Tuesday, February 14, 2006

happy Valentine

قبل فلنتين ابيوم قعدت أفكر أحتفل فيه و الا كالعادة يقوللي حرام و عندينا عيدين مو عشان اديانتة الزايدة و لكن عشان يفتك من الارتباط بموعد معين ، المهم قعدت من النوم درست بنتي و الا التليفون يرن ( أمي) طرشيلنا اليهال ولهانين عليهم !

الساعة الآن الثامنة – أو ك يمدي أروح خل أونس نفسي رحت شريت ورد و شريت 3 علب كاكاو علي شكل قلوب و لفولي إياهم.

أول واحد حق أمي و أبوي إمعودتهم أييبلهم كاكاو

الثاني حق خالتي – أم ريلي عشان ما تاخذ إبخاترها ليه درت إني شريت حق أمي و ما شريت لها

الثالث حقي لأني كلا حارمة روحي من الكاكاو ( أدري يهمة الكاكاو أكثر من المناسبة)

مع قليل من الخيال من جانبكم إنتهى و مات فالنتين قبل الاحتفال به . ركزو إن القصة قبل يوم من فالنتين يعني اليوم جدولي فرييييييييييييييييييييييييييييييييييييي

يوم الفالنتين قعدت أقول حق ريلي – حسيت اب هالمناسبة؟ و كان التلفزيون يربطون قصة موت الحرير بالفالنتين.

الرد : أنا أحتفل بمناسبة وحدة و أحس صج صج صج عيد!

أنا استغرب – أوخ لقيت شي أشوا يحتفل فيه

هو : عيد الفطر

أنا : والله يا بو فلان انت كلا معفوسة نومتك في هالعيد و ما اتعايد كلا أروح ابروحي ويا اليهال أعايد و الا انكون مسافرين و الا إنت تتزهب حق الشاليه!

هو: لا ما فهمتيني ، عيد الفطر عشان أول ما أقوم من النوم أدخن - طعمها حلو بعد شهر كامل إصيام

أنا : يعطيك الصحة و العافية حبيبي .

ما أقول إلا الله يصبر قلبي لوما أهو طيب جان مهاجرة عا كندا

7 comments:

lawyer said...

اهم ما في الموضووووووووووع ان ابو العيال معيد و فرحان و محتفل وياااااا الزقااااااااااره
مو ويااااااااااااج
عايش برووووحه جو ويا زقااااارته!!!
لاااااااااا جان انتحر انا
يامعوده مو زقاره هذي شرييييييجه

مدري ليش قاعده احلول احط اسمي و باسوردي مو راضي
على العموووووووووووم اكيد عرفتوني
lawyer

الأجنحة المتكسرة said...

عفوا ريما سؤالي يمكن فيه تدخل في خصوصياتج إنتي شلون تزوجتي بمعنى هل هي خطبة أهل ولا كان عن حب ؟؟؟

لأن بصراحة شخصيتج مو مالت خطبة أهل

عفوا مرة ثانية

Яeema said...

SS :
betwadoony KSA haaaa , many ray7a

lawyer : el9abeer malena ella el9abeer .


الأجنحة المتكسرة :

صح مو خطبة أهل
أوهوا ياللي و قاللي أبيج
بس أوهوا ولد عمتي

تيفاجاءت بالموضوع

بس نصيب و الحمد الله

علي فكرة أنا حدي كنت عاجل و كنت آكل الكتب أكال و متفوقة و مالي شغل بأي
أحد

مابي أمدح نفسي

بس أنا مو مثل ما اتشوفين بالبلوج

هذا تحلطم و خرابيط

الحياة الحقيقية شي ثاني تماما

يبيلها صبر أيوب و حكمة سيدنا إدريس

عنوان الكتاب ليس دائما يدل علي ما بداخلة

ممكن سؤال:

ليش شكلي مو مال زواج أهل

بعرف إشلون حكمتي

شنو المعطيات

Dr.Lost said...

happy valentines day

ii said...

طيب ياحبيبتي خلاص اقلبي الموضوع واحتفلي بعيد الحب بعيد الفطر ما دام انه ملزم على عيد الفطر

وريحي راسك بالعكس تصير غير شكل
:P

bo_sale7 said...

همممممممممم ......
الوضع على طرفي نقيض ...بس عفية عليج ....انتي صمام الامان :)

meo said...

يعجبني ريلج :)