الحمدالله علي سلامتي و تو ما نورت الكويت
الصراحه صراحه
دبي تطورت تطور مذهل ، تفاجئت يوم رحت إهناك
خبري فيها من 5 سنين و كل ما أحد يقوللي عنها أقول جن مو وقتها لأن الجو عندي شي مهم و أساسي بالسفرة .
ما أحب الحر و الرطوبه
الإقامه :
فندق كمبينسكي – شي مو طبيعي الصراحه
سبب إختاري للفندف أهوا المول إللي من تفتحون باب اللوبي إلا دخلتوا لعالم الخيال
ثلج و تزحلق
ماركات أشكال و أرناق
قهاوي علي كيف كيفكوم
مطاعم
سينمات مو من عشاقها وايد
جمعيه إشكبورها يصلح حق أمي إتموت علي الجمعيات
للمعلومات عن المول :
http://www.malloftheemirates.com/
أوصيكم التركيز بالمول
إشلون؟
تدخلون علي السايت إللي بعطيكم إياه هذا
و إنتوا من الغرفه إتخططون شنو تبون تشترون و من وين؟و وين بتغدون و إلا تشربون قهوة
http://www.malloftheemirates.com/planYourDay.asp
عشان إتريحون الرياييل و تكون عارفين وين بتروحون بالضبط ، لا يكون التخطيط عشوائي
أول شي إتمرون فيرجن
تشترون جميع أنواع الجرايد ومجلات عشان الريال يقعد بالقهوه و إنتوا إتفرفرون علي راحتكم.
الوعد الساعه 2 حق الغدا بالمكان لفلاني
إللي بيكمل سوق لا ياكل إلا سلطه
و أكلوا الريال عيش و مرق من الهندي و لبن عشان ينام الظهر ، تستغلون الفرصه عدل.
ممنوع إصطحاب الأطفال لو كانت الرحلة 4 أيام أو أقل
إختيار الوقت المناسب للتفتيحات
ما أنصح الروحه فترة التنزيلات
لا إتأجرون سيارة عشان ما يقول الريل يالله مأجرين سيارة و إنتوا كل بالسوق
صراحه أحييهم علي كل شي
البنيه التحتيه لإمارة دبي
التنظيم
الترتيب
النظافه
أول مرة أرجع حق ديرتي و أحس إن ديرتي الصراحه من العصر المتحجر
أقوي المجمعات عندنا ما إتي ربع من مجمعاتهم الدايخه
مارينا مول؟
سوق شرق؟
الصالحيه؟
الكوت إللي لما ألحين ما شفته؟
الرايه؟
ذي أفينيو؟ إللي أتمني إن يكون بمستوا المحلات الموجوده هناك
صراحه ما حسيت إن في فرق بين سوق لندن و سوق دبي
الفرق بالسعر؟
والله إللي يتحطونه علي الوزن أروح دبي أبرك
ولا مع القانون الجديد لطيران بريتش ( درجه سياحيه 23 كيلو – درجه جي قطعتين و 23 لكل قطعه )
أنا أطلع من الكويت و جنطتي 25 كيلو !
أنا ما أقول إلا
الله يهنيهم و يسعدهم علي ديرتهم
بنوها بقلبوبهم و صج ماكو حسد
حسافه و الله
عليج يا الكويت
راحت عليج خلاص
لطيور طارت بأرزاقها
نهايته قهوة أرماني
أحلا باستا و أحلا كاباتشينو
هارفي نيكيلز
3 طوابق
يخرع حده !؛
30 comments:
الحمد لله على سلامتج .. و عسى استانستي بس ؟
و خلف الله على ديرتنا .. عسى الله يهنيهم :)
و عليج بالعافية :)
الحمد الله على السلامه ..!! عيل بدعتي بالأسباني .. أقصد الأماراتي ..!! شكلك شريتي السوق كله ..!! عليك بالعافيه ..!!؟
7mdela 3al salamah
i havent been to dubai since the early 90's its definitly on my list of to go places
wanasa
glad u had fun!
