Friday, September 22, 2006

blog and the city !



عالم البلوق أول ما بدي إنحصر علي المستخدمين للشبكة و إللي أصلا كان عندهم صفحات ، و كانت يطلق عليها المنتديات، بس شنو مشكلة المنتدي أن ما يضم إلا هالجماعة إللي مشتركين.

ييييه العم قوقل و أنشأ الموقع و خل الجماعة بجربه وحدة ، بطريقه واضحة و تركيز أكثر علي الموضوع. يووووزيير واحد و باسس وووورد واحد.

المستخدمين:

كان شعور حلو إن محد يعرفك و تكتب إللي تبي، خرابيطك ومغامراتك و الدقات إللي إتسويها ، يومياتك و مذكراتك و بعد شي مهم رايك و قراءاتك و أشياء وايد إتحبها.

المعلقين:

أحلا شي بالدنيا في هالعالم، والله العظيم شعور الناس و تفاعلهم وياك يخلي عندك إلتزام إتجاهم.

ساعات تنحرج إن ما عندك وقت لزيارة مدوناتهم، وساعات تنحرج إن إللي كاتبينا صعب إن الواحد يفهمة، سواء شعر أو سياسة أو مواضيع متخصصة.

بس يعني ودك إتعلق عندة لأن تبي إتبين إن هالشخص قريتله و إتعزة.

البلوق:

المفروض المذكرات تكون سر و الشخصية مو معروفة، عشان ما يفقد الموضوع حلاوته، خصوصا إن الإذا عرفنا هالشخص ، راح ننسب الموضوع لذاته، فنقول والله هذا ليبرالي لييش يقول جذيه؟ و إلا هذا دين لييش قال جذاك.

الكويت:

الكويتيين أكثر ناس يحبون بلاغة الشف و يحوسون علي إن يظهرون الشخصية. و هالعالم صغير، فتمت الكشف عن هويات كثيرة.

البلوقيرز خارج النت:

ما عندي فكرة عن الشباب و شنو يدور بينهم لأني ولا مرة ناقشت شخص وربعه عندهم بلوقير.

بتكلم عن شلتنا، نقعد و إنسولف عن الدنيا و مافيها ، و فجئة و إحنا ما إنكون قاصدين هالشي، قريتوا فلان؟ موضوعه كان حلو و يحليله دمة خفيف.

طبعا إللي ويانا و مو بلوغير شتقولون؟ شنو ؟ شنو الموضوع؟

و تبدأ السالفة و خصوصا إذا كان الموضوع جد شويه و في تشعبات و آراء مختلفة ، فصار له الفايدة .

أحلا شي في هالعالم إن بدون قصد قام يقرب الناس بطريقة حلوة

قولولي بلييييز إشلون لبلوق أثر عليكم؟

هل فعلا إتناقشون المواضيع خارج نطاق النت


تحديث : إهداء إغنيه


36 comments:

Яeema said...

cafe namlet

LOOOOOOOOOOOOOOOOOOOOOOOOOOOOL

إمضيع أخوي؟

إنت مو صايم
لو تصوم بتقول إبجم متر الخام عندج

lawyer said...

wahahhahahhaahaaaaaaaaaaaaaaaaaaaaaaaaaaaaaaaaaaaaaaaaaaaaY

اشتغل التضيع
اي والله محد صاااااااام و جذي
بس يمكن

عشان اخر
يوم و عادي عادي ليله يمعه طوفي

Mommy S said...

wallah tabeen el truth when I was bel states el blogs wayed garebony min la7dath elly ga3ed etseer bel Q8 a7san min el jarayed wel TV .

Dr. Saleh said...

I do not discuss blogs with no one, its like reading a newspaper; however, you interact with the writer. I found what you write funny and interesting, and just reflect your love of life and how crazy you are. I will always expect the best from you.

thanks

albandry said...

wayyy
mashalla 3alich


am new at the blogging world
but u know what it made me more calm and stay at home more

i like my blog
i like the friends i made here

and most of all my sis my coz
my far coz made blogs after i did and we all discusse evry comment and blog posts

Hosno said...

