Tuesday, July 31, 2007

بسم الله الرحمن الرحيم و به نستعين

الله يعينكم علي لبحتي الحين فيني حجي واااااايد

هالبوستات راح تكون توثيق حدث 100%

يعني يمكن ما ألاقي الوقت للرد علي واحد واحد



قصتي

إتصال فاجئني من الوطنيه

ترا تليفونج عدي الليمت و ماكو بالفيزا فلوس

إنزين جم المبلغ؟؟

350 دينار

إنزين الحين إتسدد إنشاء الله بس عطيني ثواني أدويرلي مكان أشبق منه

راح أدق عليج إذا خلص الموضوع

و أرفع التليفون أبي نت من وين؟؟

جان تقوللي يارتنا إذا إنتي يم الحمام السباحه أكو كونيكشن

و تمسك ريما الاب توب و ترزه بالبلكونه

أووووخ كاااااااااا

واااااااااااايد بعد

و جك بك حولت و ضبطت لحسابات و سكرت الفيزا و دقيت علي المرا

مشكورة ما قصرتي صبرتي علي و ما قصيتي الخط

طبعا بعد هالفاتورة تسكر خطي و حدي مسجات

باقيلي مده

مو وناسه أرجع و وراي تسديد فواتير

دقيت علي أهلي

هاكوم خط أسباني

إللي ولهان علي يتحمل تكاليف المكالمه

الله يهديها أمي إتدق تبي تسمع عيالي يسولفون جنها داقه علي بيتنا !

و بس



معلومتي متأخرة عن النت

بس بحاول بين فترة و فترة أشأر عليكم

و أعسكم





أشوفكم علي خير

الصورة إللي فوق من بلكونتي



Friday, July 13, 2007

On Vacation - no more posts .



لأننا نتقن الصمت
حملونا وزر النوايا

غادة السمان

.
.
.
سوف أصمت لفترة
أخليكم علي خير
راح أوله عليكم وايد
.
.
ديروا بالكم علي بيتي
خليت المفاتيح
عند أختي
Charisma

I will be in kuwait
22-augest
إنشاء الله
.
.
See you soon
LOVE YOU ALL
.
.
bueno adiós


Wednesday, July 11, 2007

بقولكم سر يمكن ما يخفي عن البعض

أخاف من الطيارة واااااااااااااااايد

و خصوصا إذا كانت الرحلة طويله

أو من زمان ما سافرت

يمكن أخاف من المسؤوليه؟

يخف الخوف شوي إذا عيالي كانوا وياي

يلهوووني إشوي


إللي محد يعرفه عني عاااد

تعالوا شوفوا حالتي قبلها

من صجي مخي يفصل

ما أفكر بشي إلا هالشي

أحطلي لسته أغراض ضروري أسويها

تلاقوني

لأ إسم الله علييى ما أسوي شو من إللي حاطتهم

اليهال يبون أغراض؟

لأ أبد

تلاقوني أفسفس لفلوس علي خرابيط برابيط

نوع من أنواع الهروب

ما أقعد بالبيت

لويه علي الفاضي

بديت أأذي إللي وياي

إللي حوالييي

أنسى

أتناسا

ما أبي أحد يذكرني بالسفر

ليه شفت لجنااااط قام بطني يعورني

ياللي القامت

ما أحب السفرات إللي مستعدة لها من مده

حلاتي جك –بووووم سفرة

مو مطلعين التذاكر من 3 أشهر!

