Sunday, July 01, 2007

من قرادة حظي يكون بفرح ولدي أمس شاريتله بدله سبايدر مان

فاليوم طول الوقت حايسلي بالبدله

أنا سبايدر مااان

أنا و أخوووي سبايدر مااان

يما نفس الفلم صرت

بسم الله الرحمن الرحيم

توني حاطة اللقمة

و إلا صراخ بنتي شايل

يما يما

دم

دم

فزيييت من مكاني و إلا هللي يايلي و عادي لا بجوة ولا شي

إشفييييكوم !!!!

بنتي: أخوووي صعد علي الطوفه و طق راسه بحافه الألمنيوم مالت الدريشه

ريما: ويييييين أشووووف

يالله مستشفي مستشفي فيها خياط هذي

و أطير علي المستشفي، والمستشفي خاص يالله الينه

و إلا ماكو دكتور جراح طوارئ!

وييين الدكتور؟؟؟؟؟؟

والله الدكتور بالعمليات ونطري 30 دقيقه لما تفتح العيادات الساعة 4

أنا طقني عقر بقر، من صجهم؟؟ بالله واحد في نزيف؟ يموت؟ و إلا شالحل؟؟؟

رحت دخلت الطوارئ و مسكت الممرضه

علي ما إيي الدكتور سكري الجرح و عقميه

المهم يابت شي و سكرته

والله وكيلكم أنطر 40 دقيقه ليما ييه الدكتور

عبالكم القصه خلصت؟؟

شااف الورقه مالت إسم الدكتور

جان يرفع السماعه ، طبعا بعد ما عرف إن راسه مبطوط و يبيله خياط

الدكتور: أنا مش آيل شغل المواعيد ده و الخلط بأسامي العيادات مش عايز؟؟

ريما: دكتووووور من صجك إنت؟؟؟؟؟ ترا صارله الجرح مفتوح أكثر من ساعة الحين!!!!

ممكن تخلي شغل المكتب و تخيط راس ولدي؟؟؟؟

الدكتور: يا مدام إنت ما شفتيش اللخبطه إللي حاصله اليومين دووول

ريما: بكل هدوء و مسكة أعصاب لأني ما أبي أنرفزة ،بخيط راس ولدي

دكتووور ميخالف حصل خير الله يعطيكم الصحه والعافيه، بس ممكن إنأجل الموضوع لما تخيط راسه؟؟؟

الدكتور: ما إتخافيش ، الجرح سطحي أصله مابيبكيييش و أهووو بيلعب

ريما: لا إله إلا الله عليك، دكتور وإللي يسلم خلصني خلني أروح !

أنا خايفه من عمليه لخياط أزيد من ولدي، الحين أنا ماسكه نفسي، بعد شوي بتعابل فيني أنا وولدي

دكتور: خلاص خلاص أهووو حأوووم إنتي ما تخافيش و ما إتبصيش

ريما: اللهم صبرج يا روح

خلصنا و خيطه غرزتين

ما أقول إلا

الله يصبر قلوبنا علي المستوي الصحي المتردي بالكويت



هذا وليدي الله يشافيه







34 comments:

nice said...

ما تشوفون شر
احيانا الاميري ابرك من الخاص

BoHSaiN said...

الحمدالله على سلامته
وخطاكم السو.

esTeKaNa said...

وي يا بعد قلبي قلبه
!!
حبيبي اسم الله عليه الرحمن الرحيم القوي الشجاع ما بجى ولا صيح لأنه رجل والرجال قليلو
:pP~
تصدقين اقرا البوست واحس قلبي يعورني
ما يشوف شر ان شاء الله والله يحفظه يارب :(

5roofa said...

salamtaa ma yshof shar o enshala yekbar o yensa :D
yam3awda alah setar lool zen ma sharetela badlat superman
alah ya7fetha men kel shar ya rab o e5aly lej
:)

uTMoST said...

kha6akum Elsoo :)

3ade elyahal eytfl3ooon b kl mukan enshalllah maydhrhum- o chennna etha kfakh rasah eyzeed thaka'ah :P

Purgatory said...

