Wednesday, September 06, 2006

أفكار

عندما تتبلور الفكرة داخل أعماق قلبك قبل عقلك ، و تكبر ككرة الثلج عند سفح الجبل ، تبدأ صغيرة متواضعة و تجدها أعظم مما كانت ،تكبر و تكبر و تنسج القصه داخل أعماقي ،أساطير ممزوجه بالخيال ، و عند خروجها بشكل أحرف و كلمات ، تبدأ رحله العذاب ، كأنها مولود خرج للتو من بطن أمه ، يصرخ ليستنشق نفحات الهواء و كأنها نشوة العاشق بلقاء حبيبه.

تصطدم الفكرة بالحياة ، فيزيد إنبهارها ! ماذا فعلت و لماذا العتب؟

لم أتكلم بعد ، لدي الكثير لأقول

أنا من يجد عندي كل متمرد ملاذه ، أنا من يختفي ورائي الملحد ، أنا من يريد عن طريقي الصعود للمجد ، ويجد السياسي أكاذيبه عندي ، والخجول الشجاعة، فأنا من أوصل المشاعر و الحب للعاشقين و المغرمين.

نعم ، تبدأ بفكرة ، و تنتهي بكلمة

from my memory book



تمنيت شوفها قالت الأيام محال
قالت إنت في ديرتك وهي في ديرتها


قلت ليش البعد أبي الوصال
قالت وصالك معها يمكن يعذبها


قلت خليه سرا بعيد عن العذال
قالت أسرارك يا زين من يسرقها


أنا فارس بشعري ونثري خيال
أستل قلمي وأشعر شعر وأطربها

لا توقفي صخرة لي في شوف الغزال
خلني أرجع ديرتي و أمدحها وأذكرها


بكل خير وأحسن الصفات والخصال
خيرة بنات الكويت وأحسن أهلها


فيها صفات الدلال والجمال
يالله إحفظ ريــما و أسترها


31 comments:

ReLaaaX said...

آمين ولاتحرمنا من طلتها البهية:p

lawyer said...

صح السان كاتب القصيده

عنده نظر عرف يكتب في منو


اما بالنسبه عن الفكره

الغريب يا ريما
لما تقعدين ايام و ايام و ليالي تسهرين و ينشغل بالج في هالفكره
و من مجرد ما تطلع لارض الواقع تموت قبلفي اول انفاسها و في مهدها

يضيق خلقج وايد ان ضاعت ايام و ليالي على فكره

Dr. Saleh said...

صح إلسان إللي كاتبها ، قصيدة
رائعة في إنسانة وكما يقول الشاعر

بكل خير وأحسن الصفات والخصال
خيرة بنات الكويت وأحسن أهلها


فيها صفات الدلال والجمال
يالله إحفظ ريــما و أسترها

وتستاهلين

Anonymous said...

hathy il abyaat maksora .. yange9ha il wazen

kuwaitia said...

آمين رب العالمين :)

The Simper said...

آميين يا رب العالمين تحفظها

هاذي ريما مالنا بعاد عنها ولابلوغها

وصح لسانج

Яeema said...

kitty
إييييه ما قلت لأني أدري ويييك إند و الكل لاهي و حطيته و طلعت
هاهاهاهاهاها

مرة ثانيه أقولج
سوووري

:P




relaaax

ولا يحرمني منكم أصدقائي المجهلولين إللي صج أستانس لما إتمرون و إتشاركون و أوله عليكم و أفقدكم
والله شعور غريب


مبروك النيو لوووك حق المدونه
زووووووووووووغه
ماشاء الله تبارك الرحمن

Яeema said...

lawyer
حبيبتي والله
:*

أنا قتلج عن الكتاب إللي يتكلم عن كلمه و إشلون إن هالكلمه إتجر وراها أفكار وايد

و تاخذج سنين محتارة و تكون هالفكرة إهيا المسيطرة عليج
ويين ما تروحين إتشوفينها بوجووه الناس ، وبكل حديث

صج الأفكار غريبه

اله يبعدنا عن ألأفكار الغريبه
هاهاهاهاهاها

- ضحكت لأني تذكرت شي عن أمس -؛




dr.saleh
دائما طلتك مميزة عندي
و صح ترسم الإبتسامه

و تذكرت علي طاري لفكار لما كنت إتسطر الأسئله إتخليني أعيش بدوامه تفكير مو طبيعيه

و أقولك يا أخي دور في قوووقل
هاهاهاهاها

Яeema said...

anoymouse
يذهب الوزن و تبقى لي المشاعر و الذكريات


سؤال

إشلون أعرف أعرف إن مكسور؟
لأني صج أبي أكتب بس لاوزن يطلع و لا بطيخ

عشان جذييه أحتفظ فيهم لنفسي



kuwaitia
ويخلييج لنا يا رب و لا يحرمنا من وجودج بينا





the simper
حياتي والله إنت
مشكووووووور وايد وايد

تدري شنو الفكرة أول ما أشوف صورتك

أتذكر الكورس إللس خذيته بالتصميم الداخلي و إللي رسمت عامود روماني نفس إللي إنت حاطه و كنت محتارة أطبق نظريه الألوان عليه فعطيته ظلال خفيفه

بس ما عجب المهندسه إللي إتدرسنا

جان أقولها بالعصر الروماني ماكان في سيجما ينرش
فكان لونا طبيعي

هاهاهاهاها

إمبين مالي خلق أخلط ألوان

عبدالله الظفــيري said...