والله كلامج صح 100 % و الشي الحلو بالبلوقات انك تدش تقرا وتشوف ناس مستانسه وتضحك وتحاول تتعايش مع الحدث
ولا ناس قاعده تتكلم بالسياسه تفكر في كلامهم ويمكن توافق ولا تعارض لك كامل الاختيار
سوالف نسيتها ولا تتناساها تشوفها كأنك انت الى كاتبها وترجعتك حق ذكرى حلوه كانت او مره بحياتك وفي كثير من الاحيان ودك تضيف وتعلق كنوع من التشجيع علشان الى كاتب الموضوع يتحمس ويطلع الى بقلبه واهو متأكد ان في ناس تتقبل وتفهم

Fuzzy said...

فكرة البلوق سهلت عملية تحديث اي موقع وعملية ادراج الصور والموسيقى والفيديو

---------

cafe namlet

روح محلات الجملة بالشويخ اشتر كرتون فيمتو وصابون غسيل و جميع انواع المشروبات الغازيه لان هناك الكرتون اب 1.750
وبالجمعية اب 2.400

ونت طالع يجابلك محل الشامخ .. اخذلك ذبيحه وقوله يقطعها ويفزرها شي حق اليريش والهريس وشي حق المجابيس وشي حق التشريبه والمرق

هاهاهاها

Unknown said...

( هالشهر كملت سنة بهالعالم الحلو وبديت ارجع حق اول الاشياء اللى كتبتها
وتذكرت معاها وايد اشياء
بس الحمدالله وهذا مو غرور لقيت نفسى بالضبط امشى على خط واضح صج مرات وايد اكون غير الناس لكن اكتب اللى مقتنع فيه مش اللى عاوزه المخرج :)
ولازم اذكر شغلة
انتى من الناس المهمين بالنسبة لى فى عالم البلوق وبما ان الفارق بين ولادة بلوقى وبلوقج شهرين او ثلاثة فى اى شخص بعد قريب من هالتاريخ نسوى عيد ميلاد جماعى :)

Unknown said...

صج نسيت انا ما اسوى اعياد ميلاد ما احبها :)

MARSHAL Q8 said...

بالفعل البلوق صار جزء لا يتجزأ من حياتنا النتيه ..

صرنا نحس بالدين تجاه وتجاه اللي يردون علينا :)

وعن سؤالج الاخير

اي والله وايد مرات نتناقش عن هالموضوع !

عبدالله الظفــيري said...

انتظرت ازمان في ظل الوعد ** احسب الخفقات يا اغلى وعد
انتظرت والظاهر انك ياوعد ماجيت ** عيا عليك الوقت ولا ياوعد عييت

الصراحه موضوع يونس ويفرفش ويذكرني بالدوام ... احنا بالقسم ست شباب الي عندهم بلوغات بس اثنين انا وصاحبي الي بالنسبه لي اخوووي .. بصراحه انا وصاحبي دايم نسولف ولازم انتطرق لموضوع البلوغ والبلوغات .. اما الشباب الباجي اسمعهم بوستات بعض البلوغات والتعليقات واخذ بعض تعليقاتهم .. واذكر تقريبا اول هوووشه كانت مع ريماااا ههههههههههههههههههه....
مو هووشه هووشه اخوان ;)
الصراحه كل صبح تقريبا لازم يسئلوني هااا شصاار معاك مع البنت ذاك اليوم شرديت عليها وشردت عليك ... وصار اسمي للاسف والحمدلله نسوا هالاسم ابو ريما ... بس خليتهم ينسوون الاسم وافتكيت ههههههههههههه ....
بس باجي الشباب ما يعرفون عن اي شي

nice said...

اغلب الي ارعفهم ما يعرفون شنو البلوغرز
فماكو نقاش البتة
لكن ان كان فيه حدث والبعض يتكلم بالسياسة فممكن ينتقل الحديث عنهم فقط بهالحالة
اما البعض الأخر غأغلب الاحاديث تكون خاصة مو مال سوالف برا مثل ضايق خلقه وماراح يكتب مرة ثانية وهذا وقال ومثل هالامر
الخلاصة ممكن الواحد يسولف مع بلوغزر شنو كتب لكن مع احد برا من هالمجموعة لا صعب .

enter-q8 said...

