه والله

أكو وايد كلمات إكتشفت

حبيبة قلبي تصبحين على ألف خير


زهبي كلمة صعبة مثل رعب
إعجبتني
بس والله إنت مو نحيسة قلتيها عشان أنام

هاهاهاهاها

Яeema said...

mamloo7a q8ia

والله صاجة!؛


أزيدج من الشعر بيت
تدرين لما الفكرة إتسيطر علي مخج شنو ينقال لها باللغة العربية؟


الزهير

iliveinq8 said...

الأخفّاء : جمع خفيف

www.google.com

type : جمع خفيف

وراح تلقين الأجوبة !! الله يهداج اثيتي ام محمد وابو محمد

iliveinq8 said...

على طاري جمع اخطبوط

شنو جمع مكوك؟ :/

مكوك فضائي :/

Яeema said...

love nature :

it means your gready for knowledge

allah yehanneeech ;)

iliveinq8 said...

عنكبوت = عناكب
اخطبوط = اخاطب

Mamloo7a Q8ia said...

ريما شعندج انتي وسالفه الفجر تلعبون بالكلمات
؟؟

Яeema said...

بنام يا جماعة!؛

هاهاهاهاهاها

صعبة من وين يايبها!!!؛

Mamloo7a Q8ia said...

بزهب لكم كلمات راح اعطيكم اياها الساعه اربع ونصف فجرا وعابلوا فيها لحد ما تطلع الشمس

Яeema said...

mamloo7a

كتبت القصة و إبتلشت بعمري

هاهاهاهاهاها

ولدي قاعد يشرب حليب يمي

توه نام إسم الله عليه

و أنا طارت النومة مني ألحين

Яeema said...

looooooooooooooooooooooooooool

كل من منهج اللغة العربية الدايخ

هاهاهاهاهاهاهاها


لا حول ولا قوة إلا بالله

يبيلي كمام الهادي عشان أنام ألحين

Mamloo7a Q8ia said...

تزهبي حق باجر وتصبحين على الف خير ونوم العوافي لج وللي معاج

يا جماعه خلوا ريما تنام وراها واجب صعب باجر

Cr8ivia said...

hehe nice post
bas 3ad hathe easy ilthake ey6ale3 جمع حليب

و كمأه مفرد و الا جمع؟ و اذا مفرد شنو جمعها و اذا جمع شنو مفردها :P

ib yad3on 3lay :s Night

Unknown said...

بالقران مكتوبة
فى احد السور تتكلم عن السحاب اذا مرت
خفاف
جمع خفيف
وممكن تكون فى حالة الصفة
الاخفاء
ييتى حق وااااحد يموووت على اللغة العربية
اذا شاطرة قولى شنو جمع
عصى

طائر بلا وطن said...

كل عام و الجميع بخير
و عسى ربي يخلي لج بنيتج
و تشوفينها عروس آمين


جمع جليب

الله يهينكم
:)

yokin2007 said...

لوووووووووووول
تدرين شفكر فيه
ان بتتج تقول حق المدرسة الجواب والمدرسة تقول لها غلط
لوووووووووول
شنومج عاد اليوم
:)

جمع خفيف
حسب الجنس

نساء خفيفات
رجال خفيفون
العاب خفيفة

نون النساء said...

خفاف


ما يبيلاااا


امبييييييه ذكرتني ايام كنت أدرس اخوي
كاااان يرفع ضغطي بواجباته المكدسة

X_X

albandry said...

مش معقول قلب البلوق شاتينج
ومنتدى
شسالفة بينكل تعليق وتعليق دقيقة
يبله فكر واربح يدش عندكم
ويبوق اسألتكم


لوووول
الفجر

ذكرو الله
ان قران الفجر مان مشهودا

Яeema said...

أشكر جميع من عقدني بالكلمات

راح أجمعهم كلهم بورقة و أحط الجواب بوست

ههههههههه

Anonymous said...

ReeeeeeeeeMaaa.. 7aSby alah 3ala 3edwanich .. tedodaht o khafeef gamat et7oos eb mukhy o ana 3endee sheghel MetalTel belDawaaaaaam.. bs ma agool ella.. " Baith elkha3faG o Farkh elkha3anFaaG :pPp "
o ya36ech el3afya o ewafeg bentech

حسام بن ضرار said...

شكلي واصل متأخر عالبوست



المهم

خفيف هي صيغة مبالغه على وزن فعيل

فيصير جمعها خفاف




الآية الكريمه تقول

إنفروا خفافاً او ثقالاً



فخفيف جمعها خفاف




بس غريبه ثالثه ابتدائي يعطونهم قواعد صعبه جذي



اذا احنا ما خذينها الا برابعه ثانوي

The Simper said...

بيييييه طافني هال بوست

بس حبيت أسلم

:)

byt the way..

شنو مذكر نملة؟

ام الحفيز said...

ريم
هااااااااااو جمع خفيف
معروفه انت موتقولين حق الاكس مال اللانوتر والي يعافيك ما نبي اعيوش ودسم نبي خفايف والخفايف اجباب وسمبوسك وسندوشات كانابي

خفايف يمااا وتوكلي على الله

Anonymous said...

جمع خفيف مو

sخفيف

:P

وجمع بطاط شنو ؟

أبططه ؟ لول

Яeema said...

وااااااااي إنتو لما الحين إهنيييي
هههههههه

أتفاجأ بالإيملات إن لما الحين أكو تعليق بهالبوست


صج رمضان و المسابقات مأثر عليكم
هههه





om-khammas :


يسلمج حبيبة عمري




حسام بن ضرار

لا مت أخر ولا شي يمدي يمدي و لما ألحين قاعدة أعلق


والله إن ثاثلة إبتدائي
شفت البلشه إشلون قايلة




the simper

Ant :p

the femaly = anty :p

Яeema said...

أم الحفيز

هاااااااااااو أو الحفيز عندنا!؛

يا مرحبا يا مرحبا

زهبوا الطيران يزفج زفة عروس علي هالزيارة

خفايف أم الحفيز!؛

أشوج ما درستي بنتي
هاهاهاهاهاها

خفايف خفايف ماني إمداحرتج

ييتج عزيزة و غالية




سمعتي يا نااااااااااااااااس



خفايف

هذا الجواب الصح

و لا أحد يناقشني لو سمحتوا





love nature

i bet you have a small part copy like me. i even never give up.

nice to see that i am not a lone in this world ;)

Яeema said...

anonymouse :
والله رمضان الحين و الناس صايمين

إللي إتشوفه

ههههههههه

ام الحفيز said...

ريماااا
الله يعز قدرج ويرفع شانج ماقصرتي ياختي ربطتيني بمكاااني من طيب ذوقج
واسمالله عليج توني اعرف اسيييير حتى الله وكيلج مشاري تشره علي ياختي الغشامه اذا استهلت شيوقفها...الله يبعدها عنكم
والله اني متعووومسه بببلوغي يا ختي بحط خلفيه للبلوغاغناياه ومادري اشلون ؟؟؟تعرفين اشلون؟

Яeema said...

أم الحفيز

ديزيلي إيميل و أقولج

allure187@gmail.com


له طريقة معينه