Sunday, April 01, 2007

تذكر وقتن







تذكر وقتن دارت عليه أعوام وسنين

يازينه من زمن كانوا أهلي ذاكرينه

كانوا شيوخن ساكنين بيوت من طين

أمراء علي الغوص تتبعهم كل سفينه

شورهم على بن صباح رأي ن رزين

ما ينافقونه ولا يعرفون الضغينه

تعالو شوفوا وقتن احنا عايشينه الحين

الرؤس فيه إنداست والعصاعص به لعينه

يا زمن ما ألومك هذا اللي ذكره خاتم النبين

تحروا الساعه لا تطاول البنيان في المدينه

إهداء من بنت عمي

علي الحاله إللي وصلنالها

17 comments:

Almas said...

للأسف إحنا بزمن القشور

الناس تتعامل مع بعضها البعض على أساس لمعان القشرة الخارجية

سواء مادية .. أو طبقية .. أو جمالية

راح زمن التعامل على أساس جوهر النفوس

كل ما يجدم الوقت ... العجايب تزيد

لكن يظل فيه ناس طيبة ومعدنها أصيل

دائما .. هناك أمل

لأن .. لولا الأمل لأنفطر الفؤاد

بوست .. رائع

charisma said...

إييي و الله صح لسانها
و صاااجه
مقيوله
الروس نامت و العصاعص قامت يا حسين

Dr. Saleh said...

قصيدة معبرة عن حال الكويت هالأيام

صح إلسان اللي قايلها
ويعطيك العافية على نشرها

cafe_namlet said...

tra ilmaba7eth 3end ilbab barra

mishari said...

اول شى صح لسانها

وياما لنا نبى نشوف اكثر واكثر
تو الناس

بتمر علينا ايام اسود من سواد الليل وقولى اخوج ما قال
والله بس اقول الله يعين عيالى

nEo said...

صح السانها


كلام معبر و جميل

shakshaka said...

شورهم على بن صباح رأي ن رزين

ما ينافقونه ولا يعرفون الضغينه



ee wallla! 9aaa7 elsanhaaa;)

7osen said...

صح السان اللى قايلها

والله انه صاج

Kuw_Son said...

صح لسانها :)

في حديث للرسول صلى الله عليه و سلم في ما معناه ..

إذا وسد الأمر إلى غير أهله فانتظر الساعة .. يعني يوم القيامة

الله المستعان ..

شكرا لنقل القصيدة الجميلة و صح لسانها مرة ثانية

Flirty said...

ب هالزمن العقال سموهم ميانين
راحو هل الراي والفطره السليمه
بوق وحسد و اطماع ،،، معتفسه الموازين
كلمن يبي يغرف من الهبره السمينه
والشباب اليوم ناقصتهم فساتين
البنيه بنيه ثور بس رخوه العجينه

ana_sokkarah said...

صح لسانها والله بنت عمج

ماآلت إليه الكويت اليوم شي يضيق الخلق

تسلمين على نقل هالكلمات

تحياتي لج

لطيف said...

البنيان طال يا ريما
والحال تبدل

مرحبا

SHAHAD said...

الله يابتها ع الجرح
صح لسانها
ويعطيج العافية

Q8DOLL said...

صاجه بكل حرف
والله يستر على ايامنا اليايه
كل شي حلو قاهعد يندثر
صح لسان اللي كاتبها :)

Яeema said...

أود أن أشكر كل مدون صديق أخذ من وقته و كتب الكلمات الجميله التي إستمتعت جدا بقراءتها


دمتم بحب جميعا

و الله يحفظ ديرتي من كل شر يا رب

wakee7 said...

وانا بعد وياكم

صح الله لسانها

Q80MINI said...

اييييييييييييييييييييييييييييييه

ماقول الا الضرس لي من رقل من شلعته لابد

احنا اللي نومنا الروس ورزينا العصاعص
بقبليتنا-بطائفيتنا-بحب الخشوم والمجاملات الماصخة

الله يرحم ذيك الأيام ويرحم اهلها