الحمدالله على السلامة
شوقتيني وانا بعد مارحت دبي من سنين وعيزوا رفيجاتي يشيشوني ووايد أعرف ناس بدبي عيزوا وهم يعزموني بس مارحت
الحين شكلي بضبط ميزانيتي عشان أروح أشتري كل اللي بخاطري
حمدالله على سلامتج
وعليج العافية
انا دبي رحتلها مرة وقعدت فيها 4 ايام تقريبا
ما استانست فيهم بس كنت بالفندق
لاني كنت رايحة بعز الرطوبة
ومثلج ما اتحمل الجو اللي جذي
احلى شي السوق
عليج بالعافية
الحمدلله على السلامة
ودبي من البلاد اللي أحب أزورها باستمرار
اذا عنت علي سفرة للراحة او التغيير
بس الله يهداهم على اسعار الفنادق وايد غالية والمشكلة انها بس على مواطني دول مجلس التعاون
اذا حصلت لج سفرة ثانيه روحي لمجمع ماركاتو اتوقع يعجبج ومجمع بن بطوطه
مجمعات راقيه بس ماركاتو بالذات ماتحسين انج بدولة عربيه
ريماااااااااا
الحمدالله على السلامه
اي والله نورت الكويت الداثره جدام تقدم و تطور دبي المذهل
بس ديرتنا ملزوم نحبها بحلوها و مرها
:)
يقولج دبي اللي 3 أشهر ما يروحلها بتفرق عليه
مشاءالله حاكمهم محمد بن راشد بس يأشر ويقول حولوا الصحراء خضاااااار و وتطور
بس احنا البيروقراطيه مودرتنا
هناك ماكو لجان و لاهم يحزنون
أنا حالي حالج ما رحت دبي من 5 سنين
بس انشاءالله هالويك اند بروح
:)))))))))
مشكوووووووووره على السايت كاني قاعده اسوي اللست
ما تعطلت
هههههههه
شلون السوق دام انج توج يايه فريششششش؟؟
اذا عندج ركومنديشن لا تبخلين على وخيتج
ههههه
بس شكلي بسوي نفسج و أركز بهالمول لأن ما عندي وقت
الحمدلله على السلامه
والله ريما دبي صج صارت عجيبه عاد لو سائلتنا جان علمتج اماكن وايد هناك حلوه
انا الحين صارت كل سفراتي لازم ترانزيت دبي
وكل شهرين ارووح لها مره لان وايد ربعي هناك وانشاء الله ١٥/٣ بروح لان في معرض اليخوووت حده عجييييب
kuw_son
الله يسلمك
بالنسبه علي الأناسه والله مدام مارست هوايتي المفضله
فهي وناسه
ترا حرام إتقارن بين الديرتين
تظلم دبي الصراحه
هههههههههه
يعافيك إنشاء الله
2 u all
الله يخليك إشدعوه إتشوف إمارتيين هناك
يا فليبنين يا هنود إللي يشتغلون
صارت اللغه الأولي هي الإنجليزيه
و علي طاري السوق
يا ريت كفى الوقت
شريت نص السوق بس
ههههههه
يعافيك إنشاء الله
:p
eshda3wa
realy you have to pick the right time to go , never go in summer
i dont know but i am not that kind to like to be in the sea 24 hour
at this hotel , for a weekend , you dont need to go out at all .
they started to do tan already ;)
tweety
أقووول حبيبت قلبي
لو إتضبطين ميزانيتج 5 سنين جدام راح تنكسر تنكسر
دبي يبيلها
open budget
يالله إتييب راسنا
أشونه هالسوق مو بالكويت
الله راحم حالنا
ههههههههه
هههههههههه
pearl
صدقيني لو رايحه لندن شهر واحد هم بتلوع جبدج
أنا علي إقتناع الحين
الديرة إتصير حلوة إذا إخترتي الوقت المناسب لها
أتوقع دبي شهر 7 ما تنبلع
صراحه
الصيف حلاته بأوروبا
و بالشتا شرق آسيا
لا مرة ثانيه روحي هالحزة و سكني في كمبنسكي
أعتقد دبي من 11 ليه أول 4 يكون جوها خيال
mamloo7a q8ia
أغلي من أوروبا
ما أدري هل إهيا تبي نوعيه معينه من الناس إتييلهم عشان إتكون قاعدة سياحيه أجنبيه؟
و إلا إن الطلب فاق العرض و يبون يوازنون؟
كلامج سمعته من ناس
إن لو تحجزين عن طريق مكاتب سياحيه برة أرخص بوايد
el7emdella 3ala esalama ...
Glad u had fun ;)
violinist
رحت حك مركاتو
أذكر أول ما صور فيه راشد الماجد الفيديو كليب ماله
صج وايد وايد حلو
و بن بطوطه دخلت من الصوب الحي الصيني
و شفت السفينه إللي بالنص
وصلت ليه الحي الهندي
بس ما كملت تعبت
ههههههه
إمخليه الباقي حق المرة اليايه إنشاء الله
والله صج ما أحس إني بدوله خليجيه
purple!!!
you dont want for you a personal shopper???
hehehehehehhehe
ما شبعت ودي أروح وياج مره ثانيه
صراحه السفرة ما يبيلها ريال
حلات الريال بالكويت بس يحول بهالفلوس
هههههههههههه
if you want to see must have this season :
maria clairs march issue
glamoure
take them all UK edition
listen......
you must get the silver bag their
white dress
and their is a shop called : forever 21
american brand , wayid 7elwen el summer dresses
the shiny big bags
ummmm what els??
for a weekend i guess it's more than enough to search for these items
training suits , jucy , at herve nichels
waaay eshbagol o eshbakhaly
even badlas sahra akoo
affordable prices
if you need anything extra e-mail me , i will tell you where to go and buy , coz madry etha entay met7ajba or no
i am talking about not met7ajba clothes :p
kuwaiti!!
