Monday, March 12, 2007

يوم الجرد العالمي





كل سنه بنفس هالوقت يصير عندي إستنفار بالبيت

يوم التوزيع العالمي للخماجير إللي بالأدراج

و يا شين إذا حسيت إن كل هالتعب و توزع الخلاجين إتحس إن كبتك لما الحين متروس!

طلع العيب مو من الكبت!

العيب فيني!

ما أحب أحد يجيس أغراضي ، كتبي ، مجلاتي ، وايرات قديمه يمكن أحتاجهم بيوم

ميمعه أوراق بنتي من المدرسه لما كانت 3 سنين

رسوماتها

شخابيطها

ما أقدر أوزع و إلا أقل!

يعورني قلبي

سؤال؟

المجلات ، ليش إميمعتهم؟

علب التليفونات الفاضيه ليش بمكانهم؟

أفلام و سيديات علي أيام ويندوز 311؟

مودم اللخمة و إنتي حاطه wi-fi!

ديسكات قديمه فلوبي متروسه فايروسات ليش لما الحين محتفظه فيهم؟

ريموتات و براغي ؟

ميداليتي الأولي حق سيارتي الأولي ليش محتفظه فيها و هي مكسورة؟

موبايلات أبيض وأسود ليش لما الحين موجوده؟

خرده و عملات قبل لا إتحول حق يورو ليش لما الحين بالدرج؟

أول جنطه ماركه هديه أبوي لي حق الجامعه ليش لما ألحين موجوده و أتحلي عليها؟

عدة الحداق مالتي ليش لما الحين أبطلها و أتذكر لما أبوي يودينا بطراد اليوسفي 21 قدم فايبر ؟ مع إني من تزوجت ما طلعت حداق

مكياج ووحمر من عمر الدنيا ما أستخدمهم بس أتحلي علي شكلهم مسطرين!

600 ألف نوع سشوار ، شي سيراميك و شي حق الكيرلي و شي يوم كان شعري طويل و شي لما كان شعري قصير

مع إنني كل مالي خلق و أروح الصالون أسوي شعري!

أمبيه!!

ليش يا ريما ليش؟

ليه متي يعني؟؟؟؟

ما أدري ليش أجرد ، مع إني أتخلص من 1% من اللي موجود عندي أصلا!

31 comments:

3baid said...

"يوم الجرد العالمي"

LOL! We have that too! XD

I great post :]

mishari said...

امس قاعد اطالع اوبرا وحطوا فقرى ان بيت فوضى بشكل مو طبيعى

ذكرتينى فيها
بس السؤال اللى محيرنى
ليش ديسكات فيهم فايروس؟؟؟؟؟؟

ماكو فايدة خرابوووا

Almas said...

عادي .. إذا مايكون تعاملنا مع غرفنا بهالشكل ما نكون احنا

نفس الحالة

آنا عندي رسيفرات حييييييل قديمة إلي طلعت قبل الديجيتال .. ما أعتقد في منه ألحين اندثر

عندج منه؟؟؟؟

بوست ظريف

True Faith said...

LOL! you remind me of my sister :P

She never throws things; thinking that they may be useful someday. As for me you will never find any useless things in my room

أسوي جرد أول بأول

lawyer said...

جم تعطيني و ما انشررررررر طوره كبتج !!؟؟؟؟؟


;))))))))


انا قااااااااااااعده اهدد

استجيبي لتهديدي

ههههههههههههههههههههه

lawyer said...

طوره = صوره

ههههههههههههههههههههههه

اي صح ليش احنا الكويتين الي بسسسسسسس عندنا دار خماجيييييير

و اغراض و مدعسيييييينن


ليشششششششششش الكبت فيه

100 بدي ما ينلبسون

و ليش عندنا بديات
فضي و ذهبي

من عشر سنين ما قطيناهم يمكن اي يوم نعتاااااااز


مدري مدري


هههههههههههههههههه

ليش احنا الحريم عندنا 10 كبتات
و ريايلنا نعطيهم رف
!!!!!!!

Smile said...

