ودي أتحلطم على سوق الكويت
وودي إذا أحد عنده معلومات يساعدني فيها
سوق الكويت ينقسم إلى قسمين
يا مارينا و أفينيوز
أو فيلا مودا والصالحيه والأسطورة
ماكو سوق وسط
يا بدله بو 30
أو بدله بو 600
وينهم البدل إللي ب
150
ناخذ لنا ثلاث أربع نكرفهم
والله العظيم على أيام لبنان و محل بنقاله
AISHTI
نفس فيلا مودا
المغنين كل هدومهم منه
ماركه ينقالها
p.a.r.o.s.h
شريت بدله بـ
500 دولار
يعني ب 150
شك و شغل عدل
رحت الأسطورة و إلا البدله بجم بسلامتهم
500 دينار
إيييي
500 دينار لاحظوا
ليييش هالنصب!؛
ومعقوله ماكو شي ينشرى إلا بهالمبالغ؟؟؟
و ليميتا لازم نسافر و إنييب ماركات مو مشهوره بس شكلها حلو و سعرها رخيص نسبيا
هالسنه ما دشيت السوق بالسفر
كليتها بالكويت
بعد الخصم نفنوف ( فسطان )ب300
بعد الخصم بلوزه ب 200
حزام ب 100
جوتي ب 150
أووووووووووو
و بعديييييييييييييييييييين!
لاحظوا بشتري صيفي
درجه الحراره 40 بالليل أكيد مو خريفي بلبس
والله كرهت الإستقبالات من الصرف إللي قمنا نصرفه
دراريع إب 200 و فوق!
لييييش!
منو إنتي إللي بتصمميم بهالسعر!
أزيدهم 50 و آخذلي بدله من مارني
على الأقل ماركه مو دراعه!
أكرفها سنه جدام
والجناط قصتهم قصه
صج إللي مو ماركه ما تنشال
ظيييم و ظلايم
و أقصد بسوقنا
إستغفر الله صرنا نشتري قصب
مو مقتنعين بهالأسعار
بس شنسوي؟؟
شنو الحل؟؟
إنوقف الإستقبالات لما ينزل سعر البدلات!
هالسنه ميزانيتنا مسخره
و سووورى على هالكلمه
بس صج مصخرة حدها بعد
سفرة صيف
مصاريف أغراض المدرسه
و هبت هالبنات لصغار بهالخرابيط
Jansport bags!
Polo
مصاريف المدارس الخاصه
Plus 3 kids
مصاريف دخول الشتاء
مصاريف الخدم و اليونيفورمات
( هالسنه ناقص واحد مه نحشه الفليبينيه هاهاهاها)
مصاريف رمضان
مصاريف عيد و سفرة بعد
مصاريف إستقبالات
لا والإستقبالات مقسومين قسمين
1 إستقبال مستشفي
اللبس غير
2 إستقبال بيت
غير لعروس
يعني الواحد يبيله بير نفط بس يقرف منه
و مو معقوله بنقل الفلوس كل على خلاجين و توابيعها من جواتي و جناط
و الله لا يوريكم الجواتي إللي من ال 150 و صاعد
الجواتي ما تشتري إلا من الصالحيه
صج ماكو وسط
و إذا في وسط عفيه بنات رحموا حالي و دلوني عليه خل أخلي هالبوست أرشيف
كل واحد عنده معلومه يقلها بالتعليق
لحد يقوللي
Net a porte
ما أحب أشتري عمياني مو قايسته
ولا أواطن المعارض
I mean it
I NEED HELP!
I am out of control!
