Monday, April 16, 2007

دوام

دوامنا الحمد الله كلهم ناس سنعين و من عمر الدنيا كانوا وياي بالجامعه قبل لا أتعرف عليهم بالدوام .

المشكله الحين إن الموظفين زادوا و كل يوم يايت لنا نماين ما أدري من وين يايبنهم !

بعرفكم علي طريقتي لما أقابل إنسانه لأول مرة ، بالدوام أتحاشى إني أحتك مع أي أحد ، لأن نوعي إلساني فالت و إللي بقلبي علي إلساني ، فالإنطباع الأول عني إني شايفه حالي ، و هذا الكلام أسمعه لما تبدى الميانه إتطيح و يعرفوني عدل و نفس البنت إتقوللي كنا إنقول عنج كيييت و كيييت ، فأنا آخذ الموضوع إن إللي ما يعرفك ما يثمنك.

القصه الحين

ما أبي أوسع دائرة المجاملات بالدوام ، توظفت وحدة يديه عندنا و يكون علاقتي وياها تكاد تكون مستحيله ، فمافي مجال للإحتكاك و الكلام .

أنا قاعدة علي مكتبي لا لي و لا علي و حاطة السماعات و قاعدة أسمع أغنيه يبان الشوق حق عبادي.

تدخل المكتب سلام سلام

إنتي شسمج؟

بهالأسلوب

( طبعا أنا ما أواطن إللي يدخلون علي على غفله و إنتي شسمج ! شاكو! )

معاج فلانه لفلانيه ، نعم؟

البنت : لا مابي شي بس ما أعرف أكلم أحد و ما أعرف إسمه

( في داخل قلبي ، و إللي يبي يتعرف علي الناس لازم علي الأقل يبدي بنفسه ! معاج فلانه ، من حضرتج ، مو إتيييلي إدفووووش شسمج ! جني واحد من عيالها.

المهم ما سألتها من معاي لأني أتحاشي هالنوعيات ، ما أعرف أتتعامل ، أحس النتيجه بتكون وحدة من الثنتين ، يا أخمرو أسكت يا إطقني البوهه !!

قعدت بالكتب و خليتها إتسولف مع الباجي بدون تدخل مني و أتسمع علي أسلوب و مواضيعها ، شنو إكتشفت؟

يوم اليمعه لحد يكلمها لأنها إتسوي خلطات بالبيت حق الشعر و في الخلطة إتحط حلبه و قاز مع الدهن .

( ببجيييييييييييييييييييييييييييييييييييييي )

سالفه ثانيه

بتروح شرم الشيخ و لازم إتسوي شعرها يوغا !!!

طبعا إللي قاعدة وياهم هم معلوماتهم متواضعه ، فقاعدة تشرح شنو اليوغا إللي يسوونه حق الشعر .

ما قدرت ما أقل الأذون ؟؟؟؟ بعد الشرح سمعت إبشي إسمه ماي الذهب

عرفت بعدين إنها إتكلم عن اليوكو الياباني

هم إحتفظت بالمعلومه لنفسي عشان ما أفتح علي نفسي بيبان مصككه !!!!

مع جلسه مع الخلطات إللي ما يبقي صفار بيض و يا زبده و ميونيز و سدر ، إطلعوا بمشروع

إن ليييش ما تفتح صالون حق هالشغلات

أثار الأخت ما إتروح الصالون ، حتي الحف له طريقه ؟؟؟؟ إشلووون؟ تربط الخيط بطرف التسريحه و تشتغل

هههههههههههههههههههههههههههه

ههههههههههههههههههههههههههههههه

أووووووف ما بقيت أحش ، بس مشكله إذا واحد بيسوي روحه فاهم و يودر إللي يسمعله

يعني لوريال و ويللا و الشركات لكبيرة ما يفهمون

راح تكون لها قعدة ثانيه وياهم و راح إتعلق بالجمال حق البشرة

28 comments:

QiYaDiYa said...

hehehhhehhehheheeh ;p

امببببي هذي مبدعة بعمرها مسكينه !!

;p

ضحكت على سالفة الحف !!!

ليش هالعذاب ..

اقل شي يعني اذا ما تبي تقط فلوس في صالونات على دينار ما راح يضرها شي !! ;p

و حلوة هذي انتي شسمج .. وين قااااااااااااعدين !!