اول شي مبارك عليكم الشهر

العزيزة ريما

لو بتلاحظين معاي انتي والاخوة


هل تنسون ان البلوجز اثرت على الحياة السياسية بالكويت

ها اشرايكم


و لاحظوا معاي اللي ادخلوا اللحين عالم البلوجز

قبل كان محدود و بفئات عمرية و ثقافيه معينة اللحين انفتح على البحري

تحياتي

Яeema said...

صبحكم الله بالخير و مبارك عليكم الشهر

Яeema said...

lawyer
أنطر رايج و راح أرد عليه





shaikhoona
your right !

even us
tarra min mashaghel el 7ayaat ma tabeen tesme3een el political life in kuwait, you would like the social life more , witch you cant find it on the newspapers or TV





dr.saleh

first of all I really don't know if you are a shame to say that you read blogs, because I know lots who are, specially the once with a big mentality , coz they see it's a memory of a un-known writer they are not interesting to read him.


maybe my blog is different than others, but do you only read us?

even the newspaper when you read it with a subject you like , you discuss it with your friends, or you’re the kind who read for himself?

Яeema said...

albandery
Thank you albandery for pointing about this word

Discuss


This is what we call it open a new way of a good communication between peoples we live with , we use to talk about the sickness social life we have in Kuwait, now with sharing all the topics we even think differently, and we insist to give the right information about the subject we write about , we start to read more and search .

Nescafé said...

والله صاجه ياريما الكويتيين بالغين شف بشكل موطبيعي، صح انا تييني هالحاله مرات
بس مثل ما قلتي طول ما ان الموضوع يكون مجهول والناس مجهولين يكون للموضوع حلاوته وللبلوق متعته

وانا وريلاكس نفسكم نسولف عن البلوقات وعن بلوق بلوق وهذا نزل موضوع مادري شلون قايل
..وهذا كمل قصته، وهذا .. وهذا
حتى اكثر من مره اذا مرت علينا سالفة تضحك ولا موضوع مميز بالبلوقات نقوله لامي او خالاتي يعني بره النت
احس الشي انتشر بشكل كبير، ومره قريت ان مسوين يمعة بلوقيه بمادري وين اهو وناسه ومووناسه بنفس الوقت

Яeema said...

hosno
بالضبط هذا الشعور إللي أحسه لما أدخل بعض البلوقات ، ساعات تتكلم عني فتحس إنك مو بروحك في هالدنيا

و لما تتحلطم وياهم إتحس إنهم ما يعرفونك شخصيا فيصير التحلطم للتحلطم ما إتخاف يقولون شي مو حلو بحقك




cafe namlet
يعفيك حياتي يالله رمضان بنوقف الضغاط إشوي

هاهاهاهاها

Яeema said...

fuzzy
بينت حقيقتك

أشوة خوووش رب أسرة
الله يهني مرتك فيييك


أنا أدفع بالكرتون 3 دناننير بس ما أروح زحمة شويخ






kitty

فعلا و في ناس صارات تستثقل دمنا ليه تكلمنا عن البلوقات

جنه البلوق صار منكر
الحمدالله و الشكر

علي قولت وحدة
هاااااو إشلون إتكلمون رياييل و إتردون عليهم


قتلها إنتي بقبة الله يهديج بس
بعيدة عن التكنلوجيا
هاهاهاهاهاها



حدي أخبر
هههههههه

;)

Яeema said...

