مع تباشير قطع الكهربا عندنا بالدوام قام التشهي علي الآيسكريمات زايد

وهذي آخر الهبات إللي عندنا

شمام

و مانجا

ممكن سؤال؟

مكتوب علي الجييس

بسنني/ فالودة

شنو يعني؟؟

ولا أحد فينا عرف المعني؟؟

كان أسبوع طويل من صيدليه لي صيدليه ليما فقدت الأمل عشان أحصل الدوا
فالحل؟
أغير الدوا و أدور علي بديل
رحت حق الدكتورة وقلت لها تغيرلي إياه
الدكتورة: يا بنتي ما ينفعش نغير الدوا- إبنك صغير و الدوا ده الوحيد إللي بيمشي معاه
ريما: دكتورة يعني شسوي ترا حتى في دبي مو موجود؟ ماكو والحل؟
الدكتورة : إنتي رايحه علي مصر
ريما: إييي بروح بس فترة قصيرة ما يمديني أدور
الدكتورة: أمااال عايزة الكميه دي لي؟
ريما: بسافر دوله أوربيه وما يصرفون الأدويه إلا بروشتات
الدكتورة: إنتي رايحه علي فين؟
ريما : إنشاء الله أسبانيا
الدكتورة: حلوة أسبانيه؟ خضرة؟
ريما: ملقا لأ موش خضرة جلحه ملحه ، بس فيها بحر
الدكتورة: تعرفي، أنا عاملة الفيزا بتاعتهم إسمها إيي؟ شنقن
و كنت عايزة أروح أسبانيا عشان أشوف قرطبه
إنتي زورتي المتاحف هناك؟
ريما: لا والله دكتورة، المشكله في هالرحلات إن الباص يحرك الساعة 6 الصبح
يعني كاان ودي ودي أقوم الساعة خمس الفير عشان ألحق الباص
بس تدرين كويتيين ما إنقوم
الدكتورة: لا غلطانه، الحجاات دي لازم تشوفيها
ريما: إنشاء الله دكتورة أشوفها هالسنه
( إنسوا مالكم أمل أقوم خمس الفير عشان أشوف قلاع من 400 سنه
الدكتورة: ممكن سؤال؟
ريما: تفضلي دكتورة؟
الدكتورة: الأسعار عامله إزاي هناك؟
ريما: والله دكتورة مو رخيصه
الفلافل ب 5 يورو
والبيبسي ب 3 يورو
و عليج لحساب في المطاعم الخمس نجوم
الدكتورة: إييي إييي إييي فلافل ب 5 يورو!!! يعني 36 جنيه سندويتش فلافل!!! لييييه يعني؟؟؟
ريما : والله ما أدري دكتورة يمكن بالنسبه حق دخل الفرد عادي؟ إهيا نسبه وتناسب
الدكتورة: و إنتو بآلكم كم سنه يتروحولها
ريما : والله دكتورة ما حسبتها من زمااان أصل عندي شقه هناك
الدكتورة: ( بعد تفكير لمدة ثواني )؛
ممكن سؤال بايخ و سخيف؟؟
ريما : تفضلي دكتورة؟
الدكتورة: مدام عارفين إنها غاليه كدة يتروحولها ليه؟؟
ريما: ( توهق البطل هاهاهاها- شرد عليها هذي الحين - أخاف من العين (
دكتورة السفر مكلف بجميع الأوقات و ما أعتقد أي واحد بيسافر عشان يوفر
أسبانيا بالنسبه لنا نقدر علي مصاريفها لا أكثر ولا أقل
باللإضافه أسبانيا قله قليله إللي يروحونها
لأنها مو مرغوبه من الكل
ولهذا تشوفين الناس إللي فيها علي مسوي شوي راقي
يمكن مريحه لنا؟
يمكن لأني تعودت عليها
أسوق فيها و أدلها شارع شارع؟
و بعدين ماكو بلد الحين أوروبي رخيص
الدكتورة: كلامك معؤوول يمكن عشان أنا لسه جايه من مصر و بشوف فرء العمله
ريما : دكتورة؟؟ ممكن تصرفيلي الدوا الحين؟؟
الدكتورة : آآآه نسيييييييت خلاص خلاص حصرفلك واحد تاني بس خلي الروشته يمكن في أسبانيا تلاقي
ريما : - في قلبي أقول - يادي أسبانيا إللي ماراح أخلص منها اليوم

i look like her !

add your picture and see who you look alike


click on this link : http://www.myheritage.com/

توقعاتي صح

أشبها بنسبه

% 80

جااان تبون توقيع

أو صورة وياي

أنا حاظر

هاهاهاهاهاها

بس لا تنسون إتيوبون وياكم ورد

هاهاهاهاهاها

ترا ونااااسه

يونس السايت

زايد خمالج يا ديرتي

مو أول مرة يصيرلي هالموقف

.