تدرون شنو المصيبه الأعظم!؛
إن تخصصي تمويل
هاهاهاهاهاها
الظاهر تعليمنا سكه ما نفع وياي
43 comments:
الله يعينج
كلامج كله ماعندي له رد لانه مو تخصصي تبين من تخصصي حياج الله اخليج تزورين هيتون :)
وبعدين منتي اوت اوف كنترول السوف اوت اوف كنترول :)
هيتون = هيلتون
حرة، إحنا معشر الذكور على هذه الرحيبة كل اللي يلزمنا طرق طاقة خام وأربع غتر ما توصل قيمتهم 150 دينار للموسم الواحد (الصيفي طبعا) وإذا كشخنا ممكن طاقتين ومع الخياط يوصل المبلغ 250 تكفي أربع لي خمس أشهر
مرة ثانية حرة
reeema nesaitay il jewellery w il sa3at .. e7na ya il ryaayel sa3a nalbseha 5 sneen ma7ad egool shay entaw yablkum alf sa3a wa7da thahab w wa7da fethya w wa7da ma3a diamond w bedoon .. hathilha broo7hum yabelhum mizanya kther ili ta9rfeena 3alla il bait kila .. ba3dain il bedal il 3adia mawjooda bs hny lazim maykoon a7ad labis nafsich .. ana agool ili ga3ed esafer w et7a9ila il fir9a ena yetasawag bara yetsawg w ya5th ili eb 5a6ra w as3ar wayed as7an methel ma geltay .. w 3alla goolat il a5 fahad il 3askr i7na 250KD 7ag il mawsem kila :P
أختي العزيزة ريما
الله يعين البطاقات ( الكرديت و الكي نت)مشكلتك تراها منتشرة كثير بين السيدات و الآنسات اليوم بس لم تكن موجودة من 20 سنة ...التغير الأجتماعي والمادي و التقدم السريع في الأتصال احدث تغيير غير جيد بالنسبة لنا ....عندي 3 بنات وامهم الله يحفظهم و يحفظ عيالكم اجمعين يعانون من نفس مشكلتك لكن الوضع ارحم شويه يشترون ما يحتاجونه في الصيف كل سنة خلال سفرهم و كان الله غفوراً رحيما...ما يمرون على الاسواق الكويتية الإ في ما ندر...اثني على كلام اخوي فهد العسكر لكن شتقول لما تكون ملابسك بدلات مو دشاديش هم بعد مصروف لكن ملابسنا اهون بكثير من ملابسهن
السؤال يا اختي ريما ليش الأجنبية المتزوجة كويتي خزانة ملابسها ان كثرت 4 ابواب و دائما ملابس الأستقبالات لونها اسود و تحتفظ بنفس الثوب او البدلة لين ما يتغير مقاسها يعني سنوات و بالمقابل سعر البدله ما يتعدي 1000 دولار لكن كيفية تطعيم البدلة بالأكسسوار والزيادات يجعل البدلة كل مرة تلبسها شكل جديد...
تحياتي
دافنشي
Try this amazing little shop called darUSHA:
http://www.facebook.com/group.php?gid=2342518742
It's new, ma sar lah sena fate7, o 3indah shaghlat 3jeeba mo mawjo0da bl so0g.
The have cheap pcs, expensive pcs, o aham shy they have elly bel nos b3d :-)
Kel ehdoomy menhom!
مو شرط من الصالحية ولا شرط من فيلا مودا
الأفنيوز زين
والمرينا زين
يعتمد عالمحل
ويعتمد عالذوق بالدرجة الأولى
لازم نسوي كنترول
نحدد شنو نبي وشنو نحتاجه
مو شرط أهتم بالناس بزود بحيث اتعب نفسي
لبسي تمام وكل شي تمام
وتكرار البدلة ما ينقص مني شي :)
ومن ناحية الغلاء بالاسعار
للأسف سواء يعتبر رخيص ولا غالي كله غالي
ابسط مثال : بلايز عادية يطلع سعرها 15 و 20 و
واهي خامتها قطن عادي
!!