أخاف بس بروح هناك و أنا مو إمزهبه اللسته
كل شي كتبته بالنوته
بس أدري فيك خططك ما تصلحلي
ههههههههه
أنا 3 أيام بس أبي سوق
ما أبي أضيع وقت بالسيارة من مكان ليه مكان و بالنهايه أكتشف إن راسي مصدع من الزحمة و مالي خلق أسوي شي
ra-1
thank you sweeeeeeeeeeeeeeeeeeety
ya i really love it
el7emdellah
حمدالله على السلامة :)))
إي والله صـــااااااجة .... كل كلمة قلتيها صدقتي فيها !!! في حقبة من الحقبات الزمنية كان إسمنا لؤلؤة الخليج كونها تصك عليهم كلهم !!! ألحين وينا وين دبي
:\
ما نقايش لآليءها الصراحة !!!!
:S
أهم شي إستانستو .. وعليكم بالعافية ..
المرة الياية روحي فندق جميرا .. وإدعيلي
:))
حمدلله عالسلامة
قريت عيننا
بوست .... شي
عليج بالعافية
ana re7t dubaiii weya eljam3a last april wo ham chethee el9eb7 conference wo elmagharb sooog wo ham masheba3t mn kether ma ana 7asah elmujama3 ekbeer gomt bain ma7al wo ma7al ag3ad eb gahwa ..allah wakeelich mashroo3 ebgara:P
الحمدلله على السلامه
صاجه التسوق بدبي متعه مابعدها متعه
الحمد لله على السلامة، الوالدة والخوات ردوا أمس وسكنو في كمبنسكى، أنا وأختى نصحناهم يقعدون فيه، مو طبيعى، أنا مثلج خبرى بدبى من 8 سنوات ، كل ما يقول زوجى يلاه أقول له حر، السنة حزم فينا ورحنا في إجازة الكريسماس مع اليهال، وايد وايد إستانسنا، وإختى راحت في عطلة الربيع ، والحين أمى والخوات، صاجة حق الشوبنج أقرب من لندن، ويك إند والا إنت رادة، بس وصفتح حق الريل عجيبة، راح أطبقها المرة القادمة إنشاء الله
Laaaaaa2
elsooora ebroo7ha sawatli araq :P sheno hatha ! abi soog san3 chithi!
Amreeka ba3ad mo thak elzoud bil thouq wil styles. kila halaga ehni 3ala hippies 3ala khalajeen
shakli hal marra barid lkwait 3ala il emaratiyya, 3ashan eyseer 3ndi 3ether 7ag il tranzait ougaf ehnak watsawwag :P
sheno a7la ma7al yazlech ehnak?
الحمدلله على السلامة ريــما
دبي مشالله صارت شحلوووها
اللي بنوها ناس عارفين قيمة أرضهم ياريما ... وعندهم قانون يمشي على الكل
وماكو واسطات ولامحسوبيات
وناس على نياتهم مو قاعدين يطالعون بعضهم ويحسدون بعضهم نفس اللي عندنا
يذكروني بالكويت أوّل
شيخهم محمد بن راشد المكتوم كان يشرف بنفسه على عمليات البناء
تخيلي كل اسبوع يخصصله جولة يحوس فيها على المباني اللي قاعدين يبنونها ويتفرفر بين العمّال والمقاولين ويشوف مدى التطور والتقدم من أسبوع ليه أسبوع
ويدعمهم معنويا وماديا
ويسوون مسابقات ومنافسات شريفة يحفزون الواحد أنه يشتغل ويبدع بشغله
إحنا؟؟؟ كل أنواع الإحباط وتكسر المجاديف عندنا للأسف
خليها على الله
الله يحفظهم ويهنييهم ويونسهم وانشالله ما يمشون نفس دربنا وانشالله يتطورون أكثر وأكثر
وما يصير فيهم نفس اللي صارلنا
والحمدلله على السلامة
الحمدالله على السلامة
وزين سويتى رحتى شفتى التغيير
تصدقين انا اقول ان اهم متطورين ومفتكين لان ما عندهم حنة مجلس ولا عفلنقية وزير مفتكين يبه هذيل ناس مريحين راسهم عليهم بالعافية وخل نطحس احنا بالتشكيل الوزارى اللى بيصير
الحمدالله على السلامة :)
على طاري ان دبي فرقت عليك عقب 5 سنين انا صاحبي شغله يدزونه دبي كل شهرين تقريبا يحلف يقول انها تفرق عليه
....