.

عيالي ثلاثتهم الله يحفظم صدور متنكه

بس كل واحد بدرجه غير

وين المشكله؟؟

في فترة معين لازم الولد ياخذ علاج وقائي

وخصوصا إن ديرتنا الله يحفظها متقلبه الحال

من غبار لي رطوبه فجئه

.

.

صارلي بدون مبالغه 8 سنين أعاني من إنقطاع الأدويه بالكويت

.

.

ولاحظوا إن الأدويه أصرفها من الصيدليات

يعني هم إحنا إللي دافعين ، و هم ماكو أدويه

.

.

مثال أول :

يكون تاريخ الصلاحيه منتهي، أو باقيله أقل من شهر و ينتهي، تلاقي الوكيل سحب الكميه إللي بالسوق ، و نطروا عاااد أسبوعين ثلاث ليه ما يتكرم الوكيل و إييبلينا الدوا إللي المفروض ما ينقطع.

مثال ثاني:

كل دوا له جرعات وتركيز معين

أكو 50 حق بو سنتين مثلا

أكو 100 حق بو 4 سنين مثلا

هم تلاقي الوكيل بسلامة عمره يخلص تركيز معين و ما إييب إلا لما تخلص جميع الكميه إللي بالسوق

عاااد كيفكم إنتوا إللي موجود

ياااااه من صجكم!!!

يعني لو الواحد ما عنده ناس يوصيهم من بره ، شنو بتكون حالت عيالي؟؟؟؟

.

.

أقطع العلاج من النص؟؟

أسامي الأدويه إللي لوعوا جبودنا من كثر ما تكون خالصه:

الوكيل صيدليه الهاجري

أبي أعرف من المسؤول عن هالشي؟؟

كريسبي كريم دونت

ما يختلف عليه أثنين إن لذيذ وناطع

بس بيني و بينك حلاته مع بريدات إتكتكت علي عتراك وياه

.

.

وايد أتنقص حق الدوام منه

بس أستغرب من كم التعليق إللي يسبق أخذ دونته

بمعني آخر

الرياييل

رييما إشيايبت لنا إنتي

إنتحااار

كليتي منه؟

إيي كليت ؟

حلفي؟

والله كليت؟؟

ليش شفيها لي كليت؟

ثقييييل و يسمن؟

مو قاعدة آكله كل يوم

أوازن أنا

الحين تبون و إلا أوديه مكان ثاني؟؟

لا نبي

و عليهم بالعافيه خذوا ثنتين

هاهاهاها

.

.

.

أروح حق البنات الحين

من يبي كريسبي كريم؟

واااي ريما بتذبحينا إنتي؟؟؟

و تلاقونهم طول النهار ما وقفوا أكل

و قهوة رايحه

وكاباتشينو يايه

يعني ما يااات علي الدونت

هاهاهاهاها

.

.

أنا تييلي الضحكة

.

.

ما يدرون إن الدونت بس 200 كالوري

و معاه قهوة سادة

يعني

مشكله إللي ما يعرف بهالمعلومة

مثل إللي ماكل

BIG MAC meal!

ويطلب

Diet Coke!

.

.

إبتداءا من اليوم ماكو كريسبي كريم بالدوام

إللي يبي يروح إييبله بنفسه

.

.

