Monday, July 02, 2007

.



Short vacation and coming back after 4 days

I didn’t see this country since 1993

Guess where I am going??

:p

.

.

.



سؤال كل نتناقش فيه بين ربعي المسنجريه:

هل الكتابه عن وين رحت ووين ييت و شنو سويت فيها نوع من

Showoff??

كان ردي لهم إني أتكلم عن أشياء سويتها لأني مالي شغل بالأمور العامة إللي تصير حوالي

أنا ما أقرا جريدة

ولا أطالع تلفزيون

ولا أخبار

والمقالات إللي أقراها والكتب إللي أقراها هي إهتمامي الشخصي

يعني مو شرط إللي أقراه أقول حق أمة لا إله إلا الله إني قريت هالشي



إشرايكم إنتوا؟؟



هل التكلم عن الأمور الشخصيه تربي نوع خفي من العداوات بطريق غير مباشر؟

أو مثل ما نقول إتفتحين الناس عليج و جنج مو شايفه خير؟



و حطوا في عين الإعتبار إن أول ماكان في بلوقات تكشف حياة الناس

الخاصه

والبلوق بالنهايه

E-diary

=

My life

=

My write

.

.

و أشوفكم علي خير إنشاء الله

.

.

حق كل إللي دعا دعوة حلوة حق وليدي إن الله يشافيه

أشكركم من كل قلبي

والله إن دمعت عيني يوم شفت كل هالحب من ناس ما يعرفوني

أحبكم وايد

والله لا يحرمني منكم يا رب



35 comments:

nice said...

وين رايحة مادري يمكن تونس :)
واعتقد انه الانسان يحتاج لقراءة ما يحصل حواليه خو محنا معزولين عن الدنيا
واحيانا التكلم عن الامور الشخصية عن تخلق حزازات خاصة لا بين الكاتب انه افضل من غيره لأنه الكاتب يكتب للجميع وليس فئة دون أخرى
كلامج كله ناقص محدثي النعمة :)
تروحين وتردين بالسلامة ودري بالج من موجات الحر والله يعينج على الطرارة اهناك

Broke said...

ريما ..

الله ..الصورة ذكرتني بسفرة الصيف اللي طاف

اذا ماني غلطانة ... هذا المسيد اللي بالقلعة و اذا ناوية تمرين عليها .. ضروري تروحين حديقة الأزهر اللي يمها.. من أجمل الأماكن اللي شفتها بالقاهرة


Regarding showing off

اهو يعتمد على اسلوب الكتابة

بس بشكل عام الكتابة عن الأمور الشخصية تفيد الغير أحياناً بشكل غير مباشر .. سواء تجارب مرينا فيها أو أماكن سافرنا لها أو زرناها هني بالكويت .. مثلاً

ترى مهما كان الموضوع بسيط .. راح تلقين له صدى عند الغير .. حتى لو ما ذكروا هالشي بالتعليق


المهم

Have Fun and Enjoy it to the Fullest !

Purgatory said...
This comment has been removed by the author.
Purgatory said...

تروحين و تردين بالسلامة، أهم شي لا تاخذين بدلة سبيدر مان

سؤالج في مكانه، و يمكن البعض يحب يقول انه سافر، و راح، و قرأ و تسوق، الخ الخ حتي يبين انه مخملي و مودرن.

بنفس الوقت، في ناس تحب تكتب عن حياتها للعلم فقط و لمشاركة ربعهم و عايلتهم، و مثل ما قلتي، البلوج عبارة عن توثيق حق يومياتنا أو حياتنا، بغض النظر عن أسلوب الكتابة

بالنسبة لي، مــا أحب أتكلم عن سفراتي، لكن أحب أكتب بشكل موجز عن كتب معينة أو أفلام يمكن تكون غير معروفة أو مألوفة للغالبية، حتي الي عنده اهتمام ممكن يشتري الكتاب أو يتفرج علي الفيلم

و لكن أحب الخصوصية و مـا أحب أذكر كل شي في حياتي للبشرية

و سلاماتج

P.S. Do not forget to buy your perfume ;p

Purplecious said...

