Wednesday, May 20, 2009

كيف تختار شريكة حياتك

كنت قاعدة أسمع الراديو بالصدفة والا كان في برنامج بالمارينا أعتقد
السؤال ينسإل حق عدة أشخاص و يجاوبون عليه
السؤال
كيف تختار شريكة حياتك بالعقل وإلا القلب
بما إن السؤال كان حده سخيف مع إحترامي للي كاتبه
لأن هالنوعيه من الأسئله ما تحتمل جواب ثالث
بس كانت الصراحه الأجوبه أسخف من السؤال نفسه
نماين من الأجوبه:
أختار 50 بالميه بالعقل
و 50% بالقلب
( أموت و أعرف الحبيب اشلون حسبها؟ )
الرد العنيف و أهوا سبب كتابه هالبوست
أختار بعقلي أولا
و بقلبي
و بعدين بالغريزه
الحين أول شي طرا على بالي هالكلمة؟؟؟
برنامج عام و الردود مسجلة يعني ماكان مباشر
و المنتاج ما حذف شي من الكلام؟؟
انزين الغريزة هني هل يقصد إحساسه؟؟
يكون خانه التعبير؟؟
و السؤال اللي يطرح نفسه
شلون بالله الواحد يختار بغريزته؟؟
و إذا الكل بالبرنامج شافوا هالكلمة عاديه
شنو يقصدون؟؟
و إلا الكل مو فاهم؟؟
أحتاج مساعدتكم بالشرح

6 comments:

nice said...

هلا ريما من زمان ما بينتي
انا بكون حسن النية وبقول انه يقصد احساسة الداخلي
الغريزة مو دايما مقصودة بالجنسية ممكن تكون احساسه الداخلي وقبول الطرف الاخر له والحاسة السادسة
وسلامتج
تحياتي

Blog 3amty said...

غريزة !!


زين ما قال نداء الطبيعة !

Diver said...

انتي ما سمعتاي عدل

اهو قال بالتغريزه

يعني اذا غرز و ماساعدتة خطيبتة ما يتزوجها لانها ما تنفع وقت الضيج

ma6goog said...

لا بالعقل

و لا بالقلب

قسمة و نصيب

جنون إحساس said...

اهو السؤال مو سخيف لكن الأجوبة سخيفة
الاختيار بالعقل راح يعزز الجانب القلبي بالشعور بالرضا والراحة على عكس الاختيار القلبي اللي يبدأ بتتبع القلب وعقبها تحمل لأخطاء نتجت عن غض الجانب العقلي بالموضوع

شلون اختار شريكي ؟
بالبحث المعقول عن هذا الشريك والسؤال عنه و التوكل على الله واللي كاتبة ربي نصيب هو الأفضل
والحياة غير محتاجة للتعقيد
:)

a7mad Nabeel said...

لوووووووووول
الغريزة
!!!
يمكن يقصد الحاسة السادسة

ياي بكحلها عميتها جني

يمكن يقصد بالغريزة انه يشوف البينة اولا زينة و اخلاق و هذا العقل

و بعدين
يشوف اذا حبها و حب شخصيتها و هذا القلب

و آخر شي يراجع نفسه و يشوف اذا مراح لها ولا لأ
و هني الغريز
و الله يخلي التأليف
!!