سؤال؟

صج الحريم بالمطاعم ياكلون أكثر من الرياييل؟؟

الطبقه الشبعانه

لازم نستحدث هالطبقه وندعمها معنويا و نبتدي بنفسنا

شنو مواصفات الطبقه الشبعانه

مو لازم تكون غني عشان تكون من هالطبقه

و مو كل غني شبعان

لغز؟؟

لأ مو لغز

مواصفات الطبقه الشبعانه

تلاقي إبتسامتهم شقاقيه

سوالفهم توسع الصدر

مافيهم نقص يطلعونه عليك

قلبهم أبيض

واثقين من نفسهم

مو تافهين

ما يتعسرون إذا أحد يتشيحط عليهم

سهلين نهلين بالتعامل

كل شي ماشي حاله عندهم

عايشين حياتهم

يعاشرون الأغنيه والفقارة

ياكلون بالمباركيه وبماكي

كلشي يونسهم

ما يتذمرون

مقعدهم براد براد

شللي طرا علي أكتب هالبوست

إستغربت من ناس وايد مو عاجبهم حالهم

الغني يحسدالفقيرعلي راحت البال

الفقير يحسد الغني علي فلوسه

محد عاجبه حاله

مع إن الأثنين عندهم صحتهم وعافيتهم

ليش الكويتي يتذمر علي طوول؟

لييش ما يطالع شنو إللي عنده و يعيش علي أساسه؟؟

ليش مفصله ثوب يعته وهو ماشي؟؟؟

لييييش لي قعدت و تكلمت عن أحد ينتاجرون و هذا حرامي و هذا بخيل و هذا نصاب و ما يشوفون أعمارهم؟

رسالة حق إللي مو من هالطبقه

ترا الدنيا حلوة

بس يبيلها من إللي يعرف يعيشها

البساطة و القناعة حلوة

تما شيا مع سياسة الدولة هالأيام في عمليه القطع المبرمج

و شعارهم إللي يفشل

من حبنا لها بنوفر لها

و تحت ثنايا الشعار خمال سياسة الدولة

يكون طالعين فيها بيخلونك وطني

لي طفيت ليتاتك

ودي أسب

بس بريستيجي ما يسمح

أخ عليج يا بلد

+++++++

المهم في الموضوع

ودي الحكومة تعطيني شهرين إجازة

أوريهم إشلون أوفر لها

أزهب جناطي من أول سبعه

و أشيييل قشي

و أقب

كاااا إفتكيتوا من بيت راح يتسكر كل شي في

لا وزيادة علي البيت الشاليه بعد

يعني ضربتوا عصفورين بحجر

أول شهر مدفوع

الشهر الثاني علي بدون معاش راضيه

يعني وفرت عليكم

بس عطوني إنتوا الشهرين

شسوي ب 32 يوم بالسنه!!!!

إللي عندة بيت برة يرز الوثيقه وله شهرين من الحكومة

لأن من حبنا لها

بنخليلكم الكهربا والماي بعد

و إذا الديرة بأوروبا

نبي 3 أشهر

إييي التذاكر غاليه

راح أفتح باب التوقيع علي العريضه و التواقيع لعرضها علي الديوان

والله ودي يسوولي إستثناء

من صجي

مع إرتفاع درجة الحرارة ولغبرة إللي مو بوقتها طرى علي بالي

مشروع يديد ودي أسوييه بالصيف بس

ألا وهو

أتحول إلى ضب

ليش؟

أوريكم ليييش

الضب حيوان بيوض يعيش في الصحراء والبراري, شكله الخارجي يكاد يشبه التمساح أو الديناصور عندما ينتصب. يصل طول الضب إلى 85 سم عندما يتمّ نموه. ويعتمد الضب على النبات في غذائه وشرابه فهو لا يشرب الماء إلا نادراً. يؤكد البعض بأن هناك فوائد من أكله, وكذلك توجد فائدة من المعالجة بدمه مؤكدة لدى الكثيرين من البدو.

مميزات الضب:

من الحيوانات متغيرة الحرارة وذلك لأن حرارة أجسامها تتغير تبعاً لحرارة البيئة المحيطة بها.

( يصلح حق جونا – أمس الساعة 10 بالليل درجة الحرارة 40! لييش يعني؟؟ )

النشاط اليومي:

أفضل درجة حرارة للضب لنشاطه اليومي هي مابين 36-38 درجة مئوية حيث يمكث الضب أطول فترة خارج جحره في درجة الحرارة هذه.