والله عفية على بعلك راضي يروح السوق انا لا سافرت مع امي و خواتي و راحوا السوق رحت الشيشة..حتى في ميلانو طحت على قهوة شيشة ;p
........
و على طاري قانون الوزن اليديد هذا مو مال البريتش هذا مال الإتحاد الدولي للشركات الطيران (اياتا) حتى الأماراتية و الكويتية بطبقون هذا القانون بعد كم شهر..رأفة بالعمال ;p
.......
حتى دبي فيها هارفي نيكلز؟؟؟
خابر بس السعودية!!!
عمااااار يا الكويت
breeze
حبيبتي الله يسلمج
الواحد ليش يتحسر
جن أحسن ماكو بنيان يديد و زادوا المعاشات
و يالله صرفوها برة
هم فكرة حلوة
almas
thanks dear
الله يسلمج
و يعافيج ويانا
shakshaka
loooooooooooooooooooooooooooooooool
أنا أشوي من أشوف السوق تنلصم المعدة
أحس ما أبي أضيع وقت بالأكل
و الود ودي قهوة الصبح
و سمته وحده لييييييييييه العشا
أهوا عشا و أهوا غدا
nescafe
i remember your post about it o ana ehnaaak
madry esh6ara 3aley
heheheheheheh
العين الساهرة
عليكم بالعافيه حبيبت قلبي
مرة ثانيه إنعرف ريايلنا ببعض أحسن
و إنتفرغ حق الشوبنج أنا وياج
بس تدرين؟
ياريت يسوون مشروع مثل حضانه صغيرة
فيها نشاطات متواضعه
أحسن من مجابل الخدام
عشان ما إنحوسهم ويانا
إشرايج؟؟
شغل تلوين و بارني
like the toys of the early learning
the tooth fairy
tara you saw nothing!
check the site , betdokheeeeen 7adich
comparing to USA , btw , their is the saks fifth avenu ba3ad
tadren sheno elly ye7aleha?
1 hour , 20 mint
about your Q
theis yazly o magdar ashtery menna , or yazly o agdar ashtery?
hehehehehhehe
elly yazly o magdar ashtery menna :
ALOT looooooooooooooooool
i saw GUCCI dress bas eb 1000 KD only the top :/
i didnt check for the botton skirt that comes with it
esh7agga ya3ny??
looooooooooooooooooool
this season the brand names yaneen o ga3deen , all lovely dress and clothes !
btw , i saw a lovely shop o awal marra ashofa , it called forever 21 i guess it's from USA
bas ya3ny he copy the designed of the big brand names ,
i love this idea
kuwaitiyya
الله يسلمج حبيبتي
إهيا قرار شخص واحد حكيم
هذي الزبدة
إفتح البلد
كلامج ما أقدر أزيد عليه
عدل عدل و عدل
mishari
الله يسلم مشكور
ترا إحنا ماشين علي دعوات الأولين بس
هذا إللي مخلينا ليه الحين أشباه واقفين علي ريولنا
خلها علي رب العالمين
فركاش
ماكو سوق من الحين أقوله ماكو سفرة
خو إحنا لا نسبح
ولا إنسوي سكي
ولا نركب خيل
ولا سفاري أخاف من السرعه
إشعندنا غير السوق الله يخليك؟؟؟
و عمار يالمويت
يمكن من دعواتنا يعمرونها لنا
ليش ما تسبحين ولا تركبين خيل و لا سكي؟
الله يهداك ليش ما تونسين عمرك بالسفر؟؟
الحمد لله على سلامتك
وانا اقول الامارات كانت منورة زيادة اليومين اللي فاتو دول
عودا حميدا
وان شاء الله كانت فسحة حلوة
المرة الجاية
مرحبا بك في ابو ظبي
lol amreeka ma3ndna ghair Saks 5th ave. oo Neiman Marcus
etmeleen
bss Forever 21 shababi, ''khalajeen'' mo mal tekshekheen kashkha san3a
y3ni 7elo mal tekewwed oo lebs ehni, bss lkwait matwaqqa3 :P
نورت دبي يا ريماااا
مرة ثانية يوم بتزورينا خبريني وانا بمشيج..امس رحت لمنتجع وفندق باب شمس ومريت عالمشاريع اليديدة وشفت الشيخ محمد بن راشد..وايد استانست ..
يبالي اوديج تسلمين عليه..ريال في قمة التواضع
Post a Comment