Tuesday, April 21, 2009

لأول مرة بالتاريخ دورة المعينين الجدد لديناصورات الوزارة

من زمان ما خذيت دورة تدريبيه بالوزارة ، بسبب عدم ملاءة الدورة لي
مثال بسيط : outlook 2007
و أجهزتنا لما الحين فيها office 2003
و بما إني من الموظفين اللي سنه تعيينهم 1996
يعني حجلت الأولي و التالي
مع دخول السنة الماليه الجديده بالوزارة اسم الله عليهم بدت تظهر الدورات
و الله مسؤولي ما قصر
يا ريما إختاري اللي ايوزلج
أو كي
و الله و أختار : دورة مهارات الإتصال و المفاوضات

صج اني ماخذتها مع بدايت حياتي المهنيه كدورة متكاملة بس قلت مفاوضات هذي يديده علي.
المدة 3 أيام

قدمت طلب الترشيح و سافرت
على أساس أول ما أرجع انشاء الله يومين أداوم و بعدين الدورة تبتدي

و أنا برة و إلا إتييلي مسج من الدوام ( ترا دورتج تمددت من 3 أيام لي أسبوعين و راح تبدي بأول يوم دوام لج من الساعه 8:30 )؛

حلو أو كي عادي علم

ييت الدوام
شربت قهيوتي
و الله و أروح إدارة التدريب

وين الدورة قالوا كاهي
و إلا شنو اسم الدورة؟؟
( دورة المعيننين الجدد )

و الله و إسمي موجود اسم الله عليه مرزوز بورقه الحضور و الغياب

سألت المسئوله ، قالت أنا مالي شغل الترشيح إييلج من إدارتج
المشكله مكاني مهيت الحين
لا مسئول و لا مسئول بالإنابه عشان أكتب مذكرة الغاء الدورة لعدم ملاءمتها
قلت يالله ميخالف غلطتي ما سألت
أدش الدورة و إلا كل واحد هناك سواء بنت أول ريال ما تجاوز السنه بالوزارة
يعنييييييييييييييييييييييييي الزبده
أنا أكبر وحده فيهم
و لما المحاضر يكلمنا يكلمنا على أساس إنا يهال تونا متوظفين
هههههههههههههههههه
هههههههههههههههههه

أنا لا شعوريا إتييلي الضحكه
اشدعوة ما قاللي الدكتور انتي بتضحكي لي
قتله دكتور راح أكلمك ورا المحاضرة ليش
إيييييي ما أبي أفشل روحي و أقوله أنا عكرة من سكان الوزارة القدامي !

و فقرة التامينات الإجتماعيه
الكل يسأل اشلون و جم يستقطعون
و أنا سؤال جم باقيلي على التقاعد
يقوللي مستعيله على شنو؟؟؟؟
أقوله عمري 35 و مشتغله 11 سنه الحين!
يعني حسبلي إياها باقيلي إنشاء الله 5 سنين على التقاعد
هههههههه

الشي الحلو بالموضوع
إني أقوم الصبح الحين و عندي شعور اني توني يديده
و أنا باقيلي 5 سنين إنشاء الله و أشلع من هالتخلف اللي إحنا في

15 comments:

Anonymous said...

ديرة بطيخ وانتى الصاجه

SheLLoO said...

لوووول ريما ;p

عادي عادي تحدث في أحسن العائلات ;p

عاد شعور خااايس انتي تعرفين كل شي وعندج خبرة ويحاجونج على إن توّج..

نفس وضع لمّا تييلج مساعدة دكتورة كانت أبلة فتحاجيج إنج بالمتوسط شعور يقهر ودي أذبحهها !

الله يعينج وعسى دوم تضحكين على الرجوع للوراء ;p

beezo said...

صباح الخير

:)
اكو شي انتي مو عارفته.... الدوره هذي مدفوعة الثمن بشرط حضور عدد معين.. واذا ما اكتمل العدد تلغى الدوره... نقدر نقول كنتي تكملة عدد !!

:(

عثماني said...

دامج بالحكومة .. طوفي

هالتخنبج صار شي عادي بهالديرة

:(

اهم شي .. انتي شلونج ؟؟

;)

nice said...

اذا الديناصورات مثلج
ياريت كل الوزارة ديناصورات
على الاقل نشوف شي حلو ويشرح القلب
والله المستعان ودمتي ودمنا بمحبة
والغرم بقدر الصرخة والصرخة بقدر الالم
تحياتي

Dr. Saleh said...