هذا الكلام انتي كاتبته والا غيرج ؟؟
الصراحه يعطيج الف الف عافيه على الكلام الحلو ومادري شقول بحقج على هالكلام الحلو لان ماتكفي الكلمات بحقج من مدح بس ماقول غير تسم ايدج ..

ونفس ما قالوا الاخوان الفكره انتحسف عليها لين نفكر فيها ايام واسابيع واشهر ولين نلقي هالفكره تتبخر ولا احد يذكرها ... بس على فكره في افكار ماتنسى ولا احد يتحسف عليها وانشالله مافي حسف على شي...
وعلى سالفة الشعر صح السانج وتسلم ايدج ان انتي كتبتيه والا غيرج .. ان كان غيرج كافي انتي كتبتيه وخليتي الناس تعرفه... وان انتي كتبتيه من نفسج فهذا حلو وكافي الناس عرفت الفكره...
وعلى فكره ترى عمره ماصارت حرمه شاعره مهما كانت .. لان المشاعر للرجل فقط يمكن لان خبره بالجذب .. يمكن لان صادق اكثر من الحرمه .. يمكن لان يوزن الامور اكثر من الحرمه وهذا شي معرووف ...
بس الصراحه اذهلتيني بالموضوع ماتوقعت هالشي...

عبدالله الظفــيري said...

الصراحه انا من اشوف صورتج الي حاطتها اتذكر هالقصيده :
شفت سواد الليل ينادي بعينك الليل**هي من سواد الليل والليل منها
بين الرموش وبين عينك تعاليل ** بياضها يضفي عليها كفنها
الشمس من جيدك قليله ومحاصيل**ماهيب وامنته وهو ماو منها
والروض من خدك شكى الظلم والويل ** مفهوم من ورد خدودك زبنها
تشكي فساتينك من العدل والميل ** ارحم اثياب تشتكي من بدنها

وسلامتج....وهذا جزء من القصيده

Anonymous said...

الافكار اهي اللى تميز بين الناس
فاتلاقينهم يقولون فلان صاحب فكر
وفلان ما عنده اي افكار ؟
والاهم من هذا وهذاك
هو شلون نوصل فكرتنا حق الناس
بطريقه يتفهمها الجميع ويعترفون فيها
هنيه تبين مهاره الانسان وقدرته على التعبير

مثل ما قال اخونا ديكارت
انا افكر اذا انا موجود

Яeema said...

عبدالله الظفيري

المقاله الأولي أنا إللي كتبتها


أما القصيدة فهي إهداء من صديق
قديم و أتمني إن يكون بأحسن حال



و أشكر مرورك و قرائتك لي و صراحة أثلج صدري الكلمات إللي قلتها بحقي


يعني أتفلسف عليكم إزيادة؟
ترا مخي متروس من هالمواضيع إللي مدوختني ليل نهار
هاهاهاهاها


مشكور على القصيدة الرائعه
تسلم إيد من كتبها
- بقلدك ممكن؟ -
:p

Яeema said...

وحيد :
من لا فكر لديه
ينعت بالمجنون

كلامك لا غبار عليه

Maximilian said...

كلام جميل جدا .. انا من زمان معجب بهالبلووق عسى الله يدوومه
:)

enter-q8 said...

يالله إحفظ ريــما و أسترها

Mohammad Al-Yousifi said...

نايس

esTeKaNa said...

أحيانا:
أفكار من تتحرر من خيالنا
تفقد رونقها وجمالها

وايد حبيت الجزء الأول،واطالبج تطلعين كل شي عندج
والقصيده
صراحة حلوة تسلم ايد اللي كتبها
:))

Яeema said...

ali
الله لا يحرمنا من زيارتك
مشكور و ماقصرت



enter-q8
7ayaty thanks alot :)


kila ma6goog

شرد عليك بالله؟
هاهاهاهاهاهاهاها

والله أقشي من الضحك لما أشوفك حدك مشغول و إتدوس علي نفسك و إتعلق

إتعور قلبي
هاهاهاهاهاهاها



estekana

حبتج العافيه حبيبت قلبي

أوعدج إنشاء الله
من يتعدل الجو راح إتعدل البوستات
يكون لج خلق تتفلسفين إشوي
أما حر و تفلسف
صعبه
أنا أستثقل دمي وايد

و إللي كتب القصيدة ولد الرشيد
أشكرج بالنيابه عنه

واااي ودج يشوفها و يعلق يقول أنا إهنيي؟

والله جان أكشن حدة

esTeKaNa said...

