Wednesday, July 11, 2007

بقولكم سر يمكن ما يخفي عن البعض

أخاف من الطيارة واااااااااااااااايد

و خصوصا إذا كانت الرحلة طويله

أو من زمان ما سافرت

يمكن أخاف من المسؤوليه؟

يخف الخوف شوي إذا عيالي كانوا وياي

يلهوووني إشوي


إللي محد يعرفه عني عاااد

تعالوا شوفوا حالتي قبلها

من صجي مخي يفصل

ما أفكر بشي إلا هالشي

أحطلي لسته أغراض ضروري أسويها

تلاقوني

لأ إسم الله علييى ما أسوي شو من إللي حاطتهم

اليهال يبون أغراض؟

لأ أبد

تلاقوني أفسفس لفلوس علي خرابيط برابيط

نوع من أنواع الهروب

ما أقعد بالبيت

لويه علي الفاضي

بديت أأذي إللي وياي

إللي حوالييي

أنسى

أتناسا

ما أبي أحد يذكرني بالسفر

ليه شفت لجنااااط قام بطني يعورني

ياللي القامت

ما أحب السفرات إللي مستعدة لها من مده

حلاتي جك –بووووم سفرة

مو مطلعين التذاكر من 3 أشهر!

مجعتي من الكويت ترا ماهي سهله

ما أحب أغير الروتين وايد

وخصوصا إللي متعلق بعيالي

راح أكون مسؤوله عنهم مسؤوليه تامه بدون أهلي

نوعي ما أحب أعتمد علي زوجي

أحب أسوي الشغله بإييدي

ماكو سايق

ماكو طباخ

فما أحب أطلب شي ما ألاقيه الحين

طبعا زوجي كل مأجل المواضيع

راح أتعسر

هالسنه قلت بصير غير

بصبر

بتحمل

بصير خوش أم

الله يستر

----------

عذروني علي عدم زيارة أحد والتعليق

بس صدقوني

من بدا العد التنازولي

و أنا نفسيتي زفت


14 comments:

عثماني said...

تروحين و ترجعين لنا بالسلامة يا اخيتي

و هونيها و تهون

و ماكو الا العافية

روحي... و استانسي و ونسي اليهال

و لا يكون تقثين نفسج او تقثين اليهال و تهاوشينهم

تراج رايحه تستانسين و تونسينهم

حافظكم الرحمن ... انتي و ريلج و اليهال

Kuw_Son said...

الله يسهل عليج ..

اعملي حركات يوجا و البتاع و هيروح كل الضغط النفسي اللي انتي عايشاه دي الوأتي !!

ههههههه

الله يعينج .. نفسية مو شي :)

charisma said...

الله يلوم الى يلومج
كافى اليهال بروحهم مسئوليه الله يحفظهم
والله احاتيهم

الله يحفظمك ان شاءالله تروحين وتستانسين وتوسعين صدرج حبيبتى انتى

لو بروحج بالطياره جان قتلج منوم
بس مع اليهال لازم تكونين صاحيه
ههههههههههههه

الله يسهل يا ريمه
:**

ReLaaaX said...

حبيبتي والله ماتنلامين حاسة فيج حاسة
بس ان شالله هالسنة تقدرين تثبتين انج قد المسؤولية ;)

Shaima'a Alkandari said...

تروحين وتردين بالسلامه

وبدا العد التنازلي

ومابقى شي على ساعه الصفر ويبدأ الانطلاق


ماكو حل وسط

اقولج شتسوين غمضي عينج واخذي نفس عميق وقولى توكلت على الله وروحي وصدقيني من توصلين الديره الثانيه بيتغير هالوضع كله

وان شاءالله تستانسين وتكون رحله حلوه

ونسي عمرج وغيري جو ووفري لها :)\

Spoiled Royality said...
This comment has been removed by the author.
Spoiled Royality said...

تروحين وتردين بالسلامه

ولاتخافين ولاشي هذا بس من الفرحه

لوووول

Vancouver said...

ياااااااااكره المحاتاة والاستعداد قبل وقت طوييييييييل
صح
ادري هالشيء يضيق الخلق
بس تدرين
المفروض ما اتطلعين الجناط ولا تشوفين رقعتهم الا قبل
اسبووووووووع واااااحد بس

بهالاسبوع النفسية صج زفت
بس يهون وبتلهين بترتيب الاغراض




ماكو سايق
ماكو طباخ ?? اشرايج بالسفر
تاخذين الطباخ والسايق
وخدامتين بعد هاهاهاها
هذا اللي ناقص بعد




تعوذي من ابليييييس وكله قولي
حق نفسج ... خل انسي شيء خير ياطير

اي شي ابيه موجود
بالديرة اللي بروحها
كل شيء موجود بكل مكان الحين

هووووووووووووووووووووونيييييها وتهووووووووون


الله يردج بالسلااااااااامة
وباحلاة السفر مع مطالع الافلام
ولا تحسين بالوقت

LaDY RaiN said...

تصدقين،
ريلي لي يينا بنسافر واحنا بالطيارة اتييله حالة نفسية، يعرق ويتنافض وكل هزة خفيفة ينخبص عباله الطيارة بتطيح فينا وأنا أضحك عليه.

من عمر وأنا أموت على الطيارة، ويوم السفر عندي جنه عيد، عرفتي اللي ليلتها ما أنام من الوناسة.

أموت على ريحة الطيارة وأكلهم ومرات اييني شعور ودي ما اوصل اظل فيها من كثر ما انا مستمتعة :)

تروحين وتردين بالسلامة اختي، وريلاكس ترى الطيارة ما تخوف هالكثر.

SHAHAD said...

الله يسهل عليج
وتوصلين بالسلامة
ويحفظج انتي وعيالج وريلج من كل شر
وهونيها يا ريما : )

أم النمل said...

troooo7en o terj3een besalmaa enshalaa :) la lat7atyn mako ela el 3afyaa enshala testansyyyn wetghayreeen jaw :*

الجريح said...

ذكرتيني بايام الدراسه كنا ساعات بكريسميس مالنا خلق نرجع الكويت بسبب المسافه هلاك

:)

جنون إحساس said...

تروحين وتردين بالسلامه يا ريما
ميخالف انتي اخذي الشي بايجابيّه

تغيير جو
اليهال يستانسون
الزوج تتغير نفسيته مع الزوجة
يكون بعيد عن الضغوط وارتباطات الشغل والربع

يالله سفره ممتعه ان شالله
^_^

Breeze said...

تعوذي من ابليس ريما .. لا تفكرين وايد بالموضوع .. كثرة التفكير تخليج تتدودهين و تنضغطين و بالتالي ماراح تعرفين تصرفين عدل .. سئليني .. والله انا مثلج بالضبط .. و كله تصير فيني مواقف بهالظرف ..

فتوكلي على الله .. و فكري إن كل شي له حل .. لا تاخذين الأمور بتعقيد و هدي بالج .. السفر يبيلة مووود و مزاااج رايء ! الله يسهل عليج .. و يحفظج من الشر

و على فكرة أمس شريت لاب توب و شفت موضوعج السابق و إلا نفس لاب توبي !!؟ لووول

حدا عجيب