بقول سر مشاري مو راضي يقوله
علي طاري أنا يا مشاري



أنا إللي خربت مشاري علي البلوق




mishari
سوووري مشاري بس حقوق الطبع محفوظة و لازم ما تبخص حقي بهالموضوع

يطري عليك يوم إتقوللي بسج و إشقاعدة تكتبيين بالإنجليزي

دمج ثقيل
هاهاهاهاها

حولت ليييه عربي بسبتك

بس التحويل صار بنجاح ساحق


أشكرك من كل قلبي

و إنت من الناس المهمين عندي بالبلوق و خارج البلوق

;)

أشكرك صديقي الصدوق


تعااااااااال
ما ينفع جماعي

أنا عيد ميلاد البلوق بيييب القصار

و إنت من عشاق فيروز
هاهاها

ما إتحبها!؛

سو مرة بحياتك شي عشاني مجاملة عالأقل!؛

يالله إنشوف آخرتها معاك يا مشاري

Яeema said...

marshal q8
يعني بقولك شغلة

إنت من الناس إللس أستحي ليييه شفت الكومنت عندي
لأني ما أذكر إني زرتك

ففعلا أستحي و أقول لا لا لازم أمره فشلة و ما أدري إيييش

و إتدور الأيام و ألاقي كومنت منك ثاني

و أحط إيييدي علي راسيييي
أمبييييييييييه نسييييييييت!!!؛

أمبييييه فشلة ما قريت الموضوع
أمبييه إمبلة قريتة و كانت لويه يمي فما قدرت أعلق

Яeema said...

عبدالله الظفيري
أحب الزين مهما كان غالي
و لوهو صعب أنا أحب الصعايب

ولا يهدى ولايرتاح بالي إلين أرواحنا تصبح حبايب



;)


-------------------------

بوريييييييييما!!!!؛

هههههههههههههههههههههههه
ههههههههههههههههههههه
هههههههههههههههههههههههههههه

بس مسكتها عليييك خلاص
هاهاهاهاهاها

إفتكيييت من ربعك بس مالك فكة منها إهنييييي

بسميك بوريما


صراحة أحلا فيييه دلع

إسمك الكامل يحسسني جني بكتب كتاب حق جهه خارجيه

Яeema said...

nice
صحيح إنت قتلي مرة إنك متحفظ علي هالموضوع


عدل كلامك بخصوص بعض مواضيع البلوقيرز

Яeema said...

enter Q8

عليينا و عليك يالغالي

عدل أثرت بحملة نبيها خمسة

100%
with you


أول إنلحق علي المواضيع الحين ماكو وقت حق الكل

و إنت من الناس إللي كنت أعشق بلوقك
و أتحسف ليييش ما عندي وقت للكتابة

:(

وااااااااي أول ما علقت عندي إستانست وايد!!!؛

شنك حاظفلي مليون عالقنفة

هاهاهاهاهاها

Яeema said...

nescafe
إنكشاف الهويه معناتها الإتزام بإسمج

ما تقدرين إتقولين شي
قيود و قيود يعني ما سوينا شي


اليمعات فعلا حلوة بس لاح تفقد الخصوصية

و ساعات يمكن تنصدمين من البعض و سلكهم

إدعاء المثالية
أو إدعاء الكمال

و بالصج ما إتتمين إنج إتعرفينهم


حاله حال الشات أول

وايد عرفت بنات و ما كان يشرفني إني أعرفهم


فخطرة هالسالفة بالكويت

لازم إتعود علي ناس إنعرفهم من ورا الشاشات فقط

The Simper said...

awla shay kil 3am wintay bkheer.. i have been geting lots of sms's about ramathan.. and still haven't sent one yet.. but i have already replied to other bloggers about their ramathan posts..

for me i still consider my self a newbie ;)

i do check blogs here o there.. but ako blogs more than others ;);) maybe my comments are more there than other blogs :)

but still i am not talking about blogs outside here.. i am still enjoying the anonimity of the blogosphere..

sometimes i talk about them in general to others.. but only one friend who got me here that i discuss with him shino reema katba o shino kitty kanat etghani bil sayara o laish lawyer matrid 3ala comentatna ebsir3a ;)

may god bless all in those blessed times :)

Dr. Saleh said...

أولا مبارك عليك الشهر . أما بخصوص إني أشعر بالخجل في التحدث عن البلوقات فهذا غير وارد. لاني اتصفح الانترنت للإسفتادة بقراءة شئ مفيد أو مسلي ككتاباتك ولوير وبلا نيلة وأنزحه وإن لم أعلق في كثير من الأحيان. أما بخصوص سرية وعدم معرفة الكاتب فلا اعتقدانها سوف تحدد إنه سوف نقرأ لهذا الشخص أو لذلك الكاتب المعروف. فما هو شيق سوف يقرأ

عبدالله الظفــيري said...