والله حتى انا مابي اكمل ..
بس والله صج الله يعينج على هالاشكال ..
يا ربي لا تبيلنااا !! ;p

$iLveR GiRL said...

عادة أحب بوستاتج وأتابعج على الدوام.
بس هالمرة مع بالغ إحترامي لج أحس عقرتي بطريقة مبالغ فيها، ومو حلوة، وفيها وايد من الاستهزاء والتعالي على إنسان آخر.

مافيها شي إذا كانت تحب تسوي الأشيا بنفسها الصراحة. لازم تستخدم مستحضرات وتروح صالونات عشان تصير كشخة؟

مادري يجوز ما فهمت مقصدج من البوست.

أكرر بالغ إحترامي لج
:)

Яeema said...

qiyadiya

شوفي بعد مرور أشهر وياها إكتشفت إنها من أهل الله
عرفتي الموديل إللي مو بهالدنيا؟


بس بيني و بينج بعد شهرين عندنا تغيرت إشوي





silver girl

ترا حياتي مو مبالغه كلش كلش
إهيا مع إحترامي لها إدفيشه إشوي
عرفتي إللي تبي إتطيح الميانه
بس ساعات ما يصير بالدوام هالنوع من الأحاديث خصوصا إذا أكو ريايل يمنا

فإحنا ننحرج إشوي

و بعدين حاشا لله لا تعالي ولا شي
بس البوست يبيله بهارات شوي بالكتابه عشان يوصل المضمون

و بعدين في فرق بين الكشخه و السنع والنزاكه

إحنا ما إنحب بالبيت عشان ما يصير حاجب غير عن الثاني
و إلا مقروم

عرفتي الهدم

إهيا من باب أنا أعرف كل شي بطريقه بسيطه
و يمكن ليش سنها كبير شوي مرا أم عيال
الكبير 17 سنه

إهيا بنفسها تقول بناتها ينقدون عليها ليش إتحط إكسسوارات بلاستك و عدسات


و بعدين أعتقد سني يعرف يفرق بين الناس
و الناس ترا همن مستويات بالتربيه

يعني ما أقدر أفرض أطباع علي أحد
أو إن يصير ذرب مو مشكلتي

with all the respect to your words

:)

Purplecious said...

هههههههههههههه

انتي شسمج؟

وين قاعدين بالمدرسة؟
تسألين اللي قاعدة يمج بالدرج

لوووووووووول

ريما اذا زادت عندكم هالنماين تعالي اشتغلي عندنا و لو اني ما اضمنلج ان المكان كله سنعين لأن أنا مثلج ما احتك الا باللي أعرفه
بس ادارتي شغل عدل
:)

nEo said...

يا ويلي !


انا تقريبا عندي تجربة قريبة

قبل كنت في دوام كله رياييل

و الحين في دوامي اليديد احنا 2 في قسم كله بنات و سكرتيرات

لا و الثاني لبناني بعد

ابسط حوار اسمعه هو من احلى؟ احمد حسين ولا هذا مال السنة اللي بستار اكاديمي الكويتي

و ليش ؟

اللي تقول الطول
واللي تقول الصوت

و ساعات يحسبون ان صوتهم خفيف اسمع حوارات عن صالونات

بسببهذي الحوارات انام الظهر بدون غدا من هل حوارات اللي تلوع الجبد


و في حوارات ما تنقال

مثلا انا شكو ادري ان ريل سكرتيرتنا يروح يراجع لانه اختلف عليها بالفراش !!!

هذي وحدة من السوالف البسيطة !


لا و ابشركم ،، السواد الأعظم جياكر

Kuw_Son said...

ههههه ذكرتيني أيام الابتدائي ... بعض اليهال فيهم دفاشة و قلة سنع ..

صبي صبي .. انت شسمك ؟
دعوووم الحبيب !!

هذا أنا أتطنز على اليهال عيل شلون هذي أم عيال و في دوام !!؟

الله يعينج ... بس صج صج لا تحاولين تحتكين مع اللي ما يرتاحلهم قلبج ..

أهم شي لا تقطعين السلام .. وكان الله غفورا رحيما

أشوة دوامي الحين كله رياييل .. أذكر يوم كنت أداوم بوزارة كنت الريال الوحيد بين 6 بنات !!
و لا اللي فوقي رئيسة قسم الله يذكرها بالخير ههههه

أشوة اني مو قاعد وياهم في غرفة !!