سلامات

الولد طالع شيطان على منو؟

ليش كل الدكاترة من مصر في البوستات؟

physio-80 said...

خطاكم السو
والحمدلله على سلامتة
بس انتي الغلطانة
ليش شاريتله بدلة سبايدر مان؟؟؟
اشتريله بدلة سوبر مان احسن

What Will Be , Will Be .. said...

صباح الخير

خطاكم السو

ومايشوف شر
ان شاء الله

يكبر وينسى

الصورة تعور القلب

لازم عقب هالطيحه تشترين له شي بس يمشي على الارض
:))

قصتج قصه مع الاطبه
الله يعينج

charisma said...

صبااحوو

:(

خطاكم السو
الله دفعها عنه
الياهل اسم الله عليه ماله غفله

وهالمستشفى لازم من يشوفون ويهج يطيرون فيج
هذا مستشفاكم
هههههههههههه
يا بعد عمرى منقعين فيه

:))
الله الحافظ

ما تشوفون شر ان شاءالله

عورتى قلبى بالصوره
اهم شى توثيق الحدث طال عمرج
ههههههههه

:****

Joli said...

سلااااامااااااااااااااااات

خطاكم السو
خنت حيلي ما يشوف شر إنشالله
:(

يا معودة لبس بارني وايد أحسن
خليه يطامر من هني لي باجر و يغني
I love u .. u love me.. we are happy family....

الله يصبر قلبج إنشالله

حسام بن ضرار said...

لا حول ولا قوة إلا بالله

سلامة الولد من كل شر ان شاء الله

The Criticizer said...

56akum el-su wishallah mayshoof shar.

SolaimaN said...

قدر الله وماشاء فعل

وخطاكم السو انشالله

عبدالله الظفــيري said...

الله يشفيه ومايشوف شر وخطاج السو
:)

بس يشبه منو وليدج لان امبين من راسه الله يخليه جيكر ,,,

الله يحفظه ويكون من الذريه الصالحه :)

aThooB said...

لا حول ولا قوة الا بالله
عين ماصلت على النبي الله يحفظه
خطاكم السو اختي

هذول اليهال .. ترى حتى اخوي الكبير قبل لما امي الله يرحمها شرت له سوبر مان بغى ينط من سطح البيت بس الحمدلله لحقوا عليه و الحين كل ماتذكر السالفة يضحك

إن شاء الله يكبر و ينسى و ماتشوفون الشر ياربي

على الله يحفظكم ان شاء الله

Smile said...

ما يشوف شر وخطاكم السو
.. بس لو يفكنا من سبايدر مان وسوبر مان جان احنا بخير

الأستاذ بلاليط said...

مرحبا و سهلا

عورني قلبي من شفت راسه فديته ارسه والله

الله يحفظه لج ان شاء الله مرة ثانيه بققي عيونج عليه و اقري المعوذات من عيون الناس و حتى من عينج بعد الله يخليه لج

ShaRBiL said...

ما توقعت انك تمسكي اعصابك بهالموقف :)

عالعموم سلامته و و متل ما بيقولو يعيش و ياكل غيرها :)

Sara said...

واااي يما عورني قلبي اسمله عليه مايشوف شر انشالله
:(

وأنا لو مكانج جان باطة راس الدكتووور ومخيطته !! برووووووووود اسغفر الله في هالدكاترة مايحسوون الولد راسه ينزف واهوا طايله زف بالتلفون صج فاضي

الله يخليه لج ويحفظه يارب

Almas said...

الحمدلله عالسلامة

خطاكم السو

ما تشوفون شر انشالله

والله فز قلبي على وليدج

سلامته

الخيال والملابس للشخصيات تأثر حيل على مخيلة الطفل

الأطفال يحبون يجربون ولأنهم بريئين فما يفكرون بالخطر

انشالله ما تشوفون شر

بضحكج شوي

أيامهم بدلات سبايدر وباتمان

إحنا أيامنا شراشف وفوط ويالله .. طير

التاريخ يعيد نفسه

وسلامات

عثماني said...