ذكرتيني قبل خمس سنين يوم تزوجت و كنت اساعد صديقتي تشيل اغراضها علشان تنقلهم لبيتها
كان عندها جوتي رياضه من اربع سنين يعني لو الحين عندها اياه جان صار له تسع سنين
يلوع الجبد
ولا كانت متردده انه تقطه
توني مصفى مكياجي وشريت يديد .. احس حزر يبيله كان شي يديد
ما احب اخلي شي قديم عندي
الا كتبي ما احب يجيسهم

حتى الدببه اللي ريلي يابلي اياهم عيالي ما خلولي شي

Dr. Saleh said...

هذا وإنتي شباب وجذي
إشلون لما إتصيرين عجوز
إتصور ماكو تاير ,كرسي مكسور ولا بايبات إلا خاشتها
وبمنطق يمكن أحتاجها بعدين

Dr. Saleh said...

وأيد كلام محاميتنا ليش الكبتات دايما لكم
وحتى الرف اللي معطينه لنا مخاشرينا فيه
وحتى كبتات العيال ما إسلمت من خلاجينكم واللي ما راح تلبس مرة أخرى

eshda3wa said...

im like that
i cant throw ANYTHING away, i have a hard time throwing my old toothbrushes! i get attached, and everything has a sentimental value.

charisma said...

عندج وعندى خيير
واااو وسالفة اخاف احتاجه اتحررررررر
اتلاقينه يقعد سنين الى على بو اخاف احتاجه
هههههههههه

ماساة

انا مثلج احب اخش وعندى اشياء ما اقدر اقطها والسبه ذكراها

انا حتى لعبتى باربى عندى ترى خاشتها
حق اذا يتنى بنت
لووووووووووووووول

اهم شى بالموضوع

الله يعطينى الدافع انى اسنع والبق مثل ما لبقتى

:)

فركاش said...

لوووول.. أحلى شي مودم اللخمة ;p

انتي احس مني انا عندي اوراق و كتب من ايام الثانوي يعني صارلها 10 سنين
...
و الوالدة فاقدة الأمل فيني ما قامت تدش داري (بيني و بينك لما تدشين الدار كنه صاير فيها حرب)0
...
و الوالده كله لما تطفر تقولي الله انت بتفشلني اذا تزوجت مرتك بتقول امه ما ربته اقوله من قالك بتزوج!!!؟
هني توصل مرحله خلاص ما تتحمل فتطلع ;p

cafe_namlet said...

a9lan a9lan ana m7arbech a9lan

LaiaLy_q8 said...

ya 7ubiii enii astakhli9 min el ashyaaaa2 elii 3indii
e9eer el 3eeeed 3edain mithil ma egoloon

Яeema said...

3baid

we have it in 2 seasons , summer and winter :p




mishari

ما قمت أطالع التي في

بس أاتوقع أوبرا كانت تتكلم عن إللي كلش ما إتنظف
فيهم فوبيا
الله يبعدنا عن هالشي


الديسكات خاشتهم حق إللي أحبهم وايد بالدوام و يبون يتسلفون ديسك

ههههههههه



تبي واحد؟؟




almas

hehehehehhehe
لا الريسيفرات ما أيمعهم
عندي أول دي في دي شريته

مخليته حق اليهال إذا يوللي الصاله يفقصون فيه بدال إللي محطوط

the tooth.fairy said...

hahahahahahahaaa


Reeeeema mo sijj, laish? l2ni ilyoum badya asawi jard. halla7tha, bss makhtha break atnaffah :P

oo twni emtab3a Tyra Banks show, oo ham kan yetkallam 3an il 3afsa wil tarteeeb. Aaana ma 9addagt 3ala allah aro7 amreeka b3eed 3an 7annat il mama (etmoot 3ala tesuffu6 il kabatat oo il jard) hewayat'ha

laish matsaween Garage Sale, nfs il amreekan? :P

Ra-1 said...