واي ريما
يقرا
ويكتب تعليق
وتتدودهين وتردين عليه
ويصير فلم هندي ويشتغل الطابور الخامس
خو الطابور الخامس والعذال قاعدين لج قعده
:))

Anonymous said...

elshe3er ely bdon wazen esamona eshe3er il 7or..wel awzan wayed bo7or eshe3er il 3araby 7 .. weshe3er il naba6y ham gheer menha il hjeny ..etc

Diver said...

أنا من يجد عندي كل متمرد ملاذه ، أنا من يختفي ورائي الملحد ، أنا من يريد عن طريقي الصعود للمجد ، ويجد السياسي أكاذيبه عندي ، والخجول الشجاعة، فأنا من أوصل المشاعر و الحب للعاشقين و المغرمين.



ثقة حلوة و محمودة بالنفس
يستهويني كل من له ثقه بنفسه
و ستهويني اكثر من اظن ان ثقه بنفسه في محلها
لذلك اقرأ مدونتج

عبدالله الظفــيري said...

لا يقولج الرشيد ناوي يزور البلوغ مالج من كثر ما سمع فيه وسمع انج حاطه القصيده , ولا خبر سار خالد الفيصل يبي يمر بلوغ ام جنطه البندري مستانس حده منها , ويبون يقدمون لكم اهداء قصيده....
بشيييييييه بشيييييييييه

مصدقين روحهم رقيه وسبيجه
هاهاهاهاهاهاهاهاهاهاهاهاها

Яeema said...

estekana

hehehehehehehe
حلم حلم حتي الحلم حاسدينا عليه
خو ما قلت طلال الرشيد بيهد قبرة عشان يعلق عندي



anonymouse
thank you for the info

3ajabny el 7ooor ;)



diver
بعد عمري والله عزيز و غالي و حياك إبأي وقت
;)


عبدالله الظفيري
وااااي وااااي إسمالله عليك تلبح

جنج شيبه يايبيله الغدا الساعة وحدة

معلومه

طلال الرشيد متوفي
:p

هذا يصيرله

محتر ليش بن رشيد قاصد فيني
هاهاهاهاهاهاها

عبدالله جان بيطلعلي شييب فمنك
و بعدين يا أخي ما أعرف أرد عليك

ما أحب اللبحه
الكبر شين يا أخوي


لما أشوف تعليقك أضحك قبل لا أقراه
أقول يا مصعدني السما
و إلا يايبني قااااع

هاهاهاهاها

أرجوك إرسالك علي بر ما أقدر أتعامل مع شخصيتين مختلفتين
والله أتدوده

هاهاهاهاها


-------

تعلمت أن مفتاح الفشل هو محاولة إرضاء كل شخص تعرفه.

يا عبدالله
لا بليت يا فصيح لا تصيح

:p

Chai-7aleeb said...

ما فقدتينى يا ريما؟؟

النشله ذبحتنى

Fuzzy said...

لا قصيدة دسمة مقلية بالزبده :)

Яeema said...

sarah
الله لا يحرمج من أبوووج يا رب
و يحميكن من كل شر


والله وناسه بيني و بينج


chai-7aleeb

حبيبيييييييييييييي بعد عمري ما إتشوف شر يالغالي

والله سامحني أنا لاهيه إشوي عن البلوقات

:(

أنا صايرة أيام الله وحدة عندي

ردييت الدوام و شربت جاي حليب و تذكرتك


fuzzy
الحمدالله علي السلامة
زبدة ها
هاهاهاهاهاها

عبدالله الظفــيري said...

هاهاهاهاهاهاهاهاها
هلا وغلا بنويرة البلوغ ... شسوي ريما احب اتحرش فيج :)

والحياة نفس سوق المناخ وايام العمر نفس الاسهم مره فووق ومره تحت ما تدرين فيها ... وانا لازم العب بالاسهم عدل بعدين اخسر :)

وانا ما احب اخسر بشي اقدر اربح فيه .. والله لا يحرمنا من هالطله الحلوه

freeq8 said...

خوش قصيده...ركزي على البلوغ مالك والمواضيع ...مو على الي انتي خابرته...ترى صار...صاد-عين -صاد
وترس رأسنا
والله من وراء القصد

Яeema said...

عبدالله :

:p

إعجبتني نويرة
هاهاهاهاها

الواد قلبوا بيوجعوا و عايز حد يدلعوا

Яeema said...

freeq8 :

loooooooooooooooooooooooooooooooool
متبنيته

إمسليني بالعطله

كتبت بوست
أنا ويا البلوك إللي صاكينا فيه ما نقدر نكتب بوستات بس إنعلق