هههههههههههههههههههههههه
ماعليه اخت عزيزه وغاليه ... بس ابي اسال ؟؟ الي اعرفه ان الهلال يطلع بالليل مو الصبح شلون عرفتي ان السبت رمضان ؟؟
بس كل عام وانتي والجميع بخير وصيام مقبول وذنب مغفور :)

Яeema said...

princess
علينا و عليج حبيبة قلبي
ميخالف واصل واصل

Яeema said...

the simper

hehehehehehehe

You know! your one of who also we discuss your blog too , and last one when we say, why he never replay to our comments!


and i always want to add you to my list of a bloger that i love to read daily.

enshalla i will soon , ermothan will be no outgoing out alot.

i have to stay and teach and sleep early . ( early 1 am )

Яeema said...

dr.saleh
علينا و عليك


i see , thanks for your clearance

Яeema said...

عبدالله الظفيري

الحمد الله الله ما خيب ضني و خلا رمضان السبت
الحمدالله ربي حبيبي والله


صف النيه يا عبدالله
بسك محارش

ترا برمضان لا تقرب صوووبي إلا بعد الأذان

عادي عادي إمسكره البلوق
هاهاهاهاهاهاها


أتقشمر وياك ترا
الله يعينا علي طاعته وياك
و جميع البلوقيرز و المسلمين

الحجيه said...

السلام عليكم جميعا
خوش موضوع ؛ البلوج نوع من أنوع التنفيس ما في النفس يستطيع الإنسان أن يعلق بكل حرية مثل ما حصل أيام نبيها خمسه أو اي مواضيع اجتماعيه وغيرها الحلو فيها التواصل المستمر بين البلوج و المعلقين وبعض البلوجات نكون حريصين عليها حتى لو ما نعلق بس لازم نمر عليهم وأما عن النقاش مع الأصحاب و الأهل عن البلوج يحصل في اغلب الأحيان ؛ فعلا يقرب الناس ويقرب الأفكار .

أتمنى من الله أن يجعل رمضان عليكم خير وبركه
ويتقبل طاعتكم ؛ وتعودونا أنشاء الله بالخير والصحة والعافية أجمعين .

tweety said...

اكثر شي كان ولازال يعجبني بالبلوق انه متنفس حقيقي اتطلعين فيه كل اللي بقلبج وبخاطرج
وكنت اعتقد ان المعلقين يبينون لج تفاعلهم معاج او اختلافهم معاج بالراي بس اكتشفت ان تأثيرهم وايد أكبر يعني انا احس لي عالم ثاني اهني في ناس احترمهم واعزهم وافقدهم واحرص اني اسمع رايهم مثلج وشرواج

neelaah said...

ريمه

احنا نفس الحاله
ساعات اتصل على بله
اقول لها اقري فلان كاتب موضوع حلو
اوعلانه كاتبه شي يضحك

ساعات وايد نشوف احنا منو نشبهه
منو من هالعالم الجميل
ممكن يكون قريب علينا و منو البعيد

ننتظر نترقب انتابع
صار جزء مهم
و هالاشخاص الهلاميين
وايد بدت تتضح لهم معالم
على الاقل في مخيلتنا

بالفعل مش علاقه كتابه
صارت زماله
صرت اتضايق لما اعرف انه اليوم في واحد مزعل ريما

و افرح لما اشوف فطووووم
فرحانه

وايد صرنا قراب على بعض

تحياتي

Kuwaiti said...

بالنسبه لي البلوق مثل ما قلتي مكان الواحد يفظفظ فيه
يعني لمن عرفنا البلوق رحت ويبت مفتاحي العتييج وفتحت الصندوق المغبر صندوق السوالف والذكريات
والحين قاعد ارتب علشان بقث الناس بقرقتي هههههه
بس اذا دشيتو بلوقي تلثمو ترا مغبر

وصج انا ما احب اعلن لكل الناس انه عندي بلوق وفي ناس بره يسؤلون عندك بلوق عباله ايميل