Tuesday, September 16, 2008

who is the real blogger

يمكن أغلب الربع و يصادف إنهم مدونين بنفس الوقت يتكلمون وايد عن الشخصيات الموجودة بعالم البلوقات ، وطبعا أنا وحدة منهم و لي ربع مدونين نحلل فلان و فلانة سواء بطريقة كتابتها أو طريقة تعليقه عند فلان وفلنتان.

و لكم بعد تحليلاتنا : أغلبها تحليلاتي ، لأني ما أذكر شنو قالوا.

المدونين مثل ما تكلمت أنواع ، من يتكلم لمجرد الكلام

و من يتكلم ليعبر عن شي فاقد إن يتكلم عنه بالصج و أقصد مو لاقي من اللي حوالينه من يفهمه.

والبعض طبعا من له ميول سياسية و دينيه لا نريد الخوض فيها لأن أغلب هذه الشخصيات كانت لها ميول للتحدث بهالمواضيع قبل ظهور البلوقات.

الحين شلون تكشف الجانب الآخر من شخصية أي مدون؟

ساعات تحس هالشخص محترم جدا ببلوقه و ملتزم و ثابت و مو قشمرجي ، وحتي بطريقة رده على التعليقات يتكلم و يرد بكل حذر.

المدون عندي ما أحلل شخصيته من كتاباته

المدون عندي هي شخصيته و رده فعلة تجاه أي موضوع ينكتب بأي مدونه أخري ، وعلى فكرة كل مدون يديد يبدي مثلا يعلق عندي بكثافه و أنا ما أعرفه شخصيا ، أحاول إني أراقب كتاباته و تعليقاته بمدونات صديقه أخري ، عشان نشوف مايته .

و طبعا إتييلك الكارثه ، واااايد يصدمونا أشخاص قمة بالإحترام و تلاقيه مثلا يسب جدام الكل و ما يحشم.

أو بعض التعليقات تعطيك إنطباع إن نحييييس و محتر من طريقة طرحه للأسئلة

أو إن يكون الموضوع وايد قوي و يفشل إن الواحد يعلق عنه تلاقيه أول الموجودين بالكومنت.

( الحين توك تكانه شللي قلبك)

هذا الشي يكششنا وايد

الجزء الثاني و المهم سالفة الإيميلات:

فجأة و بدون مقدمات تييلك نوعين فقط من الرسائل ، يا مدح قوي ، يا سب قوي

و على فكر الأثنين تلاقيهم ما يمونون على .

المدح القوي عندي له دلالة وحده إن يبي يقرب العلاقة، إيميل ثم مسنجر و فجأه يصير صديق من أٌقرب المقربين .

أو إن تنصدم فيه إن يبي يروح لأبعد من صديق بالمسنجر و يتم البلوك و الديليت و تنتهي قصته وياك.

اللي يسب الحين :

تلاقي صج الشخص مستشر و أغلب اللي يطرشون إيميلات ما يكونون مصرحين عن هوياتهم بالبلوقات و مطرشلك إيميل من مكان ثاني، بس لما تاخذ و تعطي بعدين وياهم عشان تبي تعرف ليش هالشر اللي في تجاهك ( و كأن السالفة شخصيه و ماخذ من جيب أبوه ) تلاقيه طبعا ما عنده رد ، يبي يحارش لأن ما تعود أحد إن يجعمه و إلا يفشله أو يرد عليه رد يخليه بيزة ما يسوه ، طبعا ما أسويها مع أي أحد لأن مو شغلي أربي عيال الناس .

الخلاصة :

أغلب المدونين تستطيع تكشفهم من التعليقات

فديروا بالك على كلامكم و المواضيع اللي تعلقون عندها

إبدوها ويا نفسكم

شوفوا شنو المواضيع اللي حبيتوها بينكم و بين نفسكم

راح تلاقون إن فى كل واحد فينا واحد شيطان و زقزمبي

;)

14 comments:

J Daily said...

ترى انا ماسويت شي /:

حسيت الكلام عني

3bady said...

اقولج شي اتخرعين صراحة!

حلاته بالتدوين انج ما اتعرفين اي شخص منهم لانج انتي بتطرحين اشياء خاصه فيج و يمكن اسرار ما تبين احد اتعرفينه بالصج يدري عنه

Mohammad Al-Yousifi said...

in my case

what u see is what u get:)

mjkout said...

nice analysis :)
bas aghlab el bloggers shakhseyat-houm bil sij ghair ya3ni mmkn tlagen wa7ed e3aliq wayed wesolif wo yitghashmar bas bil sij 7ayawy

الدســتور said...

الحذر زين
هذا مبدأك من زمان
:)

حياتي هدف مو عبث said...

صح تعرفين عن المدونين اكثر من الكومنت
;)

واما ايميلات المدح والذم

يا كثرهم والمشكله

انه الاثنين يكون فيها مبالغة

Purplecious said...

هاو انا ليش محد يدز لي ايميلات؟؟ لا مدح و لا ذم
!!!!


لووووووووووووووووووووووووووول

Athoob Alshuaibi said...