مصر أم الدنيا

أنا ما شفتها من سنه 1989

ههههههه

شوفي هو مو نوع من الشو اوف كثر ما هو حرّه حق اللي قاعدنين بالديره و مو حاصلهم يسافرون أمثالي

لووووووووووول

شوفي الموضوع يعتمد على الكاتب و اسلوبه و القارئ او المتلقي و ردة فعله

و الناس أجناس يا عزيزتي ريما

have fun &* enjoy your time :*

yebelna darare3 7g elsef tbarid 3alena LOOOOOL

Zahra said...

Have a safe trip sweet Reema! :*

loco said...

ana 6ool 3omry a7awel agra shay bas ma agdar ! el shay el wa7eed ely agra kanat el jareeda!!! fa yoom min el ayam gelt aby agra! fa fe3lan shareet rewaya ely shadny feeha enha kanat mamno3a min el kuwait! bas ga3at agraha just 4 2 days ba3deen maleet ! fa egoolooly lish shareet.ha aw lish ma etkameel ! agoolohom etha el shay min da5ly mo 3ajebny fa lish ajber rooo7i 3ala shay!!!!! fa ana agool kel wa7ed wa 7oreta ! ma3a ena yoomken e7na negra akther minhoom 3an 6areeq el internet !
etro7een wa etreedeen bel salama !

charisma said...

ام الدنيااا

هههههههههههه

بالسلامه ان شاءالله تستانسين وتضحكين وتوسعين صدرج


اتفق مع نايس على اسالتج المطروحه

انا رايى الكتاب الكل يحصل عليه ويشاركج فيه
لو مهما كان تفكير الشخص

بس باقى الامور ممكن الناس اترجمها بطريقه غلط
انا اعرفج زين واعر ف طريقة تفكيرج لما تتكلمين بس غير ى لا

فممكن تخلق مشكله وسوء فهم


وبالنهايه ريمه
هذا مكانج
الى ينكتب يعكسج انتى
انت احرص على نفسج
والى يحب يقرى يقرى
والا ما يحب لا يقرى

حافظج الله
:**

شمعةالدار said...

مساء الخير ريما

شلونج؟؟
وشاخبارج؟؟
عساج بخير

تروحين وتردين بالسلامه انشالله

عيون الحب said...

بصراحة يعتمد ..

يعني في من يتكلم عن حياته الخاصة بشكل كثير كبير وهالنوع انا ما احبذه

يعني مهما كان اللي حولج في الانترنت ناس ماتعرفينهم ومب لازم يعرفون عنج كل شي على عكسج انتي ما تعرفين عنهم شي

هو صح لأنج ما تعرفينهم فيعني بيكون اسهل التحدث امامهم .. بس مادري في ناس يتجاوزون حدود معينه

النقاش في هالموضوع حده كبير
انتي ليش تعورين راسج الحين؟

روحي استمتعي وخلي كل شي وراج
وتروحين وترجعين بالسلامة يارب

Chai-7aleeb said...

ما تشوفون شر

الله يحفظ وليدك و يشفيه

What Will Be , Will Be .. said...

بالسلامه ان شاء الله

:)


والشو اووف

يعتمد على طريقه اللي قاعد يكتب

وسوا شوو او لأ
بالنهايه
تقرين وتصكينه وتبطلين سايت ثاني

لأ مااعتقد يربي عداوات .. دام محد يعرف الثاني .. فليش تصير عداوات ؟؟

ضحكتيني لما قلتي جنه مو شايفيين خير لوووووووول

كل واحد وده يشارك الناس بتجاربه ووده يسمع تعليقاتهم
:)

اول ماكان اكو بلوقات والحين البلوقات تعتبر اشخاص وهميين
يعني ماتدرين انتي بتشوفينهم والا لأ
ولما يكتبون عن حياتهم الشخصيه ووين راحوا ووين يو
انا اشوفه عادي جدا دام كل اللي ينكتب في حدود الادب

واذا اكو احد يعترض على هالامور ف اقوله ماتشوف شر

:))))))

تروحين وتردين بالسلامه
...
اذكر اختي لي راحت مصر تقولي ان الانترنت غالي على غير سنع اذا خذته من الاوتيل
المهم
تقول سوت سييييرج جان تلاقي الواير لييس مال السفاره الفرنسيه
وتشبك عليه
لوووول

ولامره رحت مصر @@ :)))

بنفقدج

TReSTeN said...