شنسوي هذي الاسعار
احنا نحاول نختار
ونتروى الين ما نلقى المناسب
:)
وباجر بروح الافنيوز
:P
try zahra complex they got the medium you're talking about asides from ostoura
صراحة انا ماعندي نظام اشتري بدلة غاليه حيل واكرفها لاني امل من الهدوم بسرعة فأحب دايما انوع بين الرخيص والغالي لان مو معقولة بتكون كل هدومي من 100 وصاعد.. يعني مثلا بروح تسيوره عاديه ولا يمعة الاهل الاسبوعيه ماراح البس اشياء غاليه.. وعادي اشتري من كل مكان حتى لو رخيص لان السالفة تعتمد على الذوق اصلا مو على السعر.. ومسويه الحين نظام يديد ان اخلي عندي بالكبت جم بدلة رزة احتياط عشان اذا تفاجئت باستقبال او مناسبة ماتوهق لان غالبا البدل الكلاسك هذي مايروح موديلها
الحريم نوعين
الاول موجود علشان يبيع
والثاني موجود علشان يشتري
وانتي الظاهر من النوع اللي يشتري بس
ليش ماتحاولين تدشين السوق مع هالحريم
اللي تشتري من بره وتبيع
واللي تصمم وتفصل وتبيع
نصيحتي اذا مخج تجاري ودراستج تفيدج
لاتترددين
nice
عيارة و قمبزه
إنت أبو الذوق بس ما تبي إتعلم
هاهاهاهاها
تخاف من العيم
و إلا إشعرفك بهلتون؟
your right !
everything is out of control
hehehehhehehe
even my head lately
fahad al askr
أشونه جواتيكم و نعلكم غاليه
خو ما تقدر تمشي حافي بعد؟؟
هاهاهاهاهاها
سر أناقه الريال بنعاله
الوحيد إللي يبين الريال زقرتي و إلا لأ
فركز و إتعب شو
هاهاهاهاهاها
bin3agul !!!!!!!!!!!
LOOOOOOOOOOOOOOOOOOOOOOOOOOOL
شكلك عايش بين بنات
إشعرفكم بهالسوالف كلها
هاهاهاهاهاهاهاها
ضحكت من صجي
و هالموده اليديده
rose gold
brown gold
هم يبيلها تراجي و سلاسل و خواتم نفس اللون
هههههههههههههه
ههههههههههههههه
da vinci
من قبل 20 سنه ماكو إلا الصالحيه
الحين السوق كبر
و الموضه صارت أحلا
و الدنيا كلها شبت
هالشي يشتكون في برة أزيد من داخل
على قولتك
بدلات
و دشاشيش مو معقوله تروح الشاليه بدشداشه
الدشداشه رسميه
حق العصاري اللبس غير بعد
------
إجابه على سؤالك
لأن ماخذها من الريف مو من المدينه
لو متزوج وحده من بيفيرلي هيلز و إلا يابانيه جان ورته الصرف إشلون قايل
و الأجنبيه عطها سنتين بالكويت
والله شفت ناس تغيروا فوق تحت
تطبعت بطبع الكويتيين
خربوها خوات الريل و قامت تشتري ماركات
والله شوف عيني
لا تقنعني إن أي مرا بالعالم ما إتحب تلبس إذا حصلت لها الفرصه
إنشوفهم بالسفر
it's a world wide problem btw
التوفير زين
لا تهتمين بهالسوالف
الله يعينكم يالحريم
بس شلون تخصص تمويل والمصاريف وايده
lala !
واااااااااااااااااااااي
I LOVE YOU!!!!!!!!!!!!!!!!!!!!!!!
LIKE WHAT THE HELL IS THAT!!!!!!
NO COMMENT! i am going today enshallah !
qesat 5ayal
مارينا
من رفرف
و إلا تواقيع
أو جااادو
الأفينيوز
الفييز اليديد
إنشاء الله
يضل السن و المكان يحكمون الشغله
مو معقوله بروح إستقبال لابسه من ديبينهامز
got the point??