مجعتي من الكويت ترا ماهي سهله

ما أحب أغير الروتين وايد

وخصوصا إللي متعلق بعيالي

راح أكون مسؤوله عنهم مسؤوليه تامه بدون أهلي

نوعي ما أحب أعتمد علي زوجي

أحب أسوي الشغله بإييدي

ماكو سايق

ماكو طباخ

فما أحب أطلب شي ما ألاقيه الحين

طبعا زوجي كل مأجل المواضيع

راح أتعسر

هالسنه قلت بصير غير

بصبر

بتحمل

بصير خوش أم

الله يستر

----------

عذروني علي عدم زيارة أحد والتعليق

بس صدقوني

من بدا العد التنازولي

و أنا نفسيتي زفت


Tuesday, July 10, 2007



فيني طبع بااااااااااايخ

إذا أبي الشي أبيه الحين الحين


شريت لاب توب تابليت بي سي

مواصفات جدا عاليه

Vista

Home edition

Tuch screen

بطاريتين

شغل عدل يعني


يوم ييت البيت

وإلا الشاشه تعمي


قلت من العدسات؟؟؟

قطرت بعيوني

ماكو فايدة

مو مريح

جني أشوف غيمه

لأ الكمبيوتر في شي أكيد

و إلا الشاشه ما إتصير زينه إلا إذا ركبت الواير بالكهربا

Britness

مال الشاشه يزيد

الكمبيوتر ما حبيته بيني و بينكم

البلو توث ما يشتغل

واااي شلون أوثق و أدز صور من موبايلي ليه جهازي؟

والله من غيرت القديم و أنا ماقام إييلي إلهام الكتابه

سبحان الله الكمبيوتر لازم تحبه

لازم تعشقه


صبرت عليه شهرين

وراي سفرة

إييييي علثه عشان أبتدي المفاوضات ويا زوجي


رجعت الكويت

تمخمخت السالفه

ريما: السنه ماراح آخذ الكمبيوتر وياي

زوجي: ليييش؟؟ يمكن نحتاجه، أنا موزع إيميلج علي دوامي إذا في شي يطرشولي إياه

ريما: مو مرتاحه منه، vista تعيس ، وشاشه الكمبيوتر لأنها باللمس تييبلي صداع

زوجي: وبعدين؟ شتبين تسوين، نبي كمبيوتر ويانا ؟

ريما: تشتريه مني وتحطه بالمكتب عندك؟؟

زوجي: أشتريه؟؟؟ إنتي لازم تطلعين من وراي فلوس بأي طريقه؟؟؟

ريما: أنا مرتك، عادي يعني أطلع من وراك فلوس، مو أنا وياك جيبنا واحد؟ خلاص أدفع بالفيزا و أشتري سوني

زوجي:تدفعين بالفيزا و تدرين باجر بسددلج المبلغ؟ مشروع نصب أشكره؟

ريما: هاهاهاهاها إنت تدري الفيزا مو متعوده أسددها

زوجي: إمشي يبا إمشي إخذيه ما أدري شل فرق بين فيزتج و فيزتي

ريما: هييييييييييييييااااااااااااااااااااااااااااااااااااااااااااااا

واااااااااااااااااااااااي يا فرحتي

راح أرتقي بشتريلي سوووني

.

.

بالمحل:

أبي هذا لو سمحتي

الموظفه: إنشاء الله حاضر

ريما: توصي فيني لو سمحتي

الموظفه:خدي ده أصله كويس ورخيص

ريما: يالله توكلي علي الله

الموظفه: أخش أجيبلك الكمبيوتر و آجي

ريما: ميرسي خالص يا حبيبتي

الموظفه: ماشاء الله حظيك كويس يا مدام

ريما: خير ؟؟ إشلون؟؟؟

الموظفه: إللي لقيته آخر واحد و بمواصفات أعلى بكتير من إللي إخترتيه زي اللاب توب إللي سعره 1000 دينار بس بنفس السعر القديم. ومعاه شنطة ببلاش كمان في كوبونات عليه كمان.

ريما: الحمد الله ربي حبيبي عالم بحالتي مستحمله كمبيوتر معور عيوني و محسسني إني غبيه بالتعامل وياه، إيييي فيزتا هوووم إيديشين يحسسك بهالشعور.

الموظفه: عبي الكوبونات وبعدين إرميهم أبل 15 يوليو

ريما: مالي خلق أعبيهم ، بس ممكن سؤال؟؟؟ السحب إمته؟؟

الموظفه: 18-7 إنشاء الله

ريما: ده يوم عيد ميلادي!!!!!!!!!!!!!!!!!!!!!!!!!!!

خلاص خلاص حآعبي الكوبونات !

بس يوم السحب أنا مش بالكويت ، إذا فزت مين حيستلم الجايزة بدالي؟؟

الموظفه: إنتي خلي بطائتك المدنيه بالكويت

ريما: إنشاء الله و ليكي الحلاوة إذا فزت

.

.

.



إتهقون أفوز؟؟؟

لأن يوم السحب نفس يوم عيد ميلادي؟؟؟؟


يقولون الدعاء مستجاب إذا كنت بين السما والأرض

بدعي لي ما أركز كل قوتي و طاقتي الإيجابيه عشان أفوز

.

.