جان علووووم !!!

charisma said...

هههههههههههههههههههههههههههههه
ههههههههههههههههههههههههههه
هههههههههههههههههههههه
يما منج متى صار كل هذا
لووووووووووووووووووول
موتينى ضحك

بس ما عليج البنت شكلها عفويه وعلى نياتها

دايما البنات اليدد محد يتقبلهم لان ما ندرى شنو مايتهم
وبعدين تموتين ضحك على اول لما تعرفينها عدل

لووووووووووووووول

ابيه مت مت ضحك

بس هذى الركن الشعبى الله يسلمج

مو سايدج انتى ووحده اعرفها تتعبون نفسيا من هالنوعيه

لووووووووووووووول

انا ما عندى مشاكل

اوسع صدرى

قطيعه الواحد بالدوام يدور شى يوسع صدره ويضحك معاه
:)))))

بس لازم تعطينى الخلطات بالضبط دامج قاطه الاذن الله يخليج ريمه
شكلها خوش خلطات

:)))))

Almas said...

الله يهديها بس .. إهي بتتعرف عالناس بشكل سريع .. هالشي مايصير لأنه يعتمد على تآلف الشخصيات واندماجها من الناحية الفكرية والإجتماعية

مر علي أثناء الفترة المهنية السابقة

إني أكون وحدة بقسم كامل كله رياييل

الحمدلله كان التعامل إلي بيني وبينهم كله احترام وتقدير

الإنسان أهو إلي يفرض عالناس احترامه

ومر علي العمل بقسم الأغلبية فيه بنات ونساء بصراحة كنت أتجنب التجمعات النسائية
وأخليها ضمن نطاق المواضيع العامة
فقط لاغير وبالطبع الإحترام أهو الأساس

مايصر تطيح الميانة من أول لقاء .. التعارف والإجتماع بالناس له آداب

بعد اذنج ريما

للفتاة الفضية

هذي وجهة نظر شخصية
وكل له حرية الرأي .. وإلي كل واحد ينظر للموضوع من زاية معينة وهالزاوية تحكمها أشياء كثيرة مثلا الخبرة بالحياة
الخبرة بأنواع الناس
التعليم
البيئة الإجتماعية
وأمور أخرى

وعلى فكرة لازم يكون فيه اختلافات بالرأي وإلا الكون شلون راح يصير

وأكرر وأقول هذي وجهة نظر شخصية ورأي إلي انتي من حقج تبدين رأيج ووجهة نظرج على حد سواء

وبعدين لا يصح إلزام الناس بفكر ورأي معين

لأن هذا الشئ بالذات من حقهم وحدهم فقط لاغير

آنا طولتها أدري

شكرا ريما

Krakatoa said...

يــــع

سوالف الحريم اتيب اليهد والصمرقع

بنت الشامية said...

ههههههههههههههههههههههههههههه

ريم الله يكون فى عونج ....انا كلش ما استحمل هالنوعيات....بس اصبر عليهم الى الاخر والكلا م معاهم كله بحدود

وطريقتج ما فيها اى شئ من التعالى بل عفويه وردت فعل طبيعيه.. .....ما تشوفينا كل معصبين ومظغوطين من كثر مانتحمل أمثلها.....يمكن العيب فينا مو فيها الواحد يتكلم عن نفسه

وبعد اخاف هذى كلها مقدمات... يمكن اهى من اللى يبيعون منتاجاتهم فى العمل او عندها صالون بالبيت بستويله دعايه

بس المهم اشلون تربط الخيط فى التسريحه وايد وايد صعبه
لووووووووول

الله يكون فى عون شعرها والضيم اللى تحطه فيه .....ر

amal said...

عندنا وعندكم خير,,,,

حدي,,,

صباح الخير

صباح النور,,,

مع أبتسامة

بس أنا الله راحمني مكتبي تقريبا بروحي,,,,

والدوام لله يا حلوة
:)))))

Tekana: said...

اىىى بالدوام تمر علينا اشكال وألوان الله بعبن بس...بس هذي عجيبه داشه على ناس ماتعرفهم انتي شسمج حتى اليهال مانحاجيهم جذي..لكن مدام على قولتج من اهل الله ماعليه اخذوها على قد عقلها :)

Smile said...