لووووول

الشوف اوف يعتمد على الشخص في ناس قاصدين هالشي وفي ناس يتصرفون على سجيتهم

وهالجانب مايفكرون فييه ابدا

Spoiled Royality said...

enjoy ur trip

o mayshoof shar your son

Fahad Al Askr said...

بالسلامة، وأرجو أن تعودي لنا بحفظ الله ورعايته، محملة بالهدايا والعطايا،وتكفين قولي لنا متى بتردين علشان نطلع ونستقلبك بمثل ما ودعتي به من حفاوة وتكريم في بلدك الثاني

Mamloo7a Q8ia said...

اولا سلامات وما يشوف وليدج شر

وبعدين تروحين وتردين بالسلامة
والله يسهل دربج

سلمي لي على ام الدنيا
الله يونسكم بالعافية

واخيرا ارضاء الناس غاية لا تدرك

kila ma6goog said...

تردين بالسلامة

شكلج رايحة ايران

:)

physio-80 said...

تروحين وتردين بالسلامه

أما السوالف الشخصية، يعتمد على حسب السوالف
في أشخاص يحبون يسوون شو
يعني بس يحب الناس اتعرف اهو شنو سوا أو شنو شرا
و في ناس اتسولف بغرض المشاركه
يعني انا لما أسافر و أصور ، أحب أوري صوري حق ربعي علشان يشاركوني فرحتي

و يعطيج العافية
و ترجعين بالسلامه ان شاء الله

PearL said...

اول شي تروحين وتردين بالسلامة

ثاني شي اعتقد ان البلوق باختصار يعبر عن افكار وشخصية و سوالف الشخص


يعني الواحد حر باللي يبي يكتبه

انا شخصيا احب اكتب عن نفسي وعن حياتي الشخصية

وبهالنقطة احسج مثلي ياريما

حسام بن ضرار said...

بالنسبه لجزئية وين رحت و وين جيت و شسويت

انا اعتقد ما دام البلوجر مراعي الحدود و محترم نفسه و الاعراف و الاطر الاجتماعية

فمحد له شغل بنوعية المقالات اللي يكتبها و لا احد له الحق ان يفرض عليه شيكتب

البلوج مساحه خاصه للمدون
و بإختصار : اللي عاجبه ... عاجبه .... و اللي مو عاجبه نوعية البوستات لا يقرها او يعلق عليها

و شكراً لطرح هذا الموضوع

Almas said...

تروحين وتردين بالسلامة انشالله

السما سما المغرب

بس الطاسة .. طاسة مصر

أتقشمر معاج

ترجعين بالسلامة

وسفرة سعيدة انشالله

hamdool said...

بعد مشكله إذا ما كنتي
بتسافرين أسبانيا؟؟!!؟

عقب سالفتج مع الدكتوره
وآخر شي تروحين ديرتها!؟

والله إن شافتج هناك
بتقول حق كل ربعها

الولية بتقول لي بتاكل
فلافل ب35 جنيه في أزبانيا

وآخرتها آعدالي في الحسين
وأنا خلت دمي يحترأ وهيه
بتحكيلي عن شأتها الملاكي
يخرب بيت اللي كان السبب

لووووووووووووووووووووووول


أعتقد التجارب الشخصيه
إهي أهم دروس للإنسان

و حياتج اليوميه إهي الأقرب لج
وللي يحبونج .. تروحين وتردين
إنتي وولدج وكل الأهل بالسلامه

و يا ريت إجابتي صح

وإذا غلط هم إنشالله تستانسين
وأدري بتشتاقين حق جو الكوييييت

صصصصحححححححححح؟؟؟؟

هاهاهاهاهاهاهاهاهاهاي

SHAHAD said...

أتمنى لج عطلة سعيدة

أما بالنسبة Showoff
فيعتمد على الشخص
بس عموما ترى البلوقات هي عبارة عن مدونة شخصية
نطرح فيها يومياتنا وافكارنا وهلوساتنا : )

والحمدلله على سلامة وليدج .. ربي يحفظه
توني أقرا البوست اللي طاف .. السموحة

What Will Be , Will Be .. said...

Reema

T9adgeeen ilblog wel comments bdontich malhum rawnaQ kelish

:) Miss ouY

عثماني said...