ساج الله بالخير
انا تخصصى تسويق طال عمرج
انا اضبطج
حاضر
زارا
مانجو
افترى الافينيو
مارينا
زيربفت
زهره جم محل ما اذكر الاسماء بس ادل انا اوديج
بالصالحيه المحل الى بدون اسم لووول الى وريتج اياه
هذووووول
اشترى منهم عملى حق كل يوم والدوام
لانى ما احب اكرر اللبس وايد
فاكود
نفسيا ارتاح احب اغير كل يوم غير
واقط اسبوعين وارد عليهم جنهم يدد
لول
شخصيا اتوفق فيهم
هالاماكن الى قتلج عنهم
نخش بأااا
للمصيبه العظمى
الاستقبالات والعروس
مافى حل
:(
الفساطيييييييييييين ناار وشرااار
هههههههههههههه
زوقااا الفسطااان من حلجج
شى شى
:))))
موتينى ضحك
تعبااناا بالبووووست يا حلالالاتها والله اتينن رفيجتى
ههههههههههههههههههه
قطيعه ادش الاسطوره عاقده النونه
واطلع عاقده النونه واكفخ الى جدامى
لان اشكراااا بوووق واشكره احنا ندفع واحنا ندرى بايقيينا
بس شنسويييييي
فلا مودا
شخصيا اتوفق فيه
مرات الاقى اسعار زينه
اهم شى بالموضووووع لا تروحين مستعسره
كل شى يستعسر معاج
روحاى والابتسامه تارسه الويه
بتتوفقين
هههههههههههه
وهذى الكويت صل على النبى
اهيا ديرتنا وفيها الى نبى
ما سوت علينا زيادت المعاش
طلعت من جبودنا
ما حسينا فيها والله
شنو يعنى اول الشهر انا مفلسه
عسى ماشر كريزمااا
:/
بعد عمرى يا ريمه
يبيلج
دبل شت ايس شيكن اكبريسو اتسرسح على قلبج بعد هالبوست
:**
geo
right , dont you think the standerd of the shops their become a little bet low?
الفاتنه و الأسطورة الوحيدين إللي تقدرين تشترين منهم
tekana
أنا ألبس بين البينين
بس أبي حق الإستقبالات شي رخيص نسبيا
حق لزوارات و يمعات الأهل أي شي يمشى الحال
بس العله بهالمناسبات إللي تسحك المعاش كله
و إلا ما بطلتلج بند هدوم الدوام
هاهاهاهاها
على قولت زوجي
إللي إتيبونه من هني تصرفونه على الدوام
عيل عبالج لبحتي عشان هدومي كلها من الأسطورة؟
هاهاهاهاها
لا إشاعه لا تصدقين
أكثر شي أحب مانجو
RIVER ISLAND
ترينج سوت
و طبعا الجينزات
مو إللي يتعود على العملي يتوه بالكشخه
عالم آخر لفراره بالسوق
عشان إتحصلين شي
in fashion
must have ( colour and model )
with a reasnable price
q8y8
إنت جربت الحريم إللي إتعامل وياهم عشان تبيع لهم؟؟؟
هاهاهاهاهاها
جرب و تعال قولي بيعي
تكره عمرك و عيشتك ويا بعد
أنا بنت عميتي إتسوي إللي إنت تقول عنه
إتحجي عن النماين و الأشكال
و إللي ياخذ فوق الفاتورة
و إللي عسر
و إللي ينشف ريجك بالمكاسر
إشلي بهالطلايب
لا يبا أبي حقي بس
عندك محل تعرفه أروح حقه؟؟
:p
kila ma6goog
التوفير لكم يالرياييل
:p
بعد تبونه إندرس
و إنداوم
و نمسك البيت و لبحه الخدم
و كمان إنوفر؟؟؟
إشحقه متزوجه؟؟
barrak
خلل بالسياسه العامه للصرف
الأسعار صار فيها تضخم
ههههههههههه
هههههههه
charismaaaaaaaaaaaaaaaaaaaa
ya charismaaaaaaaaaaaaaaaaaaaaaa
شقوووووووووووووووول
شحجييييييي
عن ديرتيييييييييييييييي
زارا إللي ألأف وحده نفسج
مانجو لازم أضعف
هاهاهاهاها
السر بالضعف
ويا الضعف أدري كل شي عليج حلو
ذكرت إللي بالصالحيه إسمه
أي دي ديزاين
توني ذكرت إسمه
الدوام و العملي مقدور عليه
هالعله بالإستقبالات
طلع ماكو حل؟
أفاااااااااا
:(((
أنا قتلج عن البدله ما ليقولها خام يطولون الجم؟؟؟
قتلها يا تلقولي يا تردولي فلوسي أشتري بدله ثانيه!؛
يا كرهم بس لا إتذكريني فيهم
عما إللي ياخذهم
ثنتيين مو وحده
يبيلي شوووت
وراه ريد بول
هذي مشكلة الكل ترا ! ;s
يعني نقدر الاشياء العملية مو مشكلة تتدبر !