وييه حتى انتي شايفه نفسج .. عيل خيرنا وخيركم واحد
وبعدين وين قاعدبن شنو اسمج ؟ يهااال
يا كره الريم يسولفون عن ريايلهم في الدوام قلت السوالف

ويلا عن الاشاء الخاصه بالحريم .. سولفي بس تأكدي ماكو رياييل وصوتج مو عالي

lawyer said...

لووووووووووووووووووووووووول

لوووووووووووووووووووووووول

لووووووووووووووووووووووووووول

لووووووووووووووووووووووووووووووول

ابيه انا ادمووع ادمووووووووع


كلا بصوووووووووب و يوغاااااااااا


لوووووووووووووووووووووول

يووووووغااااااااااا


هههههههههههههههههههههه
ههههههههههههههههههههههههههههههه
ههههههههههههههههههههههههههههههههههههههههههه

يوغاااااااااا

عيل مسويه شعرها يوغاااااااا

لوووووووووووووووووووول

استغفرالله استغفرالله

مت مت مت هسترت ضحك
اللهم اجعله خير

عيل انا بسوي شعري ريكي
لوووووووووووووووووووول



شوفي حياتي ريما
انا شي واحد يبط جبدي

لما بنت تؤمن في انه الي تسويه صح و اتغالطنا

يعني انا احب ماركه شامبو خلطات اسمها كون
او كراستاس

هذي وايد تلبج على كشتي احبهم

ما احب وحده اتينني تقوووووووولي لا الديزل مدري البنزين مدري شنووووو احسن

انتي تحبين هذا كيفج
و انا احب هذا كيفي
بسسسسسسسسس ما احب الي
اتعايني ساااااااعه ان بس اهي الي تسويه صح

و انا شغلي كيماوي و بلا بلا بلا

عرفتي

واااااااااااااي
مشكووووووووره

وسعتي صدري

خليها تفتح بلوج تسمييييييييه العطاره

Q8LoVeR said...

انشاء الله تدخل النت ولا عندها بلوق تقرا بلوقج
عشان يصير عندج سالفه اقوى من جذي بعد
;pPp
تقول ماحب احش وزلقت البنت

الله يعينج
وايد هالناس الدفشين لايحوشج ريال دفش
وانتي بكرامه بالنعال ودق تطقه

Яeema said...

purple
خلاص خلاص
أيي أنتقل
ههههههه
بس عاد معاشاتكم نفسنا؟

بس عاد أقولج شي

شوي شوي بديت أتأقلم
هههههه
هههههه

يعني أصد أسوي روحي ما سمعت


neo
ههههههه
عيل إحنا بين جورج كلوني و توم كروز

واااااي صج صج حوارات إتضحك

أما بخصوص الحوارات إللي ما تنقال فأمتنع عن التعليق و أقولك الله يعينك
هههههه
هههههه

جنك ما تدري

Яeema said...

kuw son
لا لا لا إتحاتي
السلام ضروري حق إللي يرتاحله قلبي و حق الملائكه

علي طاري البنات

سألت ريال أبو عيال بس من سناينا

قتله خير خبرة الشغل
المفروض أم لعيال تسإلك أي آخر شامبو
و إلا آخر صالون
و التفتيحات وين الإسبوع

قشا من الضحج
hehehehehehhe

قاللي إيي
أنا مجابلكم أزيد من المرا




charisma

أول ما يات
بس ترددت أنزل البوست

قلت خل أشوف مايتها
بس صج ترا إتوسع الصدر الحين

عرفت لنا المسكينه

أقوووووووووووووووول
محد ودرج إلا الركن الشعبي

عشان تسمعين كلامي المرة اليايه

يا ياباني إنتي

بييكووك هاااا

ههههههههههههههههههههه
ههههههههههههههههههههههههههه

mishari said...

اول شى ودى اتعلم اليوغا وشلون يوقف الشعر :)

بس الله يهداج هم انتى زاهبة حق التدقر حق المرة بكيفها اهيا حياتها جذى بسيطة انتى اللى محبكتها :)

Яeema said...

