Monday, May 04, 2009

بعد الحنه و الإقناع الشديد من قبل أش...

 

 



 

 

 

بعد  الحنه و الإقناع الشديد من قبل أشخاص بشراء بلاك بيري

و عيزت أقول أنا ما يصلحلي لأني راح أدش بمرحلة إدمان  غير قابل للعلاج و يا هالجهاز

 

و أول بدايه الإدمان إني ما لقيت هالجهاز بالكويت بشهر أثنين فأطريت آسفه و صج حسيت نفسي سخيفه كنت بروح مصر فحولت وجهتي للبحرين عشان أشتري الجهاز!

لا و مافيه عربي بعد

بدت وياه رحلة الإستخدام و الإستكشاف 

شي خطير خطير

و الحين صارلي 3 أشهر وياه

شي مو طبيعي

من فوايده كالآتي

1-  يمنع الحنة من البيت لأن البنات كل مشغولين بال بى بى أم و تختفي النجرة 

2- يوفر المال لأن أشتراك شهري 14 دينار و بس خلصنا كل شي ببلاش

 المسجات و الصور و أحلا شي في حق التخرع تقدر تطرش صوت في  

3- يحمي من المغازل لأن يتم التعامل مع رقم الجهاز و ليس الرقم الشخصي يعني مالهم أمل يطلعون منو صاحب الرقم


4- مافي بلوتوث إلا حق الأجهزة الملحقه في سمتعه بلوتوث و يعني اللي قاعد بالقهوة وياه بلاك بيري يعني ما يغازل بالبلوتوث

فراح تفتك من الهيلاق والل يرقمون

5- السوالف بالسفر ببلاش البي بي أم

6- اللي ماسك الجهاز كل طاقته البوهه و مشغول  و يسبه

اللي ماسك الجهاز لحد يتحرش فيه لأن مو مثبتك أصلا 

7- يعلمك الصبر وايد و ما عندك مشكله لو واقف طابور بالمستوصف تنطر مرضيتك لأن مسلي و ما يخليك تحس بالوقت

8- تكون أب ديت بالنكت لأن ربعنا ما يستخدمونه إلا في نقل النكت

9-يخليك تتواصل  بزياده مع ربعك اللي بال بي بي أم ما أدري ليش بس شي غريب جدا 

10 - إذا أحد بناقشك بأمر معين مالك خلق تسمعله وايد فما تدخل بجدال ومهاترات مالها معني فتصير محبوب من الكل

 



8 comments:

Mohammad Al-Yousifi said...

عندي واحد من اسبوعين

على حطة ايدج ما استعملته

قد يكون لأني مستجعص سالفة ال14 بالشهر

ARTFUL said...

ما اشوفه يوفر

لاني 14 دينار من غير المكالمات

ولازم كل اللي حواليك عندهم بي بي

علشان تسولف معاهم بالمسجات

وتطلع جيمة ال14 من غير جيمة المكالمات

!!!!

;p

U-Turn said...

هبـه @@

والله هبــــــه


انا كنت مفكره اني اعرض على زين فكرة دعايتي
ألا وهي " هــــــــب مع الهبه " وواحد منسدح على بطنه يكتب بوست ;p


والله أنا اشوف انه حق البزنس اولا
وغي هالإستخدام فهو هبه من الدرجه الأولى
والكويت الله خير معاهم معاهم وراهم وراهم


بس الله يهنييج فيه
ويعطييج خيره ويكافييج شره :]

يا حلو السوني ;p
ذرب ومن اول ثنيه تعرفين تستخدمينه ;p

الحارث بن همّام said...

قبل شهرين تقريبا شريت
i Phone

الله وكيلج ما استخدمت فيه غير المكالمات والمسجات بس

iliveinq8 said...

نسيتي شغله
وانه شابك ٢٤/٧ بالنت.. وفيه ماسنجر نفس الوندوز وسهل ويدز ملفات ويستقبل. الصراحه انا فايدني وااااااااايد
للدوام واللذي منه

والله انصح فيه :)

moayad said...

انا كنت اسمع فيه وايد بس ما كنت عارف السر اللي مخلي الناس يتهافتون عليه الا منج ، يعني كل من يقول عجيب و ممتاز و أحلى شي .. و بس ، ليش .. ما ادري

انا من مستخدمي الآيفون... لكن يعني مو من النوع المتعصب لأنه بالأخير كله حديد و بلاستك ، لكن كان يهمني اني اعرف الفرق بينه و بين البلاك بيري...