علي الملأء قاعدة أقول


أنا الموقعه أدناه أوكل إختي و حبيبتي و صديقتي الأخت كاريزما، يكون لها الحق بإستلام جائزتي إللي لما الحين ما فزت فيها


وجدام كل الملأ إذا سوت شي بالجائزة حلال عليها

هاهاهاهاها



المزايين عيالي يكون بوسع صدورهم بوديهم يتمشون شوي

رحنا ويا أبو لعيال تشيليز

بطلعتنا ولدي الصغير بدا يصرخ

تااالييييه

تاااليييييه



طبعا لازم تعرفون ولدي يسمي البحر شاليه

نزلت وياهم البحر

بدوا يتهاوشون بالرمل

واحد يقل علي عين الثاني تراب

وليييييين بس يبا قومااو!!

علي ما رحنا سيارتنا شافوا كشك يبيع بوب كورن

شريينا البوب كورن

دخلنا السيارة

الله وكيلكم

إهيا 3 دقايق و نص بالضبط

والله لا يوريكم شصار بالسيارة

قعدوا يتحاذفون بيتهاوشون بالبوب كورن!

الله لا يوريكم شصااااار بالسيارة !!!!

الصور ما بينت كل اللي صار

طبعا وثقت الحدث بالصور

بعدها لازم تعرفون إن محطات التنظيف كلها تسكر الساعه 10

إلا محطة قرطبه تسكر 10 ونص

للطوارئ

بفهم؟؟

شنوا المتعه إن اليهال قشيانين من الضحك؟؟

لا ولا يدرون عن هوا داري

عيزت أقول بس

و آخر شي قام يصير تتفل بعد!

بدا البوب كورن يلزق

ويييييييييييييييييييييييييع









Sunday, July 08, 2007

الحمد الله علي السلامة

أصل أنا قيييييييييييييييييت

( ييييت بالمصري)

يا حلوهم و يا حلو بلدهم

مصر مو شايفتها من 93

تغيرت علي واااايد

كل ما أبي أروح أحد يقوللي

لأ

حر

زحمة

ما تسوا


رحت هناااك شفت العكس

فندق عجيييييب

الفور سيزن النيل

منظر حلو

الدور 22

بريداااات

صادف إنها يايتهم موجه برد

نمت بدون مكيف والله بدون مبالغه

الريوق علي البلكونه

فول

فلافل

لبنه منعنعه

كاباتتشينو لذييييييييييييييييذ!


الصراحه عفيه عليهم

.

.

شيين لازم تسويهم عشان تستانس من مصر

تنسي إن في منطق بالدنيا

أعصابك بالكويت تخليها

حتى مو بثلاجه الفندق

.

.

عرفت السر

و إكل فووول و تنح وإخذلك دور الغباوة وياهم عشان يمشي الموضوع

.

.

بقولكم سالفه علي الطاير فطستني من الضحك

.

.

رحنا حدا الكافيهات إللي بالنيل سفينه ثابته وشغل عدل

كنا منقثين من الغذا

نبي شي بارد ويهضم

بما إني مدمنه ريدبول

فقعدنا علي الطاوله

المتر: أيوه يا أفندم؟

ريما: عايزة ريدبول لو سمحت مع تلج

المتر: لا يا فندم ما عندناش

ريما: بلاي؟ ( نفس الرد بول بس ماركه ثانيه طحت عليه من فندقنا)

المتر: لا يا مدام مافيش

ريما: باور هورس؟ أي حاجه فيها طاقه

المتر: لأ يا أفندم أصل ما بنبعش خمور، عندنا وكاله كوكا كولا بس

الباش مهندس إللي ويانا : إنت مجنون يا أبني!!! خمور إيي إللي بتتكلم عنها ده! ده مشروبات فيها .....

توه بيشرح

.

.

ريما:يا باش مهندس إنت حتعمل إييي؟؟؟ لسه حتشرح !

يالله بينا نأوووم ده مش عارف بحاجه إسمها مشروب الطاقه!

زوجي علي براده : مرة ثانيه إللي مو موجود بالمنيو لا تعبين نفسكم و تطلبينه

يكون طالعه فيها مسطرتله الأنواع، هاهاهاهاها

وقمنا

بس بيني و بينكم

كل ما أتذكر إن جد و أهوا يقوللي لا يا فندم ما بنبعش خمور بالقهوة

أمووووت من الضحك

.

.

.النهايه



موضوع إستوقفني




Click to read!




عشان تقدرون إن كتاباتي عن حياتي الخاصه إهي الصح

:p

هالجمله نقزه حق بعض الناس إللي مطرشيلي هالصورة

هاهاهاهاه

لا أحرك رأي عام ولا بطيخ

كافيه خيري شري


Monday, July 02, 2007

.



Short vacation and coming back after 4 days

I didn’t see this country since 1993

Guess where I am going??

