Monday, September 22, 2008

taken by : Me
أمس كانت عندي زيارة حق محل كانون ، عادتا كل أطلب من الهندي إللي هناك ، هالمرة كان في مدير المعرض لبناني.
طبعا جابلت المعروضات و كانت في جم شغلة يديده و بديت أسأل و شنو الفرق و ليش ما ليش.
سألني : إنت مصورة؟
ريما: لأ – هاوية بس و مو من فترة
المدير: بس اللي قاعدة تقولينه أشياء تقنيه ما حدى بيعرفها إلا الفني؟
ريما: ما أدري والله صادف إن المعلومة ياتلي و شقلت أنا ، لازم أعرف شنو داخل كامرتي عشان أعرف الفرق لي نزلت اليديده منها أو شنو إحتياجاتي منها.
المدير: ممكن أشوف صورك؟
ريما: إيي طبعا ، لحظة
( و كان عندهم كمبيوتر و دخلته على الموقع مال صوري )
إنصعق ما أدري ليش
الجزء اللي صعقني الحين بكلامة
المدير: ريما ؟ والله منتي هينا ، و إذا بتسمحيلي يعني على هالكلمة ، اللي معلوف عنكم الكويتيات إن بدكو أحد يصوركم
ريما: شتقصد ما فهمت؟
المدير: ما تواخذيني على هالكلمة بليز ، بس اللي معلوف عنكم إنكم ما بتعرفوا تعملو شي ، كل شي بدكم تشتروه.
ريما: ولا مآخذه يعني ( طلعت النعرة الحين حرني ) لو بناتكم عندهم فلوس جان بالبيت قعدوا
إحنا على الأقل عندنا و فلوس و كمان مخنا نظيف ، و خصوصا هالجيل ، البلد كل اللي يشتغلون فيها بنات ، و أغلب الحرف والمعارض يسوونها بنات ، بس لأنكم ما تعرفونا فقاعدين تحكمون علينا بالظاهر بس، منو اللي يدرس إلا إحنا؟ منو اللي يربي إلا إحنا ، و منو اللي يعرف بجميع أعمال البنت وينسق و يداري الكل إلا إحنا.
عن نفسي و أقولها بكل فخر ، عندي كل شي والحمدالله بس يضل فيني شغف للعلم بكل شي يديد يخصني.
و خصوصا الأجهزة الإلكترونيه هوايتي !
المدير قاعد يتبوسم يوم شافني اشتطيت على بنات ديرتي!

بس والله صج يعني شنو انسوي عشان انبين إلا الجيل الحين مختلف إختلاف كل عن اللي راح؟؟

هم معاه حق !

على آخر الزيارة يقوللي
ممكن صورة برج إيفل أطبعها و أعلقها بالمحل
ريما: قتله لأ حقوق ملكيه ، تبيها إشترها و عليها توقيعي
و خليتا و مشيت ( هاهاها ما يازلا الحجي )



17 comments:

Shayouma said...

احنا ما نرضى الاجنبي يقول عننا شي بس المشكله ان الصوره اللي نوصلها لهم غلط للاسف..
بس الحمد لله هم اكو شباب يبيضون الويه هالايام..
زين سويتي فيه لول

Ra-1 said...

بالعكس وناسة جان عطيتي الصورة يعلقها :)

عالم التصوير وين صار مكانهم؟ وعندج تلفونهم؟

Gee™ said...

زين سويتي فيه

Super Woman said...

تصدقين مره قعدت اسولف مع امريكي
جان يقولي انا تفاجأت منكم
قلتله ليش ؟ @@
يقول عبالي انتوا متخلفين
وان ما تعرفون تسوون شي
وان وان ان
بس الحين تغيرت نظرتي 180 درجه


ترا الناس تحكم بالظاهر
!!

Mohammad Al-Yousifi said...

ما الومه

Purgatory said...

منت قاعد فكر كانون منو، و فيه واحد هندي، قلت أكيد بهارات ، بعدين فهمت أنه محل
Canon

;p

الطارق said...

هل مازالت الصورة معروضه للبيع ؟ مع التوقيع طبعا ؟ :)

J Daily said...

تصدقين كامرتي كانون شاريها من 6 اشهر وبشتري لها عدسة ميكرو. وكل يوم اقول باجر
-
فـ مثل را-1
ابي رقمهم وعنوانهم
وخوش صورة. ممكن تحطينها من غير الووتر مارك ×:

3bady said...

كفوووووووو كفوووووووو زين اتسوين فيه هذا ما ينفع وياهم الا العين الحمرا :)

صج الناس مالها الا الظاهر :)

يعطيج العافية اختي

Dee said...

lol e7na chethe ent7l6am 3la ba3thna bs 7azat ma a7ad ghareeb ey6eb feena enheb b wayha;p
wayed 7elwa elpic , teslam alayade ;)

Technogal said...

Looool :) zaiiin sawetai!!
ba3ad y7arim egol hal7aji!

Anonymous said...

chaaan waq3teeha w 3a6ayteeh :)

nice pic by the way ..

AL7ESIN said...

زين سويتي فيه

والا يقول "مابيعرفوا يعملوا شي" هااااا؟
باروح له المحل اعزمه على جم معرض اكل و تصاميم
:P

Яeema said...

shosho :
شنسوي إلا أهوا جهله؟؟

لييش إحنا نعرف و هم لأ؟؟
كل أفكر جذي

Яeema said...

ra-1

لا إنشاء الله أعلقها بالوفر مو عنده
هاهاها





ghadoor :

;)
7athreeen









shlalat:

7ereny hal shay !!!








ma6goog :

why!!!
mo thanbna enna jaheel !









purgatory :
heheheheheh

Canon Can :p





الطارق

ما تغلى عليك
بس هالبناني مابي

بس شنو تبي ببرج إيفل و عليه صليب من فوق:
:p








يعقوبوو

عالم التصوير ما يبيع عدسات كانون

الغانم أو الساير يبيعها


عالم التصوير صار ورا سوق رامز يشويخ

والعجيل صار بالمثني الدور الأرضي



إنت إطلب من أمازون أرخص بوااااايد

Яeema said...

3abady

allah ye3afeeeek :)










dee:

thank you my dearest :))
eee walla ma baga ella 3omra
loool




technogal :

7adda !








cat:

thank you :)

no no , he is not the right person to give him my picture


did you see the shop!
looo3a

heheheheheh








al7esin :

eeee walla do it !

عيزنا نلبح إن إحنا زينيين

Kuw_Son said...

نجرية !