Wednesday, March 18, 2009

mobile not allowed


تذكرون لما جددت الجواز؟
جددولي الحين عشر سنين
تدرون شنو ظاق خلقي؟؟؟ حسيت إني شدقت خلاص
بيني و بين ريلي شهرين بالعمر فأهوا جددوله 5 سنين
هههههه
المهم رحت المركز البريطاني ويا أبونا
طبعا أنا ماني رايحه بريطانيا بس جذي لقافه أبيها على جوازي
المهم دشينا و إلا واحد مستقبلنا
هيللو و هيللو و يالله تفتيش
المهم هالكلام الصبح
يوم ييت بدش و إلا يقوللي يالله سكري موبايلج
قتله نعم؟؟ لييش بالله إنت مسكر مبايلك؟؟
قاللي أنا موظف
قتله و أنا مواطنه كويتيه و عيالي بالمدارس مالك أمل أسكر الموبايل
و خصوصا إن أنا و زوجي لازم نسكر الموبايلات لأغراض أمنيه
قتله جان علي الكاميرة اللي بالموبايل أسكرها إذا عندك لزاق ، بس موبايلي و لا حتي سايلنت أحوله
في هاللحظه من الزمن بدا ريلي يتنرفز مني
جان يقوللي بعد منتي مسافرة شاكو يايه وياي تبين فيزا؟؟
قتله أبي فيزا
عشان إذا زعلت مني و هجيت حق لندن زعلان أيي أراضيك
ما يصير إنت عندك فيزا و أنا ما عندي
قاللي و إذا زعلت و رحت مكان ثاني تييلي تراضيني
قتله لأ أتغلي عليك ليما ترجع
هههههه
المهم ماعلينا من هالكلام الحين
مو كيفه أسكر موبايلي
كنت أتكلم بالإنجليزي عشان ما يحس إني قاعدة أحش فيهم
قتله أخلي الموبايل وياك و لا تسكر الموبايل
هني قال لفقير المسكين أنا شلي بالطلايب
خلاص يبا لا تسكرينه بس خليه هزاز
قتله هزاز يعني ما أحطه بالجنطه كيفك
ريلي بس فصل عليي
هههههههههه
قتله شسوي عندك واحد بالمدرسه كل ساعه داقين علي يتشكي فيه شي يتدلع
تبي يدق و ما يحصل أمه و لا أبوه؟؟؟ تخيل نفسك بهالوضع
قاللي:
Maaam this is our rules
رديت عليه:
This is not an embassy
So this is my country
This is our rules
والله وحياتكم خلاني أعلق الموبايل بعد على رقبتي
و الأمه و الكاميرات كلها تشوف
ولا سكرت الموبايل

18 comments:

الدســتور said...

انتي من سكنتي بالبيت اليديد
وانتي صايرله أم المشاكل
الظاهر فريجكم مزعج

Shamla said...

looool zain tswin fihum Reema ;p

Mwfga 03sa alLA La iyeeb iL.z3al wla il7gCh wla tl7gina ;p

alLA i7af`6Ch ya Rb ;*

Ra-1 said...

يا العنيدة :p


يعني شنو المركز البريطاني؟


These are* our rules.
;)

Anonymous said...

ليش العناد...

الله يعين ريلج...

الديره ديرتنه و يبون يتحكمون فينه...

و القهر اهم لاعبين في ديارنه على كيفهم...

و القانون اللي يمشي علينه ما يمشي عليهم...

كفو عليج...
==============
ولد شمسي
البحرين

Purgatory said...

و بعدين!!! :)

فريج سعود said...

سويها بالسفارة السورية وانتي ما تشوفين الا كل خير

كاكاووه said...

هم انا صارلي نفس الشي وعبالج رديت عليهم قلت لهم اوكي

ومشيت وطبعا مركبه الهاندفري واسولف ولا راده عليهم وقالي الموظف لوسمتحتي سكري الموبايل

وقلت إميرجنسي سوري

اتوقع اهم بس جذي رولز بالبدايه ولا عادي

بس زين رديتي عليها وقلتي لها انا بدريتي
عاشت ام يوسف
:)

QiYaDiYa said...

heheheeh ;p

حدج مبدعة !
بس صح كلامج !!