ريما نبي صور ;)

Яeema said...

tru faith

hehehehheheheheh
at least i remind you of something you love :p




lawyer

هذا مو كبتي
هذا بس درفه الباديات
هههههههه
ههههههه


عندي هالغرفه مالت الخماجير تحت بالسرداب
بعد ما يالها الدور بعد

واااااي يضيق خلقي من أنزل فيها



smile

أغراضي القديمه لما الحين في غرفتي ببيت أهلي
إعيزت أمي تقوللي تعالي صفي شغلج
ماكو فايدة
هههههه
هههههه
إلا أصورلج دبي إللي صارله عندي
من سنه
1976

Яeema said...

dr.saleh

إذا كبرت بتعيمه
بقل كل شي جدامي يذكرني بشبابي
ههههههههه


eshda3wa

LOOOOOOOOOOOOOOOOOOOOOOOOOOOOOL

Good good their is some people alike

my old toothrushes i use them to polish things
lol





charisma

والله العظيم صدقيني
من أتخلص من الشي ألاقي نفسي أبيه

لو موجود جان ما إحتجته

ههههههههه
ههههههههههه


إذا سافر زوجي إنشاء الله
بتكون زوارة عندج

بلبق وياج
هههههههه
هههههههههه

Яeema said...

فركاش

إييي إشلون أقله و قالولي أمانه؟؟؟

بالله إطلبوه مني؟؟

و بعدين بالكويت ماكو ريسايكيلد

شسوي يعني؟؟

أخرب البيئه؟



يطري علي لما كنت بالجامعه أدرس
ما أعرف أدرس و غرفتي نظيفه و فاضيه

أحس إني مو قاعدة أدرس بضمير
ههههههه
هههههه

Яeema said...

cafe namlet

:(





laialy_q8

hehehehehe wanas ma tabeen yakhlo6onich weyay eshway??

;)




the tooth fairy


asawy sale o ana maby atkhala9 menhoom?


leeesh? hmmmmmm madry leeeesh

shay et7ebeeena

like i have a bejama , baby blue color , i cant wear it unless my husband is not in the home , i LOVE IT ! and I LOVE sleeping with it !

shasawy!!!!

as a wife you cant be or wear what you like or love always

moshkela tara!






ra-1

the pictures i will send them by e-mail for you

akhaf bacher yegolon etteshe7aa6 she got lots of places to keep her stuff

hehehehehhehehe

Krakatoa said...

نفس الحاله..بس اغراض رجالية ام العيال ملت واهي تندف فيهم وهم اطلعلها خماجير مدري من وين

تدرين اجريلج ستورج روم بصبحان وحطيهم فيها

:)

barrak said...

كان ودي اقولج قطي علينا واحد من السيشوارات اللي عندج
بس للاسف راح وقت الشعر بالنسبة لي
نصيحه وزعيهم عالفقاره
واخذي اجرهم الا عدة الحداق خليها
من اغراضك فهمت شخصيتك الراقيه

el_assel said...

هـــــــــاي ريما
اعتقد ان سر الاحتفاظ بالاشياء دي ممكن يكون حاجة من اتنين اما ان انتي عايزة تسيبي حاجات ذكري لاشياء عملتيها او هو ارتباط بينك وبين الحاجات دي مع تحياتي

snowflake said...

الللللله يساااامحج

حمستــــــــــيني
بديت بالجرد و ياااااا ليتني ما بديييت
يبيلي سنة علما أخلص
انقمت قلبي

أبي أفهم شي واحد محيرني

شلون يرراره وحدة حجمها متوسط يطلع منها اللي يترس 3 جياس سود و هم تبقى متروسه؟؟؟

بـركـــــان said...

i hope thats not a real pic. of your messy room!!

Borkaan disregard all the heat and the hate and all LAVA inside him is very neat person

my best wishes

3ateeja said...

بو طبيييييييع ودامج دثره بتظلين دثره لا تحاولين هذا شي بالشخصيه
سأليني انا اللي قامت اختي من وراي اذا سافرت تسوي الجرد ولا ررديت من السفر طااااااااااخ وطييييييييييييخ

kila ma6goog said...

حالي من حالج

تيين نفتح متحف؟

Purplecious said...

:)

2 u ALL said...

وزعي كل شئ ما تبينه ..!! بس خلي الذكريات ..!! مختصر مفيد ..!!؟

Q8DOLL said...

انا عندي نفس المشكله
عيل شر ايج باللي تخش الاجياس مالوت المحلات اذا كانت حلوه؟ عندي اقدم جيس مال جس سنة 94 يعني عقدة الأجياس بدت من 12 سنه
وغيرها شغلات وايد
وأمي كله تزفني
تقولي أم الخلاجين :)