Thursday, September 20, 2007

موقف حده سخيف صارلي بالنادي

كنت على جهاز رياضي و يمي وحده

يكون بتطق صحبه وياي

و أنا ما أواطن و أنا أتمرن إن أحد يلبح و يسولف وياي

الحوار :

البنت: إنتي يديده بالنادي؟

ريما: إييي

البنت: أنا أقول ما شفتج من قبل

ريما: بقلبي أقول ( إللي يسمعج إشدعوه قاعده بالنادي 24 ساعه مراقبه الأولي والتالي)

طبعا أنا بو حقووور من أمه و كملت تمريني

البنت ( محاوله ثانيه للحديث ) : أقول؟؟ شفتي هذي إللي دخلت؟؟

ريما: لا والله ما لاحظت

إللي دشت كانت لابسه ترينج سووت لونه شذري

البنت: كاهي شوفيها ، مو جنها بقمه؟؟

( للتفسير عن البقمه ، هي عقد يتعلق بالرقبه )

ريما: شنو يعني؟؟؟ ما فهمت شنو قصدج؟؟( دور إستهبال أنا طبعا )

البنت: لون إللي لابسته جنه بقمه

ريما: خزيتها خزه إللي معناها ( إنتي ما تستحين على ويههج؟؟ )

سخيفه حدها !!؛

حقرتها و مشيت من على الجهاز



إللي بفسره الحين

شاكو داشه على حش على المرا و إنتي ما إتعرفيني!؛

بيني و بينج عرف ولف!!!؛



و إلا الحش و القرظ بالناس صار أسلوب دخول بحوارات لتكوين صداقات !



والله إتصدقون ضاق خلقي

ما أحب أنفس على أحد

بس صج صج هذي حرتني

39 comments:

Mohammad Al-Yousifi said...

حرام عليج

Bin3agul said...

5air ma fa3lte ya reeema .. nas ma3indaha salfa law yaytich eb mawtho3 7ilo chan shadtich w 9irtaw rabe3 mafeha shay.. w a7san shay inich 5aliteha tanged 3alla 3mrha bedon latghl6en 3aliha

Ta7yaaaTi

charisma said...

هههههههههههه
شهالحاله يا ربى

تبين نصيحتى اخذى معاج ااي بود حطى على اذونج ولعبى
محد يكلمج تلعبين وتطلعين بسكات
وفكى نفسج من هالاشكال يا اوخيتى يا ريمه يا كريمه قلبى
وكالونيه فؤادى
:**

Anonymous said...

KaaaaaaaaaaK! Kafw walla
zain etsaween feeha

"Y3eebo 3ala el Nas WaL3aYeBooo FeeeeeehOm :D"

Anonymous said...

crazy people!

Яeema said...

kila ma6goog

:P

Яeema said...

bin3agul

exactly!

ana wayid friendly with everyone a9lan
bas ella eb shay

Яeema said...

charismaaaaaaaaaa

هلا هلا هلا باللي قااااط برمضان
وحلاتج والله

----
وإللي يسلمج لا تيبيلي سالفه اآيبود

ههههههههههه
هههههههههههه

------
يا كريمه قلبى
وكالونيه فؤادى

وييين سامعتهم
ويين سامعتهم؟؟؟؟

هههههههه

:**** <---- for you
:**** <---- حق إللي يقول كريمه

Яeema said...

wer3y

eeee walla 9edagt!

Яeema said...

amu

you bet they are !

Ra-1 said...

آنا صارلي سنين بالنادي ما فكرت أتعرف على أحد
أدش أخلص رياضة وأطلع بدون ماأكلم أحد
:p
وايد أريح :)

nice said...

بعض الناس صاجين شلج فيهم وهالي يبحلقون في غيرهم تركيهم والله يعينج ولا تنسين الكريمة حق العذال الي يتحرشون
وسلملي على الكالونية :)

Яeema said...

ra-1

إنتي وياي بالمسجر ما إتكلميني
هههههههههه
هههههههههه

:p

Яeema said...

nice
العذال هذيل بلسم فؤادي
الله لا يخليني منها
و لا يخليني منك بعد

بتفطري على تعليقي هذا

:*** <--( digital ma etfa6er )

hehehehhehe

Hungry-Healthy-Happy said...

هو هو هو


شتبي هذي؟؟

شهالأسلوب؟ وين قاعدين؟

إنزين فرضا اللي قعدا تحش فيها
صديقتج؟ اختج؟ بنت خالتج؟أي شي... شكو تحشيــــــــــن؟؟؟؟؟؟؟؟؟
و داشه على الحش دايركت!!
بدون مقدمااات؟؟؟

لا لا بدعت الصراحة
هذي حدها هيلقية

لا هذا واحنا برمضان بعد
استغفرالله


لا لا أنا رايي من راي كريزما
قزري بالأيبود القديم
علما ينزل اليديد العجيـــــــب
;)

Purplecious said...