من عيوب الآي فون ان دعمه للعربي مو 100% ... يعني يطلع العربي لكن الحروف مفككه ، قلت يمكن البلاك بيري غير... لكن من كلامج فهمت انه ما يدعم عربي... يعني ما سوينا شي :)

بعدين طلعت سالفة المسجات اللي ببلاش.. و هاذي بعد ما طلعت ببلاش... فيها اشتراك :)

أخوي الحارث بن همّام يقول انه شهرين ما استخدم بالآيفون غير التيلفون ، انا صارلي ثلاث شهور من شريته و أمس كانت أول مره أحتاج أعبي رصيدي لأني استخدم فيه كل شي ما عدا التيلفون .. استخدامي لتيلفون البيت يغنيني بالكثير من الأحيان

المسجات بالنسبة لي صارت شيء من الماضي لأن شغلي كله بالإيميلات ، بأي وقت أدز إيميل حق أي شخص بالعالم ... و ببلاش

ألحين توني جربت السكايب عليه و اقدر من خلاله أتكلم -بالصوت أو بالتكست- مع أي شخص بالعالم عنده سكايب على بتيلفونه أو كمبيوتره.... ببلاش ، بعد شبقى؟

ما أقول إن الآي فون أحسن و لا البلاك بيري أحسن و لا حتى التيليفون العادي أحسن ، كل شخص له احتياجاته و كل شخص له استخداماته ، أهم شي الواحد يكون مرتاح و مستانس

:)

Anonymous said...

ma6goog :

الله يعينك عيل
ههههههه








artful :

عيل أنا مشتركه بخدمة ويانا و بي بي والله ماشيه وياي حلاوة

من فاتورة فوق 150
لي 80

worth it !






u-turn :

عن الهبه ترا أنا أحب الأجهزة من زمان
و أحب أجرب كل جهاز يديد





و لو قارين عن الهبه و السبب
راح أقول

البلاكبيري من زمان ترا موجود بالكويت بس ما هبينا في ليش؟؟؟

لأن كان للعمل 100%


read this now :

The talk around BlackBerry and smartphone circles lately has been the shift from a business-centric device to a consumer device.

While BlackBerry’s success was once on the business side, they’re seeing more and more consumers adopt their phones, and other smartphones.


Why? Because they’re all-in-one devices that provide superior entertainment capabilities.

In fact, 90 percent of the over 3,000 respondents to this survey said that they wouldn’t switch back to a traditional handset after using a smartphone for a period of time.




:الحارث


المشكله فيك مو بالجهاز
إستخداماتك يصلحلك نوكيا العادي بعد مو سمارت فون









i live in kwt :

أهوا حق النت أددكت

facebook
flickr
blog
msn
browsing
..... ets






moayad السر الصجي إخذها مني

اللي متعود على شبكة النت ما يقدر يستغني عنه

تدري خلاني البلاك بيري أبعد شوي عن اللاب توب
و عادي عندي بالأسابيع الحين ما أشغله

و إذا شغلت الكمبيوتر يكون بس حق الصور أو أبي أبحث عن شي مهم و يحتاج طباعه
أو استخدامك للبنوك طبعا و السفر

أما الخرابيط إللي كنا نضيع وقت قبل ماعادت تهمني
لأنها صارت عندي بالموبايل
و وقت ما تكون عندك خلاص تخف رغبتك في استخدامها




العربي

البلاك بيري
100%
arabic support

أنا الجهاز اللي شريته ما يطبع عربي
بس يقرا و تستقبل عربي
و أحتاج أغير الكيبورد بس و متواجد بسهوله

و الميزة الحلوة اللي في
إن يتعامل مع برامج

add an aplication o that's it!



in kuwait -
لازم تشترك بخدمة ال
GPRS

على أيام النوكيا و سوني أركسون كنت أستخدم النت
بس فرق بالتقنيه بين البلاك بيري و الباجين

الشاشه أكبر
الجهاز صار أخف

i buy curve 8900

the menu easy! so easy !



و أنا وياك 100%؛

كل واحد و استخدامه للجهاز

مثلا لا يمكن أقول حق أمي أشتري بلاك بيري
و أمي حدها مسج تستقبل!

Anonymous said...

Reema !!

Ana kan 3abaali inna il internet befloooos etha zaad 3an il limit ... ya3ny mako fayda .. u can only browse the web when you really need to.