بس هالمناسبات الي ما تخلص !!
ولا الحين رمضان سوالف الدراريع !!
والله قلبي يعورني اشتري الدراعة بهذيج السعر و بعدين لبسة وحدة و مافي غيرها !!
و انا نوعي ماحب السوق !
فاستعسر لما اروح !
اقول على هالسعر استريلي عدسة حق كاميرا ولا شي استفيد منه ابرك
والله الريايل اهم الي مرتاحين !
ابوي ضحكني مرة ;p
قاعدة اقولة سالفة صارت حق بنت خالي شارية بدله بهذيج السعر حق عرس بنت خالتي و حتى بنت خالي توها عروس فتبي شي غير !
و مافي منها الا ثتنين ..
روحي با صاحبة المحل و بيعي البدلة الثانية على بنت خالة المعرس !
فتخيلي بنت خال العروس و بنت خالة المعرس مطقمين !!
كان شي يحر والله ..
فقاعدة اقول السالفة حق ابوي !
جان يقولي عيل احنا الريايل احسن منكم ..
اذا واحد لابس غير عنا يطلع اهو الغلطان .. احنا لازم نفس الشي !!
قصده ان لازم كلهم يلبسون دشداشة بالعرس ;p
و اذا لقيتي لنا حل عطينا خبر ;p
walla Designer's lounge kanaw she7lelhom .. ashya'hom 7elwa o as3arhom ma3Qoola..
Bs chenhom enHablaw halyomen
Gamaw eQaldoon ely 7awaleehom
ma3a el3elm ena Sheghelhom kela mn Far east ya3ne elmafroth ekon rekhs eltraab :X
alah elmusta3an
بييييييه انتي وايد تشترين !!
نقليلي العدوه الله يعافيح انا حدي بلوزه و لا تنوره كل ٤ او ٦ اشعهر اجدد فيها كبتي والله يعافي الاكسسوارات والاضافات
بس صاجه بالكويت اللبس وايد بوقه ولا هالمصممات الي مادري منو قايلهم اهما احسن من اسبانيا حدهم واحد هندي اب ٥٠ دينار بالشهر و استايل مادري من وين يايبينه و شايفينا طايحسن نهيبه ابهالاسعار لا و فوق هذا يبيعون ببيوتهم
تبين الصج انا حق السهره ما اشتري من الكويت الله يخلي روحت امريكا نفانيف اشحلاتهم بربع سعر الديره مثل شريت نفنوف من بوسطن اب ١٠٠ كويتي رجعت الكويت ولا نفسه يبيعونه في انستايل الي بالصالحيه اب ٥٠٠ دينار و لا تطلع صاحبه المحل نفسها الي في بوسطن
انا عندي ثلاث اماكن ما اعرف غيرهم اويسيس، كوست و دبنهامز والله يعافي امي شاطره بالتلبج
لان الصراحه ٥٠٠ دينار على بدله ما تسوى اقدر اوكل خمس عوايل شهر كامل
انا استحرمها صراحه
فهد العسكر:
اي نوع خام تشتري؟؟ انا اشوف اخواني الدشداشه الوحده تكلفهم ٧٠ دينار!