LOOOOOOOOOOOOOL


واااااااي صج الناس أجناس

أنا حتى المجلة اذا بغيت اخذها من أحد أستحي أقولها خلصتي؟


شسوي ذابحني الحيا

هههههههه
هههههههههههه

Emarket said...

poor you , poor her

Яeema said...

joli

إييي بالضبط
لو أنا أعرفها؟؟؟


و بعدين عفيه لا إتيوبولي
طاري الأي بود تاااج اليديد


يعورني قلبي

Яeema said...

purple

إنتي في أحد مثلج؟؟
إنتي من الناس إللي نقرضوا بهالدنيا

الله يحميج و يحفظج

Яeema said...

sailor

eeee walla poor me :(

Q8DOLL said...

والله نفس الشي صار معاي
المشكله كنت اسبح بحمام البساحه تشوفين وحده لاحقتج وتسولف
اختي نبي نسبح والا شلون ؟؟
او انتي تلعبين رياضه يعني لازم تضبطين تنفسج مايصير قرقه
المشكله هذي مو بس بالنوادي ياريما
لاحظي بالصالونات
بالمستوصفات
بكل مكان
خصوصا اذا ضرسج يعورج والاخت تبي تفتح موضوع عن سكرتيرة الطبيب وتبي تحش
لا حول ولا قوة الا بالله
بس بصراحه عجبتيني
انا المشكله لما يصير فيني جذي ابتسم واحاول اختصر الكلام بأدب
شسوي أدقر بس ماعرف !! موخوش

What Will Be , Will Be .. said...

HaaaW @@ !!!

il 7amdilla w sheker !!

ipod 9a7 charismaa

What Will Be , Will Be .. said...

9ej shai ythayeg il khelg ..:(((

بو حامد said...

بس هذي الي حرتج ؟

حشي يبا خلي المشي يمر بسرعه بدون لاتحسين

Baboona said...

yeah i know what u mean ..some people they want to socialize with everyone..

سويلفاتي said...

هالنوعيات من الناس زايدين صايرين انتشروا وصار الحش وتنقل اخبار الناس هو الطريق الاقصر لتكوين الصداقات والله يكافينا شرهم ويبعدهم عنا
وزين سويتي فيها
هيك ناس بدها هيك تدقر

Bin3agul said...

Hi ana ga3d aktib comment min iphone wayed 3ajeeeb w my friend 7a6 fee arabic so agdar Agra ur blog . Get one as soon as possible 3ajeeeeb

esTeKaNa said...

انزين
بلله ام الشذري البقمه على قولتها رفيجتج؟
تصير لج؟
تعرفينها؟
مو عيب
!!
انا لو منج اقولها ايهي
ايييييييييييي هذي بنت خالتي
@@
عشان تعرف عيب اللي قاعد تسويه
باجر يحشون فيها
وهذا اللي صار
مثل ما حشت انحش فيها حاليا
:pP~

Shaima'a Alkandari said...

اللى اختشوا ماتوا

للاسف الشديد الحش والنميه مفتاح لدخول عالم الصداقات

هالناس لازم تطنشينهم وماتديرين لهم بال

لان اللى يتحجى عن غيرج تأكدي انه بيحش ويقرض فيج من ورى ظهرج

kuwaitawy said...

ازين ما سويت والله يا ريما
والله يكثر من امثالج


بصراحة هالاسلوب انا ما احبه

Яeema said...

what will be will be

وااااااااااااي إنتي وينج قاااطه !!؛

ألوووو ألوووو


أما يضيق الخلق فهوحده يضيق الخلق

:(

Яeema said...

بوحامد

ما هقيتها منك
:(

Яeema said...

baboona

i hate that way of making friends!

Яeema said...

سويلفاتي

إييي والله بدها و بدها بعد

صرنا فئه قليله إللي تعرف تسولف عدل

Яeema said...

bin3agul

the order has been made ;)


thank you very much for your information


6ala3 at kuwait-mall.com aghla min
mac elly eb marina

they do the order a well

Яeema said...

estekana

ما مداها إتحش
هاهاهاها


لقيتني أنا عاد

Яeema said...

شيماء

إييي والله زايدين

بس بيني و بينج
لوما أهما لاقين التشجيع جان ما تيرعوا

Яeema said...

kuwaitawy

حياك الله أول

زارتنا لبركه

منو يحبه؟؟؟
و تأكد مثل ما تحش بالناس بيحشون فيك
بس من يفهم هالشي

kuwaitawy said...

الاخت ريما

المشكلة مو مشكلة منو اللي يحب الحش

لأن الحرامي ما صار حرامي لو ما يحب البوووق

المشكلبة بالتربية والمشكلة بالرفقة والبيئة اللي حوالي الشخص نفسه
انا اؤمن ان الناس مثل الاصابع مستحيل تتساوى لكن هناك ناس متربين على هالشغله ويتلذذون بهالسوالف


مشكورة على هالترحبيب اخت ريما وما قصرتي