يعني يتسكر الجهاز و نقعد !!

ذكرتيني لما هبوا المركز و حطوا جهاز يقطع السيرفيس !!

اقعد على اعصابي طول المحاضرة ;p

Anonymous said...

بدون زعل : هالبوست واللي قبله يعطون إنطباع أبك مغرورة حبتين!!!!

Яeema said...

abu eldestor :
حسروا فيك أمس و بالدستور
:(


مو من البيت الله يسلمك
علامات الكبر
صايرة ما أطوف





shellOOooOOoooOo

thaaaaaaaaaaaaaaanks sweetest shello entay :***

Яeema said...

ra-1
منطق
عسا الله يرزقج عيال و بتشوفين شنو الشعور لي واحد يالج و قاللج سكري الموبايل و عيالج هناك


thanks for the correction :***













anonymouse :

يا هلا و الله بأهل البحرين

مو عناد
منطق
بس

ما أخاف على عيالي!

Яeema said...

purgatory:

chaaaaaaaaaaaaaaan we did everything and my mobile is on :)









فريج سعود

لي رحت سوريا انشاء الله

Яeema said...

كاكاووه

الظاهر حجوة تنقال بس

مو قاعدين بديرتنا؟؟
بس كلام

ههههههه

لو على طيارتهم حتى الجنطه ما تنحط بالأرض إنسي
ههههه








qiyadiya !

بالظبط!!!!!؛

أنا لو عيالي عند أمي عادي
أو بس أنا بروحي و ريلي برة هم عادي
بس تهيت أثنيننا مسكرين الجهاز


تدرين لو أصر زياده
جان قلت حق ريلي إنت أول و لما تطلع أنا

بس قلت
خدوهم بالصوت أبل ما يغلبوكو

ههههه

و غلبتهم

Яeema said...

anonymouse

وييييه عيل طافك البوستات اللي قبل

يعطيك إنطباع أقوى من مغرورة


check my 2006 posts

ماراح تدخل مدونتي مرة ثانيه

راح تحتر و تطلع


و تدري معناتا هذا نجاح لشخصيه ريما
لأنها بالأساس هي الشخصيه الوهميه اللي أخترعتها لتدوين يوميات معينه أحتاج اللي أتذكرها في يوم من الأيام

قد تكون صحيحه
و قد تكون خيال القصه من الأول لي الآخر


أنا أزعل؟؟؟
لا و الله عمره كلام الناس ما زعلني
بالعكس
روحي رياضيه

أنا ما يزعلني إلا الأشخاص اللي صج يعرفوني و يعرفون شنو أخلاقي

و هم اللي يعرفني ما يقدر يزعلني صدقني



ما ألومك

you simply dont know me ((( IN REAL )))



بالنسبه للإنطباع على مغرورة عشان ما أبي أسكر الموبايل عشان أولادي؟؟؟


أنا ودي أفهم الحين شللي خلاك تربط بين المنطق و الغرور؟؟

مو من حقي أخاف على عيالي؟؟

Anonymous said...

غرورك حلو عليج و من حقك بعد يا حلوة الريم
ما عليج من الناس الي تغار منج
انتي كلج دلع و دمج عسل اسم الله عليج
الله يحفظك لي زوجك و عيالج يا ريما
ام فهد

nikon 8 said...

المهم عطوج فيزا ؟؟؟؟

Яeema said...

أم فهد
والله لا غرور و لا شي بس الناس صايرة بس تداحر

و ماشاء الله وايد في ناس فاضيه و صايرة بس تحلل الشخصيات من البلوق

يا بعد عمري عمرج والله
ها شوفي كلاج هذا إذا الواحد يقراه من صباح الله مزاجه يصير غير

:*******




nikon8 :

إيييي عطوني الحمدالله
خمس سنين

ترا بعد قالولي بعد شهر راح يبطلون الباب حق تقديم الفيزا لي 10 سنين

Take Off life‘ said...

زييييين

احنا مفيزين حق الصيف الي طاف جم شهر ماذكر

بس فيزه امريكا 10 سنين الله يعافيهم مريحينا

ماتوقعت انج ام حنونه :P