:p

.

.

.



سؤال كل نتناقش فيه بين ربعي المسنجريه:

هل الكتابه عن وين رحت ووين ييت و شنو سويت فيها نوع من

Showoff??

كان ردي لهم إني أتكلم عن أشياء سويتها لأني مالي شغل بالأمور العامة إللي تصير حوالي

أنا ما أقرا جريدة

ولا أطالع تلفزيون

ولا أخبار

والمقالات إللي أقراها والكتب إللي أقراها هي إهتمامي الشخصي

يعني مو شرط إللي أقراه أقول حق أمة لا إله إلا الله إني قريت هالشي



إشرايكم إنتوا؟؟



هل التكلم عن الأمور الشخصيه تربي نوع خفي من العداوات بطريق غير مباشر؟

أو مثل ما نقول إتفتحين الناس عليج و جنج مو شايفه خير؟



و حطوا في عين الإعتبار إن أول ماكان في بلوقات تكشف حياة الناس

الخاصه

والبلوق بالنهايه

E-diary

=

My life

=

My write

.

.

و أشوفكم علي خير إنشاء الله

.

.

حق كل إللي دعا دعوة حلوة حق وليدي إن الله يشافيه

أشكركم من كل قلبي

والله إن دمعت عيني يوم شفت كل هالحب من ناس ما يعرفوني

أحبكم وايد

والله لا يحرمني منكم يا رب



Sunday, July 01, 2007

من قرادة حظي يكون بفرح ولدي أمس شاريتله بدله سبايدر مان

فاليوم طول الوقت حايسلي بالبدله

أنا سبايدر مااان

أنا و أخوووي سبايدر مااان

يما نفس الفلم صرت

بسم الله الرحمن الرحيم

توني حاطة اللقمة

و إلا صراخ بنتي شايل

يما يما

دم

دم

فزيييت من مكاني و إلا هللي يايلي و عادي لا بجوة ولا شي

إشفييييكوم !!!!

بنتي: أخوووي صعد علي الطوفه و طق راسه بحافه الألمنيوم مالت الدريشه

ريما: ويييييين أشووووف

يالله مستشفي مستشفي فيها خياط هذي

و أطير علي المستشفي، والمستشفي خاص يالله الينه

و إلا ماكو دكتور جراح طوارئ!

وييين الدكتور؟؟؟؟؟؟

والله الدكتور بالعمليات ونطري 30 دقيقه لما تفتح العيادات الساعة 4

أنا طقني عقر بقر، من صجهم؟؟ بالله واحد في نزيف؟ يموت؟ و إلا شالحل؟؟؟

رحت دخلت الطوارئ و مسكت الممرضه

علي ما إيي الدكتور سكري الجرح و عقميه

المهم يابت شي و سكرته

والله وكيلكم أنطر 40 دقيقه ليما ييه الدكتور

عبالكم القصه خلصت؟؟

شااف الورقه مالت إسم الدكتور

جان يرفع السماعه ، طبعا بعد ما عرف إن راسه مبطوط و يبيله خياط

الدكتور: أنا مش آيل شغل المواعيد ده و الخلط بأسامي العيادات مش عايز؟؟

ريما: دكتووووور من صجك إنت؟؟؟؟؟ ترا صارله الجرح مفتوح أكثر من ساعة الحين!!!!

ممكن تخلي شغل المكتب و تخيط راس ولدي؟؟؟؟

الدكتور: يا مدام إنت ما شفتيش اللخبطه إللي حاصله اليومين دووول

ريما: بكل هدوء و مسكة أعصاب لأني ما أبي أنرفزة ،بخيط راس ولدي

دكتووور ميخالف حصل خير الله يعطيكم الصحه والعافيه، بس ممكن إنأجل الموضوع لما تخيط راسه؟؟؟

الدكتور: ما إتخافيش ، الجرح سطحي أصله مابيبكيييش و أهووو بيلعب

ريما: لا إله إلا الله عليك، دكتور وإللي يسلم خلصني خلني أروح !

أنا خايفه من عمليه لخياط أزيد من ولدي، الحين أنا ماسكه نفسي، بعد شوي بتعابل فيني أنا وولدي

دكتور: خلاص خلاص أهووو حأوووم إنتي ما تخافيش و ما إتبصيش

ريما: اللهم صبرج يا روح

خلصنا و خيطه غرزتين

ما أقول إلا

الله يصبر قلوبنا علي المستوي الصحي المتردي بالكويت



هذا وليدي الله يشافيه