تذكر وقتن دارت عليه أعوام وسنين
يازينه من زمن كانوا أهلي ذاكرينه
كانوا شيوخن ساكنين بيوت من طين
أمراء علي الغوص تتبعهم كل سفينه
شورهم على بن صباح رأي ن رزين
ما ينافقونه ولا يعرفون الضغينه
تعالو شوفوا وقتن احنا عايشينه الحين
الرؤس فيه إنداست والعصاعص به لعينه
يا زمن ما ألومك هذا اللي ذكره خاتم النبين
تحروا الساعه لا تطاول البنيان في المدينه
إهداء من بنت عمي
علي الحاله إللي وصلنالها
16 comments:
للأسف إحنا بزمن القشور
الناس تتعامل مع بعضها البعض على أساس لمعان القشرة الخارجية
سواء مادية .. أو طبقية .. أو جمالية
راح زمن التعامل على أساس جوهر النفوس
كل ما يجدم الوقت ... العجايب تزيد
لكن يظل فيه ناس طيبة ومعدنها أصيل
دائما .. هناك أمل
لأن .. لولا الأمل لأنفطر الفؤاد
بوست .. رائع
إييي و الله صح لسانها
و صاااجه
مقيوله
الروس نامت و العصاعص قامت يا حسين
قصيدة معبرة عن حال الكويت هالأيام
صح إلسان اللي قايلها
ويعطيك العافية على نشرها
اول شى صح لسانها
وياما لنا نبى نشوف اكثر واكثر
تو الناس
بتمر علينا ايام اسود من سواد الليل وقولى اخوج ما قال
والله بس اقول الله يعين عيالى
صح السانها
كلام معبر و جميل
شورهم على بن صباح رأي ن رزين
ما ينافقونه ولا يعرفون الضغينه
ee wallla! 9aaa7 elsanhaaa;)
صح السان اللى قايلها
والله انه صاج
صح لسانها :)
في حديث للرسول صلى الله عليه و سلم في ما معناه ..
إذا وسد الأمر إلى غير أهله فانتظر الساعة .. يعني يوم القيامة
الله المستعان ..
شكرا لنقل القصيدة الجميلة و صح لسانها مرة ثانية
ب هالزمن العقال سموهم ميانين
راحو هل الراي والفطره السليمه
بوق وحسد و اطماع ،،، معتفسه الموازين
كلمن يبي يغرف من الهبره السمينه
والشباب اليوم ناقصتهم فساتين
البنيه بنيه ثور بس رخوه العجينه
صح لسانها والله بنت عمج
ماآلت إليه الكويت اليوم شي يضيق الخلق
تسلمين على نقل هالكلمات
تحياتي لج
البنيان طال يا ريما
والحال تبدل
مرحبا
الله يابتها ع الجرح
صح لسانها
ويعطيج العافية
صاجه بكل حرف
والله يستر على ايامنا اليايه
كل شي حلو قاهعد يندثر
صح لسان اللي كاتبها :)
أود أن أشكر كل مدون صديق أخذ من وقته و كتب الكلمات الجميله التي إستمتعت جدا بقراءتها
دمتم بحب جميعا
و الله يحفظ ديرتي من كل شر يا رب
وانا بعد وياكم
صح الله لسانها
اييييييييييييييييييييييييييييييه
ماقول الا الضرس لي من رقل من شلعته لابد
احنا اللي نومنا الروس ورزينا العصاعص
بقبليتنا-بطائفيتنا-بحب الخشوم والمجاملات الماصخة
الله يرحم ذيك الأيام ويرحم اهلها
Post a Comment