تروحين و ترجعين بالسلامة اخيتي ريما

اظنها تركيا

بالنسبة للكتابة ... للمدون كامل الحرية بما يكتب... و للقارئ مطلق الحرية بما يقرأ

ناطرين عودتج

Kuw_Son said...

تروحين و تردين بالسلامة :)

المدونة تعكس اهتمامات الشخص في رأيي :)

q8y8 كويتي8 said...

يمكن سوريا او تركيا

ترجعون بالسلامه وتنورين المدونه

esTeKaNa said...

أعتقد ومن خلال خبرتي البسيطة
ان التدوين كفكره بالبدايه كانت انعكاس لافكار الشخص وتجاربه وحياته ودقائق وتفاصيل اموره
فضفضه الشخص لنفسه من خلال كلماته تساعده حتى على على ترتيب افكاره واتخاذ قراراته
فالمدون بالبدايه يكتب لنفسه ومن ثم الناس اللي تقرا له
مع زياده عدد البلوقرز بداينا نهتم بصورة كثيرة بالكومنتس
وخاصه من المجهولين الي يشككون ويجرحون من غير اي سبب
!!
ففقدنا بعض العفويه وزاد حرصنا حتى في نقل تفاصيلنا
هل احنا لكا ننقل امورنا قاعدين نتشيحط؟
كل اناء بما فيه ينضحو
اذا كتبنا الكلام ونيتنا الاشاره لبعض الامور ولو من خلال الرموز تبين احنا منو وشنو ونتشيحط راح يوصل الاحساس للقارء
واذا ما قصدنا هالشي ما راح يوصل الا لفئه نادره ربطتنا بافكار معينه وشخصيه مرسومه لنا تفسر كل كلمة على اساساها


اهم من كل هذا...اشلونه المزيون الحين؟
:)

Vancouver said...

تروحين وترجعين يا ريما
بالف سلامة وابتسامة


مصر ام الدنيا طبعا


مااااااا اعتقد كلش انه
البلوغ والتدوين استعراض جدام
الناس ...اولا لانك ما تعرفينهم
ثانيا.. انتي تقولين اللي تحسينه
اللي مو عاجبة ببسااااااااااطة
لا يقراه
وخل يحول الموجة هاهاهاها


ما يشوف شر وليدج
خنت حيلي شفت صورة الخياط
وعورت قلبي والله
سلااااامته
والاهم تديرون بالكم
عليه وعلى واخوانه اكثر
الله يحفظ عيالنا وعيال المسلمين

What Will Be , Will Be .. said...

il sara7a i used to open ur blog daily o automatic..

Nescafé said...

بالسلامه ان شالله

بالنسبه حق البلوق فبرايي اهي مساحة شخصية صاحبها اهو اللي يحدد شنو اللي قابل للنشر وشنو لا.. ومااعتقد فيها مشاكل اذا كتب الشخص يومياته وطول ما ان احنا اهني موعارفين بعض الا ان احنا مجرد بلوقرز فـ ليش ماتكون العفويه والبساطه موجودين اصلا حلاته جذي

ومايشوف شر وليدج.. عورني قلبي لما قريت البوست اللي طاف

MANAF said...

عفيه تذكريني لي رحتي الجراند كافيه
:)

ومو تاكلين حمام عندهم ترى مشكوك فيه

وييبي لي فرغللي

:)

وهالله هالله بالخيول عند سعيد المصري بالهرم

:)

واخر شي تحياتي لسميرا ميس

لوووووول

الوجد said...

كل مدون يكتب في المدونة


ما يريده



والقاريء يقرأ اللي يعجبه



وبالسلامة ان شاء الله

فراوله said...

هلا وغلا بريما
تروحين وتردين بالسلامة من أم الدنيا
والله قلبي متقطع ليش ماني رايحه هالسنه لظروفي
بس عليج بستين الف عافية
حبوبه
@@@
وللكتابه مثل ماسبق وقالوا اخواني المدونين
ان انتي لج مطلق الحرية بالكتابه
واهم لهم حق القراءه والتعليق اذا حبوا طبعا
دمت بود دائما
:)

Яeema said...

love you all !!!!!
love you all !!!!!
love you all !!!!!
love you all !!!!!


thanks for the lovely words at your comments