لو كل واحد بيفكر بالطريقة هذي
إن كل إنسان فينا بالخفا يتحول إلى ذيب
مثل الرجل الذئب لما يكتمل البدر

كان أصبحنا في غابة ينلغي فيها الضمير و عقل الإنسان
و مابي أقول الخوف من الله لأني بفترض إن هالشي مسلّم فيه


التدوين ياجماعة الخير مايكشف شخصية الناس
انتي بنفسج قلتيها
المواضيع اللي تعجبه و اللي يرد عليها و اللي مايرد عليها

الاعجاب = الميول
و اذا قدرنا نعرف ميول إنسان من خلال مواضيعه و ردوده
مو معناها إننا بننجح في تحليل شخصيته
يعني كون فلان يحب يعلق على موضوع عن الرياضة .. أو موضوع بالسياسة بالتأييد أو الاعتراض
فكل اللي قاعد يسويه انه يبين للناس .. هذي اهي اهتماماتي
لكن مسألة إن احنا ندخل بالأمور الخافية الغيبية ... هذي مصيبة لأننا بنتعب و نحيط أنفسنا بدائرة أوهام تخلينا نشك بكل الناس

اذا الازواج وهم أزواج لو يتمون سنين بيظل في جانب خفي من شخصيتهم ممكن يظهر بعد سبات طويل لأي سبب من الأسباب

الإنسان يتميز بتنوع اهتماماته .. بالتالي يعني مايصير مثلا واحد راد على موضوع يتكلم عن عطر نازل يحبه وايد و حب إنه يدلو بدلوه عنه أو مطعم يديد جربه و أكله بايخ و حاب يحذر الناس منه .. بيرد بنفس الأسلوب اللي يرد فيه بموضوع عن اجتماعي حيوي


و من الموضوع السابق
الشخص اللي قالج الكلام
أشوف هل فادته ثقاااافته لما قالج الكلام هذا و جرحج؟
و هل فادته خبرته في التصوير لما أساء التصرف بحكم الميانة لأنكم تشتركون بالهواية


اللي بقوله إن الميول تقربنا و تفرقنا
لكن تحليل أنماط شخوص الناس
هذا أمر صعب و يحتاج سنوات طويلة من العشرة

Dee said...

saa7 kalamich , ana wayed 3nde elcomments 3la other blogs etbayen eshakhseya akthr mn elblog nafsa (most of the time)
oo astghrebbbbb etha kan elpost raye7 feha o enas eythefon 3laih ,, mo ekfaya ele7raj ena fe posts b hal mustawa etshjee3 shmalah ba3ad?
ana shakhseyan 3rft shakhseetich mn ur comments akthr mn ur blog ;)

Super Woman said...

ونسيتي بعد نوع

في ناس يعلقون لمجرد ان اسمهم يطلع


يمكن حتى الموضوع مو قارينه لول

!!


بس على قولتهم
صج انتي تخرعين

مرات احسج عصبيه !؟
@@

انا مالي شغل

Яeema said...

يعقووبوو
hehehehehehhe
لا مو عنك أنا ما أعرفك

:p





3bady

والله حاولنا
بس ربعنا بلاغين شف
بديت أخف كتابة عن الأشياء الخاصه جدا فيني لأن بديت أنعرف

كل عزيز له عزيز


صعبه جدا تخش







ma6goog

إييي إنت دمك ثقيل
بالبلوق
بس عسل على قلبي

هاهاهاهاهاها


تعليقاتك
ما تعبر عن هذرتك فى بلوقك


أستغرب ساعات لي علقت بأكثر من سطر

و بعدين إحنا اللي نحكم عليك مو إنت
:p



mjkout

والله هذا تلاقيه بالمسنجر أكثر من البلوق

الهظارين
بس بالكومت أقصد نوعية الكلام اللي ينقال في

مو كثرته

الحياوي مو معناته ما يتكلم
الحياوي حياوي مع الغرب بس





abu eldestor

ما عملت حسابة للأسف أول ما بديت
أكتب


هقيتها لعب و بنمل و خلاص


بس تدبسنا
من 2005
لي الحين و ما يندره متي بسكره





حياتي هدف

عن المبالغة
الزايد ناقص






purplecious

عياااااارة
هاهاهاهاهاهاها








athoob

عذوب ما أقصد ذيب
أقصد عيار و زقمبي


و صدقيني أنا بالنت من 95

يعني عاااارفة النفسيات كلها

ناااادر جدا ما تلاقين أحد يعبر عن نفسه

الدين تلاقينه عيار بالنت
والحياوي تلاقينه هذار



أما الخوف من الله
لا مسلم فيه ولا شي


وااااااااااايد مشاكل بالنت
وناس ما تخاف ربها و سإليني






في نقطه حلوة أثرتيها

إهتماماته
والإهتمامات هي جزء من شخصيته
الرياضي تلاقينه يتقبل الحوار
والسياسي تلاقينه عصبي

والدين المتعصب تلاقينه مقفل شوي


وهكذا


with you in the last article :)
cant comment on it , coz you said everything ;)







dee
exactly most of the time !

ya3ny 3arafteny min my comment o ma 3arafteny lamma re7na en9awer hathaak elyoom? ;)
الكومنت يعطيج تصور
و ليس يقين

مثل ما قالت عذوب
العشرة تبين المايه



shlalat


eeeeeeeeeeeeeeeeee
eeeeeeeeeeeeeeeeeeeeeeeee
walla 9aaaaaaaaaaaaaaaaaaaaaaaaaaa7!!!!!!

لأ كلش
أشتط وايد
العصبيه هديتها في بيت أهلي من أول يوم تزوجت فيه
هاهاهاهاها

david santos said...

Great work!
Have a nice weekend.

Super Woman said...

لوووووووول سانتوس للحين عايش ؟؟؟

Blog 3amty said...

ريما !

عمتي شنو من البلوقات ؟

:s