كراكاتوريا


شنسوي بعد
ههههههههه
هههههههه
نصف المجتمع



بنت الشاميه

واااااااايد العيب فينا

أقولج شي
أول ما داومت إستغربت من سالفه تصغير الأسم

يعني باخذ علي سبيل المثال الرياييل
عبيد
و يعني حتي لو زميلك من زمان
يعني في شي إحترام إللي قاعدين

حتي لو كنت صغيرة بالسن
و أهوا ريال كبير
ما يعطيه الحق إن يسولف وياه جدامي جذي

يأذي السمع وايد


بس مثل ما يقولون الدنيا مدرسه
إتعلم الزين و الشين

Яeema said...

amal
أتخيل ردة فعلج نفسي
هههههه
ههههههه
عاد إنتي بروحج هاديه إسم الله عليج

وتنصدمين بالواقع

ههههه
يا حلوج





tekana
ترا والله الحق ينقال
من أهل الله
بس نحتاج وقت نستوعب بس

شي يديد علينا بس

Яeema said...

smile

شنسوي بعد
بس مثل ما قلت الدنيا ياما إتوري

و علي قولتج قلت السوالف




lawyer

شفتي إشلوووون!؛

لا يا معودة خليها بعيد عن النت
بروحها ماخذه إيميل الماسنجر مالي
بطلت أدخل
هههههههه
هههههههه

Яeema said...

q8lover
فااال الله ولا فالك
أنا سوالف عاديه ما تحملت إفتشلت جدام الرياييل



أقولك شي عن دفاشه الرياييل

صااار موقف الله لا يوريق جدامي


حذف ورقه بطريقه بايخه

يوم ييت حقه عندي معاه شغل جان أمسكه
قتله ترا أنا شوي حساسه بالمعامله
ما أحب أحد يطيح الميانه وايد

عمرة 23 سنه

إتصدق كش مني

ههههههه
ههههههه

بس شسوي لازم أتبع معاه هالأسلوب
ما ودي
بس أخاف أبجي لو مسويها وياي و حاذف علي الورقه علي أبو إن ميانه
بريستيجي
وييين ألقط ويهي بعدين؟؟؟





mishari

مالي شغل فيها
بس لا إتصير هالسوالف جدام الرياييل

فشله وين قاعدين!؛

aThooB said...

اناا من اشوفهم يتكلمون عن هالسوالف الحريمية بالدوام اضيع
انحاش .. لان تحوشني غلقة

مو بس بالدوام

بكل مكان :P


و عفية عليج والله اللي قدرتي تستحملين و مابطيتيها ضحك على اليوغا هيهيهيهيهي


على قولة قيادية

الله لا يبلانا الا بلوى حسن :)

SHAHAD said...

صج إن الناس أجناس
بس شكلها هذي حدها على نياتها
وأحسها ماشية على البركة
بس زين تشوين لا تطيحين الميانة مع من هب ودب
والله ترى الناس بلشة حدهم
بوست جميل

Яeema said...

athoob
الله يا أول ما داومت
صج صج سوالف
بس ساعات تستفيدين
عااد إنتي خذي إللي إيوزلج و تركي الباجي
هههههههه
ههههههه




shahad

صاجه و خصوصا إللي مايتحمل و حده حساس من أي كلمه

يعني مثلا أنا ما أحب إتطيح الميانه و ينادوني رييموو
ما أدري يعني ما رضيت فيها بالمتوسطه عشان أتقبلها بهالعمر


أحلا شي بالدوام تمسكين العصا من النص

kila ma6goog said...

لووول

أحسدج

ام الحفيز said...

ريما

وااااااااي طماشه هذه على باب الله اللله يهديج اشوي اشوي عليها تكسبين فيها اجر.ا

ReLaaaX said...

وختي حلاااااااااتها السننننننننننعه

;p


تصدقين اكو منها وايد بالمنتديات .. لدرجة اني اقعد افوكر شلون يكفيييييهم اليوم حق خلطاااااتهم ؟




فيعني اكيد اهما يبااااااالغوووووون



او ماعندهم شي يسووونه غير خلطاتهم





يعني آنه احط خلطات حق الشعر فقط لاغيييييييييير لأن الجسم اخاف احورف فيه بدون وصفات طبيب





بس ليش احط بانزين مادري يص !؟








وماشالله في ناااااس تباااااارك الرحمن تعجبني الثقه اللي فيهم من طقة اليوغا مثلاً !؟ آنه شكيت بعمري قلت معقوله في شي بعد اسمه يوغا حق الشعر أشوه كملت الباجي ;p




الله يعييينج





وحلاته صج اتكون علاقتنا مع الاوادم سطحية جداً جداً


جداً :)