صبااااااااح الخير...
ريما اانا اقولج حلولي وانتي كيفج شوفي اي واحد فيهم وقومي بالعمل فيه..
اول شي لا تروحين ولا مكان ولا طلعين بره ولا تشترين ملابس.. وخلج قنوعه.. لبسي قديم !!
ثاني شي حددي ميزانيه معينه حق التشري ولا تشترين اكثر منها حتى لو عندج بير نفط ليش التبذير ؟!! باجر بنتحاسب اذا بذرنا..
امممم ليش ما تروحين الخبر ههههههههه مو بعديه ويقولون في سوالف حلوه مادري عاد على ذمة الرواي..
او الحل الاخير انا اقول تحاططو يا بنات المدونات وسوولكم مشغل وانتو اشتغلو بالازياء ووزعوا بضاعتكم عليكم وعلى المحلات بكل مكان بالكويت وتكون حلوه وكلاس وسعرها بلي بالنطاق المعقول وجذي كسروا سوق الناس الحراميه الي تمص دمنا ويجمعون فلوسهم بالحرمنه !
واخر حل انج تتكيفين مع الوضع ولاتبطلين الموضوع ويا عقلج مره ثانيه خخخخ
مادري اي حل حلو كيفج.. الله يسهل عليج يارب..
اجمل التحايا لج عزيزتي
كان الله بالعون
الحال من بعضوا
والله الريايييل احسن منا صج مستلزماتهم تكد مومثلنا كل شوي تتغير موضتنا وتزيد الاسعار
لا ويكون في تحدي بالاسعار منو يعلي السعر
وتفاوت كبير بصراحه بالاسعار يعني المعاش يطير كله على اشياء ماتسوى
وييه ريمااا
انا قان يصيرلي كآبة من الأسواق
عندنا
ماكو شي حلو
وإذا حلو اتلاقين شاب نااار
مع انه ما يستحق المبلغ اللي بينقط فيه
بس حلوووووووووووو الحمار
تنجبرين تشترين القطعة
صارلي فترة اكتشفت التسوق بالإنترنت
وناوية اهجر السوق هُنا
ونُباشر العمل من خلال الشبكة
:P
مع انهم ينفعون حق الملابس العملية
اكثر من الكشخة والعروس
وبأسعار نص اسعارها لو كانت بالكويت
8-)
qiyadiya
والله الوالد صااااااااااااااج
ههههههههههههههه
ههههههههههههههههه
-----
على الإستعسار
الأماكن الغاليه و المبالغ فيها إتعسرني
الأسطورة وحده منهم
أدري حلوين
بس واااااااااايد
شنو بلوزه ب 600
ما يبيلها قطعه ثانيه
ما يبيلها جووتي
جنطه
مره قلت لها أخاف أنا وحدة من ممثلات أمريكا و أنا ما أدري!؛
reflection
إتصدقين من ضمن الخطط المستقبليه إني أروح هناك أتسوق
ودي أشوف شلون الفرق
و يقولج أكو مصممين عجيبين بعد
juddy abbot
لا مو وايد يتروالج
هاهاهاهاها
أنا ما شريت بعد
قاعده أتحلطم بس
يمكن السن يفرق بين بعض
لأنا مرتبطين بمواجيب وايده
فلهالسبب غير
و ترا المتزوجه و تشتغل غير عن إلألي مو متزوجه و ما تشتغل
مع الكبر هم ما تقدرين تروحين إستقبالات من ديبينهامز
ترا صج أمريكا أسعارهم واااايد رخيصه
مقارنه بالماركات الأوربيه
إسم و عمات عين
angel baby
قولى هالكلام حق أمي
ترا حدي ما عندي مانع
لو على
أعيش على ترينج سوتات بس
هاهاهاهاها
تخيلى عندج إجتماع مع كبار رجالات الدوله و إنتي مهلقه؟؟
شنو بيكون وضعج؟؟
ترا يازلي إني ما أتحلطم
هاهاهاهاها