غذاء الضب :

الضب حيوان نباتي التغذية بشكل أساسي يعتمد في غذائه على الأوراق وبذور وأزهار النباتات الحولية والمعمرة التي تنمو في البيئات التي يعيش فيها. كما أنه يأكل بعض الحشرات والمفصليات، ومنها الخنافس والعناكب والجراد والنمل والذباب. الضب لا يشرب الماء إلا نادراً جداً حتى أنه لا يحتاجها وذلك لأنه يستفيد من العصارات داخل العناصر النباتية والحشرات، حيث يستفيد من محتواها المائي داخل خلاياها. الضب لا يأكل النبتة كلها حين يجدها ولكنه يأكل منها قضمات صغيره ويذهب إلي نبتة أخري ويقضم منها قضمات صغيرة، وبذلك يحافظ على النباتات ويزيد الغطاء النباتي.

شي ثاني الله يسلمكم:

- دم الضب زين حق إللي عندهم أكزيما – بدال الكورتزون و خرابيطه

- عكرته فيهم شحمتين زينه حق إللي فيهم تنك – لا تسإلوني شلون ما أدري

- جتفه ( كتف الضب ) إذا لزقتوه بيبهة الخيل صار سبوووق ( حق إللي يربون خيول سباق)

- و حق لمطيرجيه ( إذا أكلت طيرك ضب راح ينظف باطنته )

Tagged

by

dilli_o_Milli

1- Available or Single:

I wish

Hehehehe

2- Best friend:

Charisma

3- Cake or Pie:

Apple pie with vanilla ice-cream

yammi yammi

4- Essential Items:

My eye drop

5- Favorite Color:

Blue

6- Gummi bears or Worms:

None

7- Home town:

Kuwait

8– Indulgence:

Internet

9- January or February:

February

the worm

HATE COLD WEATHER

10– Kids:

3

الله يحفظهم

11– Life:

Life is a puzzle , you have to solve it

12– Marriage:

hard challenge in life

13- Number of siblings:

5 brothers

14- Orange or Apple:

Apple – green

15– Phobias:

airplane

16- Favorite Quote:

The Best Never Rest

17- Reason to Smile:)

to give your heart for someone deserve it

18– Season:

spring

19- Tag three people:

None

20- Unknown Fact About Me:

i hate to take pictures

21- Worst Habit:

أبتون بين السيايير

22- Your Favorite Food:

مرق دجاج

23– Zodiac:

cancer

إذا كـنـت فـي قـوم فـصـاحـب خـيـارهـم

ولا تـصـحـب الأردى فـتـردى مـع الـردي

عـن الـمـرء لاتـسأل وسـل عن قـريـنـه

فـكـل قـريـن بـالـمـقـارن يـقـتـدى

كعب بن زهير

كريمة

أولا :

من استعجل الشيء قبل أوانه

عوقب بحرمانه

ثانيا:

ما يحسد المال غير أهله

الموضوع الحين عن الكريمة

في ناس يسمون الكريم كريمه

هاهاهاهاها

هل مرة سلمكم الله بوست حريمي بحت

و في مصالح متبادله بعد

أبي أعرف كل بنت شنو تستخدم كريمات

كريم النهار

كريم الحمايه

كريم الأساس

مزيل الماكياج

كريم مغذي

كريم تحت العين

كريم الليل

كريم حق التاااان بعد وجم رقمه

و إذا في شي هني هناك هم أبي أعرف لو سمحتوا

عفيه يعني

ما أبي أحد يقوللي كريمات من برة

من طقة

Bliss

أبي بالكويت بس

يا معشر الرجال

لو سمحتوا هالمرة

عن لطنازة علي عدد لكريمات إللي نستخدمها باليوم

وأترك لكم العنان في الكتابه

ومثل ما يقول المثل

إسأل مجرب ولا تسأل طبيب

يحتضنها وكله شوق لها

فرح لرؤية ابتسامتها

كم اشتاق لسماع قلبها

ينبض بين ثنايا جسده

كم اشتاق لأخذ أنفاسا

مختلطة معه أنفاسها

يستنشق عطرها لتعود إليه روحه من جديد

يغرس يديه بين خصال شعرها

ليمنحها هدوء قلبه

اطمئني فأنا بجنبك

أحميك

أقدرك

وأعشقك

كم تمنت أن لا تفارقه

كم تمنت أن لا تتوقف أنفاسه بها

اندمجت الروحين

وتفارقا الجسد

by Reema

أكو ناس اسم الله عليهم باردين وااايد

لدرجه تبط الجبد

ودك تصرخ بويووهم

هالناس إللي

ما يخلصون شغلقك بسرعه

هالأناس

ما يصلح إتعامل وياهم وخصوصا بدوام

عندنا جم أحد بدون ذكر النوع

تستغرب شلون فاتحين بيوت؟؟؟

شلون متحملين شقا الدنيا

مافي مسئوليه

تقوله / تقولها

وين هالشغله

بكل برود

ممكن بعد ما أتريق أطلعها لج؟

تلاقون الساعة عشر ها؟؟

ترا العمر يخلص والشغل مايخلص

وللييييييين

مرة ثانيه إتفكر ألف مرة قبل لا تطلب الشغله

تكون إنت بحموتك وقلبك على الشغل و هذيل برود

والأدهي والأمر إنهم صغار

يعني تو الناس على الكسل!!!؛

تو الناااس علي لربادة

وتلاقيهم بعد يطقلك بوز و مو عاجبه

إيييي

ليش طالب منه الشغله مبجر

هااااا

شهالحاله

عيل دافعينلك معاش ليييش بالله

إقعد في بيتكم

نام

تريق

رد نام مرة ثانيه

خل مكانك حق أحد ثاني

شغله ثانيه

إللي عايشين الدور إنهم مدرة

وتلاقيه حاله حالك

عندنا بدوامنا

مقتنعين إقتناع تام

أن نشتغل بكل شي

ساعات طباع

ساعات مراسل

ساعات مدخل بيانات

ساعات محلل مالي

كلشي

ومافيها شي

بس الشغل يخلص

وترا هالشي بيزيدك و مو منقص منك

إشفيها ليه تحركت وقمت صورت الكتاب؟؟؟

بيختفيلك صبع يعني؟؟

والله بالعكس يمكن إن يكون شغلك أضبط

بس ما أقول إلا الله يصبرنا عليهم

عندي أشياء معينه في حياتي ما أقدر أغيرها

سلطه جرجير مالت نينو

يعني ودي يوم أدخل نينو و ما آكلها!

عندي بنطلون جينز أحبه و محطوط مثل الميداليه بالكبت

ما أقدر أقله و بنفس الوقت ما ينلبس

إنيي حق شي عسر و مليق أحبه بس خارج حدود الكويت ينوجد

و عشان أكون محددة بس لقيته بأمريكا

و أنا أصلا مو شاريته من هناك!

عطري الشتوي

إيييي شتوي بس

و ما أحط منه إلا بالشتا

و إذا يييه البرد قمت أحاتي الستوك إللي عندي

مشكله هالعطر إن مصمم أزياء مطلعه

والمصمم يهودي

يعني ممنوع يطب العطر بأي دوله عربيه

قمت كل صيفيه أوصي ولد عمت زوجي

و بعد ما قمت أستحي من التوصي

قمت أطلب بالنت والتوصيل ليه بيته

ليش ليه بيته؟

لأن أرامكس ما يوصل أي شي بخاخ

أيريسول

الحين المشكله إن الريال بتخرج هالسنه!!!

إبتلشت بلشه

ماباقيلي إلا قرشه وحدة

ماكو منه بلندن خلاص ماعادوا إييبون

ماكو منه بأسبانيا لأن أسبانيا مافيها بوتيكات

المهم وحدة من ربعي كان ريلها مسافر حق باريس بمهمه رسميه

يعني شنو؟

يعني ما عندة وقت حق التفرفر ويدور فشله و عيب أصلا

المهم سوينا بحث خفيف بالنت و لقينا عنوان البوتيك بباريس

و أهم من العنوان رقم تليفونهم

صار البحث و التحري عن الكالونيه ( هاهاهاها )

بعد 3 أيام وصلتني قرشتين

أفتحهم

وإلا مو إهيا!!!!

نوع يديد مطلعينه حق الصيف

أحلا من القديم !

حق الصيف

أمبييييييييييييييييه

ولييييييييييييييييييييييييين

صارت عسارتي عسارتين

كبر المشروع

صار صيفي و شتوي

لا حول الله ولا قوة إلا بالله

و بس إبتلشت بلشه الحين

صج فرحت إن يابلي إياه و ماقصر

بس بنفس الوقت إبتلشت من وين أييبه

( كاتبه البوست عشان إللي يلقاه إييبلي إياه صوغه لو سمحتوا )

هاهاهاهاهاها

أخليكم مع الصور

كالونية الشتيييي

كالونيه الصيف

HERVE LEGER ROSE