خطاكم السو

و ما يشوف شر وليدنا

سلامته ان شاء الله

و انتي غلطانة شارية لة لبس سبايدر مان

اشفيه لبس طرزان !!؟ على الاقل ما يطير.... طرق المايوة و انقز

loco said...

salamat wa ma eshoof shar !
el mostawa el 9ee7y bel kuwait zift eb ma3na el kaleema! 5ala9na min el mostashfyat wa el mo9tw9efat el 7koomya el7een yeena 3ala el 5a9 !

ana ma agool ela weench ya dr.ma39ooma shoofy shnoo 9ar fena wa alla yaster eshbe9er be3yalna !

q8y8 كويتي8 said...

سلامات ومايشوف شر
بسيطه انشالله يكبر وينسى
لازم الاطفال تحصل لهم طقيقات بسيطه
الممهم يشتريله قلب ويدير باله بالمستقبل

زين لحقتي عليه لان الجرح اذا طول مفتوح
مايصير يخيطونه

المهم سلامات وماتشوفون شر

سالفة قلب said...

خطااج السوء ياريما
الحمدلله على سلامته

عيون الحب said...

سلم قلبه والله ..
يحمد ربه المصري اني مب مكانج
ولا كان حصل شي ما بينساه بصراحة

عيل احر ماعندي ابرد ما عنده
يشتكي عن اللخبطة بالعيادة والولد راسه مبطل؟

صدق صدق يبط الجبد والله
حمدلله على سلامته ومايشوف شر ان شاء الله
وهالمصري صدق يبيله ضرب :@

فراوله said...

هلا وغلا ريما
خطاكم السو
وسلامته الف سلامه
يالغاليه ديري بالج تري اليهال صايرين يقلدون كل شي يشوفونه بصوره موطبيعية
دمت بحب
:)

ReLaaaX said...

خطاااكم السووو ومافيه الاالعافيه إن شالله .. لازم اسمالله عليهم الصبيان يصير بماضيهم طيحة جايدة الا من رحم ربي :))

وقدر الله ياريما وماشاء فعل

على الاقل فلعة أهون من نزيف اسمالله عليه



صج ان الصورة اتزوغ القلب .. بس الحمدلله شي اهون من شي

Mamloo7a Q8ia said...

سلامات وما تشوفون شر
قدر الله وما شاء فعل

الحمدلله انها بس غرزتين مو شي جايد

الله يحفظهم هاليهال يبيلهم قلب من حديد

اما الدكتور يبيله طق وتسفير
وااااايد فاضي يرتب الامور اسم الله عليه

الوجد said...

ألف لا بأس عليه

الله عداه الشر

وخطاكم السوء

كثير ضاق خلقي على

ولدك الله يحفظه لك

والدكتور كثير بارد

الولد جرحه ينزف

وهو يعاتب الادارة


وين قسم الطبيب اللي اقسمه


وين الاخلاص في العمل وارضاء الضمير


للاسف الوضع الصحي كثير متردي

حمودي said...

سالفه تحر وايد

Яeema said...

with all the love in my heart

thank you all !

you really tuched my heart

Kuw_Son said...

الحمدلله على سلامته و خطاكم السو ..

LaDY RaiN said...

حبيبي ما يشوف شر، وألف لا باس عليه.

قبل ساعة كنت في المستوصف، رحت أحط حق ولدي غيار وألف صبعه، أمس فاتح الدريشة ينادي خاله من فوق وتصك الدريشة عليه حبيبي، وينجلع اللحم ويفرفر من البجي.
الله يشافي ولدج وأولاد المسلمين أجمعين، يا رب.

Breeze said...

الله يحفظه و يخليلج إياه ..

أعصابي كانت مشدودة معاج و إنتي تشرحين برودة أعصاب الدكتور !!

وااااي صج الله يهون على كل مريض بيعالج اهني

:(

و حمدالله على سلامة وليدج حبيبج ..

الله يحفظه ..