خلاص خلاص
حرمت أكتب عن السوق
السوق حلو و البضاعه رخيييييييصه
وااااااااااااايد
هههههههههههههههه
هههههههههههههههه
ههههههههههههههههههه
خوفج يقولون عني شوووح و شايفه عمرها
بعدين أقو كل منج خليتيهم ياخذون فكرة غلط عني
هاهاهاهاها
shaima`a
الرياييل مصرفهم يصيد بلشتا
المقطع غااااااااالي
و لا إلألي هابين فى هاليومين
إللي إييلج المقطع بروحه ووياه أزرته بعد
قاموا يتفونيعون مالج شغل
يايلهم الشقا مثلنا
الجواتي هم مو رخيصه
من الثمانين و صاعد
أكيد يبيله 3 عالأقل بالموسم
نون النسا
هههههههههههههه
ضحكن على كلمه حمار
أنا لي شفت شي قعدت أقول واااااااااااااي
كاااااااااااااااااااالب
ههههههههههههههه
ههههههههههههههههه
يحر هالشعور إللي إتدورين في عيب و ما تلاقين
تلاقين البوك يطلع بروحه و يدفع
جن لفلوس مو لج
هاهاهاهاهاهاها
تعليقي متأخر بس ميخالف
شوفي بيت المشعان اللي بالخالدية
هذا رقمهم
9765436
تقدرين تدقين و تاخذين منهم العنوان
أحلى ما فيهم انه كل شي عندهم من بره الكويت
القحفية بنص دينار
احست غترة 20
وحق الدوام ام سبعة وستة حلوين
الصيفي اخذ المتر 2 واذا بكاسر بعد ينزلى
الشتوي المتر اغلي اكيد توصل الدشداشة على حسب بين 50-70 لا وابشركم تقعد لها سنتين
يعنى لو تقسمين على 2 تطلع السنة 25
:))
طبعا كل هذا لو تشوفون حلمة اذونكم ما تلبسونه :P
كسرتوا خاطرى والله:))))
وناسة سهالة الشباب
بعدين لبسى جينز وبلوزة وقولى الموضة هالسنة جذى والناس وراج كلها لا تخافين يموتون على الهبات
بس يبيلج جرأة
الله يكون فعونج .. صج مصرف انتي :pPp~
يبا هذا يسمونه اسراااااااااف ورب الكعبه اسرااااااااف
أعييييد .. اسرااااااااااااف
قال الله سبحانه وتعالى:{إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا} (27) سورة الإسراء
وقال تعالى{وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ} (141) سورة الأنعام
.. سؤال .. شفي جناط التقليد .. اوكي خلّج من التقليد .. شفي الماركات المو معروفه .. ؟؟
النقره الشمال والا الجنوبي وغيرها وغيرها .. شفيهم ؟؟
الرسول صلى الله عليه وسلم .. كان يمر عليه الهلال ثم الهلال ثم الهلال ولا يوقد في بيته نار .. يعني ثلاث شهور من غير زاااد .. انتي تقولين شريتي ب 500 والا 300 والا 150 .. مالله أمر بهالأسعار وترى عند الله سعه .. تركي عنّج هالماركات واخذي الشي اللي تلتمسين منه الفايده أو المعنى الأساسي له .. مثل تكرمين جوتي = شي نمشي عليه .. دراعه = شي يغطينا
جنطه = شي انشيل فيه أغراضنا
أختي ريما الله يعينج على نفسج صراحه
اللي يطالع الناس .. يتعببببب
آآآآسف عالاطاله
والله يعينكم
Saja 100%
Fee ma7al fi Marina 3ajeeb feeh chethi O chethi 7`oosh a3`radh
called ZERBAFT check it out.
Post a Comment