عزيزتي ريما
لماذا لا تكون هناك إيجابية وقدرة على إتخاذ قرار التغيير للأفضل والسعي للتحدي بدل السلبية وإنتقاد الواقع الحالي وإنتظار مرور الوقت للتقاعد وهل هذا هو جل طموحك وما تسعيين إلي تعليمه للأجيال الشابة من أبنائنا. أنصحك بقراءة بعض مؤلفات الأستاذ وليد الرومي بهذا الخصوص ولا تحضرني أسماء الآن. وانا على يقين أن هناك طاقات لا زالت مدفونة لديك ولكن بحاجة للصقل وإخراجها أولا. كمل هي الحال في موهبة التصوير لديك. كل التوفيق لك في حياتك العملية والأسرية

Яeema said...

anonymouse :
الله يرحم حالنا




shellooooooo:

looooooool 7adda !

تدرين شنو تغيرعلي؟؟
صرت منصته جيده للمواضيع

أشونه البرامج متغيرة بعد و إلا جااان علووم







beezo :
حسافه إني كمالة عدد

المفروض أكو ناس أحق مني بهالدورة

هذا اللي يحر

Яeema said...

عثماني:

والله ذبحونااااااا كل عشوائي الإختيار


أهم شي أنازينه الحمد الله
إنت بخير و بصحه ,وعافيه؟؟؟

;)








nice:

looooooooooooooooooooooooooooooool!

يا حلوك والله إنت

مشكووور على الكلام الحلو هذا







Dr.saleh

إترك عنك كلا الكتب و النظريات
واقع الحال يختلف إختلاف كلي


و أتوقع أنا أدري بظروفي
و من قالك لي تقاعدت من الحكومة باكل المخده؟؟؟؟


يمكن بدايه حياتي بتكون من بدايت تقاعدي


و بقولك معلومة يمكن تفيدك للمستقبل

لا تفترض فرضيات بشخص ما اتعرف شنو تركيبته

مثل تقييمك لذاتي بأن تفكيري سلبي وأشلون بربي أجيال شابه


عبالك اليهال بهالوقت إنت اللي تربيهم؟؟؟


تراك غلطان سورري على الكلمة

و قراءات عمرها ما تعكس واقع إنت عايش في

لأن لكل شخص ظرفه و بيئه و تربيته


قريت كتب وااااااااايد على الذات
بس المشكله إنت قريت
و باجب لناس اللي حواليك؟؟؟

شلون تقنعهم؟؟؟
لازم تغير نفسك بأول عشان تقدر تمشي المواضيع





( إنتقادي للواقع هذا حق من حقوقي و و أرجو تقبل رأئي بروح رياضيه يا دكتور

Dr. Saleh said...

عزيزتنا ريما
أحترامنا لجمبع ما قلتيه
لكن الرجاء الجواب عن تساؤلاتنا هذه
ما هو رأيك في من ينتقد الأوضاع التي حوله والتي تخصه أحيانا دون أن يحرك ساكنا؟
ليس هناك بداية ونهاية لأنجازاتنا، ولكن ألا تعتقدين إن الوقت يمر سريعا؟
الرجاء إجابتنا وعدم ربط هذه الأسئلة بشخصك الكريم، كل ما أتطلع إليه رأيك الشخصي

SheLLoO said...

ريما..

والله الإنصات مهارة مفقودة ويبيلها من يتعلمها ويعلمها وينشرها بعد تدرين ربعنا 10 يتحجون وواحد يسمع ;p

الله يوفقج ويفتح عليج ويفيدج لو شي بسيط من البرامج اليديدة :)

الحارث بن همّام said...

نفسي شعوري .. وانا خريج ومعاي بالمحاضرة مستجدين كبر عيالي
:)


مع فارق العمر الكبييير :)

Яeema said...

dr saleh :
رائي الشخصي؟؟
أحب أحتفظ برأئي الشخصي لشخصي الكريم

:)
و مرة ثانيه دكتور تبي كلام جد و جواب جدي لا يكون بالبلوق

عندك إيميلي الشخصي و تستطيع تراسلني عليه و راح تسمع رايي بكل صراحه







shelloooooooooooo

والله مجتمعنا علمنا الإنصات و الصبر و الصبر ثم الصبر

مجتمع ذكوري بحت
شتريين من وراه

الرياييل صاروا أردي من الحريم بالهذرة





الحارث بن همام
ههههه
ما أقول إلا الله يعينك

جنون إحساس said...

ذابحتهم التنولوجيا يعني؟
تدرين إن مكتب شؤون الطالبات عندنا
حق التسجيل أو شغلات ثانية مايعرفون يبحثون عن طالبة بالرقم المدني؟
حدي منغثة واصلة عندي كلش على هالموضوع
عشان جذيه نقول الخاص ثم الخاص ثم الخاص
بس عاد يبيلها اثبات نفس ولا متى ما سووا تصفيه فنشوج

Anonymous said...

خليهم يعطون بفلسطين ويجنسون هالمخكره

واحنا عيال الديره
طايح حظنا

AuThoress said...

refresh
لمعلومتك مايخالف ههه


آه يا وطني